|
رد: زوجي بيسافر وافتعل مشكله قبل يمشي!!
😊 كل ما اشوف اسمج .. اجوع واول شيء اقوله في خاطري
الكنافة بالجبنة لذيذة بس بالقشطة ألذ 💔 قلبي الصغير المهم صلي على النبي وهدي بالج .. الله يهديج يا اختي اذا معاج وما يقدر يقرب منج ولا يؤدي واجباته الزوجية بيروح يدور الحرام!!! 😊 ترى الرجال الطبيعي ما يحتاج يجمع طاقة الرجال يقدر يقوم بحقوقج الزوجية ويقدر يكون مع غيرج فلا تخلين للشيطان مدخل وبعدين ليش الغلط بالكلام يا كنافة ترى انتي اكبر من جذي واخلاقج ارفع من جذي ليش تفرحين الشيطان بهالطريقة ؟؟ وعلى فرض فرررررض انه رايح للحرام صح الامر متعب نفسيا لج لكن لابد وان ينكشف ترى زعلتي ولا رضيتي هو بيسافر يعني هذا الامر مفروغ منه لا تمرضين نفسج حبيبتي واحسني الظن بزوجج خصوصا اذا مو متعود على السفر بروحه ولا سبق وكشفتيه في خيانة لا سمح الله ياريت البعض ينتبه لردوده |
رد: زوجي بيسافر وافتعل مشكله قبل يمشي!!
استغفري كثيييييييير .... بترتاحين ....وقت الغضب توضي وصلي
|
رد: زوجي بيسافر وافتعل مشكله قبل يمشي!!
طبيعة الرجل مايحب الحن والزن وإنت ألحيتي عليه بشأن السفر،،في هذه إنت غلطانة،خاصة معوضك بغلوس وسفرة في العيد..
بصراحة أشوف رايته بيضا وعداه العيب. |
رد: زوجي بيسافر وافتعل مشكله قبل يمشي!!
طلع كلامك صحيح يا متفائله
الرجال شكله مبسوط بالخلاف تخيلوا بعد ماطبخت الغداء وخلصت ارسل مسج (راح اتغدى برا اليوم) طيب كان علمتني من بدري!!! طبعا ما رديت عليه واضح التصعيد من طرفه يبغى يكبر المشاكل اكثر واكثر لكن ماراح اعديها له هو فاكر اذا سافر بيرميني ببيت اهلي لكن هالمره ماراح اطلع من بيتي وابكلم سواق يجيني لحد عندي كل يوم اغير جو مو معقوله يرمي حملي وحمل بنته على نسايبه اهلي مو ملزومين بسفراته التافهه واخواني تحديدا (اللي غلط فيهم) مو ملزومين ببنته انا راح افلها بطريقتي وناويه انزل صور طلعاتي وسهراتي بالانستغرام عشان يشوفها ويغتاظ اقلها ينشغل باله ويروح بافكاره بعيد.. لانه شكاك ودوايها بالتي كانت هي الداء |
رد: زوجي بيسافر وافتعل مشكله قبل يمشي!!
اقتباس:
|
رد: زوجي بيسافر وافتعل مشكله قبل يمشي!!
لا حول ولا قوة إلا بالله
ما يصير اثنينكم تشدون ترى الحبل بينقطع! |
رد: زوجي بيسافر وافتعل مشكله قبل يمشي!!
أختي نصيحة لا تعاندين والله ماورا العناد غير خراب البيوت،..
|
رد: زوجي بيسافر وافتعل مشكله قبل يمشي!!
اقتباس:
انا مشكلتي معه اكبر من السفر هو بيسافر بوقت علاقتنا فيه ازفت من الزفت نفسه وقبل لايسافر خربها معي وزعلني يعني غلطان من ساسه لراسه وفتح لي باب للشك والوسوسه |
رد: زوجي بيسافر وافتعل مشكله قبل يمشي!!
اقتباس:
يحسبني من الحريم اللي يسكتونهم الرجال بكم الف وانا رميتها بوجهه عشان يعرف اني مو رخيصه اما سفره العيد فمافيها حجز ولا تذاكر لحد الان مجرد كلام ووعود مانعرف صدقه من كذبه لكن الله ياخذ لي حقي منه |
رد: زوجي بيسافر وافتعل مشكله قبل يمشي!!
احسني الظن يا كنافة وتعوذي من الشيطان
انتي وهو فيكم طبع المعاند وكل واحد رافع راية حقي كرامتي الحياة تحتاج مرونة وتسليك .. مو كل كلمة نوقف عليها ولا كل نقاش لازم يكتمل وزي ما تشوفين .. كل مشاكلك بالمنتدى تبدا وتكبر بسبب المجادل اذا ما تعلمتي اسلوب الحوار المناسب لزوجك ما راح تنتهي مشاكلكم |
| الساعة الآن 09:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©