|
رد: زوجي والهدية
ونعم بالله
الله يعوضك خير عن مامضى ويجعل ايامك سعادة ومليئة براحة البال والله يهدي زوجك |
رد: زوجي والهدية
قلتي كلمة قويه
وهي أن زوجك يذهب لصاحبة الذي يخبره بكل شيء؟؟؟؟ هل أنت متأكدة من هذه المعلومة لأنه ممكن يكون التغييرات المفاجئة جاية من هذه الجلسات |
رد: زوجي والهدية
اقتباس:
هو اعترف لي بهالشي اول سنه زواج يقول احمدي ربك ماطعت فلان وفلان هذا من اعز اصدقاءه ودايم معه بعدها بطل يعلمني بس وقت المشاكل يرتز عنده ومره قلت بمزح ما اطيق فلان ولا احب يزورنا عصب وقال انا الرجال واقرر من يزورني فسكت وماجبت طاريه |
رد: زوجي والهدية
شخصية زوجك يصلح معها وحده بثره عبيطه لكعه
هذي تخليه يلف حول نفسه وهو يحاول يستفزها بس مافيه امل (بختصار تنفع معه الشخصية البااااارده) |
رد: زوجي والهدية
تناقشت معه وجلس يبرر
قال كلام ما اقدر اصدقه مثلا قصه مكة يقول امي قالت لي خلوها بعد العيد واروح معكم قال لي ماحبيت اعلمك ان السبب امي قلت كان دورت اي رد غير ماتستاهلي!! كيف اخذ لسانك على هالكلمة وامس اتهمني اني قلت: لما كنت كذا انت وامك كنتو كذا وانا نطيت وصرخت لا تالف كلام حرام عليك الظلم انا قلت لما انا كذا انت كنت كذا ماجبت طاري امك عيب عليك انت عارف اخلاقي كنت مصدومه قال اجل انا سمعتك غلط ومسكت نفسي لانك تتكلمي بسرعه وقت عصبيتك قلت يعني ركبتني جميله الحين؟!!! قال لا بس حتى تعرفي اني ما ابي اخسرك المهم كلام كثير طلع براسه مغالطات كثيره بس لازالت كلمته "ماتستاهلي" ماكله معي لاني اعرف ايش اعمل وايش اقدم واعرف سعري بسوق الحريم مضبووووط وقلت له ما اسمح لحد يقول لي هالكلمه قال طيب انا اسف حقك علي واستأذن يروح يدخن قبل الاذان زبده الكلام هو فرح اني كلمته ماصدق اعطيه فرصه للنقاش وهذا خلاني اندم بيني وبين نفسي اكيد بينبسط ويفتك من المشكله قبل السفر وانا انغث من تصرفاته وفوق كذا اجلس لحالي لو صابره وساكته افضل بس بنفس الوقت فهمت بعض الهلوسات اللي براسه صبر جميل والله المستعان |
رد: زوجي والهدية
اقتباس:
اكتم اكتم اكتم بعدين انفجر وسهل استفزازي.. وجهي ينعفس بسرعه |
رد: زوجي والهدية
اتوقع لما هو قطع نقاشنا
واعتذر واستأذن فجأه ولا رجع للنقاش.. صلى ونام لانه يبي يقلب الكلام اللي قلته براسه هو بطبعيته بطيء في ردات فعله يحب يحلل كل شي مع نفسه قبل ياخذ موقف وانا ابوقف المقاطعه اللي بينا وبكلمه بكرا عادي بس برسميه شوي لان عمليا ما خرجنا بحلول ولا كملنا نقاش اكثر شي لفت نظري انه يكرر: مشكلتك انك قويه!! ما ادري وين هالقوه وانا اتبكبك وخاطري مكسور والله النسمه تجرحني.. بس مافهمني |
رد: زوجي والهدية
أظهري له ضعفك أمامه قول و فعل
و أكثري من الدعاء و أكثري من العمل على إصلاح تدينه و صلاته |
رد: زوجي والهدية
اقتباس:
كنافة زوجك رجل .. تعرفين وش يعني رجل .. يعني يبي يحس إنه القوي في حياته الزوجيه .. وأنتي أنثى يعني المفروض تكونين ضعيفة قدامه .. الضعف الأنثوي إللي يجذب الرجل ويجيب رأسه .. معاك إن بعض تصرفات وكلام زوجك يقهر بس تراك سبب في أكثرها .. وش فيها لو سكتي ومارديتي .. ولا لو قلتي مايصير إلا اللي يرضيك .. حبيبتي الزوج يبي يحس بقوامته وضعف زوجته أمامه .. تعلمي ماتردي على زوجك وكيف تحولي الأمور لصالحك وبتشوفي العجب .. الله يسخركم لبعض.. |
رد: زوجي والهدية
محب السنه
اذا بتصنع الضعف بعد اللي عمله فهذا يعني ان سياسه الاذلال تنفع معي وانا ما ابغى اوصل له هالمسج لكن فعلا مالي ملجأ الا الدعاء الله يبرد ناري لاني فايره قهر ويهدي النفوس لست كغيري اذا انا فعلا قويه فترى اغبى شي محاوله اذلال القويه واهانتها وسبها ومواجهتها بقوة مضاعفه هذا اسمه صراع الجبابره انا اعرف نفسي اجي باللين وحسن المعامله واسلوب اعطاء الامتيازات يطوعني بيده وياما قلت له هالكلام بس مافاد الضعيفه هي اللي تخضعها القوه وانا والله ماراددته الا هاليومين لما اتفق هو وامه من وراي على مكه وقال بوجهي ماتستاهلي سكت وقلت براحتك رغم ان تصرفه بالحالتين يقهر يعني تنازلي عن كل شتايمه واغلاطه علي مايعتبر ضعف؟ اذا استثنينا اخر يومين استسلامي لكل قرارته المجحفه مايعتبر ضعف؟ ماراددته بشي ابد ولا سألته عن امور كثيره بخاطري لها مده الا هاليومين صبرت صبر ايوب على اشياء ماينصبر عليها وهو بلسانه معترف: ابهد حيلك هد تصرفاته معي فيها كره عظيم وانتقام احس انا وهو عايشين بصراع طبقي مع ذلك غضيت الطرف كثييييير حتى احداث ذكرى زواجنا شوفي رغم بشاعه اللي عمله وقاله يومها صحيت وما كأن صار شي بالله فيه وحده تصحى ثاني يوم مروقه مع ذلك رجع يهزئني على ذات الموال ضغطني بكل مافيني اذا هو عنده مشكله برجولته لا يدورها باهاناتي يروح يصلح رجولته مع نفسه والا يتشاور فيها مع امه اللي شغله معها اسرار واتفاقيات شكرا لست كغيري بس مو كل الرجال رجال فعلا |
| الساعة الآن 06:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©