|
رد : معقولة طلقني ؟؟؟[مستجدات بالرد 63 - 74]
خطوه جميله منك اتمنى تجي تخبرينا بشيء افضل واتمنالك حياه سعيده انتي وزوجك الله يصلح اموركم
|
رد : معقولة طلقني ؟؟؟[مستجدات بالرد 63 - 74]
مسائكم جمييل واشكر الجمييع من وقف معاي لو بدعوه اشكركم جزييل الشكر
زوجي صار له امس الصباح وهو راجع يبغى يجيب لي فطور اكمال مشوار الترضيه يبغى رضاي ارسل لي مسج وقال صار لي حادث على طريق ...... ارسلت لاخوي وقلت له فلان صار له حادث دق عليه يمكن يحتاجك وطمني عليه دق اخوي عليه بعدها بفتره وقال زوجك نقلناه المستشفى للاطمئنان وان شاء الله بخير ونطلع ونجييكم تطمنت الظهر رجعوا البيت استقبلتهم وتحمد لزوجي بالسلامه وراح اخوي وقال لاتسوين شي انا طالب من المطعم كل شي حتى القهوة والشاي وكل شي بيجيكم من وانا بالمستشفى وشوي بيجيكم اخوي فديته فاهمني وجابوا كل شي قالي لي زوجي تخيلي لو مت ولا صار شي واحنا متخاصمين تكفين اطلبي اي شي وخلينا نعيش ابغى اجتمع معاك بنفس المكان ابغاك تسولفي لي ابغى اسمع صوتك وضحك واشوف ركضك ومزحك قلت طيب وجبت ورقه وقلت اقراها كامله قراها وقال وش المطلوب قلت هات شوف انا عانيت معاك وطلعت الي بقلبي له كامل وهو قال لي بس كلمتين انا غلطت واعترف وابن ادم خطاء والله غفور رحيم انتي ماتغفرين لي ليش اعطيته الورقه وقلت له اهلي مسافرين فجر اليوم حاجزين وخالصين اذا ماوقعت يشهد علي ربي لاروح لهم واسافر معاهم واخليك تحس بفقدي صح وقع وهو يقول اهم شي ترجعين لي خذيت الورقه وانا فرحانه مررره ضمنت حقي وزوجي رجع زي مابغى البارح طلعنا تعشينا ومشينا شوي وهو يسولف ويعبر لي انه فقدني وش كان حاسس فيه ورحنا اهلي ودعنناهم ورجعنا البيت بس جلست على فيلم بالتلفزيون زوجي جاء قال وين راحت الي تجلس جنبي لين انام قلت اعجبني الفيلم وانا والله اتهرب منه مادري احس قلبي الين الحين مو راضي يرضى وزوجي حجز لنا نطلع هالاسبوع واول ايام رمضان دبي ونغيير جوو شهر عسل سريع والان نرتب ونحجز بالبوكينغ بعد العيد اوروبا شهر عسل كامل وانا بنفسي لاعوض حالي عن كل دقيقه بكيت فيها واطلع كل شي والحمدلله مررره ارتحت وكل شي تمام شكرا لكم جميعا |
رد : معقولة طلقني ؟؟؟[مستجدات بالرد 63 - 74]
الحمدلله على سلامة زوجك
والحمدلله ان امورك رجعت زي الاول واحسن ان شاء الله ومبروك يا عروسة hhn حاولي تبداي صفحة جديدة مع نفسك ومع زوجك بالتوفيق وربي يهنيكم |
رد : معقولة طلقني ؟؟؟[مستجدات بالرد 63 - 74]
الحمدلله اولا واخيرا
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. قيل معناها وتفسيرها ان قد يحصل للانسان اقدارا موجعه ومؤلمه وقاسيه وقد يجزع الانسان منها ويصاب بالالم والحزن وولكن فيها خير كثير ومنافع كثيره سبحان الله كرهت اسمع كلمة طالق بهذه الطريقه ولكن الله له حكمه حيث نطقها زوجي وتالم منها اكثر مني تادب منها وعاد لي كما كنت اريد حصلت على امور كنت اتمناها قبل طلاقي وهاهي حصلت لي بدون ان اتكلف الكثير لانعلم مالله يريد ولكن مانعلم انه الله رحيم بالعبد ارحم من الام على وليدها والاكيد ماحصل حكمة من الله ورحمة منه فله الحمد والشكر حتى يبلغ الحمد منتهاه وله الشكر من قاع الارض حتى عرشه في السماء |
رد : معقولة طلقني ؟؟؟[مستجدات بالرد 63 - 74]
الحمدلله الحمدلله فرررررحتينه الله يفرحك دنيا وآخره ياااااارب .... ماشاء الله تبارك الله ربي يتمم لكم بخير وصحة وسلامة ويديم محبتكم ياااارب ويهديكم ويسخركم لبعض ويخلي لكم اطفالكم يااااااارب ..،، تستاهلين كل خيرررر .،
|
رد : معقولة طلقني ؟؟؟[مستجدات بالرد 63 - 74]
الورقة الي وقع عليها
شيليها و ارفعيها عند اخوك |
رد : معقولة طلقني ؟؟؟[مستجدات بالرد 63 - 74]
اقتباس:
فعلا حسيت نفسي عروسه حتى خجلي من زوجي والحياء خصوصا بعد مارجعت فعليا لزوجي :o خصوصا وانا ارتب شنطة السفرة افتكرت ترتيب شنطة شهر العسل الله يديمها علينا وعلى كل المسلميين يارب |
رد : معقولة طلقني ؟؟؟[مستجدات بالرد 63 - 74]
اقتباس:
والله انتي كمان تستاهليين الخيير |
رد : معقولة طلقني ؟؟؟[مستجدات بالرد 63 - 74]
اقتباس:
ورحت بيت اهلي وحطيته بالتجوري الكبير حق العائله وكلمت امي لانهم مسافرين وقلت لهم بالتجوري شي خاص فيني لا ااحد يفتحه ياااارب زي ماتيسرت اموري تتيسر امورك ياروح وافرح فيك وتفرحين قبل دخول هالشهر الفضيل علينا jyh |
رد : معقولة طلقني ؟؟؟[مستجدات بالرد 63 - 74-112]
الحمدلله حمدا كثيرا
يارب نفرح بالبقيه .. روح الطير .. مهره .. ومهمومه .. وجروح .. والجميع حتى الي نسيست اساميهم ويجتمع شملكم ويجعل دخول شهر الخير خير للجميع وفرح وتجتمعون على الرضا والخير ياارب |
| الساعة الآن 05:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©