|
|
سلام الله عليكم
تحية طيبة مستشارنا الفاضل يمكن انت فسرت في ردك الاخيرعلى حسب ماذكرته لك اني وهو اصبحنا لعبة في يد ابليس نعوذ بالله منه وان يحضرنا ومع هذا احترم وجهة نظرك وتحليلك لقد ذكرت لك مااستجد بعدما قطعت تواصلي معه اكثر من شهر ولم اعد ادخل على المسن او المنتدى الذي تعرفت عليه من خلاله وبعد ما قال لي انه لن يكلمني ثانية فقد ارسل لي رسالة يسال عن غيابي ويعاتبني ان هذا ليس زعل واني زودتها وتجاهلت الرد عليه قرابة الاسبوع ولاكن انبارح بعثت له ردا سالته ليش يسال عني بعد ان قرر انه لن يكلمني مرة اخرى فوصلتني منه رسالة يقول:لمادا لااريده ان يسال عني ويطلب ان نكون اخوة احسن وانه لايريد ان يضايقني او يسبب لي الم وانه يعتذر عن كل شيئ) سيدي مارايك في كلامه وكيف تحلله ؟ لانه يسبب لي حيرة بماذ تنصحني مع ان له معزة في قلبي ولم استطع ان اسيطر على مشاعري تجاهه اتعتقد انه سياتي اليوم الذي اصبح فيه مثل قبل ان اتعرف اليه؟ ما راضي يروح لامن عقلي ولاتفكيري ولاقلبي شو الحل؟:29: |
السلاام عليكم ورحمة الله وبركااته
ممكن أستشاارة؟؟؟ |
السلام عليكم ورحمة الله وبركاته
صباح - مساء الخير على الجميع واسعد الله اوقاتكم باليمن والمسرات .. الله يجزاك خير على هالموضوع وجعلها بميزان حسناتك يارب .. انا عندي مشكله بنفسي مو عارفه اشرحها ولا أوضحها اتمنى تساعدوني فيها انا انسانه احس مو فاهمه نفسي ولا اعرف وش ابغى اشياء كثيره حولي تصير ماقدر اتخذ فيها قرار ولمن يحصل وآخذ قرار بكل سهوله ممكن أي شخص يأثر علي .. احس بالخوف لمن اكون ع صواب وماقدر اجادل وادخل بجدال اضطر اسكت يبين فيني الخوف واصير ارجف اذا تكلمت او حتى حاولت اجادل اللي قدامي انهيها بالسكوت رغم اني رافضه الفكره .. اؤمن بإحساسي او حدسي للأشياء ولمن اشك بشئ معين او اخمن في اي امر يطلع صحيح واحساسي صائب ولا مره خذلني .. هالشئ خلاني ماثق باللي حولي و لا بأي أحد للأسف .. دائم اخلي الشئ السلبي يطغى على تفكيري والله الذي لااله الا هو انه احيان افكر بشئ واقول لالا واحاول اتحاشى هالشئ ويصييييييييييييييير ويقع كما هو او زي ماحسيت فيه .... مره الوالده تتكلم معاي بموضوع وتضايقت مرررره وجلست من شهر لليوم والموضوع شاغلني حسيت ان الوالده تكذب علي وتحققت وطلع فعلا كذبت علي ومن وقتها مو قادره اثق بأمي ولا اي شئ تقوله بالعكس طااااااااااااااااااااااااحت من عيني ورب البيت طاااااااااااااااااااااااااااحت .. ضايقتني كثير وخلتني بدوامه وكسرتني من داخل بحاول انزل موضوع عن هالشئ بس مابغى ادوشكم معاي لان هالموضوع سالفه لحاله ...... انا مادري وش اقول احس كلامي ملخبط ومشكلتي مو واضحه بس اللي ابغاه اكون انسانه من جديد انسانه واثقه من نفسها كثير وماتخاف من اي شخص وواثقه بكل شئ تسويه .. مانكر فكرت ازور دكتوره نفسيه واخذت رقمها وناويه ازورها بخفاء لاني محتاجه العلاج بس بغيت استشيركم قبل لآهنتم .. |
والدي الغالي
رجل الرجال لدي احساس اني منذ قليل ولدت من جديد احساس فاجاني لا اعلم ماتفسيره احس بقوه ولا اعلم مداها اخبرت زوجي قال يبيلك جلسه نعرف وش سالفتك ولكن اخاف انني امر بنشوة انتصار لنفسي وفور ممارسه حياتي اليوميه بمنزلي قد تعود حليمه لعادتها القديمه كلمت اختي وقلت لها جلست تضحك علي وقالت روحي لمطوع صايره نفسيه ؟؟؟؟؟؟؟؟؟؟؟؟؟؟؟؟؟ كلمه مني وكلمه منها صكيت السماعه بوجهها اعشق منزلي هاليومين ولا احب الخروج منه ابدا ابدا ابدا حتى لو عيالي وزوجي طلعو اجلس بلحالي احب الهدوء والسكون والاسترخاء امي كلمتني وقالت ماتحبين تقابليني ولا تجلسين تسولفين معي احب امي بس هي دايم على الكنب وقدام التلفزيون والمكان الي هي فيه فيه صخب واحد جاي احد يجلس احد يمر يسلم يعني اكثر مكان بالبيت فيه حركه هو مجلس امي والتلفزيون مولع دايم وغالب الاوقات اخببار حرب ومجازر وانفجارات ولا نقاشات سياسيه حاده وانا حتى التلفزيون مااشوفه الا نادر احب اشوف خطبه برنامج هادي برنامج للدكتور الحبيب وزي كذا هي تضنني اعاف جلستها بس انا اتوتر من الازعاج وعندي قدره اني اتجاهل اي شي حولي مايعجبني ولا كاني اشوفه اولادي يبكون اتجاهلهم احد ينتقد اتجاهله مدري هالنقطه عيب ولا ميزه الله يدوم علي هالفرحه والنشوه يااااااااااااااااااااااااااارب |
اقتباس:
|
كتبت ماشاء الله ان اكتب اعلاه
وبعد فتره سمحت صوت سيارته بالقراج نزلت اجري وابتسامتي تملى وجهي ابتسامه صفراء اقترب منه يصد مكره واكنه يشم رائحه قمامه يمشي ويتركني حائره اشم رائحه جسمي لاتاكد اجدها عطور تعشى وانا مبتسمه وببدا يكلم بالتلفون لمده طويله ولما اانتهى تكلم عن احد الذين جاووا له بالمكتب ليله امس وتكلم عن قصه لرجل امراته لا تنجب وتزوج اثنتان وعيشهم ببيت واحد ووو انا سحبت نفسي وقمت قال هذي الي تبي تسولف معي شفتي انك ماتبين تقابليني قلت له بهدوء وانا ارقى الدرج الي يبي يسولف معي يدور سالفه تعجبني ؟؟؟؟؟؟؟؟؟ ورقيت استعديت للنوم بسريري وانا متضايقه من لسانه الي ماوقف سب وشتم فيني واهلي وكل من اعرف (يمكن شافني مبسوطه وتحسف علي ) لم تفلح محاولاته بمسح الابتسامه مد يده علي الى ان صرخت بالبكا ذراعي الان حمراء من الجروح لي سنه مانمت وانا ابكي لكن مو غريبه تعودت لسنوات ان انام بعد البكاء اشباه الرجال يتقنون فن النكد اعلم انك ستقراها ؟؟؟؟؟؟؟؟؟افعل ماشئت |
ابنتي الكريمة :
يصل الإنسان من الضغط لدرجة الإنفجار ولكن لعل الاحتفاظ بخطوط للرجعة أفضل ولعل كل واحد منكما يحتوي الآخر ويبادر بالبحديث المباشر لبحث ما بينكما بلغة واضحة وصريحة بدل أن يجعل كل منكما مستشاره قرينه وإلبليس وما يهدف إبليس إلا للتفريق بينكما. إجلسا جلسة مصارحه ماذا يريد كل منكما وبماذا سيتنازل لتصير المركب أما الحياةعلى الشد والشد المقابل فلا أظن أنها ستؤدي للتوافق بل للقطع ولن تيتقيم الحياة بعد القطع حيث ستنشأ مشاكل جديدة إذا لعل السعادة في البحث عن تقارب واضح وصريح . (ومن يتق الله يجعل له مخرجا ويرزقه من حيث لا يحتسب) أسأل الله العلي القدير أن يبعد عنكما شياطين الجن والإنس ويجمع بينكما في خير. |
وربي شعور غريب
سيدي الفاضل لو عندك تفسير له اتمنى اسمعه رغم الجروح الي امس بالليل ورغم اني اليوم سويت حادث مع السواق ورغم التعليقات المنرفزه من معلمه بنتي الا اني احس اني مبسوطه مبسوطه ومبتسمه وفرحه واشوف في عيونه الف والف علامة استفهام وكانه مستكثر الفرحه ابي الفاضل لا اكرهه ولا اسمح لاي كان ان ينتقص منه واستغرب من هجومه معلومه *انا بدات انقص من علاج الاكتئاب الي كان هو ينصحني اني اوقفه وهو الي اصر اني استخدمه بالاساس ((جلسة المصارحه)) ارحب باي اقتراح واي كيفيه ومستعده اجربها لاني جربت كل الطرق والكيفيات ماالحل لرجل عندما يرى امراته باحلى حله تنتظره بالليل يثور هائجا ويعتبره وسيله للي يده اكره ان اتجمل له لاني بكل مره اتجمل تنتهي الليله ببكااااااااااااااء ؟؟؟؟؟؟؟؟؟؟؟؟ انا اتجمل بما يرضيي غروري دائما ولا اهمل نفسي |
الا اني احس اني مبسوطه
مبسوطه ومبتسمه وفرحه واشوف في عيونه الف والف علامة استفهام بعد اذنك اخي المستشار ممكن ابارك لك التغير حبيبتي هذه خطوه جميله جدا في التقدم وسعيده ايضا انك بدءت تنقصي من دوا الاكتآب اشد على يدك وبقوه استمري ولا تنظري للخلف ثم اقول لك قرأت انك تنتظري ثور هائج في الليل لم يعد هناك ثوار وان وجد نائمون اقول لك تجملي لنفسك ومن غير بكا وعن تجربه واضحكي وافرحي خليه يكلم نفسو حسيت من احد ردودك انو يقرا كتابتك هنا فليدخل اهلا وسهلا انتظره يا حبي لمحاربة الثوار حبوبه من تقدم لتقدم ان شاء الله اقول حبيبتي شوفي الرد رقم 33 هنا في هذا الموضوع يعطيكي دعم جميل http://www.66n.com/forums/showthread...=230211&page=7 حبيبت اشجعك واشد على يدك بعد اذنك اخي المستشار |
|
| الساعة الآن 09:55 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
