|
اقتباس:
أنا رديت ببعض الكلام في الرد السابق ودي تقرأينة و سوف أظيف الرسالة الثانية من باب الكل يقرأها والرسالة الثالثة سأكتبها ولكن ليس الأن ورسالتها الثانية لي بالنص أتمني تقرأينها وين ودي الكل يقرأها حتي تعلمون بعض نت أسار البيت المهدوم """ وين اتفاق امس ليش اشال ابوي يقول ما كلمته انت وبعدين معاك انت واستهتارك لو سمحت اذا عندك كرامة ورجال انه علاقة خربانة ما ابي ارسلك رسايل لان الرسايل فيك حرام انا مابيك اقسم بالله اني ما ابيك حتى اسمك كرهته لا تتوقع اني بارجعلك غصب ولا بيشدني احد مع اذني وانا في بيت ابوي انا اكرهك اكرهك اكرهك وندمانة علي قراري وحياتي معاك """ وأشكركم علي حرصكم وهذا من طيبتكم فعلا انتم رائعون |
لا حول ولا قوة الا بالله
هذه المرأة سفيهه، الله يهديها ويغير حالها، وانت ربي يعوضك من اوسع ابوابه بامراة تصونك وتصونها وجعل ربي صبرك عليها في الفترة السابقة في ميزان حسناتك |
اقتباس:
أتفق مع الأخت أدمنتك و خاصة باللي لونته باللون الأحمر أخوي ،. أول سنة في الحياة الزوجية ( أصعب سنة ) .. و اللي زاد عليكم ، إنه ماكان عندكم أحد من الأهل تغيروا جوا مرات و تبعدوا عن بعض مرات .. ياخي أعطيها فرصة تراجع نفسها و انشغل إنت مع دراستك .. هي صحيح غلطانة ، بس إنت تركت لها الجمل بما حمل و من أمن العقوبة أساء الأدب .. و هي أمنت عقوبتك ، و إنت كنت سلبي جدا في تعاملك معها .. يا مررررررررررررة طيب و متساهل ، يا تضرب في الوجه ؟؟؟ و أتعجب من اللي يصفقوا لك عشانك ضربت زوجتك ( كف بالمفاتيح ) ؟؟؟ و يوم إنها ( ضربتك كف ) ، كأنها كفرت بالله .. ؟؟؟ إنتم الإثنين تساويتوا في الضرب ، هي ضربتك و إنت رجعته لها .. و إنت قلت ، صاار تعاملك بعد كذا كله ضرب في ضرب و ما صرت تتحملها .. هي غلطااااااااااااااااااااااااانة و ماعرفت قيمتك صحيح و اغترت بنفسها .. بس برضو ، هذه أول سنة في الزواج و هي أصعب سنة .. |
اقتباس:
مع إني كنت تعودت على زوجي شوي لإنه فترة ملكتي كانت أكثر من 6 أشهر و كان يزورني أكثر من مرة في الأسبوع و صرت أبكيييييييييييييييييي ثالث يوم الزواج ، لإنه مثل اللي كنت تويي أستوعب إني خلاص تزوجت و تركت بيت أهلي فعادي جدا المشكلة هذه ،. و زوجي حضنني و نيمني و جلس يطبطب علي لحد ما هديت و جلس يحاول معاي لحد ما فتحت قلبي فالمشكلة هذه - معليه - ماني شايفتها مشكلة .. :) بس إنت قلبك ملياااااااااااااااااان منها دحين |
حياك الله
باينتك طيب والله يرزقك ببنت طيبة مثلك المهم انك استفدت من هالتجربة ولو كانت مريرة وطلعت الرابح منها اهم شي تقوي صلتك بربنا عزوجل |
هذا اللي قصدته ياخوي .. :)
و الله يوفقك .. اقتباس:
|
ياليت تكتب الرساله الثالثه لا ني فعلا مصدومه كنت اتصور ان الموضوع أسهل بكثير وعشان نفيدك أكثر |
اقتباس:
مشكورة اختي الكريمة صراحة هل فيه زوجة بتضرب زوجها كف وترميه بالجولات و كل يوم والثاني تكسر اغراض البيت وحتي الابتوب ما سلم منها كسرته "" طبعا انا ما ضربتها علشان اغراض البيت أنا ضربتها لانها دقت علي زميلي وانا كنت مكلمها قبل تدق بدقيقتين ولو كان جوالي مقفل وله وقت وهي تبي تروح مستشفي او شيء ضروري عادي تتصل علي زميلي وانا ما اقول اني جبت لها القمر في يدها بس ما كنت مقصر معاها ابدا وانا مقدر كلامك كله بس أختي إذا ماراح يكون بين الزوجين احترام فبلاش حياه احسن أختي والله ما أقول لكم هذا الكلام علشان تقولون هي غلطانة 100% أنا مكلم مصلح أسري وجلست معاه ساعات وقال احسن لك طلقها قبل يجيك عيال و كلمت أمي بطريقة غير مباشرة قلت فيه واحد من زوملائي وووو الخ قالت لا ما تصلح تكون ربت بيت هذه غير مؤدبة . وان كانت الحين ضايقة و مولعة نار أنا لي سنة كاملة مولع نارومرعوب من كثر المشاكل حتي اني صرت عصبي مع الناس واقول الله يعدي الموضوع علي خير الله ييسر ونرجع السعودية ويصلح الله الحال وكنت بين يدينها و كنت لها كما كانت تحب . الحين كل ما اقرأ رسالة الجوال أحس بأنها تملك قلب من حجر علي كلامها الذي لا استطيع ان اقوله لصديق أود أن أنهي صداقته فمابالك بزوجتي وكل مرة أنا موضع شبهه و ريبة و شك وأنا ما جيت هنا الا علشان الحريم ؟؟؟؟ كلام سخيف و دنيء والمشكلة انها تحب الاسواق وكل ما نروح نرجع بمشكلة وقررت قطع الاسواق من كثرة مشاكل الاسواق صارت تخفف علي شان ما ما امنعها السوق مع ان نظراتها لي حتي وانا اسوق تقول كنت اشوف عينك وين تطالع . انا صراحة اما حياة براحة ووناسة ولا العزابية فلة والله لا يحرمني من أمي أشكرك أختي وثقي والله إني أنا ما احب خراب البيوت وأعرف أن الطلاق ابغض الحلال بس إذا هي تعتقد أنها صح وأنا أشوف أنا صح ومافيه نقاط وسط نقدر نحل وضعنا خلاص ليش نضيع اوقاتنا والنهايه معروفه . مشكورة أختي علي حرصك وان دل هذا فإنه يدل علي كمية الخير التي يحملها قلبك فعلا انتم رائعون |
اقتباس:
بس المشكلة انها زعلانة وتبكي ولا تبي تتعشا مو مصدومة زيك انها مو مع اهلها لاني زعلتها وياليت تعرفون وش سبب الزعل !!!!! وكنت ما ابي كلامها يمشي بسبب شرعي و من مطار الرياض الي مطار هونقكونق بل الين وصلت الفندق كانت تبكي ومطنشة وزعلانة بس بعد ما شافت الفندق خمس نجوم ركدت فهذا اسلوبها تطنيش زعل من اول ايام الزواج الي ان تمت المشكلة ولو واصلت معاها والله ماراح يتغير لان تفاجئت ان هذا اسلوبها مع الكل ولو لا احترام الامور الخاصة يمكن اقولكم زيادة اشياء تقطع القلب . ومشكورة فلا انتم رائعون |
يا اخت ادمنتك هذي ماهي غيره
هذي وصلت لمرحلة التسلط يعني باقي شوي وتسجل زوجها با اسمها والله مادري من اللي ملزوم بالثاني هي ولا هو !! الحين بدال ماتحمد ربها على النعمه وتحمد ربها ان الله رزقها بزوج فاق الطيبه بمراحل ومدلعها لأبعد حد تسوي كذا وين الحرمه اللي جوالها ينشحن يومياً !! وين الحرمه اللي تزعل زوجها وتخلي حياته جحيم وهو محل ماراح قطف لها الورد ! وين الحرمه اللي لاقيه الدلال اشكال اللوان ومو عاجبها الوضع !! يعني بعد هذا اللي سوته كله وش تطمح له , وين تبي توصل وش في اكثر من كذا ! تروح تشوف الحريم وشلون عايشين الوحده ذايقه المر من زوجها بس صابره ومتحمله كله عشان ماتحمل لقب مطلقه اللي زوجها مدمن , واللي زوجها خاين , واللي زوجها حارمها من كل شي , واللي زوجها مايجي البيت الا ينام ويطلع قالب البيت فندق هذي الحرمه مع احترامي لك انت , تحتاج الى أعادة تأهيل وصدقني والله العظيم ماراح يندم الا هي انت رجال مايعيبك الا جيبك وهي راح ترجع لأهلها مطلقه ولا راح يتقدم لها الا شايب ولا مطلق أنا لا انصح بالطلاق وأحاول قدر إلامكان ان أصلح وأقرب وجهات النظر وأنصح بالصبر واحاول تهدئة الأمور لكن زوجتك بصراحه الطلاق أفضل لك ولها وأعيد اقولك الدنيا ماراح توقف على وحده بنات الحلال كثير والف بنت تتمناك أسال الله العلي العظيم أن يرزقك من واسع فضله ويرزقك الإنسانه اللي تسعدك وتعينك على امور دينك ودنياك الله يصلحها ويهديها ويسامحها يارب |
| الساعة الآن 08:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
