منتدى عالم الأسرة والمجتمع - كوفي شوب الصبايا 2 ( المشاركة للنساء فقط )

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - كوفي شوب الصبايا 2 ( المشاركة للنساء فقط ) (http://www.66n.com/forums/showthread.php?t=257623)

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة هاجر9 (المشاركة 3248497)

و عليكم السلام و رحمة الله و بركاته

عندك امتحانات حنونة ?

ههههههههههه
مقرركم انتم .كنت اقرا الصفحات اللي فاتت
الامتحانات كملتها من زمن و الشهادة مخبية في مكان ما

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة Vanity (المشاركة 3248392)

هلا واللللله

هلا بام سلطان هلا بالزيييين 💜💜

اكيد اذكر.. شلون ما اذكر 💜

كنت اقول لك..

لما تعيشين بشخصية مهتمة ظاهريا يعني ميرة ماتغيرت بعيونهم

لكن جواك فعلا انتي مو مهتمة..

او على الاقل تتعاملين مع العطاء الظاهري باقل عاطفية

يعني بشكل او باخر شعور الشخص اللي ياخذ منك مايتغير..

لكن من جوا انتي مستغنية..

والاستغناء الفعلي اللي اقصده هنا يكون بدون ردة فعل تسوينها تجاه اي فعل تشوفينه غلط صدر من اللي قدامك

"على سبيل المثال انك تتجاهلين متعمدة او اي كلمة تقولينه كردة فعل"

ما اعرف انا وين قريت او سمعت هالحكي.. لكنه يعتبر من الصفات الشريرة الحميدة

ان حتى فيه انتقام داخلي بدون ما اي احد يحس.. وكاولوية يخليك ترتاحين نفسيا

من الاشياء اللي احاول اقولها لك بعقليتي واسلوبي البسيطين..

اي حالة نفسية انتي توصلين لها استغليها باشياء تخدمك

مثل ما انتي قاعدة تسوين الحين 💜

اتمنى اكون فهمت عليك وانتي فهمتي علي 😁

فهمتج يا فانتي.

أنا فعلاً نفسي أوصل لمرحلة متقدمة من هالمستوى.

أبا أوصل فعلاً لللاستغناء التااااام وعدم الشعور بشيء .. بغض النظر عما إذا كان التصرف اللي أمامي سلبي أم إيجابي.

تعرفين..

من يومين مهرة رجعت من المدرسة بشهادة تقدير بعنوان (ملك القراءة) لتميزها في قراءة الكلمات باللغة العربية.

صورت الشهادة وحطيتها في قروب العايلة عشان عماتها وأعمامها يشوفونها.

لما زوجي شاف الشهادة كتب: من شابهت أمها ما ظلمت.

حسيت بدغدغة وزهو إن زوجي يمدحني جدامهم!!!

اليوم كنا نتكلم في القروب وأخت زوجي قالت لي إن زوجة أخوهم ياية تزور أمي .. على أساس أروح لهم أسلم عليها .. فقلت لها: أنا مب في البيت.

بعدين كتبت جملة أمزح فيها: هالبنت مالها نصيب تشوفني.

قام أخو زوجي كتب: خفي علينا بس!

زوجي على طول رد وبسرعة ملفتة: أنت اللي خف وعن رزة الويه.

ما علقت على كلام زوجي ولا على كلام أخوه .. بس انبسطت من داخلي إن زوجي ما سكت له حتى لو كانت كلمته بمزح.

المواقف اللي مثل هذه بسيطة .. لكنها تؤثر فيني وأحسبها له!

طبعاً ما عبرت له عن شي .. لكن مثل هالمواقف صارت تزعجني!

صار يزعجني انبساطي بموقف حلو أو لفتة طيبة منه!

ما أبغي أكون جاحدة أو أنكر المعروف .. لكني ما أبغي أكون مبسوطة من داخلي باللي يقدمه!

رد: كوفي شوب الصبايا 2 ( المشاركة للنساء فقط

مرحبا بنوتات

ع البركه مريوم مدري نعيما شككتني فانتي 😁

عاملين حفلة لأمي اليوم نجحت بممتاز تدرس تحفيظ 😍😍😍

كوين مبروك لأمورتك بناتي اليوم خلصو الحمدلله وناجحين وجايبين من المدرسه هدايا بس بناتي يبون ألعاب طبخ وباربي 😊👍 ماأنتقلت لهم العدوا لسه هههههه

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة مــريم (المشاركة 3248531)

تحنيت ...muy

هههههههه
نعيما
عاند و لا تحسد

انا و الحنة ما نتفاهم ما احبها

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة مهره (المشاركة 3248506)

أمووووت على سوالفج يا مهره .. تكتبين بانسيابيه وسلاسه
عجيبه اللي يقرا كتابتك يعيش الحدث والمووقف ..
انبسط كثير لما اشوف رد طوووويل منج
احس اني قاعده ووحده قدامي تسولف ,hmt

وبالنسبه لمواقف زوجك انبسطي يختي والله انه حبيب
حس انك بتتركينه في اي لحظه وشوفيه قاعد يتمسك فيك
بكل الطرق والوسائل ويظهر لك احتواءه حتى في ابسط المواقف ..

رد: كوفي شوب الصبايا 2 ( المشاركة للنساء فقط

مريوم تتهني يارب بالحنه

علئ قولة عجايزنا شجرة من الجنه الحنا

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة مــريم (المشاركة 3248531)

تحنيت ...muy

بصحتك مريوم ht,j

رد: كوفي شوب الصبايا 2 ( المشاركة للنساء فقط

الله يبارك فيكم .. مدري الله ينعم عليكم .. مدري الله يهنيكم .. مدري مدري .. 😅

رد: كوفي شوب الصبايا 2 ( المشاركة للنساء فقط

الله يرضى عليج يا انكسار .. ويسعدج دنيا وآخرة.

بس لا يغرّج .. تعبيري كتابياً أفضل بكثير من تعبيري لفظياً.

أبا أرد على كلامج يختي بس حالياً في المطبخ أسوي معكرونة بالباشاميل.gggh