|
|
رد : (مميز) زوجة معدد؟ ...... تفضلي
الله يعينك
من جد دمعت عيوني عليك الله يفرج همك انت معك حق بكل شيء مافي مرأه عاقلة تطلب الطلاق بدون سبب واكيد الي اتمري بي شي مو هين |
رد : (مميز) زوجة معدد؟ ...... تفضلي
اسأل الله ان يفرج همك و يرد كيدهم في نحورهم
و ينصرك و يحفظلك اولادك مهرة معركة اثبات الحقوق بدأت حقك لا تتنازلي عنه ؟! و اللي يقولك تتساوى الروس ؟! كيف تتساوى الروس وحده من طعشر سنه تبني في عيله و تتحمل معاه الحلوة و المُرة و وحده تجني معاها الثمار بلا جهد و لا عمل ؟! و وينها عن اهله دامها تبغى الأهل ؟! ليش وافقت ع الرجال و حقوقها واصلتها من غير أهله ؟! ايش فايدة الاهل الآن بعد زواجها منه لمدة سنه و نص غريبه حتى لو قلنا خايفه يطلقها فالأهل هنا ما بيردوه و لا يقدروا فيه ؟! طالما تزوج من غير شورهم أساسا ؟!؟ |
رد : (مميز) زوجة معدد؟ ...... تفضلي
اقتباس:
يعني المفروض أقدر؟!! أنا اللي حطيته في هالموقف؟!! ليش أنا اللي لازم أتحمل نتائج هالموقف اللي لا يحسد عليه؟!! |
رد : (مميز) زوجة معدد؟ ...... تفضلي
اقتباس:
ولا أرى في نفسي الآن قابلية للتراجع. |
رد : (مميز) زوجة معدد؟ ...... تفضلي
اقتباس:
ثاني يوم الخميس جاتني المطبخ واحنا نتغدا .. وقت غير معتاد منها .. فأنا فهمت انها ياية عشان تتطمن عليّ .. زوجي كان موجود وأول ما شافها قال باستنكار: شو يايبج الحين؟! .. خلص غداه وطلع من المطبخ وهي تمت .. قعدت شوي ولاعبت شما وتكلمت عن نخلاتها .. وطلعت. في الليل كان المفروض نروح زيارة لجارتنا .. اتصلت بي المغرب عشان تأكد عليّ فاعتذرت منها وقلت لها راسي يعورني وما أقدر أروح .. قالت لي: ليش يا ماما تعالي شوفي الناس وغيري جو .. بس أنا اعتذرت منها مرة ثانية. أمس اتصلت بي الصبح .. قالت لي: انا عارفة انج ما فيج صداع ولا شي .. وعارفة اللي فيج .. بس يا بنتي ولا يهمج شي ولا تغصصين على عمرج .. أهم شي صحتج وعيالج وكل شي ارميه ورا ظهرج. نفس الكلام اللي قالته لي قبل! واليوم الصبح اتصلت بي بعد .. كانت طالعة مع أخت زوجي واتصلت تشوفني إذا أبا شي. وأخت زوجي تقول لها: قولي لها ليش ما ييتي أمس تشوفين باب الحارة؟ ;) ما يعرفون اني قررت ما أروح لهم خلاص. على فكرة أخت زوجي تعرف إني طلبت منه الطلاق .. وللأمانة حاولت تثنيني كثير .. بس أنا كنت مصممة وحلفتها ما تقول لماما ولا تقول لحد. |
رد : (مميز) زوجة معدد؟ ...... تفضلي
اقتباس:
بيحبني؟!! .. وبجد؟!! .. قلبك أبيض! |
رد : (مميز) زوجة معدد؟ ...... تفضلي
مهرة لما عاتبتيه علي الحمرة الي في ثيابه اختفت بدون ما يشرح و لا يبرر
ما يمكن حيتصرف من غير ما يتكلم و لا يناقش ما دام طبعه ما يحب الجدال انت اصبري و لا تستبقي الاحداث , هو الان عرف انك جادة و اكيد راح يكون فيه حل وسط ما كتبته يا مهرة في الرسالة غير واقعي , ما عدا انك تظلي في بيتك مع عيالك و تتركيه الخيار لا تقدري تعيشي مع عيالك عند اخوانك و لا تقدري تتركي عيالك لغيرك و لا هو حيرضاها لاولاده ام زوجك شو كان رايها او ما شفتيها ؟ |
رد : (مميز) زوجة معدد؟ ...... تفضلي
اقتباس:
أنا عارفة انه ما راح يظلمني ولا يظلم عياله .. ولو ظلم فحسابه عند ربه. لكن أنا ما عندي استعداد أدخل معارك يا عاشقة. |
رد : (مميز) زوجة معدد؟ ...... تفضلي
اقتباس:
يا سابين انتو مب فاهميني. أنا مب مشكلتي إنه يتراجع أو يدور حل وسط .. أنا مشكلتي أنه خطا هالخطوة أساساً وهو عارف ومتأكد أنها بتأذيني!! يعني ما كفاه كل شي وياي يكمّل علي بعد؟!! تعرفين .. انا حالي مثل الزجاج المشروخ اللي كنت أحاول ارقع فيه طول هالفترة .. واللي صار من يومين كسر الزجاج تماماً. هذه كيف تنحل؟! أياً كانت الأسباب لكن اللي صار معناه انها وايد مهمة عنده .. وايد يحبها .... مستعد يأذيني ويجرحني عشانها. بخصوص اللي كتبته .. انا فعلاً ما فكرت كثير .. بس في النهاية هو بعد بيكون حريص على عياله وراح يختار الخيار الأنسب لهم. |
رد : (مميز) زوجة معدد؟ ...... تفضلي
ادخل هالموضوع ويدي على قلبي
ولما اخلص اخر مشاركة بسلام اتنفس بعمق وارتاااااح وش ذا يا مهره؟ ناويه تتعبينا فوق ما الحياة هادتنا ؟!! اول كنت ادخل هنا عشان ارتاح والحين!! |
| الساعة الآن 10:29 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©