رد : طلقني
 

يا حبيبتي اهدئي وزوجك حله بالنفقة! تواصلي معاه لهالسبب فقط وهو من نفسه راح يقولك مابغي الاطفال! ... هو حاليا عارف نقطة ضعفك وقاعد يحاول يلوي يدك طنشيييييييييييه وابليس العنيه وكوني واثقة بناتك بيظلون بحضنك فلا تخليه يستفزك ويضعفك ...

كل ما تواصى معاك بشأن الاطفال وحاب يشوفهم خليه يجي ويشوفهم ولكن ذكرريه بمصاريفهم ! ومجرد ما انك تطالبيه ويرفض او تلكك تروحين لمحامي وهو يعرف شغله بعدها بيعرف انك فاهمه القانون تمام وواثقة من نفسك ومنتي ضعيفة مثل ما هو مفتكر !

رد : طلقني
 

يالمسة زوجك ماينفع معاه اظهار ضعفك

زوجك يبيله وحده قويه ، ماتتنازل عن حقها وحق بناتها


ريحي نفسك واقري الرقية وسورة البقرة واستغفري كثير عشان الشيطان مايحزنك ولا يوسوس بك.

رد : طلقني
 

صح كلامك يام مريم

رد : طلقني
 

زوجك يبيله وحده قويه وماتتنازل عن حقها حطي تحتها مليون خط
نفسيتي محطمه جدا جدا
واحتاج فعلا رقيه

رد : طلقني
 

هل هناك احد بالمنتدى يقدر يسوي معي دورات نفسيه
من اجل مساعدتي للطلوع من حالتي التفسيه
ارجوكم ساعدوني
خوف شديد يصيبني او يمكن وسواس قهري
كل ماطلعت بالتفكير من مصيبه ادخل بمصيبه ثانيه
احيانا يجيني وسواس اني راح افقد مالي واعيش فقيره
واحيانا اخاف من فقدان اعز الناس عندي بالموت او مرض او اي شي
مضغوطه جدا وكثرت علي الافكار السلبيه متشنجة اعصابي بالحيل
من وين اجيب القوه والافكار هذه تخليني اخاف زي الطفله
حتى يوم اركب طياره وكانها الرحله الاخيره مع العلم اني متعوده ع ركوب الطيران بس السنوات الاخيره صرت اخاف
وهالحاله جتني بعد زواجي ماكنت كذا
كل لي يفكر فيه زوجي اسوي له حساب وكانه مالك الدنيا وماعليها
ايش الحل ابي حل سريع عشان وراي بنات ومسووليه مابيهم يتعبون بسببي

رد : طلقني
 

لمسه نصحتك قبل كذا ضروري ترقين نفسك عند راقي وتستمرين لو سنه
اهم شي تتعافين وترتاحين

رد : طلقني
 

ياعزيزتي مادام اهلك يحترمونك ويحبونك وشايلينك وشايلين بنوتاتك ربي يخليهم ويحفظهم على كفوف الراحه
احمدي الله وطلاقك مقدرومكتوب
ياعزيزتي ادعي ربك يصبر قلبك ويعوضك كل خير ويجبر كسرك
ان شاء الله ربي يعوضك كل خير وبالنسبة لطليقك لاتتصلين عليه ابدا خليك قويه ولا تخافين منه ابدا

رد : طلقني
 

حبايبي وتاج راسي كلكم
اليوم ولي قبله عدى علي صعب
الله وحده عالم بحالي
راح اتوقف عن الكتابه في الموضوع
ابي انسى واطلع من هالدوامه باي ثمن
وراي مسؤوليه وامانه في رقبتي
لن تكون هناك رجعه بيني وبين زوجي
فهو طلب مني النسيان وقد اعترف انها الطلقه الاخيرة وتم تثبيتها بالصك
ولاخذ الصك يحتاج عقد النكاح وهو طلب بدل فاقد
كانت بدايه النهايه وقد شاء الله ان ينهي كل شي وبدوق مقدمات
راح اعالج نفسي ان كان برقيه وراح احاول بمعونة الله اجتياز هذه المصيبه
كل ما ارجوه هو ذالك الدعاء الذي انقدني في امور كثيره من حياتي
فانتم لكم فضل علي كبير بعد الله عز وجل
ربما اسافر انا وبناتي واهلي لمكان احس احتاج تغير بكل شي
سامحوني فوالله اني ثقلت عليكم واتعبتكم معي
كذالك اشكر الاداره الغاليه لتقدير ظروفي النفسية من اجل بقائي في قسم المتزوجين
اسال الله العلي العظيم ان يجمعني واياكم بالجنه
راح اترك الموضوع مفتوح لكي تدعو لي
واكتفي بالتحدث عن طليقي فكل شي انتهى وراح.

رد : طلقني
 

يا قلبي يا لمسة،

ظلي ادعي في سجودك وآخر الليل ( اللهم اربط على قلبي)

ورددي( لا إله الا انت سبحانك أني كنت من الظالمين)

وطبعا استغفري

وبتشوفي اللي يفرحك ويريح قلبك ..

حاسة بشعورك تماماً

سافري يا قلبي وغيري جو

وكويس انك قررت تطوي هال صفحة

الله يخلي لك بناتك ويعينك ع تربيتهم ويجعلهم صالحات وترفعي رأسك فيهم ،،

رد : طلقني
 

لا حول ولا قوة الا بالله
رددي حبيبتي اللهم اجرني في مصيبتي واخلف لي خيرا منها
الله يفرج همك ويحفظ بناتك ويعوضك خير يارب