|
الحين بنزل باقي التقرير
خلوكم قريبين |
خرجت من البيت قببل ان تأتي السياره
ذهبت الى تله رفعيه في القلين فيلد اردت ان اختلي مع نفسي قبل ان اسافر وقفت والهواء قطرات المطر الخفيفه تنسال على جبيني وقلت لحبيبتي نيوز لندا وقفت وانا كلي شموووخ وقلت حان الفراق قبل الاوان نيوزلندا اذكريني دائماً اذكري فتى نجد تذكري دائماً انني كنت هنا تذكري ان قدم العز والمجد والتاريخ باركت ارضك تذكري ان احد شجعان نجد وطأ ارضكي انا احببتكي وقد عبرت القارات لكي اللامس يديك الجميله لو رحلت فعهد عليكي ان تقولي لكل زوار هذا المكان ان ترانزيت كان هنا تذكري وطأ قدامي في كل مكان وحرام ان يمس الغريب جلد حبيبي نيوزلندا في ارضكي انا دفنت قلبي حتى اشجار الزيزفون ذرفت دم نيوزلندا قولي لي مانو ع هذا الوداع فادموعكي سقطت من عيني غامضاً انا يا نيوزي فلاتلمسيني حبه مازال معي فلا تقترب اكثر اخضع رأسي واذلني فلاتجعلي هذا الجرح ينزف نيوزلندا أما كان قلبك حزيناً مثل قلبي قولي لي هل ستذكريني هل سوف تروين لكل المارين من هذا المكان عن قصتي في ارجاءك وان لم تقولي شيئ فتأكدي ان الامي سوف تطاردك في الدنيا والاخررررررررررررررررررررره وبعد هذا افلايجب لحبك ان يحاسب على جحووده نيوز لندا صدقيني سوف ارجع لكي سوف احررك من الجميع ولكن لن ارجع زائر بل سأرجع داخل انشاء الله سوف يعود عصر العزه وسوف نأخذكي لنا ولن ندعك للغير ان ارضك الطيبه لاتستحق الا نحن وداعاً نيوزلندا وداعي حبيبتي وداعاً يامن سهرت اليالي احلم بك وداعاً يامن فطرت قلبي وادعاً ايتها الساحره وداعاً نيوزلندا توقيعي من ارض نجد العذيه الى ارض الحلم رائد عبد الوهاب الاحمد يتبع |
قال الوداع ومقصدة يجرح القلب
محال قلبي ينجرح من وداعة من حبني يامرحبا براعي الحب وان راح ربي يحفظة كل ساعة هنا وقفت عند باب المطار وانزلت حقائبي وفجأة جاني واحد ماوري يمشي من بعيد عليه جسم عملاق رعد العملاق مو شي عنده قال هي تبي اشيلك الشنطه .. قلت لا شكراً قال الا لازم اساعدك .. انا وجهي هيك خلاص طيب شيل الشنطه وامشي جمبه كني واحد من عياله قال عطني 20 دولار .. قلت 20 قال ايه قلت ياخي لا بعطيك 15 بس قام يقولي وش تقول 15 هذي 15 (( طوط طوط طوط )) قام يمدحني وكيذا << نصاب وشوي الا رمى الشنطه في الارض وقام يطير عيونه فيني لدرجه اني ماعرفت ابلع ريقي قلت له وش بلاك ناظرني وهو ساكت قلت في نفسي شكله بيسدد لي لكمه خطافيه بيطير مخي زي كورة القولف قلت كما مان انا اضحك معك هههههههههههههههههههههههههههههههههه ههههههههههههههههههههههههههههههههههههههههههه عطيته 50 قلت لنفسي انجو بنفسك شكله ذا مهبول لو ذبحني محد بيشره عليه وهو اصلن الخبل ينشره عليه << قاعد يسلك لعمر رحت للكونتر حق المطار عشان البوردينق وقالي الموظف حط الشنطه حقتك عشان الوزن ادري انه بيقولي الوزن زايد المهم قالي الوزم زائد 3 كيلو والكيلو بي 100 دولار اذا تبي تدفع مانقول لا انا قعدت افكر وافكر وقلت لا حرام الاغراض حقتي غاليه مهيب رخيصه بدفعها واركبها .. وفكرت مره ثانيه قلت اصلن لو بدفع ال 300 دولار بتصير اغلى من الاغراض وكلها اغراض يعني مو ذيك الاهميه يعني جزمه كرمتو وشال ماركه قويه وحزام و وبلوفر وتي شيرتات وملابس هيك وهيك . فا قلت للموظف خلاص بشحن اغراضي الا هذي الشطنه قالي وين والشنطه وين بتحطها .؟ قلت هههه الشنطه خلها عندكم قال لا ممنوع ودها اي مكان ثني قلت خير انشاء الله اخذت البوردينق وانا حاقد على الخطوط الصينيه وهقتني متحسف على الشطنه وقلت لنفسي لازم القى حل فتحت الشنطه وقمت لبست الشال والحزام حطيته في الشنطه الي على ضهري والتي شيرتات دعستها بشنطه الى ان قالت لي الشنطه خلاص شبعت ومافيه مكان الا عبيت الشنطه فيه ومابقى الا كوتش اديداس شاريه من نيوزلندا واشياء تافهه جيت مكان مافيه احد واذب الشنطه وانحاش << لو تشوفون شكلي وانا اركض << سبهه شوي الا نادتني وحده موظفه قالت يبو الشباب نسيت الشنطه قلت ايه والله صح خلاص الحين برجع لها اصلن هي قامت تضحك دررت اني نصاب يعني ماره عليها هل الحركات قالت انت سعودي صح قلت ايه وسولفت معي وفي الاخير قلت ترى بوهتك بوهة وحده عربيه (( البوهه = يعني الشكل )) قالت صح قلت لها عراقيه قالت ايه قلت يابنت تكفين افزعيلي وين اروح الحين قالت تعال وراي واناماشي وراها عشان تعلمني المكان الصحيح قلت مو هني وروح لله يوفقك قالت لي رافقتك السلامه قبل السيمي فاينل واتصالات متتاليه والجوال مافيه بطاريه يتبع |
بعد ماخلصت من اموري وقصيت البوردنق وكان باقي على رحلتي تقريباً 3 ساعات على مااعتقد
قلت خلني احط اغراضي في الامانات واتمشى شوي قعدت اتفجر على الناس وعلى الاورببيين والمسافرين الله شعور حلو لما تشوف شخص يبي يسافر ومتحمس ولا اخفيكم اني اشتقت لهلي مرررره كنت اتمنى اغمض وافتح وشوفهم عاد وانا يعني رجل فمابالكم في البنات مدري وش بيسوون احس انهم اذا كلمو اهلهم مسنجر انواع الدموع ماعلينا انا وقتها صراحه شعوري غريب احس ان ذكرياتي في مدينة اوكلند بدت تتبخر يعني شي غريب عجيب احس اني ماشبعت من هديره بس حفضت شوارعها كأنها الرياض حفضت الكوين والنيو ماركت وكل شي في اوكلند حتى ذاك المقهى الي على الكوين كنت اجلس على رصيفه وكأنني في حارتنا يعني بصراحه كانت تجربه جميله والجمال يحتار في هذي التجربه فجأه رن الجوال ابو منيف على الخط بيني وبينكم ماتوقعته يتصل خير شر قالي كم باقي على رحلتك .۔ قلت له مابقي الا ساعتين ونص وبعدها بدخل جوى قالي انا برى عند البوابه اطلع ابسلم عليك بصراحه اني اناظر فيه مع القزاز وهو يأشر لي اطلع بسلم عليك وانا رجولي عيت تقودني له ماادري وش السبب بس اتوقع هو كره الوداع والابتعاد اقول في نفسي هذا الشخص له مكانه في قلبي وعشرره انا وياه كيف بهذي السهوله ااقوله فمان الله واروح صرت أأشر بيدي من ورى القزاز اقوله فمان الله صار ينادي بصوت عالي لدرجه لفت الانتباه لكل الي قاعدين وصارت انظار الناس لي وكنهم يقولون ليش ماتودع الصديق طبعاً لقيت مع ابو منيف ناس اعرفهم يعني بدون مجامله عدد المتواجدين الي اعرفهم فوق الثلاثين واحد ماتتصورون كيف كان لها وقع على قلبي ابتسمت وفرحت انو يعني فيه احد تذكرني ناظرت لهم وكل هذا من ورى القزاز ماتتخيلون كيف كان ودي اني اصورهم واشوفهم كيذا دائماً الله الله الله كم هو شعور جميل حين تحس بان لك ناس يحبوووونك قلت لنفسي لازم اطلع جيت بطلع وفجأه مسكني واحد مع يدي يتبع |
اهنيك ما شاء الله عالفواصل ..
تعطينا جزء من الحدث من باب التشويق والتعذيب .. لكن صدقني براعة اسلوبك ودقة تصويرك ترغمنا على الانتظار .. الاحداث مبكية وان كانت كذلك ابكت الجميع والاسلوب مبهج وامامه نضحك من القلب .. نحن ننتظر .. فارجوك لاتتأخر علينا .. ربي يسعدك .. |
تقريرك جدا ممتع.يعطيك العافية تابعته للاخير.
بصراحة احداث درامية وفكاهية واجتماعية ممتعة في انتظار الحلقة الاخيرة لا تطول علينا والله يجزاك خير انك وجهتهم للاسلام غيرك يمر مرور الكرام ولا عليه |
جميله جدا نيوزلندا وتقريرك رائع
بس بيكون اجمل لو وثقته بصور <~ آكرره تحميل الصور .............. |
تكفى يالطيب لاتخلي الموضوع الا وانت منتهي منه هههههههههههههههههههههه
حسيت نفسي اشوف فلم كامل ماشالله عليك والله يحفظك في حلك ورحالك |
حلمـــي أن أزور من كل الدول .. نيوزلنــــــــــدا ..~.~ موفــــــــــــــــــــق إن شاء الله ..~ |
رد : تقريري الى سحر نيوزلندا // دراسه + سكن مع العائله
ماشاء الله تبارك الله
قرقرتك ماقريتها ولا ابغا اقراها خير الكلام ماقل ودل الصووووووووووووور روعه |
| الساعة الآن 06:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©