|
|
رد: كوفي شوب الصبايا 2 ( المشاركة للنساء فقط
بونجور يا سكاكر. jyhfdgrg إن شاء الله أيامكن خير وسعادة وراحة. |
رد: كوفي شوب الصبايا 2 ( المشاركة للنساء فقط
صباحك ورد ام سلطان
طمنينا عن الاميره مهره ان شاء الله تحسنت وراحت المدرسه وسلطان كيفه اليوم طبعا الضرب يكون واضح اكثر ثاني يوم |
رد: كوفي شوب الصبايا 2 ( المشاركة للنساء فقط
اقتباس:
صباح الجوري يا ملكة. مهرة مشكلتها بدأت أول أمس بعوار بطنها .. وأمس الصبح بدأ معها احتقان في الحلق واستفرغت حبيبتي حتى قبل ما تاكل شي. بعد ما رجعنا أمس من المستشفى عطيتها أدويتها .. بس بطنها كان بعده يعورها شوي .. وما قدرت تتغدا أو تتعشا عدل. الدكتورة تقول إن عوار البطن شائع بين بعض الأطفال وما يقلق (وهذا كلام دكتور ثاني كنت عرضتها عليه من حوالي ثلاث شهور) .. ووصتني أوقف لها الكاكاو بالحليب باعتباره أكثر شي تشربه هالأيام .. فاحتمال يكون هو السبب. والحين بعدها نايمة .. ما قوّمتها عشان المدرسة. سلطان الحمدلله ما فيه إلا العافية. الضربة ما كانت قوية والاحمرار تحت عينه خفيف .. وبإذن الله ما يطوّل. . . . ملكة كم عمره ولدج؟ |
رد: كوفي شوب الصبايا 2 ( المشاركة للنساء فقط
سلامتهم مايشوفون شر الله يحفظهم من كل باس
عمر ولدي سنتين |
رد: كوفي شوب الصبايا 2 ( المشاركة للنساء فقط
حبيبي باسم الله .. بعده صغير.
أنا أذكر إن الطبيب قال لج الولد ما فيه شي ولله الحمد .. لأنج كنتي خايفة من التوحد وإنه ما يكون ولد طبيعي. ولدي تأخر بالكلام .. مع إن البيت ما كان خالي لا مني ولا من جدته ولا من عمّاته .. أذكر كان يقول ماما وبابا وباقي الكلمات كلها خرابيط محد يفهمها غيري .. واستغربت وقتها لأني طول وقتي معاه كنت أثرثر .. وكنت حريصة على نطق الكلمات بطريقة صحيحة وسليمة بعيداً عن المصطلحات اللي يستخدمونها الكبار في التخاطب مع الأطفال يا زعم إنها أسهل والأطفال يفهمونها أكثر .. وتوقعت أن هالشي بيخليه يتعلم الكلام بشكل أسرع. لكن اللي حصل إن سلطان ما تعلم يتكلم عدل إلا بعد ما دخل الحضانة بعمر الثلاث سنوات ونص .. لذلك أنا أعتبر نفسي من أنصار الحضانات .. وأشجعج عليها. لكن في نفس الوقت حطي في بالج إن مسألة التأخر في الكلام واردة يا ملكة .. فلا توترين نفسج وتشيلين هم وطولي بالج شوي. وبخصوص الحضانات .. إذا عندكم حضانة ملحقة بمدرسة بتكون أفضل. |
رد: كوفي شوب الصبايا 2 ( المشاركة للنساء فقط
صباح الخيييير
كيفكم؟ ملكة كونه مايعرف يعبر او يتكلم بالعكس المفروض هالشي يخليك تتخوفين تدخلينه لانه في حالة احد اذاه مايقدر يعبر ولا يفهم اصلا! لا تودينه الا بعد سنة على الاقل.. واذا اعتمد على نفسه وصار يروح الحمام لحاله والروضات عندنا حتى الغالي منها الله بالخير خليه يختلط بس تحت مراقبتك اعزمي عيال اخوانك مرة مرتين اسبوعيا طلعيه سوي معه نشاطات جيبي العاب تعليمية وخليه يشوف تلفزيون شغلي له عالايباد الاشياء اللي يحبها ولدك طبيعي دام فحوصاته كلها سليمة مافيه الا العافية لا تبالغين من خوفك يابنت الحلال 💜 واحد من اخوالي كذا عياله كلهم يتكلمون متاخر.. الحين ماشاء الله متعلمين مثقفين ومن احسن الناس عامل وراثي طبيعي باذن الله |
رد: كوفي شوب الصبايا 2 ( المشاركة للنساء فقط
مهره اسولف له واتحاور معاه
وعنده كتب كبيييير بالحجم بحيث تكون قصه عن حيوانات والحيوان راسمينه بكل الصفحه بحيث تكون الصفحه كبيره يعني ملفته اقراء له قبل ينام بس مشكلتي وهو صغير لما اخلص من اكله وتنظيفه وتلعيبه اروح لشغلي واتركه عالتلفزيون طبعا بالبدايه براعم بعدها اقنعني زوجي بطيور الجنه وااخ ياطيورالجنه هدمت كل شي واساءت حالته اكثر الان عملي معاه مكثف والنتيجه صفر مااستفدت شي المشكله لما اكلمه يطنشني اسولف له يناظر وراء يحاول ينشغل عني بتفكيره ابيه يقول ماما او بابا ينطق اي شي |
رد: كوفي شوب الصبايا 2 ( المشاركة للنساء فقط
فانتي كل الاطباء
اتفقوا انه الي خرب ولدي جموده امام التلفزيون لما انشغل والحين ممنوع تماما يشوف اي شاشه انا استسلمت تماما بااشوف له اخصائية نطق واتفق تجي يوميا له ساعتين بس اجمع الاطفال له باستمرار صعبه انا بااطلعه واحرص ع تغيير نظامنا الاول |
رد: كوفي شوب الصبايا 2 ( المشاركة للنساء فقط
بالعكس فانتي
كلهم قالوا تاخرتي مفروض من سنه وشفتيه مانطق دخلتيه وغيرتي بيئة البيت |
رد: كوفي شوب الصبايا 2 ( المشاركة للنساء فقط
اقتباس:
الطبيب النفسي اللي درسني يذم طيور الجنة بالاسم الموضوع مايبي له اخصائية ياملكة وقصة تجميع الاطفال عادي يوم يجونه يوم يروح لهم يوم تاخذينهم كلهم مع امهاتهم او شغالاتهم تطلعينهم لمطعم فيه العاب تصير مرة مرتين.. ترسلينه مع شغالته عند وحدة من عماته او خالاته "اذا عندك شغالة" ومنها تاخذين راحتك مع زوجك شوي.. كم تاريخ ميلاده بالميلادي؟ 😂 |
| الساعة الآن 02:42 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©