|
رد: هل لزوجي الحق في ان يمنعني اعطي اهلي من ر
مادري .. وجهة نظري ..
انا ماني شايفة الأخت احبه غلطت في شي .. ^_^ بجد .. زوجها ماله دخل حتى لو كلامه الي يقوله 100 بالمئة صحيح و حتى لو ردها دفش .. خليه خلاص يعرف انه راتبها - ملك لها - و اَهلها و فلوسها - خط احمر - ما يتعداه .، . . خايف عليها من استغلال اَهلها لها .. !!!!!!!! مررررررة صدقتك !؟ ما كانك انت الي طردتها قبل شهر عشان 2000 ريال !؟ سبحان الله !؟ دحين طلعت الشهامة و الرجولة حقته ( آسفة لا تزعلي مني احبه ) و لا بس حجة .. عشان بالتدريج يحط يده على راتبها !؟ و يبعدها عن اخوانها و اَهلها !؟ . . عزيزتي انت فعلا .. مو قاصر .. لكن لا تخرجي من بيتك .. قولي له انا ما اخرج من بيتي و قفلوا عالموضوع خلاص .. يكفي وصلت له الرسالة ( مالك دخل في راتبي ) لانه من اول عينه على راتبك .. |
رد: هل لزوجي الحق في ان يمنعني اعطي اهلي من ر
الاستاذ فهلوي
لاتغلط عالزوجات الموظفات .. لو سمحت .. ايش ربع زوجة و لا سدس و خمس ؟، مو كل موظفة مثل ما الرجال يتخيلوا .. و لا .. الي ما يطول العنب .. حامض عنه يقول !؟ |
رد: هل لزوجي الحق في ان يمنعني اعطي اهلي من ر
اقتباس:
::PPP::PPP::PPP |
رد: هل لزوجي الحق في ان يمنعني اعطي اهلي من ر
اقتباس:
كل النساء تستخدمه في إطلاق نصف رجل وربع رجل للمعددين فـ أنا إستخدمت نفس المصطلح يعني حلال عليكم حرام علينا : ) بعدين أي عنب أصلحك الله جربت الموظفة وربة المنزل والطالبة مافيه نفس ربة المنزل : ) فـ المفروض ان المرأة تتنازل قليلا وتعامل المسألة بذكاء وسياسة |
رد: هل لزوجي الحق في ان يمنعني اعطي اهلي من ر
اقتباس:
كل الي ردوا عليك قالوا لك راتبك لك وزوجك ماله حق يتدخل براتبك بس طريقتك في الكلام عن فلوسك مزعجة راتبك وحقك وماله دخل وماله وصاية علي وصرافتي ومدري ايش يا اختي نصيحة انا ما اعرفك بس من امس وانا اقرا ردودك تنرفزت من اسلوبك بالرد على زوجك حتى لو كان غلطان وطمعان مثل ما تقولي لكن بسبب اسلوبك الغلط صار عليك اكبر الله يهديك ويصلح حالك |
رد: هل لزوجي الحق في ان يمنعني اعطي اهلي من ر
يابنت الحلال عارفين ان ماله حق لكن اسلوبك دفش ومنفرر
اذا قالك لاتتصرفي الا بشوري قولي ابشر مالي غناة عن رايك لكن بالواقع لاتعلمينه ابد عن اي شي يخص اهلك او اي تصرف اخر يعني اتركي العناد بالكلام والجدال لان بيضرك لكن بالفعل افعلي ماترينه بدون الرجوع اليه فهو لايعلم الغيب |
رد: هل لزوجي الحق في ان يمنعني اعطي اهلي من ر
اقتباس:
ايه غلطت في الرد عليه بس مو من الصح في المقابل انها تقول ابشر ومالي غناة عنك زوجها ما ينمزح معه في سالفة الفلوس ابد ، ولا ينوخذ على قد عقله احبه انا مثلك موظفة ، يعني افهم شعورك وحاسه فيك بكرة امك تروح من الدنيا وتحسفين قد عدد شعر راسك وزوجك يبي له الغموض والاستقلالية ابيك تفهمين شغلة وحدة بس " لا تفكرين في يوم من الايام بيكون قلبه عليك والا بيتفهم شعورك وتصرفاتك" انسي!! باختصار خلي عنك البربره الزايده له اكبري شوي وتعلمي الصمت ترى عني أنا حامت كبدي من مشاكلك معه عشان الفلوس ، لان الحل واحد وواضح بس انت ما تبين تفهمين اذا صفت الامور بينكم علمتيه بكل شي وسولفتي بالاكو والماكو ، ما تتعلمين من الماضي ابد وعشاك كذا بتجلسين طول عمرك فلوسي وفلوسي |
رد: هل لزوجي الحق في ان يمنعني اعطي اهلي من ر
إذا أستمريتي على هذي الأسلوب في الكلام و الاهانه
صديقيني الموضوع بيكبر و يمكن هو بنفسه يرجعك لأهلك مو بكلام زي أول روحي لأهلك الأحترام يا أختي الأحترام والتفاهم مو بالهجوم في الكلام و الأهانه |
رد: هل لزوجي الحق في ان يمنعني اعطي اهلي من ر
ياعمري اكسبيه انتي بالكلام الزين واللطف...ترى اغلب الازواج لايغض النظر عن راتب زوجته وقد يطلب منها المشاركة بطريقة او بأخرى في متطلبات الحياة..عاد انتي ليه دايما عصبية بردودك فيما يخص راتبك ..زوجك شكله حاسس انك مستقوية براتبك عليه وهو يبي يحس انه لازلتي تحت سلطته رغم انه مخطئ بس يااختي عطيه جوه بالكلام الحلو ع الاقل وانه انت ماشاء الله عليك بار باهلك واخواتك وانا بعد قاعده اسوي مثلك ابر امي وخواتي في حكم الايتام وانا قاعدة اسوي لاخرتي شي ينفعني واذا انت بتحتاج ان شاء الله ماراح اخليك تمد يدك لاحد غريب ...وانتي سوي اللي تبين براتبك. وحطي لك اساسيات امشي عليها فيما يجب ان تشاركي فيه واتركي مالايستدعي مشاركتك بس كله باسلوب وذوق وابعدي عن العصبية والحدية في التعامل.الله يوفقك..فيما يخص مشكلتك زوجك فيه جوانب زينه لاتفرحي الشيطان عليكم اجلسي معاه اليوم وقولي تخسى الفلوس ياحبيبي تفرقنا واشرحي وجهة نظرك بهدوء وانه زوجك غالي غندك واهلك كمان غالين ولهم حق عليك وكذا ..حاولي اصلاح بيتك الراتب مو كل شي وكثير من الموظفات عندهم مشاكل من هالناحية مثلك بس مسكو العصا من النص ومسكو بيوتهم انتبهي حبيبتي الراتب ليس كل شيء اناي بحاجة لتكوين اسرتك الخاصة لانجاب اولاد يقومون فيك اذا كبرتي بكرة خواتك يتزوجو وامك الله يطول لك بعمرها يارب مو دايمة لك واخوانك ببيوتهم وعوايلهم ماراح تلاقيهم حولك دايم ترى مايدوم لك غير بيتك وزوجك وعيالك اللي بتجيبينهم منه...الله يصلح احوالك
|
رد: هل لزوجي الحق في ان يمنعني اعطي اهلي من ر
اقتباس:
ومن غير المنطقي ان تخرب الزوجة بيتها منشان كم قرش والزوج ابقى لها وهو سندها الرئيسي في هذه الحياة . |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©