|
طيب زين
هل الموضوع ينتهي بعد الشوفة مباشرة والا بعد الحديث عن التفاصيل؟ اقصد المهر والشروط ؟ وماهي النقطة التي غالبا مايتوقف المشروع عندها؟ ولو كان هناك شروط ممكن نعرفها ؟؟؟ هل الاعتماد في الخطبة على النساء ام الرجال ؟ يعني مين اكثر فالصورة ؟ انت ذكرتي ان والدتك مريضة من زمان هل مرضها وراثي ؟ اسف لو ثقلت بالاسئلة لكن ان شاء الله نطلع بنتيجة |
اختي شوبارد
عليك بالجؤ الي الله |
أختى شوبارد فرج الله همك ورزقك الزوج الصالح و الله هذا الكلام جعلنى أنتظر و قت فى التعليق و لكن نرجوا من الأباء عدم الغلاء فى كل شئ وترك النزعة القبلية و التفكير فى كيف يسعدوا أولادهم فى هذه الحياة و لكن أدعوا الله لكى بالزوج الصالح و لعل يكون خير ا و إن شاء الله يكون لكى زوج فى الجنه إن شاء الله
|
الله يرزقك اللي يستاهلك عاجلا غير اجل
الله يشرح صدرك ويفرح قلبك والله حبيبتي شوبارد ماأنساك بالدعاء الله يسهل أمرك يارب |
هل الموضوع ينتهي بعد الشوفة مباشرة والا بعد الحديث عن التفاصيل؟ اقصد المهر والشروط ؟ وماهي النقطة التي
غالبا مايتوقف المشروع عندها؟ يختلف.. مرات بعد الشوفة ...مرة قدم المهر وحددنا الملكة وفجأة اعتذر.. مرة شافني واتفقنا على كل شي ودق على ابوي بيجي نهاية الاسبوع يجيب المهر ودق قبلها بيوم واعتذر!!... مرة يجون الحريم وبعدها يجي يتعرف على اهلي وبعد كم يوم يدق ويعتذر! ولو كان هناك شروط ممكن نعرفها ؟؟؟ مافيه شروط.. اللهم يقولون له ترى البنت تبغى وظيفتها وياليت بيت مستقل بس << بس مايشرطون فيها اهلي هل الاعتماد في الخطبة على النساء ام الرجال ؟ يعني مين اكثر فالصورة ؟ النساء أكثر.. هم اللي يجون أول وبعدها يجي ولدهم مرة وحدة بس اللي جا هو وشافني وقال لأبوي اهلي بكرة راح يجون معناته اعجبته وجو اهله امه تهبل وكلامها خطير لدرجة قالت لامي طلعي بنتك الثانية لولدي الثاني ترانا شارينكم بس كانت عمته معهم وماعجبتني نظراتها المهم بعد كم يوم جا خبر انهم هونو!! السبب يقولون الحريم شكلهم تجار وبتتعب الولد بعد الزواج علما بأن ولدهم راتبه فوق 10 آلاف!!! والله احنا محنا اغنياء مرة عادين بس وش تقول عن فلسفة الحريم انت ذكرتي ان والدتك مريضة من زمان هل مرضها وراثي ؟ ايه مرضها وراثي.. لكنها مهي مقعدة تروح وتجي وتسافر وتطبخ وتسوي عزايم كبار وكل شي لكن زاد عليها في الآونة الأخير ة وسوت عملية والحين الحمدالله احسن تتوقع هذا سبب؟؟ طيب خالي مريض بنفس المرض وبناته كلهم راحو عادي وفيه اثنين تقدمو لي لما كانت امي في المستشفى يعني عارفين!! واللي قد اعطاني المهر تقريبا انتظرو خروج امي من المستشفى وبعد شهر عشان تتحسن ثم تقدمو يعني عارفين! اسف لو ثقلت بالاسئلة لكن ان شاء الله نطلع بنتيجة اشكراهتمامك اخوي وجه الحقيقة |
كيف بيت مستقل يعني مايسكن بنفس المكان اللي فيه اهله ؟؟؟ والا شقة مستقلة وليس هناك مشكلة
لو كان الاهل بنفس المبنى ؟؟؟؟؟؟؟؟؟ اللي فهمته منك انك معلمة في مدرسة خاصة يعني مؤقت هل شرط العمل مهم لهدرجة ؟؟؟؟؟ يعني هل من الممكن التجاوز عن هذا الشرط ؟؟؟؟؟؟ وبعد العرس ممكن بالتراضي ترجعين لعملك ؟؟؟؟؟؟ هل تمت مصارحتهم بمرض الوالدة ؟؟؟؟؟ على اي اساس يقولون تجار ؟؟؟؟؟؟؟؟؟؟؟؟؟؟ هل عرفتم اي سبب غير ذلك بعد الاعتذار ؟؟؟؟؟ مرض الوالد لم يتوارثه احد اخوتك ؟؟؟؟؟؟؟؟؟ |
اقصد سكن مستقل ماهو مع اهله والعمل مهم بالنسبة لي جداااا
لكن قلتلك اهلي رافضين الشروط يقولون عيب البنت تشرط!! لذلك يقولون ترى البنت تفضل العمل والسكن المستقل << يعني اذا مايبي عمل ويبي يسكن عند اهله ماراح نرفض فهمتني أخوي!؟؟ لكن في الغالب اللي يجون ماعندهم اشكال في السكن او الوظيفة ماحس يهتمون فيها كثير ليه نصارحهم؟ مافيها مرض غريب .. يعني الوحدة اللي في امها مرض سكر او ضغط يقولون للخاطب!!! معقول؟ واخواني واخواتي الحمدالله مافيهم هالمرض على اي اساس قالو تجار؟؟ علمي علمك يمكن بس احنا متطورين اكثر منهم من ناحية الأثاث والتقديم وتعرف حركات الحريم يمكن من صينية حلا تحكم على الناس وفلوسهم!! |
والله انا ماني شايف اي مشاكل الى الان لكن اشوف انكم توقفوا موضوع الشوفة والتريث في استقبال الناس يعني قبل اي شي اكثروا السوأل وياليت الكلام يكون عن طريق الرجال بس وحاولي التزام الصمت اثناء زيارة الحريم لانهم لما يسمعوا كلامك عن الوظيفة راح يفسروها على انك قوية شخصية ويقولون له ماراح تقدر عليها فيهون العريس وانا اشوف الشرط الاول ماله داعي لانه مافي احد يسكن مع اهله الحين ابدا الا بعض قبايل الشمال بس واسأل الله لك الزوج الصالح
|
رجل طيب متسامح.. جزاك الله خير
رادع.. الحمدالله انا مؤمنة بالله ومحسنة الظن فيه الحب والحبيب.. سبحان الله تناقض بينا الإثنين ومعاناة وحدة!! الله يفرجها جورية وبس.. جزاك الله خير سفير الغرباء.. جزاك الله خير ward_najd .. الله يسعدك مشكورة ماقصرتي وجه الحقيقة.. .. اثناء زيارة الحريم كلامي جدا قليل ولااجيب طاري الوظيفة ولا السكن أصلا ماأتجرأ لأنهم جايين يتفررجون مابعد خطبو!! واخوي افهمني انا ماقلت شرط اهلي مايشرطون ابداااااا. لكنه يجي من ضمن الكلام. وسالفة السؤال هذي مهي بيدي بيد أهلي وشاكرة اهتمامك جزاك الله خير اخوي |
الأخت الفاضلة " شوبارد " أرجو منكِ التكرم بترك رسالة باسمي ( النور والحنان ) في عالم الرسائل الخاصة .. وشكرا
|
| الساعة الآن 05:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©