|
ان كلمتيه بتخربين كل شي
خليه يحس أنك ممكن تعيشي من غيره وانا سبق وقلت لك تفكير الرجل يختلف عن تفكير المراءه كلما زاد بعدك عنه زاد أشتياقه لك لازم تبرمجي نفسك علي هاذي القاعده الله يوفقك ويختار لك الصالح |
[QUOTE=ليش كذا;2670439]توقعاتي...
انه يرجع وتجلسين معاه ست شهور من احلى شهور حياتك -مش لانها كذا لا بس لانك متلهفه عليه ومقنعه نفسك انه جنة الدنيا - بعدها تبدا المشاكل ستصبرين عليه من سنة الى سنتين حسب وجود الاطفال وربما تزيد الى خمس وفي النهاية حيكون الطلاق الذي تندمين معه انك رجعتي له فعلا كلامك صحيح اخي الله يستر والله خايفين عليك ياندمانه وقلوبنا معك الله يكتبلك اللي فيه خير لك ويعوضك ربي |
لاتكلـــــــــــــــــــــــــــــــــــــــــــــ ـــــــــــــــــــــــــــــمينه انتبهي
|
أشكر لكم حرصكم ونصآيحكم وخوفكم علي .. على رآسي أنتم مثل مانبهتوني وحذرتوني أنـا مـاراح أكلمـه وإن شاءالله يوم الخميس بيزورنـآ دعوآتكم دعوآتكم دعوآتكم .. إن شآءالله يكون يوم الخميس خير يآرب |
اقتباس:
آميـن ويكتب لك الخير بحيآتك بـ النسبه لتوقعآتك بسم الله عليك صحيح وسبق قآلهآ لـي طليقي قآل يمكن نرجع وتصير نفس الأحدآث اللي أنت ذكرتها يعني بعد سنه سنتين يصير فرآق و طلآق خلينآ نفترق بأول الطريق أفضل لي ولك بس أنا كنت متفآئله .. أحترم رأيك أخوي .. بطليقي |
ان شاء الله تبشرينا بالاخبار الحلوة
|
نبغا الأخطاء اللي وقعتي فيها
عشان نستفيد ونشوف هل هي بسيطه فعلا او كبيره |
بـ النسبـه لأخطآئي : - أنا إنسانه حيويه و بريئه وهـ الصفتين فيني آثرت علي ببدآية حيآتي مع زوجي - بالنسبه للي بين الزوج والزوجـه أنا تعبت زوجي فيـه بالبدآيه كثيييير ماكان من قصد فقط خوفآ من الألم - أحدى الأيام فيه شغله كبيره قالي زوجي : لا تسوينهآ وأنـا وافقت وقلت له : أبشر وسم لكن بعد أيآم سويتهآ .. يقول : كسرتي كلمتي ولا أحترمتيني مع إني أنـا سويتهآ كنت بلحظآت أرتبآك وأزعآج وسويتها ووصلت لزوجي عن طريق وحده من الأخوات الله يسآمحهآ ( كانهآ تبي تخرب بيتي ) ومن بعدهآ الرجآل بدأ يتغير ! - من أخطآئي قليله الكلام والسوالف مع زوجي ببدآية حيآتي الزوجيه ( يمكن حيآء مدري ) - أهتمآمي فيه أحس انه قليل جدآ مدري لأن مـاأستقريت ببيت أو المده غير كافيه أو خبرتي بالحياة الزوجيه قليله - بالنسبه للطبخ مـاطبخت له ولا يوم لأننا مـاأستقرينآ سكنا بشقق مفروشه يعني فقط قهوه وشاي طبخت له العامل الأساسي اللي أتعبني كـ عروس ( عدم الأستقـرار ) وعدم وجود بيت آمن لي من البدايه لكن الحمدلله مـاقد رفعت صوتي عليه مـاقد رفضت له شي مـاقد مديت يدي عليه كلمتي له سم وأبشر وأهله وأمه وخواته حاطتهم بـ عيوني ومن أول يوم زرتهم دخلت مطبخهم وشلتهم فوق رآسي يمكن أحيآنآ مـاأحترمته بـ أشيآء بس يمكن من غير قصد يمكن لأني مـاتعودت عليه أو لأني لسآتي مـاطلعت من أجوآء أهلي يمكن ويمكن .. |
أختي ندمانه
كل الأشياء اللي قلتيها بسيطة جدا لكن - أحدى الأيام فيه شغله كبيره قالي زوجي : لا تسوينهآ وأنـا وافقت وقلت له : أبشر وسم لكن بعد أيآم سويتهآ .. يقول : كسرتي كلمتي ولا أحترمتيني مع إني أنـا سويتهآ كنت بلحظآت أرتبآك وأزعآج وسويتها ووصلت لزوجي عن طريق وحده من الأخوات الله يسآمحهآ ( كانهآ تبي تخرب بيتي ) ومن بعدهآ الرجآل بدأ يتغير أختي وضحي هذه النقطة يعني كلمتيه من جوال وحدة من زميلاتك كااختبار له هل بيرد ع رقم غريب اولا جاوبني زوجك ابوه اللي زوجه ولا هو تزوج من جهده وعمله |
اقتباس:
لا واللـه مـاقد فكرت بهـ الحركه لأني وآثقه فيـه لا هي حصلت حفله لي بعد زوآجي وفيه أتفآق بيننآ على إني ماأفعل كذآ بالحفله وبلحظه أرتبآك وأنفعآل بين الضيوف أنا سويت ذآك الفعل وقلت كلام مو حلو .. ماكنت أحس ونسيت الأتفآق بيننآ وللأسف وحده سمعتني ووصلت كل اللي سويته وقلته لـ زوجي .. وبنفس اللحظه كلمني وقآل : خسـرتينــي ! وأنا أعتذرت له وقبل أعتذآري بس حسيت أنه هو من الأسبآب للطلآق بالنسيه لسؤالك الثآني : تقريبآ 80 % أبوه .. و20 % زوجي |
يعني
قلت عنه كلام موحلو وهل كان احد من قريبته موجودات ؟ وهل الحفل زواره ؟ واذا ابوه زوجه والله ماعرف قيمتك وقيمة وحدة زيك تحافظ عليه أختي فضفضي لي اعتبري اني أختك وسامحيني ع كثرة اسئلتي لاني احس بذهول |
اقتباس:
لا ياقلبي بلعكس من حقك تسألي لنعرف بالنهايه الخطأ مني أو منه بس للحين أحس بتأنيب ضمير على الفعل اللي سويته بالحفله وكل ماتذكرته أبكي بقوووووه ... لأني فعلن ماأحترمت زوجي وخنت اتفاقنا |
طيب ممكن تقولين لي اتفاقكم كان على ايش
يعني قال لاتلبسين كذا وقمتي ولبستي شي مايرضيه ..... قال لاترقصين وقمتي ورقصتي لأن مافيه شي يدعو للطلاق فيه ايه كريمه قال تعالى ( يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ ۖ وَاتَّقُوا اللَّهَ رَبَّكُمْ ۖ لَا تُخْرِجُوهُنَّ مِنْ بُيُوتِهِنَّ وَلَا يَخْرُجْنَ إِلَّا أَنْ يَأْتِينَ بِفَاحِشَةٍ مُبَيِّنَةٍ ۚ وَتِلْكَ حُدُودُ اللَّهِ ۚ وَمَنْ يَتَعَدَّ حُدُودَ اللَّهِ فَقَدْ ظَلَمَ نَفْسَهُ ۚ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا (1) يعني الطلاق مولعب ماتخرج المراة من بيتها الا اذا سوت فاحشة والفاحشه تكون ببينة يعني شهود الله كرم المراة واعزها الله يهدي هالشباب |
اقتباس:
صدقتي يالغاليه الطلاق مو لعب بس هالشباب عند اي تصرف من البنت يروح يطلق كان الزواج لعب .. أنا أعترفت له إني أخطيت بتصرفي بس ماتوصل للطلاق |
حبيبتي لا تشلين في خاطرك ولا تكبرين الموضوع وتبالغين في رده فعلك
سالفه الدي جيه لا تذكر من اسباب الطلاق للي يبغى حياته تستمر صحيح انت عصيتي رغبته بس برضوه انت ماسويتي ذاك الشي اللي يستدعي كلمة خسرتيني يالغلا زوجك يحب الزوجه مطيييييييييييييييييييييييييييييييييييييييييعه وتمشي على 1+1 =2 بس انت لا تشيلين هذي السالفه في قلبك كثير غاليتي اتمنى اسمع عنك الاخبار الحلوة عاجلا غير اجل |
ابدآ
موقف بسيط جدا وفي الأخير ماتشغل الدي جيه ونصيحة يااختي اذا رجعتي كل الحذر كل الحذر من اهله لان هذا الموقف بسيط جدا وانتقل له كيف بعدين الحياة تفرض علينا احيانا مواقف كالجبال كوني امامهم زي الصندوق المبهم اللي مايقدرون يخذون منه ولاكلمه احذري احتي احذري شكل زوجك من النوع اللي يرا ويسمع من عين الناس -اهله امه واخواته - ولايرا بعينه فلما يرضوا عنك يرضا هوه واذا زعلوا منك زعل هوه فهمتي علي |
اقتباس:
لانه بأخر مكالمه بيننا ذكر سـالفه الدي جيه وقال : أنتي ماتحترميني ولاشي وأنا آخر وآحد تفكرين فيني أنا والله زوجه مطيعه بس بذاك الموقف تصرفت لأن الوضع كان زحمه وبنات حولي والكل يبي يرقص و و و فكنت أطلبهم يشغلونه لأجل افرحهم ! ان شاءالله الايام القادمه تكون اخبار حلوه لي ولكم يآرب |
اقتباس:
فهمتك ياقلبي بلعكس هو مـايسمع كلام أهله .. ابدأ ابدأ وكلمته تمشي عليهم وهو رجال البيت |
تكفين اختي حتى لو واثقه في اهله خليك عندهم زي الصندوق مثل ماقالت اختينا
|
.............
|
يوم كسرتي الاتفاق لاتلومينه لانه صعب اللي صار له الدي جيه مفتوح وقت العشاء وصوت الدجيه وصل لصالة الطعام والرجال يسمعون صوت الدي جيه
وهو تفشل قدام الرجال يمكن هذا السبب اللي خلاه يطلقك عاداتكم مثل عاداتنا اذا جاء وقت العشاء يوقفون الطق وننتظر الين يخلصون الرجال من العشاء الله يوفقك ويرده لك وان شاء الله انه يرجعلك بس هو مقهورررر م اللي صار بس انتبهي لاتكلمينه خليه يرجعلك من نفسه |
لاتكلمينه واستمري على الاستخاره والدعاء بهذا الشهر الفضيل ان ربي يكتب لك الخير |
ندماااانه والله قلبي تقطع عليك وقلبي يدعي لك
هب يارجال ماقسى قلوبهم قسووووه اعوذبالله مادري وين هم عن كلام نبيناعليه الصلاه والسلام رفقابالقوارير نبكي فرج الله عنك همك والله انووووو مايستاهلك بس حظه حلو اللي انتي ميته عليه ومتشققه عليه هو الخطأ منه وليس منك اي خطا "هب قلبه اسود حتى سالفه الديجيه اللي عاديه وماتنذكر للحريم رجال طول بعرض وشوراب يتكلم بهالسالفه ويحفر وراهن اجل وش ترك للحريم؟؟؟ الله يرحم حالنابس ويرحم ضعفناويجعل قلوبنا متعلقه به وبذكرة ولايولي علينامن لايرحمنا |
اقتباس:
أذا ربي رجعه لي ذيك الساعه نشوف كيف نتعامل مع اهله دعواتك يالغلا |
اقتباس:
أوك ماأختلفنآ أنا غلطت بس مـاتوصل للطلاق كل وحده ببدايه زواجها تتصرف تصرفات خارج عن أرآدتهآ وغير كذا هي لسى مـافهمت زوجهآ وعادات أهلـه .. دعواتك يالغلا |
اقتباس:
إن شاءالله الله كريم |
اقتباس:
يابعد عمري أنتـي تسلمي لي على دعوآتك والله أنـا مراح ايأس لآخر لحظه متمسكه فيـه وعسى ربي يكتب اللي فيـه خير دعـواتـك يالغلا |
اقتباس:
تقولك ماتشغل الدي جي .. هو زعل بس لجل النيّه !! نوت تشغله بس ماشغلوه عموما اختي ندمانه بكرى الخميس ومتأملين اخبار حلووووه يارب :) دعواتنا لك عزيزتي |
تدرين ياختي ان ربي قدرك لك الخير ,, وموب اي خير ألا خيييير عظيييييييم بطلاقك من هذا المسمى رجل <<معليش لا تزعلين ياقلبي بس هذا الواقع, زوجك بالتصرفات هذي ما يسمى رجل ...
الرجل الصح اكبــر من كذا , بيكون هواشه وزعله على شئ اكبر , مو على شئ تافه زي سالفة الديجيه والله بالبداية حسبتك طالعة من غير اذنه نقول اي والله خطأ يستاهل , او لابسه لبس مو ساتر , او عبايتك او نقابك ملفت او مغلطة على اهله , اما ديجيه شغل قبل او بعد ,, للاسف ما قدر اقول الا عقلية طفل << سامحيني عزيزتي ومازالت اقولك والله اللي يحب صح, مايسوي كذا والله ما يسوي كذا ؟؟؟ اللي يحب يكون زعله من زوجته ورفع صوته خوفا عليها او غيره عليها |
ماقول غير ربي يعطيك على نيتك
|
اقتباس:
لاحول ولا قوة الا بالله معقوله يسوي كذا على شان نيتك طيب ليش ماانكرتي وقلتيله مو انا ياقلبي عليك الله يهديه ويسعدك ويوفقك وتفرحين برجعته لك ويكفيك شره |
غلطتي صح
بس مو لدرجة انك خسرتيه معليش هذا نكدي ويدور عليك الزله من أول حياتك وياكثر غلطات الزوجات واللي أقرها الشرع واعتبرها اعوجاج في طبع المرأة والزوج الصالح الذكي هو اللي يقدر يحتوي المرأة بعيوبها حبيبتي انتي بأول شبابك وإذا غلطات بسيطة زي كذا عقابها كان الطلاق أجل بكرة مع ازدياد المسؤوليات لو قصرتي أيش بيسوي هو عارف نفسه عشان كذا قال لو رجعتها بطلقها على باله بكره بيتزوج ملاك ماتغلط مقياسه للأمور وتعظيمها رح ينعكس على نفسيتك بكرة وأخاف توصلي لمرحلة نفسية صعب علاجها وبعدها بكل سهوله إن ماطلقك يتزوج عليك والله ماكنت أحب أقول ذا الكلام بس لأني أعرف نماذج نسخة لتفكير زوجك وشفت النتيجة على العموم أرجعي وطلعي اللي بنفسك بس خليك واثقه من نفسك ولا تسلميه شخصيتك يلعب فيها ويحطمها أي نعم الطاعه وحسن التبعل مطلوب بس ماتوصل اني افقد ثقتي بنفسي واعيش مسلوبة الارادة واخسر هويتي الشخصية أرجعي وانتبهي لنفسك وأجلي الحمل وحطي ف بالك أنه طلق قبلك وحده وأنتي الثانية ولا تنسي أنه مأفكر يرجعك قبل محاولاتك للرجوع يعني هذا مستسهل الطلاق ولا يهمه بكره لو طلقك ومعاك أطفال فكري زين |
ندمانه هو طلب من الأخت الفتانة تراقبك لأنه اتفق معاك ولا هي من الباب للطاقة راحت فتنت؟
وبعدين حفلة نساء وانتي اللي سويتيها المفروض انتي اللي تتحكمي فيها والمفروض مايحاسبك على غلط تداركتيه قبل وقوعه |
اقتباس:
ايه هو دايم يخاف علي |
اقتباس:
أميـن يآرب يالغلا |
اقتباس:
أنــا أتمنى أرجع له وأدعي ربي ليل نهآر .. بأني أرجع له لأني أنا عرفته وعرفت كل شي عنه ورآضيه فيـه .. بس هو مو رآضي يرجعني خوفآ من أنه يظلمني |
اقتباس:
لا مـاطلب منهـا .. هي من الباب والطاقه راحت تكلمه وتقوله التفاصيل مو مكالمه وحده بعد أكثر من مكالمه وهو قآلي : فيه وحده قالت لي كل شي عن الحفله وتوصلي كل المعلومات ( حسبي الله عليهآ ) تبي تخرب بيني وبينه الحفله كانت منه لي .. وقآلي : سوي فيهآ اللي تبين الا الدي جيه وكنا متفقين على الدي جيه .. وأنا ماأحترمت الاتفاق |
هوه كم عمرو
|
29 سنه << العمر كله |
العمر كلو
|
| الساعة الآن 04:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©