|
رد: فتاة 35 غير مرغوب بها!
اقتباس:
|
رد: فتاة 35 غير مرغوب بها!
اقتباس:
شوفي نعم ربي عليك! انتي بصحتك، وبقوتك، ماتعانين من مرض! ماتستخفين نفسك عند اللي اللي ماعندهم اطراف ومنجزين بحياتهم وينتجون! ويبتسمون فوق كل هذا؟ بذمتك وش همك عند اللي يعالج بالكيماوي من مرض خبيث؟ وش همك عند شخص اهله كلهم توفوا وفقدهم بحادث؟ غمضة عين! وش همك عند اللي مرمي بالشارع ماعنده كسرة خبز ياكلها؟ اهلك موجودين مانتي مقطوعة من شجرة ولا مرمية بالشارع! عندك سقف يؤويك فوق راسك! عايشة بامان مانتي خايفة! تاكلين وتشربين وتنوعين! حتى وقت فراغك نعمة! وللاسف قاعدة تضيعينه بحكي فاضي ماله اي قيمة، ويمكن يضرك بعد اصحي لنفسك ترا محد داري عنك، تستنين ربي يعاقبك على تسخطك؟ ماتخافين يعاقبك بالنعم اللي عطاك اياها يالله عشان تحسين بقيمتها؟ ماتخافين يعاقبك بصحتك؟ نفسيتك؟ اقرب الناس لك؟ وحتى الزواج اللي تصبحين وتمسين عليه واللي يمكن ماثر حتى على علاقتك بربك؟ ان ربي يعاقبك ويرسل لك زوج من اوطى خلقه؟ يصبحك ويمسيك باهانة؟ ولا يخونك ويبلاك بمرض جنسي؟ ولا يعلقك لا انتي بارض ولا سما؟ اصحي ياحلم.. اصحي! الحياة فيها اشياء كثيرة! عارفة كلامي ماراح ينفع فيك ومستحيل تقتنعين انك غلطانة.. كل مرة تنزلين موضوع تستنين طبطبة بس هذا واجبي كانسانة... اذا علقتي قلبك بشي ثاني بعيد عن الله.. عذبك به |
رد: فتاة 35 غير مرغوب بها!
كلامك صحيح والله وصادق يعني حرام اطرح وجهت نظري وافضفض !
|
رد: فتاة 35 غير مرغوب بها!
اقتباس:
قريبتي كذا كانت ويااما نصحناها مافيه فايدة للاسف الشديد وتزعل بسرعه وفي الاخير قبل مدة تزوجت واحد شاب و بغت تتطلق منه من ثاني يوم وتطلقت منه بعد اسبوعين وبعدين مرمطها ماعطاها الورقة ولا زالت يائسة ومتشائمة .. طبعا هي في نعمة الحمد لله واهلها مو مقصرين عليها ولها كلمتها انا اشوفها في نعمة تحسد عليها صراحة واقول احمدي ربك ماجبتي اطفال يقطعون قلبك عمرها 35 وللمعلومية مش كل متزوجة مرتاحة بعضهن يشوف الويلات وتتمنى تكون عزباء من دون اطفال بدل هالجحيم . |
رد: فتاة 35 غير مرغوب بها!
اقتباس:
كل الناس تفضفض وتنتهي وتعيش.. بس ماتتسخط ولاتحط نفسها بقالب واحد.. يعني اما زوجة او تعيسة؟ تنقمين على المجتمع وافكار المجتمع.. تشتكين من كل احد كانه مسؤول عن اللي انتي فيه.. تكتبين مواضيع وترفضين وتزعلين لما احد ينصحك لازم احد يسايرك صحيح المجتمع فيه مفاهيم و افكار خاطئة.. لكن المجتمع وافراده ماهم مسؤولين عن نظرتك التشاؤمية السوداوية للحياة.. المجتمع وافراده ماهم مسؤولين عن تحديدك انتي لقيمتك وقياسك لها بحالة اجتماعية! ولا هم مسؤولين عن انعزالك وانخراطك بهذا التفكير.. ولا هم مسؤولين عزلك لطموحاتك وحصرها بكونك "زوجة" وفقط زوجة بغض النظر كنتي سعيدة او لا! انتي الوحيدة المسؤولة.. حياتك اختياراتك وانتي حرة ولا تنسين ان العمر يمشي والوقت مايرجع الله يكتب لك الخير |
رد: فتاة 35 غير مرغوب بها!
قال سبحانه وتعالى
(فإن مع العسر يسرا إن مع العسر يسرا) (وتوكل على الله وكفى بالله وكيلآ ) ليه كل هالحزن والتشاؤم والقنوط من رحمة الله ياأختي ارحمي نفسك من كثر التفكير بنفس الموضوع لاتشوفي وش ناقصك >> شوفي وش ربي عطاك واحمديه واشكريه عيشي حياتك انبسطي مع أهلك واحبابك أسأل الله العظيم أن يشرح صدرك وييسر لك أمرك |
رد: فتاة 35 غير مرغوب بها!
Vanityسؤال انت شكلك متزوجه ومبسوطه ومانتي حاسة بمعناتنا قاعدة تسمين كلامي تسخط واعتراض ! لانك مو حاسة با الي فينا
الهم مجتمعنا ظالم وبقزة وظلمنا بقوة مجتمعنا مايبي الا موظفه وجميلة ! |
رد: فتاة 35 غير مرغوب بها!
ها يا حلم..
شفتي انك حاصرة مبسوطة بكلمة "متزوجة"؟ لا متزوجة ولا شي ولا اشوف المجتمع له ذنب لو ماتزوجت :) نهاية كلامي.. حطي كل شي بموضعه وحياتك بتمشي.. قد يكون اللي انتي فيه ابتلاء لك اذا قلبك معلق فيه وتنبيه من ربي.. الله يكتب لك الخير سواء كان الخير بزواجك او لا |
رد: فتاة 35 غير مرغوب بها!
اجل انتي ماتبين الزواج هذا شي راجع لك وانا حرة برائي
|
رد: فتاة 35 غير مرغوب بها!
على قولتك المجتمع يبي موظفه وجميله
وزيدي عليها صغيره بعد وزيدي عليها رشيقه وزيدي مالها تجربه زواج سواء ملكه او دخله وفي سن 35 راحت علينا وش نسوي عاد |
| الساعة الآن 09:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©