رد: حتى لو مابيننا زعل .. يزعل وينكد علي
 

خخخخخخخ

مافي فايدة فيكي

اجل جهزّي نفسك لصفعة الزمن

رد: حتى لو مابيننا زعل .. يزعل وينكد علي
 

ممكن تترك ردي في حاله يا سيد ( شرشبيل ) !؟
إشراف .. هو الي كان كاتب في توقيعه .. اختاروا لي اسم ..
مالي دخل ..

.
.

انا ما اقصد .. بكش يعني كذاب .. و لا ابغى اخرب بيت الأخت منفردة ..
بكش .. يعني ( المبالغة في الوصف و الي تخلي الوحدة تطلع السماء بكلمة منه ) ..

انا تقريبا اقصد نفس معنى كلام الأخت الإشراقة ..
لا نربط سعادتنا .. بكلمة من الزوج ..

ليه هو .. اذا الزوجة زعلت منه؛ طنشها و راح مع أصحابه و روووووق راْسه !؟
ليه يغيب كم يوم و ما يتصل و لا يسال عن زوجته !!

الزوج يكون - صادق في اللحظة الي يتكلم وقتها - .. و يحب زوجته و ما نقول ما يحبها ..
و ما يقصد الكذب وقتها ..

لكن هو يبالغ بزيادة .. فالمفترض نحن ما نصدق كل كلمة و ناخد كلامهم ( بحذافيره ) ..

.
.

على قولة امي الله يرحمها ..
يكفي انه زوجك ( يعطيك كلام حلو ) ..

انبسطي بكلامه .. لكن لا تصدقيه ^_^
صدقي مشاعره .. لكن لا تصدقي كلامه .. ^_^

رد: حتى لو مابيننا زعل .. يزعل وينكد علي
 

عالعموم ..

كلامي مو اجباري انه أي وحدة تاخد به ..
و كل واحد له الحرية بإعطاء رأيه ..

و الأخت المنفردة .. عندها عقل ماشاءالله
و تعرف تاخد الي ينفعها و تترك الي يضرها ..

مو صح !

رد: حتى لو مابيننا زعل .. يزعل وينكد علي
 

محد حاس باللي فيني .
كنت ابغاه يرد علشان ابدأ من جديد

خلاص ما عاد بتصل
بالطقاااااق وعلى ايش وجع القلب حتى نوم ما نمت

الله حسيبه

رد: حتى لو مابيننا زعل .. يزعل وينكد علي
 

هذا الكلام موجّه للزوجات

طيب ماذا توجّهي للازواج؟

يصدقوا كلام زوجاتهم ولا لأ

رد: حتى لو مابيننا زعل .. يزعل وينكد علي
 

السعادة للنسان مثل الرزق
مثلها مثل الوظيفة والتجارة ....الخ
لابد للنسان ان يسعى لها ويناشدها
ويذلل الصعاب للوصول لها

رد: حتى لو مابيننا زعل .. يزعل وينكد علي
 

يابنتي حاسين فيكي كيف محنا حاسين؟

حاسين ونبغي لكي حياة سعيدة وجميلة ومنفردة من نوعها

بس كنا نريد لكي النهاية السعيدة لأن العبرة في النهاية

رد: حتى لو مابيننا زعل .. يزعل وينكد علي
 

روح الطير

اول ما عرفته كان متحكم فيني عقلي .. فترة الخطوبة لو تشوفي كيف كان يتصل وكنت اطفش منه
مو طفش طفش .. بس ما كنت اهتم له

فترة الملكه ... كانت شهر .. كان كل كم يوم يجيني
وادا امي رفضت لانه اوقات يطول عندنا .. يتصل ع امي ويقولها مو ع كيفك هذي زوجتي

ترتيبات الزواج كملناها انا وإياه حجزنا الحلويات والقاعه وووو مع بعض
كان بس يدور حجه علشان يجيني

كان يجي شقتنا .. ويجلس فيها ويتصل عليا
كنت اقوله ماني فاضيه عندنا ناس
يقول روحي عندهم عشره دقايق وتعالي كلميني ربع ساعه
صرت اروح للناس ربع ساعه واجي اكلمه عشره دقايق

اتذكر قبل الزواج بيوم انا مشغوله وهو بيسولف
مسكني بالجوال ساعتين الا وانا ع أعصابي بروح اخلص أموري

قال اطلبي واتمني قلت شهر العسل ابغاه بجزيرة ... وكان ليا اللي ابغاه
كان يأكلني بيده .. يشحن لي جوالي لما يصحى من النوم ... يدلعني ..

اتذكر بالمطار قدام الناس مسك يديني الاثنين وجلس يبوسها يقول انتي هدية من ربي ليا
وربي لما كنت أزعل كان يبوس رجولي
هذا وهو كان عصبي وقتها اكثر من الان .. هذا وانا كنت اتمشكل معاه

الان الان الان
لما حبيته .... صار مو فاضي لي ولا لحبي..
الان لما تعلقت فيه .. صار يبغى يقنن التواصل بيننا ..
الان وانا بالأربعين ما صرت اعجب

وربي اكتب وانا ابكي من القهر
طيب ما تبغاني احبك من بدري لا تفتح مجال
ولا الدنيا بمزاجه وبهواه بس

رد: حتى لو مابيننا زعل .. يزعل وينكد علي
 

اخوي عضو قديم ..

ماذا عن الزوج !؟

الزوج - عقله يحكمه - مو مثل الزوجة ..
فما يحتاج الزوج لنصيحة من احد .. ماشاءالله عقله كفاية ..

الزوجة هي الي محتاجة انها تخلي العقل يحكم العاطفة ..

.
.

عزيزتي منفردة ..

انا نفس الشي كنت مثلك .. و مريت بنفس الي مريتي فيه بالسابق
و الي تمري بِه ( الان ) ..

اسالي نفسك منفردة .. انا كيف كنت - قبل - !؟
اجلسي مع نفسك شوي .. و اكتبي لنا هنا ..

ايش كانت هوايات - منفردة - !؟
كيف كانت تنام لوحدها !؟
مين صاحباتك قبل !؟
كيف كنت تشغلي أوقاتك قبل !؟

جدولك كان مليان مو صح !؟
كان زوجك - جزء من الأجزاء - مو صح !؟

هذا الي نحن نبغاك توصلي له ..

الزوج يسعى انه يحصل على قلب المرأة ..
و بعد ما يحصل عليه - يعافه - .. يعني ما يبحث عنه ..

يحبك و يموت فيك .. و ما اقول لك لا ..
لكن عارف نقاط ضعفك .. و عارف انه مهما بعد و غاب ..
بيرجع و يلاقيك ..

.
.

انشغلي يا قلبي بأحلى الأيام مع بنوتتك ..
لا تنتظري حضوره ..

اعتبريها هدية من ربنا و تخيليها بتكون صحبتك ..
تكلمي معاها .. اضحكي معاها ..

روشيها .. اشتري لها ملابس ..
صوريها و تصوري معاها ..

لا تربطي سعادتكم بوجود زوجك او غيابه ..
هو لما يشوفك منشغلة عنه .. هو يبحث عنك و عن اهتمامك ..

حبي نفسك و حبي بنتك ..
ابني لنفسك حياة مستقلة .. لا تربطيها بوجود او غياب اي احد ..

رد: حتى لو مابيننا زعل .. يزعل وينكد علي
 

منفرده
فتره الملكه شي والزواج شي
وفتره انجاب الاطفال شي
مستحيل الرومانسيه تكون هي ما تتغير
مالقول يقلب كره لا
الحب ياخذ شكل ثاني