|
يارب رحمتك .. يارب احقن دماء أخواننا في سوريا .. وطمئن قلوبهم.. يارب فرج همهم.. وانصرهم على من عاداهم.. واجعل كيد الطغاة الظالمين في نحورهم.. |
سيدة نارا منذ أن كتبت الأخت الطير الأزرق الموضوع ومن قبلها الأخ معدن الرجولة موضوع لأهل الشام وأنا متحفظة عن الرد وحسبي أن دعائي لهم يصل دون كتابة أو رد أتعلمي لماذا لم أكتب بسبب كمامة الخوف التي قيدنا بها آل الأسد فأنا فناة ابنة لرجل حرم من موطنه منذ خمسة وثلاثين عاما والسبب إلتزامه الديني ومازال آثار رصاص عصابة الأسد محفور في جدران منزل جدي في حماة سبعين ألف شهيد في مجزرة الثمانين عائلات عن بكرة أبيهم أبيدوا وغيرها من الويلات اللي رأها أهل سوريا ( حماة وحلب وحتى حمص ) ووالله أستغرب أنك من حمص بعد كل هذا أتريدنا ألا نصدق هذا الشبل من ذاك الأسد الشعب نادوا بمظاهرات سلمية فكان الرد بالقنابل والرصاص مايحصل في درعا اليوم هو ذاته ماحصل في حماة بالأمس فعلى خطى أبيه يمشي بشارك ثم ماذا تنتظرين منا أن نصدق قناة الدنيا التي هي بالأصل ملك لرامي مخلوف والله استغرب تكذبون الكذبة وتصدقوها استيقظي سيدة نارا وانظري من حولك جيدا وتأكدي أن الشعب ماثار هذه الثورة إلا بعد أن فاض به الكيل من الذل والهوان وانعدام الإنسانية وبالمناسبة زوجي من مدينة حمص وأهله هناك والأخبار تصلنا اول باول بالمختصر كفاك كذبا وادعاءات وحلف أيمان زورا وبهتانا مانراه على شبكة شام من فيديوهات هو صحيح مئة بالمئة وماهر عامل حصار على درعا والوضع الإنساني فيها من أردى مايكون لقد تحدث رجل يكون والده أحد أعضاء حزب البعث وناشد بشارك وأسمائه بأن يسمحوا فقط للنساء والاطفال الخروج من درعا وتحدث قائلا بأن سيارته تابعة لحزب البعث ومع ذلك لم يسمح له بالدخول لدرعا لماذا؟؟؟؟؟ أليس من مصلحتهم أن تدخل الصحافة وتصور الجماعات المسلحة ولكن لأن كل مايقولونه كذب وافتراء منعوا الصحافة ثم كيف تتدعين أن كل مايحصل كذب صديق ابن خالتي عسكري رفض تنفيذ الأوامر فأعدم تسعة من أقرباء زوج أختي في اللاذقية استشهدوا شباب حمص عم يستشهدوا شو الظاهر مانك عايشة بحمص لتشوفي الجنازات واللي عم يصير وأقرباؤبنا كانوا في ساحة الحرية في حمص وأطلق عليهم النار من قوات الأمن حتى في يوم الجمعة عندما خرجت المظاهرة طلب الشيخ منهم ألايخرجوا بسكينة مطبخ والجميع استجاب له المظاهرات سلمية تطالب بالحرية والديموقراطية ولكن لا لابد لنا أن نعيش في ذل وهوان لآخر يوم بحياتنا روحي ياشيخة واخرسي ولاعاد تسمعينا صوتك اللي قلبه محروق مو متل اللي عايش ومانو عرفان شي أبي وأبو زوجي وغيرهم الألوف محروق قلبهم لينزلوا إجازة صيف فقط على وطنن المسجونين اللي أفرج عنهم مازالوا للآن يراجعوا أمن الدولة فقط ليعلموا شو عم تعملوا ليش بقي فيهم شجاعة ليعملوا شي بعد عشرين سنة سجن وعذاب وذل لك زوجات المغتربين إذا نزلوا عسوريا مابيطلعوا ليراجعوا المخابرات وطبعا اللي جيبه مليان مرته مراجعة وحدة بتكفيها واللي على باب الله بدها تتمرمط وتتبهدل خمس ست مرات لحتى تطلع وشو جابرها على هالذل غير شوقها لأمها وأبوها شو بدي احكي لأحكي والله صرت أرجف وأنا عم أكتب رجاء لاعاد تحكي باسم الشعب السوري اللي رافض عيشة الذل والهوان لاتحكي باسم الشعب اللي أخيرا كسر حاجز الخوف وانطلق ليطالب بحريته وعلى فكرة إنتي أقلية قليلة جدا بسوريا ومو كل الناس متلك متل ماعم تقولي فرجاء لاعاد تدخلي على هالموضوع لأنو هادا الموضوع من إلك ولا لأمثالك هالموضوع للي بدو الحرية والكرامة وفي النهاية أسأل الله عزوجل أن يتقبل شهدائنا ويرزقنا النصر من عنده دامت سوريا وشعبها الحر في حفظ الرحمن تحياتي |
الرجاء من السادة المشرفين حذف الموضوع لأنه خرج عن النص الذي فتح من أجله و هو الدعاء لأهل سوريا جميعاً و قد صارت فيه بعض التعليقات الخارجة عن النص ... |
أمة البديع حكيتي الي بقلبي
الله يفرجها ع الجميع يارب |
أنو ليش بترجعو بتعيدو و بتزيدو بالماضي ما كنت اعرف شي صار و راح و عفا الله عما مضى و نحن من استلام الدكتور بشار و ما عاد عنا هالشي فرجاءا لا تخلطو الاحداث و تفكروا انو لحظة انتقام .. ما حدا بينتقم من بلدوو المهم الي كنت حابة ئولو انو بدرعا اكتشفو اشياء كتير خطيرة و رح يتم الاعلان عنها بالقريب الحاضر و الشي الي اكتشفوه رح يثبت للعالم كلوو انو الي عمبصير لا هو مظاهرة سلمية و انو الي عمبصير كلو شي مخططلو و من اكثر من ثلاث سنوات و كبار الشخصيات الي مؤسسة لهالشي سلمت نفسا من تلقاء نفسا بعد قرار وزارة الداخلية بالاعفاء عمن يسلم نفسه اعلنو عنو الشي الخطير بالراديو اما للان لم يتم نشر هذه المعلومات خارج سوريا منشان هيك بتعتزر انو ما فيني احكي شي من هون لحتى يتم الاعلان عنو ع الفضائية السورية و لكن انتظررو قريبا جدا عرض ما تم التوصل اليه على شاشات التلفزيون و رح تعرفو كلياتكم كيف ان الله حق و انو الي عمبصير من تخطيط صهيوني اميركي يؤسفني ان اقول بعض الانظمة العربية و ان شاء الله سوريا اسقطت المآمرة بفضل من الله ثم القيادة الحكيمة ثم وعي الشعب السوري منشان هيك الي ملتئم من الماضي حقدو ما رح يضر حدا غيرو و نحن بسوريا دخلنا وسائل الاعلام و من وئت ما دخلناهم ما عميسترجو يعرضو حقيقة الشارع السوري و تمسكه بالقائد بشار حفظه الله و رعاه و الي عمبئلي انو لا احكي باسم الشعب السوري يعني سوري منكم بس انا عمبحكي بلسان اكتر من 80% من الشعب السوري و بتحداكم بهالشي لانو شي عمنشوفوو بعيونا انتو الي برا سوريا ياريت لا عاد تحكو باسم الشعب السوري لانو انتو بتمثلو الدول الي عايشين فيا ما بتمثلو سوريا و الشعب السوري |
اولا نحن مو من برى سوريا نحن اهلينا بسوريا وعمنوصل معاناتهن ياست نارا
والشي التاني لا يكون الاختراع العظيم الي عبتحكي عليه تبع النفق تحت المسجد العمري !! اذا كان هذا قصدك ياليت تشوفي حقيقة الموضوع وهدول الي عبتقولي اعترفوا انتي بتعرفي شلون بيخلوهن يعترفوا بشي ما عملوه لا تحكي احسن ما تنحطي بمكانهن شي يوم |
أول شي بحب قدم اعتزار للاعضاء (( السوريين )) الي حكيت معن بطريقة غير لائقة
لانو سوريا متل ما هي بلدي كمان هي بلدكم و عن جد انا بعزركم انتو عندكم اسبابكم و نحن عنا اسبابنا بس الي بدي وصلكم ياه انو نحن الشعب السوري واحد .. و باذن الله رح نضل نحب بعض انتو الكم اسباب متعلقة يمكن بالماضي و بدكم بعض الاشياء و نحن اسبابنا انو عمنعيش اوضاع صعبة و عمنشوف شي انتو يمكن مو عرفانينو يمكن تأثرتو بالاعلام و يمكن سمعتو من اهاليكم بس انا بالنسبة الي عشت الحدث و شفتو بعيني و شفت طريقة تعامل الاعلام مع الحدث في سوريا أعزائي (( السوريين المغتربين )) منقدرلكم موقفكم بس بالمقابل نحن الشعب السوري عايشين بامان و استقرار بتحدى بلدك بالعالم عايشة متلو و عمنشوف اصلاح ملموس .. و نحن هاد الي بدنا ياه .. بالاضافة انو نحن عنا حياة و بدنا نعيشا .. يعني بسبب هالاحداث توترت حياتنا اليومية سواء على صعيد الدراسة و العمل و التجارة و الزراعة ... الخ اخوتي السوريين تأكدو انو نحن دول عربية و بعيد الشر ازا صار شي لنظامنا فكونو واثقين انو اميركا و اسرائيل هم من سيختارون لكم الحاكم .. و صدقوني ما رح تزيد الاوضاع الا سوء و تدهور اميركا بحياتا ما تمنتلنا الخير !! بحب اختم انو مو حابة تصير حساسيات بين السوريين و لكل فرد وجهة نظر بس بتمنى انو الاعضاء الغير اللسوريين ما يدخلو لانو كل بلد فيا مشاكل مغرقتا .. كل واحد عميحكي يدور ع الوحدات الاميركية المزروعة ببلادو بعدين يجي ينظر علينا ابشع شي من الانسان لما بيتغاضى عن عيوبو و بحط مجهر على عيوب الناس .. و بيعد من بعيد بدو يعمل حالو مصلح و هو بالمقابل مو قادر يفتح تمو عن شي عمبصير ببلادو تحية سورية معطرة بالياسمين الشامي |
يغلق مع خالص دعائنا لأهل سوريا بالنصر والتمكين والعزة |
| الساعة الآن 07:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©