![]() |
روح المساء ..
الشهرين هذه الصراحة، ماكان بجيبه شي .. كيف اطلب منه و انا عارفة انه مامعاه شي ؟؟؟ هو ماقال لي، بس انا عرفت .. لانه ترك وظيفته او بالأصح انفصل لسبب تافه من المدير كان مرات يلقى شغلات مؤقتة، يادوب يطلع بها مصاريفه اليومية مثلا حلاق او بنزين و كذا طبعا الكلام هذا ماحد يدري عنه من اهلي .. و دحين لقي وظيفة مؤقتة و يستلم راتبها بعد شهرين، و سيارته بالورشة محتاجة تصليحات فكيف قلبي يطاوعني و اطلب منه اي شي ؟؟؟ مرات عشان احسسه اننا من مسؤولياته بالفترة هذه، باطلب اشياء ماتكلف 20 ريال مثلاً *بس قبل وقت ماكان بوظيفته،كنت اطلب اي شي للبيت بس اول الشهر و برسالة جوال .. |
راتبي الصراحة كبير و الحمد لله و ماعمره طلب مني.. و هو يدري اني باجمع عشان نشتري ارض و نبني عمارة بالمستقبل
او بيت ملك .. و هو يوثق بطريقة تدبيري للأمور .. و نفس الوقت ما ابخل على نفسي و ولدي و عليه .. فهو اذا صرف مية علي و عالبيت مثلاً،، انا اصرف الف بس بطريقة مايحس بها .. حتى لا يتعود يرمي المسؤوليات علي .. زي كذا.. |
:* روح حبيبتي تصرفاتك تصرفات أي زوجة محبه وبنت أصووول وأقولها للمرة الألف لأن بنات الأصول هم إلي يقدرون الظروف ويتحملون شوفي ياعيني أعتبريني أختك الكبيرة زوجك أسعي أنه يتوظف بوظيفة دائمة أبحثي له طبعاً مو الآن بعد ما كل أمورك تستقر وترتاحي أنتِ موقفك الأخير أنك ماتكلفي عليه لأن مامعه هذا واجب لأنك لو بتكلفي عليه وأنتِ عارفه أنه مامعاه فهذا قمة الذل والإحراج لك وله أختي لها صديقة تزوجت واحد ماكان له وظيفة ثابته وهي معلمة وراتبها حلوو وصفاته قريبه لصفات زوجك وأهله أصلاً فكرتهم عن الزواج أنهم يزوجوه معلمة تقووم فيه وتفكهم منه مع أن الرجال على كلامهم شهم ومحترم بس جهل الأهل خلاه بلا هدف وبلا مسؤولية ومايعرف كيف يتصرف كزوج مسؤول أيش سوت هي..؟! والله ياروح كلنا كنا نبحث له عن شغل دائم يلقى نفسه فيه ويحس بقيمته عن طريق النت بحثنا المهم وجدت له زوجته وظيفة والآن هو موظف وتغير كثير عن أول وصار مسؤول ومهتم جداً ببيته وبمصاريفه العمل الثابت يغير حتى نفسية الرجال ويحسسه بقيمته وكيانه :* وعلى فكرة لساتكم ببداية حياتكم والدنيا قدامكم وبكره بإذن المولى يجي النونو ويجي رزقه معاه وزوجك يحبك أنا واثقة ونفسه يحقق لك كل أمانيك ويكسب رضاك بس مع الأيام وصبرك وحكمتك بيتغير للأفضل وبتكوني أسعد إنسانة ترى ياروح الرجل الطيب المحترم نعمة عظيمة لما نقارنه بإلي يضرب ويسب ويهين ويجرح نقول الحمدلله رزقنا أزواج محترمينا ومحترمين إنسانيتنا وظروفنا أفضل من ظروف غيرنا بكثير انتبهي لنفسك وأسأل الله أن يسخر لك زوجك ويحقق أمانيك ويهون عليكِ ويبشرنا قريباً بولادتك بالسلامة وسلامة مولودك :* :* |
ركزي على كلام الأخت سيدة الموقف
وأنا مع هذه النقطة المقتبسة في الأسفل لاأعلم أن زوجك لايعمل او صاحب دخل غير ثابت اقتباس:
|
باضيف المستجدات و بعدين اعلق على رد حبيبتي سيدة الموقف :)
|
رحت المستشفى اليوم الظهر و عند دكتورة ممتازة و معروفة و اخلاق <-- اهم شي عندي اخلاق الدكتورة :D
هي نفسها اللي راجعت عندها اخر مرة.. الالتهابات و الحمد لله اختفت، و أنابيب الحديد أخدتها .. بس قلت للدكتورة انه حركة النونو صايرة اخف من قبل بكثير و توقف الطلق اللي كان يجيني من قبل،، خافت و قلقت و سألتني كم تقريبا الحركة باليوم ؟؟؟ اذا اقل من 10 فمش كويس، و لو 10 اقل شي باليوم فطبيعي ،، و قالت بتفحصني و تشوف عنق الرحم .. قلتلها يادكتورة ماينفع سونار ؟ باتعور .. قالتلي معليه تحملي و انت جدعة هههه و ضروري نفحص من تحت .. و عشان أفيد الحوامل فأقول اللي قالته الدكتورة.. قالتلي اروح افضي المثانة الله يعزكم، عشان لا اتعود كثير و حتى تقدر تقيس كويس.. رجعت لها ، و الصراحة، المرة هذه .. دخلت يدها بشكل اعمق من اخر مرة و قالتلي معليه و لا تضغطي على أعصابك و بالأخير شافت نبض النونو ،، و قالتلي خلصت الشهر التاسع بس العنق مازال مقفل و ما انفتح بس دام الحركة قلت عن قبل، فلازم تصوير السونار عشان تتطمن على موية الجنين .. الحمد لله، نتايج التصوير طلعت كويسة .. . . قالتلي الدكتورة، بتعطيني اسبوع كامل فرصة .. لو ماولدت، اجيها السبت و تعطيني تحميلة و طلق صناعي و تولدني السبت الجاي و قالتلي الاسبوع هذا، كل يوم اعد كم حركة للجنين ؟ لو اقل من 10 ،، اروح لهم الطوارئ و اكثر من شرب السوائل عشان موية الجنين، و عشان الالتهابات ماترجع ، و امشي كل يوم و قالت كمان ( دعك الصدر و خاصة الح ل م ا ت .. بزيت الزيتون كل يوم 3 مرات و لمدة ربع ساعة ، لانها تحميييي الطلق ) .. و هذه معلومة الصراحة قريتها مرة من النت و ماصدقت .. بس دحين تأكدت من كلامها . . جينا للمهم ،، *بعد مالدكتورة فحصت لي و دخلت يدها بشكل عميييييق، شفت الله يعزكم نقطتين دم عالسرير .. و قلت بداخلي يمكن مثل اخر مرة يوم كشفت علي كان فيه كم نقطة دم خفيفة .. بس دحين يوم جيت اصلي العصر ، يعني بعد ما رجعت من عند الدكتورة ب 4 ساعات ،، لقيت السروال الداخلي الله يعزكم فيها بقعة دم غامقة .. و مسحت بالمنديل و شفت دمممم ،، ماني عارفة ؟ هذه هي السدادة اللي قالت عنها الدكتورة و اللي اقرى عنها و لا شي طبيعي لانها دخلت يدها جووووووة و عورتني ؟ هي دخلت يدها للداخل مرة لعند العظمة، اظن عنق الرحم ؟؟؟ . . دقيت على زوجي دحين في شغله و قلت له اللي صار، بس قلتله يستنى لا يجيني لحد ما احس بالطلق، لاني سخنت الأعشاب بعد مااستخرت امس .. و باشربها مع عسل طبيعي و باشرب موية الزمزم المقري عليها آيات تسهيل الولادة .. الدكتورة قالتلي اذا شفتي دم او مويات، تعالي لطوارئ و انا ماني حابة اروح لحد ما احس باي طلق .. و قلت لزوجي يجيب معاه و هو جاي ( حلتيتة ) اشمها ؟؟ قريت بالنت انها تفتح الرحم، اخاف اروح و الرحم مقفل .. دعواتكم .. باشرب دحين الأعشاب و اتوكل على الله و أستنى يجيني طلق..* |
روح..
قلبي معاكي والله يقومك بالسلامة .. مع اني افضل تروحي للمستشفى بعد الي شفتية وكلام الدكتورة . اشربي الي قلتي علية واول مايوصل زوجك على حسب المستشفى الي بتولدي فيها لو فيها جنبها مكان مناسب للمشي خذي لوازمك والبيبي بالسيارة واتمشي مشي خفيف وقتها تكوني قريبة :24: مع اني مااعرف بس الخوف انك تشربي هالشي وتجيك الام ولادة وطلق وقتها تكوني قريبة بدعي لك لين ماتضمي البيبي بصدرك وتقر عيونك بشوفتة سليم معافى الخلق والخلقة يارب .. طمنينا عنك اول باول .. :27: |
سيدة الموقف
الله يسعدك، ريحتيني .. و انا من جد معتبرتك اخت ليا بدون مجاملة :) الصراحة ،، ارتحت كثير بكلامك.. و اللي قلته هنا ما قلته لوحدة من اخواتي حتى .. بعيلتي الصراحة، مافي وحدة من قريباتي و لاقريبات زوجي موظفة غير وحدة تقربلي و تطلقت من زوجها بعد ما ضحك عليها و لحد دحين بتسدد ديونه هي .. فكنت اشوف ابوي الله يرحمه كيف يصرف على امي، و اخواني و عمي و كل رجالنا و ازواج اخواتي .. و الحمدلله حالتهم كلهم تمام .. و اخوات زوجي كمان ازواجهم يصرفوا عليهم .. و اسمع اخواتي و اشوف اللي زوجها جاب لها طقم و لا سفرها و لا جاب لها شغالة و اخوات زوجي .. بس الحمدلله و الشكر .. انه الامور هذه ماتهمني أبدا.. و الدليل اني كنت رافضة فكرة الزواج من ايام الثانوية و كنت انخطب قبل اخواتي اللي اكبر مني و ارفض و رجال حالتهم المادية عالية مرة .. لاني ماكنت حابة نظرة اهلي و اغلب الناس اللي بمجتمعي .. و حتى واحد امي كانت مرة متشجعة اني اقبل فيه، عشان امه طيبة و اهله مررررة اغنياء و تجار و إخوانهم اصحاب اخوي، و رفضت الشاب وقتها لانه كان يهمني ( الاخلاق + الدين ) .. الفلوس تروح و تجي، ابوي بلمح البصر كل أملاكه راحت قبل لا يموت الله يرحمه ،، عشان واحد ضحك عليه و سرق أمواله و ورط ابوي بديون و هرب من السعودية .. فشفت بعيوني كيف الدنيا تغير من حال الشخص لحال اخر .. المهم، الناس هذولا بعدين اخوي عرف انهم تقدموا و اني رفضت .. و زعللللللل و تخاصم مع امي و حتى من سنتين ام الشاب، مع انه تزوج .. بس الام شافت امي و احرجتها و سالتها و قالتلها انا لحد دحين ماني عارفة ليه بنتك رفضت ولدي ؟؟؟ و امي جات و قالتلي ،، بس الحمد لله ماندمت، لانه الشاب سمعنا قريب انه أتمسك من المباحث بقضية رشوة .. بس حبيت أوضح اني ماعمري فكرت اتزوج شخص لماله او منصبه .. . . و وقوفي مع زوجي، بيخلي الشيطان مرات يوسوس لي،، اني غبية و اني و اني بس الصراحة،، لو ماشفت تغير زوجي للأفضل كل شوي، و محاولته توفير اي شي ينقصني اذا كان معاه ، ماكنت قدرت تعبه و حاولت اخفف عنه .. الحمد لله يا سيدة المواقف، و اشكر ربنا .. انه ربي معوضني بالوظيفة و راتبها الصراحة اعلى من رواتب اخواني و ازواج اخواتي و اقارب زوجي ،، و خاصة مع الماجستير بتزيد اكثر و الدكتوراة مستقبلاً.. بس عمرها الفلوس ماتجيب لنا السعادة و لا الراحة .. فيهمني انه زوجي يقدر وجودي بحياته ، عشاني انا ( روح الطير ) مو عشان الوظيفة الفلانية .. و الحمد لله هذا اللي لقيته منه .. بالرغم من تحريضات اهله و طمعهم بالراتب .. . . باستعد للمستشفى، دعواتك ^^ روح المساء ،، فاهمتك ياقلبي و عقبال يارب ما يجيك اللي يشيلك فوق كفوف الراحة ^^* |
يسعدك يارب احساس عمري ..
خوفتيني اكثر .. المشكلة انه زوجي بشغله، لازم احد يستلم مكانه فأخاف اخليه يخرج دحين عالفاضي ؟؟؟ بس شكلي راح اعمل كذا،، بدت تجيني تقلصات .. |
توكلت على الله و شربت كاستين من الأعشاب و العسل الطبيعي
نفس اللي شربتها قبل اجيب ولدي و ولدت بعد كم ساعة مع السلامة .. الطلق كانه بدأ .. بأدق على زوجي ميتة رعبببببببب اسيبكم، اجلس اقرى الآيات و الأدعية و اشرب زمزم |
الساعة الآن 01:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©