بصى حبيبتى بعد أخر رد لى
كانت أعصابى تعبانه جدا حسيت أن ضغطى عالى وحسيت بعصبيه ( فتخيلى من هم فى الموقف نفسه)
يعنى الله يكون بعونك أنتى وزوجك .

حبيبتى بحثت كثيرا خاصه عن نفسية الزوج عندما تكون زوجته مصابه ( بالتشنج المهبلى vaginisme )
وجدت أن أغلبه بيتعب نفسيا لدرجة أنه بيصاب ببرود حتى فى تطيب جرح زوجته وألمها النفسي
لدرجة أيضا أنه بيشك فى قدرته الجنسيه
بالاضافه أن الحاله عندما تطول ممكن بالفعل تصيب الرجل لعجز جنسى

شوفتى كيف زوجك يعانى ( حبيبتى والله من قلبى بعذره الله يكون بعونه )
دلوقتى زوجك مش حاسس هو بيعمل فيكى ايه

نعم بيجرحك وبيدبحك بس والله ( لن يقصد اى شيئ من هذا )

قدر الله أن تمرين أنتى وزوجك بهذه الضائقه ( أبتلاء من الله عز وجل )

لذلك منغير ماتجرحش مشاعر ومشاعرك أكثر من ذلك

أنتى الان بحاجه لطبيب نفسى جنسى مثل طبيبتنا المشهوره ( هبه قطب )
لو ينفع تيجى مصر فهيكون أفضل وأتعالجى عندها

زوجى حاليا لابد أن يهدئ نفسيا لأنه كده ممكن يموت من النار التى بداخله

لذلك عليكى كتابة خطاب بسيط ( قبل ان تكتبيه تذكرى جيدا حبك لزوجك وأمنيتك فى أن تجتمعوا فى بيت واحد )
ثم اكتبى بقلب محب راضى عن شريك حياته
بكلمات عاطفيه حنونه
وفى وسط الخطاب أكتبى حالتك المرضيه التى تعانى منها الان وانها لقدر الله ممكن تصيبه بتعب نفسى والله واكبر بعجز جنسى لذلك اطلبى منه بشكل لبق بدون أن يشك فى نواياكى بأنك تريدى طبيب نفسى لعلاج حالتك سواء فى بلاد الغربه أو فى مصر
وزيدى من كلمات الاشتياق لحبيبك الذى أختفى الان من حياتك ( أقصد شخصيته التى أتغيرت بعد الزواج )

وثقى بالله أن الذى يتوكل على الله لن يخيب

ســــــــــورة البقره وقيام الليل بالله عليكى لا تتركيهم ..


[align=center].
]

لا حول ولا قوة الا بالله عليكي بالصبر عزيزتي وحاوي تتقربي منو وتكسبي قلبو

الله يارب يحنن قلبه عليك
شوفي انا اكتشفت انه الزوج في بداية الزواج يكون انسان غريب يشعرك دائما زي الي يبي ينتقم معليش كلنا مرينا بامور صعبه مع ازواجنا في بداية الزواج من مواقفه الغريبه مع الاهل وبخله واستهتاره بمواضيع وعلاقات عائليه
لكن بعد سنه يبدابالتحول الى شخص جديد المهم ضلك وراه حفظي انت ايش بتحبي وكيف بدك اياه شوية صبر وراح يسير على هواك

السلام عليكم

اشكركم كثيرا على وقفتكم بجانبى

عدى علينا يوم صعب جدا عليا وعليه

فى الصباح كنت اشتكى من الم فى كل جسدى وكنت اتأوه بصوت مسموع وامسك رأسى

وهو خارج للشغل (الأوده اللى انا فيها جنب باب الشقه)سمعنى

دخل شافنى كده قاللى مالك

قلتله رجلى بتوجعنى

قاللى وبعدين؟

قلتله ولا حاجه روح شغلك وغمضت عينى من الألم

حسيته وقف شويه وبعدين خرج راح شغله

وانا نمت محستش بالدنيا وصحيت كان الألم خف شويه

طبعا مكنتش قادرة اطبخ ولا اعمل اى حاجه حاسه نفسى تايهه

بس كان لازم اغتسل ومكانش ينفع أأخر

وانا بغتسل كان هو رجع من الشغل وانا كنت حاسه وقتها بهبوط فى الدورة الدمويه ومكنتش حاسه نبضى وعندى صعوبه فى التنفس

خرجت من الحمام رحت الصالون بسرعه (الأوده اللى بنام فيها)عشان ارتاح كنت حاسه خلاص هيغمى عليا وطبعا مبصتلوش اصلا

وهو سمعته فتح التليفزيون شويه ودخل نام

وبعد ماصليت قريت سورة البقرة على ماء وشربت منه وسيبت شويه فى التلاجه عشان يبقى يشرب منه

وبعدها قمت انضف المطبخ واتصلت بمامته اطمن عليها

وبعدين كنت عاوزة اخد حاجه من اوده النوم دخلت عشان اخدها شفته وهو نايم حسيت ساعتها انه صعبان عليا

مكنتش فطرته ومكانش فيه غدا وانا برده مكنتش اكلت

قلت هعمل عشا حلو واصحيه ياكل

وانا بجهز الطعام جيت قريت ردودكم ودموعى نزلت وقمت عشان اصحيه ياكل

قبل ماادخل الأوده فضلت استغفر واقول ادعيه

وصحيته وفضلت ابوسه واقوله انا اسفه بس هو مكانش فيه رد فعل مكانش بيرد عليا اصلا بس كنت حاساه طفل مسكين

وبعدها جه قعد فى الصاله ومركز فى التليفزيون قعدت جنبه ابوسه واصالحه حسيت عينيه احمرت وشفت دموع بسيطه اوى ولقيته مسح عينه بسرعه

وانا بكيت

وبعدها اتعشينا من غير مايكلمنى خالص وانا قاعده بكلمه وهو مبيردش وكنت حاطاله كوب ماء مقرى عليها

شربه

وبعدين سكت شويه وقام تقيأ

ورجع نام تانى فضلت جنبه شويه ابوسه واحضنه وهو مش بيكلمنى ابدا ولا بيرد عليا

حسيت ساعتها انى لازم اسيبه لوحده

وجيت اكتبلكم الرد ده

كلامك وجعلي قلبي اوي... جوزك غلبان جدا .. مع شغله المُرهق ده وهو مش مرتاح في بيته برده .. حياته عذاب

لاحول ولا قوة الا بالله

ولحد امته هتفضلوا كدا ..

المه مش اقل من المك.. وده واضح

لازم تتصرفي من بكرة استحملي شوية ..

احجزوا عند حد .. اقري بقرة .. وخدي بالاسباب

وروحي لدكتور رجاءا

تحاملي على اوجاعك الجسدية دلوقتي .. كلها بسبب تعب اعصابك المستمر

وكويس انك طهرتي

بسرعة بأه اتصرفوا .. كل ما الوقت بيعدي كل مابتُستنفَذوا بسرعة ..

هبة قطب الحجز عندها بيتم بعد شهور

وغير كدا هي بتشترط وجود الزوجين مع بعض..

وكل ده صعب توفيقه مع شغل جوزك ووقته فمتصعبيهاش

اكيد يعني في دكاترة في البلد اللي انتي فيها .. حتى لو تجمعي مابين تخصص النسا من ناحية والنفسية من ناحية تانية

هوني على جوزك .. واتصرفوا بسرعة

حاضر والله ان شاء الله هو كان قايللى انه هياخدنى لاستشارية نسا كبيرة ربنا ييسر

وان شاء الله باذن الله هنعمل عمرة بكرة وحاطه امل كبيييييييييييييير عليها

عروس حبيبي


جوزك بيحبك بجد وانتي كمان بتحبيه وحنانية ماشاء الله تبارك الله



اللى مثل مشكلتك موجودة في منتديات كتيرة والمشكلة شائعة

صحيح لازم يكون زوجك متعاون .........لان حلها لازم بوجوده مساعدته

ياريت لو يوم جمعة يوم اجازته تغيروا مكان الجماع

وياريت ظهر السرير اللى بتنامو عليه ميكونش للحائط اللى وراه الحمام انتى فاهمة السبب

حاولى قدر الامكان تطبعي اللى مثل مشكلتك وحلها كتمارين كيجيل وتحطيه في دوسيه وتسيبه على الكومودينو اللى جنب

السرير في جهته يمكن تقع في ايده ويقرأه ويلين قلبه عليكى

انا فاهمة وعارفاكى ان الصبر حدود بس في بينكم حب

وكل ما يتعصب قوليله انا بحبك وافضلى اقولهالوه انا بحبك وكرريها امامه

بس استغربت حاجة انه تتقيأ بعد شرب الماء هل هذا انه مسحور عنك او اية مش عارفة ولة يمكن

جاله صداع لانه مكليش حاجة طول اليوم غير الحزن اللى مالى بيتكم وانتو لسة عرسان ولما جه أكل

معدته ما استحملتيش

مشكلة جماع حاجتان

ممكن يكون مطاطى ودى مشكلة

وممكن كمان انه تشنج مهبلى دة مشكلة تانية

والمشكلة التشنج مش هتتحل الا لما المشكلة الاولى تتحل طبعا

ووالمشكلة التانية حلها كله تمارين امام المرآة وادخل صباع واشياء عليها جلاو حيوانات منوية وغيره في المهبل كبداية حتى تتسع فتحة المهبل

ورفضه انه اللى عايز يفضه بنفسه خلاص يروح معاكى للدكتورة ودكتورة تشرحله حالتك وتطلبي منها انه يفضه بالمشرط امامها عليشان يرتاح رغم انه مافضيش بطريقة الطبيعة

مشكلتنا ان رجالتنا شرقيين وكل حاجة عيب ولا وخصوصا لو تخص رجولته مع انه معنويش شىء بس السواس بيأثر عليه


لحظت حاجة مهمة جدااااالصلاة ثم الصلاة ثم الصلاة ........زوجك لازم ما يهمليش الصلوات عشان الشغل

وابعدى عن سيرة الطلاق دة انت لسة عروسان ما اتهنتويش كل مشكلة ولها حل اصبروا اصبروا وأفضلى شاربيه من المياة المقروء عليها سورة البقرة والمعوذتان21 مرة والكرسي

أهدى يا حبيبتي وربنا يقويك ويعنيك على انت فيه دة ابتلاء صديقنى