|
رد: مشكلتي مع زوجي لغز مو قادره احله تعبت وال
أخي عضو قديم
الله لايجعلنا من اللاتي يكفرن العشير !!! |
رد: مشكلتي مع زوجي لغز مو قادره احله تعبت وال
اليوم كان المفروض اسافر مع اهلي
لقيت زوجي غايب عن دوامه وصحى قبل الظهر وانا ارتب الشنطه قال على وين.. قلت مستأذنه منك اسافر مع اهلي قال غيرت رأيي ماناقشته وتركته.. وهو ترك البيت وطلع واتصلت بامي واعتذرت بحجه تعب الحمل بس كنت معصصصصبه منه وهو جاب معه غداء من برا بس رفضت اتغدى معه بعد المغرب جاني من نفسه يقول انتي كيف فكرتي تسافرين وبيتك منهار!! قلت له انا ماعملت لك شي.. انت اللي هاد البيت لك اكثر من اسبوع المهم طلعت القصة غريبة وتقهههههر اثاريه زعلان على شي ظالمني فيه يقول ذاك اليوم الساعه 5الصبح كنتي مخبيه الجوال تحت الغطاء وتكلمين احد وخايفه اشوف محادثه الواتس اب وانا حاولت اتذكر.. وقلت لا ماكنت اكلم احد كنت اقرا محادثات متكدسه بالواتس اب لاني صحيت فجأه وهو عصب يقول لاتكذبين علي!! انا شفتك تكتبين!! من قهري بكيت وحلفت اني ماكنت اكلم احد واصلا لو اكلم اختي او صديقتي بقول له قال ليه كنت مخبيه الشاشه قلت عشان النور مايزعجك ويصحيك وانت جنبي قال انتي تخصص مراوغه!! ويقول هالموضوع متعبه من زمان.. اني اتصفح جوالي وقت النوم قلت له كان سألتني وقتها ووريتك الشاشه قال كان بتصير مصيبه وقتها اعطيته جوالي وطلبت منه يتصفحه والمشكله يتهمني اني ماسحه المحادثه الخياليه اللي براسه ومصر انه شافني اكتب وقتها!!! انا انقهرت وبكيت وقلت الله يسامحك واقسمت له ان اللي في راسه تخيلات بالاخير قال عموما اذا انا ظالمك انا اسف وهذا راسك ابوسه.. واوعدك اعوضك بالسفره باحسن منها قلت له ما ابي منك شي.. بس مقهوره انك ماتثق فيني قال لو ما اثق فيك كان ماتركتك لحظه بالبيت.. بس انا تعباااان يحلف انه من ذاك اليوم حاس بقهر وغيظ وانا مصدقته لانه غيور بدرجه مخيفه وياما طربق الدنيا على راسي باشياء تافهه زي مثلا: غطي طرف ساقك، قصري صوتك الخ وانا رغم عيوبي وعصبيتي وطوله لساني احيانا الا اني قسما بالله العلي العظيم عمري ماخنته ولا عمري كلمت شباب من وراه وهذا اللي قاهرني.. شكه فيني بدون دليل كلها اوهام وخيالات براسه والمشكله اني حسيت بعد طول النقاش انه متأكد من خيالاته وهالشي مضايقني ولاحول ولا قوه الا بالله |
رد: مشكلتي مع زوجي لغز مو قادره احله تعبت وال
الله يهديه عيشك بقلق
تصدقين دايما اتصفح جوالي وقت مايكون نايم وخاصة بالفجر واخلي الشاشه مظلمة وجا فتره عاتبني فيها بس بينت له اني اقرا الاذكار يعني فعلا يضايقهم هالشي اذا هو شاك فيك اعطيه الجوال قولي له خليه عندك كم يوم اذا شفت شي تعال حاسبني ربي يهديه ويصلح حالكم المهم انو اعتذر والف مبروك 😊 ربي يسعدكم ويبعد عنكمم المشاكل |
رد: مشكلتي مع زوجي لغز مو قادره احله تعبت وال
ايه والله عيشني بقلق واثاري السبب مجرد خيالات براسه
والمشكله اذا قلت له تشك فيني ينكر يقول هذي غيره مو شك انا رجل شرقي طبيعي اغار المشكله غيرته مبنيه على اشياء غريبه مصر اني كنت اكتب وقتها.. وانا والله ماكنت اكتب ولماحلفت كان يقول لي بثقه توقعت تنكرين!! غصب يعني يطلع كلامه صحيح المشكله هو لو يجيه اتصال بنص الليل والله ما اسأله مين اقول يمكن امه او اخته او احد يبغاه ضروري وهو يشتغل بمكان عمل مختلط ولاعمري اهتميت وانا شارط علي ما اتوظف بمكان فيه اختلاط بس كله كوم وهالقصه كوم الحين فهمت ليه يقول انه شي يتكرر الصباح وانه مولاقي له تفسير.. اثاري براسه اشياء غريبه |
رد: مشكلتي مع زوجي لغز مو قادره احله تعبت وال
حلفج
وبكائج وانهيارج قدامه يعزز شكوكه .. ابسط شيء ممكن يقوله : اذا هي مو غلطانه ليش تحلف وتبكي ووو إلى آخره. تكلمي بهدوء وبثقه مع ان ادري ان الشيء يقهر بس حاولي ... |
رد: مشكلتي مع زوجي لغز مو قادره احله تعبت وال
ماقدرت يا زين ابوها
بالبدايه اول ماقال الموضوع انصدمت وضحكت وقلت له من جدك؟!!! هذا الي ابدا ماجاء على بالي!! وكنت معصبه عليه شوي وهو عصب زياده وقتها انقهرت وبكيت.. وقلت له خذ الجوال وفتشه الموقف صدمني لاني مظلومه وهو بداخله مو قادر يصدقني |
رد: مشكلتي مع زوجي لغز مو قادره احله تعبت وال
اقتباس:
اقلبي الطاولة عليه وازعلي عليه اسبوع زي ماعيشك اسبوع بقلق ... |
رد: مشكلتي مع زوجي لغز مو قادره احله تعبت وال
هو رفض يمسك الجوال وحلف ما ياخذه ولا يفتشه
يقول لو بفتش كان ما انتظرت كل هالايام وانا ماعندي استعداد اخليه يتفرج على محادثات صديقاتي واهلي ببساطه مو من حقه.. بيصدق والا بكيفه اما البكاء فغصبا عني من الغصه والقهررررر مظلومه يا ناس والله |
رد: مشكلتي مع زوجي لغز مو قادره احله تعبت وال
بصراحه
شي بديهي يشك من هالحركه ياعمري عندك محادثات متكدسه خليها وقت هوا برا في دوامه مو وهو نايم جنبك أو جالس جنبك بيقول مو مهتمه لوجودي عندها !!!! يااختي لاتزعلين من الحق من جد حركتك غلط انتي عالنيه لكن براسه بيركبه شيطان قصي كل هالامور ولاتتركين للشك طريق. ... المهم وهذا الأهم خليه يعوضك بالسفره الزينه ههههههه بالتوفيق ياقلبي |
رد: مشكلتي مع زوجي لغز مو قادره احله تعبت وال
الله يعينك ياكنافه على زوجك
ضحكت على كلامه يوم يقولك هذي غيره مو شك!! أي غيره!!! زوجك مريض بالشك بس لازم تسلكين له وتتناقشين معه ولا بيركبك خطأ انتي ماسويتيه ليتك قلتيله يعني بالله لو بكلم أحد وماأبيك تنتبه بكلم وأنت جنبي!!!!! الله يهدي بالك ويسخر لك زوجك |
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©