|
رد: زوجي ضربني وعيني انتفخت
بصراحة يااخواني اني قاعد افكر مثلكم لماذا اختي وردة وريحانه قررت تتصرف بهذه الطريقه معى زوجها ورفضت تبليغ اهلها وفي نفس الوقت تريد الذهاب الى بيت اهلها واخذ حقها من هناك واعتقد اني توصلت لمعرفة ذالك من خلال مراجعة ردودها والتخمين والله اعلم
اولا الاخت وردة وريحانه حسيت انها تبغى تأخذ حقها بنفسها ومثل مايقول المثل (المستقضي بعد سنة مستعجل ) لذالك لاحضنا انها ماتبي تدخل اهلها بالموضوع ومنتضره الوقت المناسب فقط والمكان المناسب ثانيا هي لاتفكر حاليا بالطلاق ولاتريد التخلي تماما عن زوجها ولو حصل وبلغت اهلها بالضرب فهناك احتمال كبير ان ينهي حياتها الزوجيه وقد ذكرتلنا الاسباب واكددت عليها في اكثر من رد؟؟ (اضطراب العائلتين ) وموقف والدها السابق. ماجعلها تفكر بالالتفاف حول العوائق والتفكير بطرق اخرى الضاهر لي والله اعلم انها تريد ان تأخذ حقها بطريقه الهجر والشد والسحب وبصمت (ومن بعيد ) لذالك منتضره الاجازه عشان توصل بيت اهلها ولاتنسو انها قالت انا في غربه وبيت اهلي بعيد جدا وللمفارقه العيد قريب وزوجها هو الي راح يوديها بيده ورجله ......؟؟ يعني وبأختصار بعدمايمشي زوجها من بيت اهلها وتنتضر كم يوم ومن دون مايحسوا اهلها راح تبتدي تنفيذ العقاب وتبدء حرب الاعصاب من بعيد عن طريق الرسائل والتهديد بعدم الرجوع واشياء اخرى كثيره تشفي بها الغليل!!! أختي وردة وريحانه انارجل بس قاعد افكر بعقل امرأة اذا كان تفسيري صحيح اتمنى ان تردي على بعض الاسئله 1-هل تعتقدين ان زوجك راح يتركك ببيت اهلك ويمشي وخصوصا ان المسافه بعيده جدا مثل ماذكرتي واذا رفض كيف راح تقنعيه 2-هل تعتقدين ان هذا الاسلوب (حرب اعصاب او حرق دم مثل مايسمونه )سوف يدوم طويلا واذا حصل وتركك ببيت اهلك هل زوجك راح يتأثر به هل انتي واثقه ان اهلك ماراح يكتشفو الي بينكم اجلا ام عاجلا وكيف سيكون وضعك معى اهلك حينها اتمنى منك رد شافي وصريح حتى اذا كان تحليلي غلط ممكن تسهبي لنا بالطريقه التي تريدين تنفيذها عشان نرتاح ونستفيد انا فيني طبع شين اعذريني عليه اذا ركزت في موضوع اقعد افره براسي احب اناقشه بغزاره واطرح اسئله ولازم اعرفه من اوله لاخره ووووو االخ |
رد: زوجي ضربني وعيني انتفخت
اقتباس:
|
رد: زوجي ضربني وعيني انتفخت
صح انا ناويه اعيش فتره عند اهلي بدونه فترة نقاهه ولاراح ادخل احد بينا الا اذا طال الامر بقول لابوي السالفه كلها ... اما سؤالك اذا زوجي بعد ما اطنشه واعيشه باعصاب هل يرجع لي او لا بصراحه انا مو شايله فكرة يرجع او يطلق او حتى يتزوج انا كل اللي ببالي الان كيف ارد كرامتي .... اما زوجي اذا نزلني عند اهلي يرجع بنفس الوقت لانه ماعنده مكان ينام فيه في مدينة اهلي وبحكم انو اهلي واهله متهاوشين فمستحيل يبات عندهم وبيني وبين مدينة اهلي خمس ساعات او اربع ساعات فقط ... انا حاليا يا اخي افكر اسوي مثله تدرون هو قبل كيف رماني عند اهلي يكيد لي ويمكر لي ... مثال كان بينا خلاف بسيط وزعلنا على بعض يمكن اربع ايام بس كنا نكلم بعض رسمي بعد هالاربع ايام انا بادرت ورحت له واعتذرت وصرنا سمنه على عسل ونسيت انا الموضوع وهو كان يضحك ويسولف معاي ولاكانه صار شي ... بعدين جاني قالي اذا مضطر اسافر شغل مع خويي وبوديك لاهلك طبعا كانت الفتره هذيك متراضين وياخذ حقوقه الشرعيه ولا حسسني ابد ممكن انه يسوي شي المهم وداني لاهلي ونزلني وبعد كم ساعه اتصلت فيه بشوفه وصل او لا صار مايرد ويقرا رسايلي ومايرد ويدخل الواتس ولايرد .. عشت بضغط نفسي ما ادري وش صاير وتمر على الايام وانا اتصل يوميا ومسجان لاحياة لمن تنادي وش صاير رد علي شفيك لكن مافيه رد.. تركته فتره يمكن بعد مرور الايام رجعت اتصل ومارد من اول اتصال رد بعدين وقال انا يهمني اطفالي وقلت وش صاير قال انتي ماتحترميني انتي وانتي وانتي قلت بس احنا متراضين قال لااا مارضيت طيب ليه التمثيل وطلع ماسافر مع خويه ولا شي ... ومع هذا طلبته يجي ياخذنا وكانو اهلي مايدرون على بالهم فعلا مسافر لو يدرون اهلي يمكن الان انا مارجعت بيتي وصرت مطلقه ... تعبت اداري تعبت اركض وراه تعبت اني اهتم بكل شي وهو يشوفني ولا شي .... اخي سؤال اني بعيشه بعصاب زوجي ما اظن انه عنده اعصاب لكن انا ببتعد عشان نفسي ترتاح
|
رد: زوجي ضربني وعيني انتفخت
هو يشوفك ولا شي..
لانك تشوفين نفسك ولا شي وتتصرفين على انك ولا شي.. وهو يعاملك على هالاساس.. هذا الموضوع باختصار.. |
رد: زوجي ضربني وعيني انتفخت
اقتباس:
|
رد: زوجي ضربني وعيني انتفخت
ايش المشكلة لو رحت المستشفى وطلبت من الدكتورة تقرير بالكدمة والضرب ومو لازم تهددين فيه زوجك ولا اهلك يدرون ان عندك تقرير طبي احتفظي فيه ما تدرين ايش الظروف
بعدين ياجماعة ايش انواع التقارير الطبية اللي يعرف يفيدنا مو ضروري تجي الشرطة الا اذا فيه شكوى يعني ممكن تقرير يشرح الحالة بدون شكوى |
رد: زوجي ضربني وعيني انتفخت
مااعتذر
الا اعتذر يوم جاء وضمك وانتي سكتي وخليته يضمك وقالك افطري هذا هو اعتذاره ..😑 هو شافك بعد الضرب ساكته وجالسه ببيتك وجاء ضمك وانتي تقبلتي ضمته حتى لو ع قولتك ماضمتيه ويدك فالتتها استسلامك معناته( انا راضيه ع ضربك وانا غلطانه ) بس جالسه اتغلى عشان تراضيني اكثر... اختي بجيبها لك من الاخر.. واضح وجدا انك ماتبغي طلاق وتحبيه وماتبغي مشاكل فأقول دام مااخذتي موقف من اول يوم عيونك متورمه وكانت الامور من صالحك وخايفه من الطلاق وخايفه من ابوك...فأنصحك تعوذي من ابليس وبطلي عن سيرة اجلس عند اهلي لان هدفك هوا تأديب زوجك وماراح يتأدب بهالطريقه لان اللي حيصير زوجك بيتركك عند اهلك وبيتصل وبتطنشيه وبيعرف انك زعلانه فبيطنش عادي ترا عنده هو يستخدم نفس الاسلوب معاك ماراح تفرق عندو ويتركك الين يطيح اللي براسك وانتي بنفسك تدورينه كالعاده وتتصلين عليه ولما يطيح اللي براسك وتجلسي تدوري عليه بيتغلى ويخليك غلطانه ترا لاتتوقعي انو بينهار او يتعدل ويقول التوبه... زوجك فيه اخطاء كثيره وانتي بعد فيك اخطاء مو عارفه كيف تتعاملي معاه مااقولك تلبسي تكشخي اخضغي له لانك اكيد مو مقصره اقصد اعرفي كيف تتعاملي معاه زوجك يبغاله وحده ذكيه تتعامل معاه بمكر ودهاء وقوه وسياسيه والقوه مااقصد فيها سب ورفعت الصوت القوه اللي اقصدها قوة القلب والبال الطويل... راجعي نفسك وع الضرب ترا انتي اخطيتي بعد هو انسان اخلاقه عند خشمه ومتنرفز ويدور المشاكل وماعندو اسلوب نحط النقط ع الحروف (زوجك مايجي انو بجلس معاك مفاهمه والنقط ع الحروف )وانتي تصممي عليه ورايحه له تلفيه عليك من قبل مااكمل جملتك عرفت انو حيضربك . ردة فعل متوقعه لشخصية زوجك انتي توك ببدايه حياتك ضروري تعرفي كيف تتعاملي مع ذا الانسان روحي افتحي الانماط وشوفيه من اي نمط تثقفي اقري استشيري واسمعي الكلام الاعضاء لما نصحوك انك تأخذي تقرير وتدخلي ابوك كان الحل هو الصائب بالنسبه لزوجك...اذا حابه تأدبيه ودام ماعملتي بالنصيحه ومتخوفه منها فالله يرضى عليك بطلي من حركة اجلس عند اهلي لان نتائجها معروفه انتي مستنيه بس اعتذار منو يعني لو قال لك ي قلبي سامحيني وجاب لك هديه بترضي وتنهي كل هذا ولاتفكري تعاقبينه صح ! الله يهدي زوجك ويسخره لك يارب |
رد: زوجي ضربني وعيني انتفخت
دام بينكم عشرة طويلة وأطفال ... سامحيه وتجاوزي .. وقولي له لازم يعتذر ...
|
رد: زوجي ضربني وعيني انتفخت
استغرب من الي يقولون قوليه له اعتذر!!!
هو المفروض يعتذر منه ومن نفسه يااختي انتي ما راح تطلقي منه ولا تكرهينه الا تحبينه وخايفة تتشوه صورته في عيون اهلك خليك على ماانتي عليه انتي جاية تفضفضي وبس ولا راح تتخذين اي خطوة جدية وما زلتي تركضين وراه وتتبعينه في الواتس اسألك بالله انتي مو انسانة!!؟ ربي خلقك وعندك كرامة والله حرام الي تسويه بنفسك "ولنفسك عليك حقاً". وبالنسبة للي قالوا تخبيب وسامحيه!!! لو كنتو مكانها ما قلتو سامحيه الضرب اهانة شديدة جدا لو جى رجال الحين وكتب زوجتي هاملتني وتخوني وترفع صوتها علي وما ترضى تناقشني كان قلتوا وحدة قليلة ادب ومو متربية ولكن وبما ان الزوجة الي تشتكي صار اللوم عليها لانها تكلمت معاه بوقت غلط!!! وعلى فكرة الزوجة من حقها ان زوجها يعفها والاخ ما يعطيها حقها الشرعي وقاعد يتعامل ع اساس ان العلاقة الجنسية ما تصير الا بوقت ماهو حاب وبس!!! اختي ظلي ماانتي عليه وارضي تعيشي مع واحد خاين ويضربك!! بس تأكدي لو كان العكس وهو الي اكتشف انتي تخونيه ما راح يخليك ع ذمته!!! |
رد: زوجي ضربني وعيني انتفخت
جزاكم الله خير... وكافي تزيدون جروحي جروح ... مين قال ماعندي كرامه الا عندي وللحين متألمه على حالي ... انا ماعاد تفرق معاي وعشان اوضح لكم الصوره تراه اول مره يمد يده ... اليوم الساعه 7 الصبح كنت شابكه بالواتس وارسل لي مانمتي العيال نامو طنشته مادخلت على محادثته وطلعت من الواتس ونمت وماجا الا الظهر من اخوياه ... صحيت العصر اجهز فطوري هو يفطر مع اهله مو معاي دخل علي المطبخ قالي تبين شي وانا معطيته ظهري اشتغل قلت لا ببدون نفس لاني من طايقته ... وبنتي كانت تبكي تبيه قالي اخذيها بنحاش مابيها تبكي اكثر جيت اخذت بنتي ضمني بس انا اخذت بنتي وبعدت عنه على طول.. مو قادره اشوف وجهه احس اذا شفت وجهه يزيد كرهي له .. ابي الطلاق ومرات اقول مابي استعجل وخصوصا انها اول مره ومرات اقول لا مايرضيني الا طلاقي واهلي مالهم شغل مابي ازيد النار حطب يكفي ان ابوي واخوانه متفرقين ومشتتين ومايكلمون بعض من ثلاث سنين مابي ازيدهاااا ...وكلت امري لله
|
| الساعة الآن 11:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©