|
مستجداتنا خلال الـ 6 أيام الماضية بتقدروا تقولوا :22: ... نص مبروك :14:
بعد اصراري اني ما لبسوا البامبرز نهائياً بالنهار ، ابني بدأ يحبس البول فترات أطول ، لأني صار عنده خوف إني يعملها على حالو ، و الحمدلله بسبب هالشي نظف بالليل نتيجة هالشي :17: لما يكون بدو وي وي صار دائما بحوص و بلوص (يعني بدور بالغرفة و برتبك :d) و بقول (إه إه :() و كل مرة كنت بقعده عالنونية يعملها :22: بس المشكلة انه عم بعمل نصها برا (عالارض) و نصها جوا النونية بسبب وضعيتو الخطأ في الجلوس :29: طبعاً صرت دائما احزر ايمتا بدو يعمل وي وي (مصر ما يحكي) و جبلو النونية و يقعد بس المصيبة انه مو راضي يعمل الكاكا إلا بلبسه :(:( بغافلني وبروح ع غرفة تانية بعملها و برجع بروايحو المنعشة :21: المهم بعد 3 ايام زهقت من هالقصة و عصبببببت لأني شعوري انه التعب نفسه ما تغير :29: و أصريت علمه عالتواليت صار يبكي بدو النونية يمسكها و يبكي (قطع قلبي :"( )، بس اخدتها منو بالغصب و خفيتها بالخزانة بعيدعن نظره :29:.. و بدأت من يومين علمه على التواليت بمساعدة أبوه الحمدلله ببقى الأب إلو هيبة أكتر :22:و الحمدلله صار حمودة بدون البامبرز ليلاً و نهاراً و بدون جوائز شوكولا و شيبس صار يحب الستيكرز و النجوم .. الحمد و الشكر لك يا رب بقدر قول أنه صار تطور كتير كبير :14: بس ما بقدر قول خلص انحلت المشكلة لأني وجودي جنبه شرط حتى ما يعملها على نفسه !!!!!!! نفسي يندهلي يقول (ماما وي وي ) و اتركه بالحمام و لما يخلص يقول (ماما خلصت ) ايمتا هي بتصير؟ :29: اعذروني لعدم الرد بشكل منفردعلى كل أخت من الاخوات .. لكني قرأت مشاركاتكم جميعاً بوقتها جزاكم الله كل خير و منتظرة أخبار جميلة من اللي عمبجربوا معي :22: |
الحمد لله في تحسن كبير ماشاء الله وكمان في تطور دا كويس كثير يا أختي ماريا تابعي معاه وخديه ع التواليت استمري عليها وانا برضو ابني بدآ يعملها لوحدو بالنونية وتأكدت انو يطلبها كل لما يحس بها خدتو على التواليت وابتدأ يستجيب وهذ اليومين لما يحس بشئ يفتح الباب وينادي عليا عشان احطو ع الكرسي وبدون شوكولا ايضا والبارح سبتو يروح مع ابوه عند جدتو ومن غير بامبرز وكان يلعب عادي عندهم ولما حس حيعمل شئ قال بابابيبي وكاكا وعملها في التوالت وجاني نظيف ونجحت التجربة
|
ماشاء الله ياماريا الحمدلله والتطور هذا كتير كويس بكفي انه استوعب الموضوع.
وعقبالي انا بس ارجع ابلش معاه كمان شهر او اثنين..لانه ابني مش فااااهم الموضوع ومش عارف انه في نونو بتنزل من هون..وصار كتير معنّد من الموضوع وبعد الاكتئاب اللي صابني قلت خلاص بصبر عليه واشوف يمكن يصير يفهم بهالفترة هذي..طبعا بحاول افوته معي عالحمام تيشوف كيف الكل بعمل نونو في الحمام وبضلني اعرض عليه احطه عالنونيه...بس هو معند وما بده يجلس عليها..عشان هيك قلت خلاص برجع اجرب كمان شهر. |
اقتباس:
يا عيني كتير كويس :22: مشكلة ابني فقط انه ما بقول اليوم سحبني من ايدي واخدني عالتواليت اقتباس:
يعني اشتغلي عليه هلأ على مهلك انك تاخدي للتواليت كلما قدرتي مشان ما ينسى و يضيع عذابك عالفاضي |
اختي ماريا جاوبيني على هذا السؤال في أقرب فرصة لاحظت كثرة التبول عند ابني اعزكم الله كل شوية بالاول حسبته يمزح لكنه يعملها بالفعل انا اتخضيت كثير رغم انه لا يشرب سوائل كثير الماي وبالعافية قليل جدا انتظر ردك حبيبتي شكرا لك كثير ويارب يحفظ لك اولادك ويهديهم ويصلحهم اللهم اااااااااااامييييييييين |
اقتباس:
كنت اشعر انه يعمل الوي وي كل خمس دقائق تخيلي لأنه كان اي بول بنزل عالمثانة بطلعو لبرا ما بخزن شي .. كلو بطلع أول بأول لكن مع الوقت بدأ يحبس و بالذات لما شلت البامبرز بشكل نهائي و صار يعملها على نفسه بعد 3 اسابيع من بداية التعليم و لما تعلم يحبس لاحظت انه البامبرز اللي بلبسوا ياها بالليل تكون ناشفة في الصباح التالي يعني بدأ يعتاد على حبس البول و وقتها فعلا وجدت انه ببقى ساعتين او اكتر حتى يحتاج يعمل وي وي و لاحظت انه الكمية صارت أكتر بينما ببداية التعليم الكمية قليلة جداً و يعملها مرات أكترررررررررر |
[السلام عليكم أختي ماريا فين وصلتي مع ابنك لو عاوز يعمل الوي الوي يقولها لك ولا لسة بالنسبة ليا كل شئ تمام حتى لما نكون برا البيت يقولي ماما بيبي بس في مشكلة بعد اسبوعين ان شاء الله حعملو ختان و انا خايفة كثير لأرجع من الأول وأنك يابوزيد ما غازيت ممكن يحصل ماي كذا
|
الحمدلله الف مبروووك با ماريا
الحمدلله برضو ابني خلاص صاير طول اليوم بدون بامبرز و ماشاء الله عليه بيمسك نفسه ويجي لعندي يجري (( امام امام )) يعني حمام :) و انتو بكرامة بس لسه بامبرز الليل.. و الصبح مابتكون ناشفة .. لسه ما اتعلم يمسكها وهو نايم في شي ممكن اسويه و لا لحاله راح يتعلم يمسكها مع الوقت ؟؟ جولي .. ياقلبي لسه بتختنيه الان اتاخرتي حبيبتي .. الله يعينكم ... راح يتعب شوية لانه تعلم يمسك البول بالبداية لانه تجيه حرقة بس بالنهاية بيضطر يبول الله يسهلها عليه يارب |
اقتباس:
اهلين نورة الف مبروك انا بالنسبة لابني صار الموضوع فجأة اجا يوم عم بقلع له البامبرز الصبح لقيتها خفيفة كتير و اكتشفت انها نظيفة جربت الليلة اللي بعدها كمان لقيتها ناشفة بس اجت ليلة بعدهم كان عامل مرة معظم الاحيان اذا ما شرب مي كتير ما بعمل بالليل ابداً هلأ مع انه معظم الليالي ما بعمل بس ما بتركه بدونها بالليل ! |
اقتباس:
و عليكم السلام اهلا جولي ما انتبهت لمشاركتك لا تآخذيني ابني الحمد لله صار نظييييييييف :14: ما بقول وي وي بس بحوص و بدور و بقول (إهي إهي ) ما بظن الختان يعمل مشكلة باستيعابه لموضوع البيبي بس ممكن يحرقه لما يعمل الوي وي لمدة اسبوع |
| الساعة الآن 09:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©