اميرات :
انا منذ البداية قلت لك ذلك، عموما هي الان تمنعني من شوفة ابنائي، ولا احتاج الى قانون ، لانني لو استمرت في ذلك سأطلقها بكل بساطه واشوفهم رسميا، وخلي اهلها يخللونها ويبهروها والا يحرقوها ماااتهمني.

انا ماني غلبان ان الجا الى القانون، لكني محتار فعلا هل الجا الية

طبعا لاتمنعني بشكل مباشر لكنهم يتهربون مرة في السوق ومره برا ومره كذا

المشكلة اني ادق على اخوها مايرد، وعارف انه امعه ماله اري وعاله على خواته، وماعنده رجوله، لكن ابعطي الموضوع اسبوع اشوف كيف تسير الامور، وبعد اسبوع اذا ظلت الامور زي ماهي ..... الشر لاحقين عليه،،، الله يعين على الشرطة والمحاكم والعلوم ..

صحيح ان الموضوع ماله الا 10 ايام، بس مو من حقك تاخذ الاولاد اسرى حنا مو في معركة

اخي الكريم اولا انت سألت هل ممكن ان المرأه تطلب الطلاق بدون سبب او على شي تافه اقول لك نعم موجود وكثير جدا يا اخي المرأه كلها هرمونات دوره حمل حبوب منع حمل كل وحده من هذي الحالات تخلي الهرمونات تلعب بجسمنا لعب وتأثر على نفسياتنا وكلامنا يعني الله الي خلقنا ادرى فينا ولو حصل طلاق في وقت دوره لا يقع ..و الله وصفنا بأن ناقصات عقل واننا من ضلع اعوج لو تبي تعدله كسرته والا تستمتع فيه على اعوجاجه الشاهد من كل اللي قلته ان المرأه تمر بحالات نفسيه خارجه عن ارادتها ومو معنى كلامي ان زوجتك ماغلطت.....هي غلطت وانت غلطت والمشاكل اللي بينكم امور بسيطه وتكبر مع العناد امامسألت اهل الزوج ترا اكثر مايجنن المره ان اهل زوجها يستحقرونها او يغلطون عليها او يطنشونها خاصه لكان عندها اعيال اكبار يفهمون وتنحرج قدامهم فا انا اشوف ان زوجتك ماتواصل اهلك ولا تقطعهم ولكن في المناسبات تروح يوم واحد او نص يوم تسلم على امك وابوك فقط وتطلعها المطار لاهلها ويستقبلها اخوها الفزيع وانت اجلس عند اهلك قد ماتبغى وارجع ولاتقول اعيالي وابغاهم عند اهلي لان الاهل اذا كرهوا المره كرهوا اعيالها واحسن ماتجلس معك وتجيك مشاكل خلها تسلم وتمشي الى ان ربي يصفي القلوب ..
وانا الان اشوف ان اكبر شي في موضوعك ماينسكت عليه انها كيف تسافر وتطلع من بيتها بدون اذنك هذي يبيلها وقفه مضبوطه وهذي اللي ركز عليها وخلي الباقي لانه تافه
زوجتك شافت ان حركة انها لما تروح بيت اهلها وتهجرك جابت معك نتيجة وفعلا تجي و تاخذها وتعتتذر وووو.
وهي عارفه ان روحك في عيالك فتضغط عليك فيهم.... انا وجهت نظري ان عندك حلين اما حل جذري للمشكله واما حل موئقة:
الحل المؤقت: هوا انك تروح الابوها عند مسجدهم وتكلمه وتقوله انها طلعت على شي تافه وانك تبي تشوفها ومن هل كلام وتقابلها وترجعها فا هي تبقى ام عيالك وفيها حسنات وانت تعترف فيها وتعترف انها تحملتك انت واهلك
اما الحل الجذري هوا انك ترسلها ان مثل ماطلعت من بيتك بنفسك ترجعين بنفسك ويرجعكي اللي اخذكي ولا اجلسي في بيت اهلك وطنشها مضبوط لو توصل سنه ليش عشان تشوف ان كرتها هذا انحرق وما عاد ييأثر عليك هذا ان كان ودك تقطع هذي الحركه تماماً ولاتقول انها مبسوطه في بيت اهلها مصيرها تمل وتحن لبيتها وبنتك اللي متعلقه فيك بتقطع قلب امها وهي تسأل عنك وفاقدتك واكيد بترجع وانا اشوف في الحلين سطحي او جذري ان كلامك يكون مع ولي امرها وقدامها ان ماصار اللي يوجب انها تستفزع بأخوها من وراك وتطلع من بيتها بدون علمك انت لا ضربتها ولا هنتها وقولهم ان بغت تجي انا بنفسي اجيبها لكن ماتطلع بدون علمي لان لو تكررة بلحقها ورقتها وفعلا لو صار مستقبلا شي وقالت وديني بيت اهلي فعلا قوم وديها لان لما زوجها يوصلها بعلمه ورضاه انكسار لها لكن من وراه ومع اخوها انتصار وقوة لها ودامك تقول انها تخاف الله فدائم خوفها ان لو صارلها شي او صار لك شي وانت زعلان منها بتخسر اخرتها وذكرها باحاديث حقوق ورضى الزوج فانت جنتها ونارها على العموم احنا نعطيك حلول وانت ادرى بوضعك و وضعها وشوف ايش يناسبك وانت الوحيد الي يقدر يقول ان كان يحس ان فعلا تبي الطلاق والا وسيلة ضغط ونغزت شيطان والله يصلح حالكم ..