| الوليد |
15-05-2007 09:49 PM |
اقتباس:
المشاركة الأصلية كتبت بواسطة *^_^*
يا إخواااني هدو أعصابكم
انا استجمعت قواي وتجرأت ودار الحوار الاني بيني وبين ابوي
انا _ يبه لو احد يقولك في بنتك كلام مو زين او يتكلم في شرفها بتصدقه طبعا قلته وانا كذا:24:
ابوي رد يخسى اللي يتكلم فيك بس استغرب وقال ليش وش السالفه
انا _ قلتله السواق اللي احنا واثقين فيه يبي يظلمني عندك ويساومني على نفسي
وكله لانه شاف واحد يغازل خالتي وهي في جنبي
ابوي ولع من هالكلام ومارد علي قام للسواق والله مدري وش قاله
بس الاكيد انه بيسفره
رجع متلطم ووجهه احمر من الضيقه بغيت ابكي يوم شفت حالته كذا
رحت حبيت راسه وسألته وش بيسوي معه
قال ماله الا ينقلع لديرته الله لايرده
وامي درت وقالت ليش تقولين له الله يهديك
فأنا رديت عليها ماتدرين وش نهايته اخرتها يامسوي جريمه فيني او في اخواني الصغار
صح انها زعلت بس حست بخطورة السواق
بس عندي كلمه اخيره لكل من رد ولمح اني ماني بنت متأدبه وقذفني بعرضي بطريقه مباشره او غير مباشره
اقول اني صح ماقدر اخذ حقي منكم هنا على صفحات المنتدى ولكن باخذ حقي منكم يوم الحساب وعند الله تجتمع الخصوم
|
الحمدلله ...
كما قلتِ لك وفقكِ الله إبلاغ الوالد هو الحل ,,,
وبالنسبة لمن أخطأ في الكلام في هذا المنتدى, فنحن كإدارة كثيرا ما أعلنا عن رفض ذلك, وحذف وتعديل الردود كما رأيتِ وفقكِ الله, وكما تعلمي فمن يكتب فئات مختلفة, وبعضهم يكون التفاعل والحماس مصدره ثم يخطيء,, ولكن ندعو لك جميعا بالتوفيق والسداد ... |
