ندوش...انا شايفه الامور بينكم تمام..وماشيه بشكل عفوي...ولاتزعلين نفسك..ولاتقولين مجروحه من زوجك لان هو بعد مجروح..وبالنسبه لامك روحي زوريها وسلمي عليها ولاتفتحين موضوع يذكرك بالي صار حتى لو امك بدأت وفتحت قوليها ياامي انا ماابي اتكلم في هذا الموضوع..

اخت ندى بس حبيت اذكرك..انه انتي الان صار على حملك شهرين وضروري تراجعين المستشفى عشان فيه فيتامينات ضروريه لسلامة الجنين..في الشهور الاولى وانتي قربتي تخلصين الشهور الاولى ولاسويتي تحاليل ولاخذتي الفيتامينات اللازمه..اطلبي من زوجك يوديك على دكتورة النساء..

تابع الحق

لا تنسى ان قلب الام على ابنتها احيانا يلعب دور عكسي بالموضوع

هي خافت على ابنتها ولم تحسن التصرف ولكن من خوفها على ابنتها فعلت ما فعلت

الحمد لله رب العالمين والدها زكي مثل ما قلت وتدارك الامر

الباقي على ندى تكمل ما اقدم عليه والدها

ترا البنت سر ابيها

والام بمجرد ما تعرف ان ابنتها سعيده وزوجها يكرمها رح ترضى
ولن ترضى لابنتها الا كل الخير والسعاده


حاليا علينا بالزوج واليوم الجمعه يعني ما عندو عمل فرصه تغسل القلوب الحب والكلام الطيب الجميل المعسول اللي يخرج من القلب

وللقب يدخل
وباللمس والشوق والطفل القادم في الطريق

ولولا الاشتياق لما حصل الحمل صدقوني

ندى خذي بيده وضعيها على بطنك وقوللي له : ولدك يناديك ويسلم عليك

اجعليه لمس بطنك ويشوف كبر ولو قليلا

قولي له : عم يقول بابا بابا

وازعلي وقولي : قال بابا قبل ماما هيئ هيئ هيئ

وامزحي واضحكي

يا الله عروس شطوره انتي كرمال ماما غرين

روحي وقولي له أنا تذكرت الأشياء الزينه اللي فيك
وتعوذت من الشيطان ودامك اعتذرت مني أنا بعتذر منك
وحبي رأسه. ممكن تشوفينها صعبه بس صدقيني
بتكبرين في عين زوجك مررره وبتهذا أعصابه المتوتره
وبيعتذر لك عن كل شي

المهم اطلعي من الحالة اللي أنتي فيها الحين لأنك محتاجة لزوجك
ونفسيتك مع الحمل تعبانه

وقبل كل هذا صلي وادعي أن الله يسخركم لبعض
ويبعد عنكم المشاكل

ليه الغرور والام غرين ولايهون الباقين
سويت مثل ماقلتو لي وتكلمت معه بهدو وقلت كل الي بخاطري والله بهدو وبدون تجريح
مالقيت منه الي ولع بوجهي ويقول كلام كبير انتي ناكره للمعروف وانتي مثل الثعلب المكاروانتي انسانه جاحده وكلام كثير
وقالي انتي زباله الله يكرم المشاهدين وقال والله لربيك واخليك تعرفين تقدرين النعمه الي كنتي فيها
حاولت افهم منه شي بس ماقدرت وجلس يدعي ان الجنين يموت علشان ماتكون له ام مثلي وخرج وخلاني
والله ماحسيت بنفسي الا وانا اكلم اخته لانها قريبه منه وقالت ان امي قالت له كلام كبير
وقالت له ان ابوي غصبني عليه واني ماكنت راضيه عن عيشتي معه وكلام كبير واناعرفت الحين ليه قال انتي متاكده
اني انا ابو الجنين لان امي قالت له اني كنت اقولها لولا خوفي من الله ولا كان دورت على احد يعطيني حنان وحب غيره
الحين عرفت تصرفات كثيره لامي وش تفسيرها
والله العظيم كل الكلام الي قالته امي له مصار منه شي بس عرفت الحين ليه امي كانت تبي تطلقني منه
وليش كانت تمدح ولد خالتي بكثره حتى كانت تقولي انه يقول ماعندي مانع اتزوج مطلقه بحطها بعيوني طبعا هو عزابي
بعد ماتزوج
والله احس اني كرهت امي ليش تصرفت كذا خصوصا انها تدري زين اني احبه ولا ابي غيره
ماني عارفه وش اسوي ادخل اخوي الكبير بسالفه لان اخوي يحبه ويعزه ولا وش اسوي
اسفه كلامي ملخبط بس ماني عارفه وش اسوي
والله حتى الجامعه مارحت من كثر التفكير والتعب الي انا فيه

والله ضايقه فيني الوسيعه
ليه امي سوت كذا الحين عرفت ليش زعلت ولا هي راضيه تكلمني وكان كان ظني انها زعلت لاني علمت ابوي قبلها
لاتقولون خلي ابوك يتدخل والله ان يطلق امي وهذي صعبه ابني بيتي على بيت امي

الله يكون بعونك اختي رددي دائما حسبنا الله سيؤتينا الله من فضله انا الى ربنا راغبون وباذن الله سترين العجب

دخلي أخوك في السالفه علميه بكل الكلام اللي قاله هو وأخته ويحاول انه يبرر تصرفات أمك لزوجك الله يصلح سريرتها