|
عزيزتي أعتقد أن أفكارك مشتتة بين الغيرة وتقبل الموضوع
أين هو قضاء الله بين كل هاته الأفكار هل وعدنا الله بزواج الكبيرات أولا استهدي بالله ولا تغلطي في حق أختك كثيرا لأن الدنيا طويلة مازالت مفاجآتها كثيرة احسبي لخطواتك قبل أن تندمي لا داعي للدكتور النفسي لأن مابك الا وساوس شيطانية فاستغفري رب الكون عالم الغيب مدبر الشؤون فهو العالم بوقت زواجك اذا كان قبل او بعد أختك وليس سكان المنطقة تأكدي أيضا أننا لم نخلق من أجل الزواج بل الزواج هو الذي خلق من أجلنا |
اقتباس:
اختي وفقك الله لكل خير اتمنى تاخذي دورات في فن اسلوب وايضا ابتعدي عن الحساسيه والقلق وخليكي متزنه اكثر محبتك هموسه اختك الكبيره اسال الله ان يرزقك عاجلا غير آجل انتي واختك بزوج صالح مميز بإذن الله اللهم آميييييييييييين |
اقتباس:
سؤال اكيد انتي شفتي كل كلامي من اول مشاركه الى هنا شلون غلطت في حق اختي وش اللي قريتيه وخلاك تقولين اني غلطت في حقها انا اللي لغيت الخطبه ولا انا وقفت في طريقها واعرتضت وهددت اذا تزوجت بسوي كذا وكذا مثل ماسمعت من كثييير من البنات سووها ؟ بالاول جزعت من الخبر بس عقب سلمت امري لله وكلكم طلبتوا مني ارضى لان هذا نصيب وفعلا الحمدلله رضيت واقتنعت ليه ماتقولون ان هي بعد لا زم تقتنع ان هذا نصيب حطيتوا اللوم كله علي !! مشكوره على مشاركتك اختي وجزاك ربي كل خيير |
ياعااالم وش بكم
همووسه يالغلا انا مادعيت في وجههم وقلت الله ياخذ حقي منكم اذا ظلمتوني بيني وبين نفسي تالي الليل لما كنت اتالم وابكي طلعت مني هالدعوه وما ادري ولا اجزم ان كان اللي صار هذا بسببها او لا واعيد ثاني مره الله يسامحهم اذا كانوا ظاميني وبعدين كل هالتعجب اللي شفته منكم والاعتراض على اسلوبي وتفكيري بس عشان عمري 22 ؟!! مشكلتكم انكم مو راضيين تقتنعون بكلمي يوم قلت لكم ان نظرت اللي حولي لهالعمر مو طبيعيه مو مثل ما انتم تفكرون ياعالم والله والله انا بنظرهم كبييره خلااااص مو توني على الزواج وصغيره ومدري وشو وبالنسبه لسؤالك همس انهم ليه ياخذون من اثري لانهم شافوا اختي وحالتها والمرحله اللي وصلت لها من الوسوسه وشكوكها ونظراتها وكلامها لي قالوا خلااص لقينا المجرمه اخييرا وانا ماعترضت ابد وخليتهم يسوون كل شي لكن ماوقف لساني عن "حسبي الله ونعم الوكيل" .." لاحول ولاقوة الا بالله" لانهم صدموني ان توصل فيهم لهالدرجه لكن الحمدلله دائما وابدا همووس جعلني افرح بزواجك يالغلا هالسنه ياربي ياكريم انتي وكل بنات المنتدى ياارب ياارب يااارب وانا معكم ان شالله :) |
اقتباس:
كلكم تغيرت نظرتكم للموضوع ولا ادري وش السبب تسلمييين ياغلا على الدعوه وان شالله افرح بخبر زواجك هالاسبووع :) |
أختي الحبيبة "اليمامه" أنسى ماحدث واستفيدي منه في المستقبل لاتعرضى مشاعرك وردات فعلك للناس حتى لو كان اهلك.. كوني واثقه من نفسك ولاتجعلي من حولك هم من يحكموا اذا عمرك مناسب للزواج او لا الزواج يالغلا لايحدد بعمر بل رزق من رب العباد يتفضل به عليك متى شاء جل وعلا .. وحقيقه لا ارى في الموضوع اي حسد .. الزواج قسمه ونصيب واختك نصيبها لم يأتى بعد ، ويفترض عليها ان تحمدالله لأن الامر كله خير لها.. وأنتِ إنسانه طبيعيه مافيك إلا العافية واللي صار لك شئ طبيعي، فلاتتوهمي بالمرض النفسي . نصيحتي لك / لاتجعلي كلام الناس شغلك الشاغل،والله اني اشفق على من يهمها كلام الناس ونظرتهم لها . (الناس ليس لهم اي سلطه علي ونظراتهم لاتتجاوزهم ولايهمني امرها") أسأل الله العلي القدير ان يرزقك واختك وجميع بنات المسلمين الأزواج الصالحين ، وييسر لك كل عسير بحوله وقوته سبحانه .. |
اقتباس:
العالم مالهم إلا الظاهر وماسجله قلمك هنا مهما كانت المشاعر التى تملكت صاحبة القلم وقتها ومهما كانت الظروف التى تحيط بها فالعالم مالها إلا الظاهر فقط والباطن وحسن النيه لايعلم بها غير الله عزوجل . فإذا واثقه من حسن نيتك وحب الخير لاختك فلاتتعبي نفسك بالتبرير للعالم اهم شئ رضا الذات بعد رضى الله عزوجل. |
أخواتي ممكن سوؤل ؟؟؟؟؟؟؟؟
هل كل من تتزوج سعيدة أو خلاص راح تدخل الجنة ؟؟؟؟؟؟؟؟؟؟ مااااااادري ليش مسوين مشكلة من سالفة الزواج . أعرف بتقولون الناس وكلامهم ووووو الخ . ولكن أنا أقول لكم بالله إنكم تفكرون صح ؟ خلاص الزواج قسمة وليست الدنيا كلها زواج او لا . الزواج جزء من الحياة . من الفترض أن الواحد يفكر بعواقب هذا التفكير . أقصد لو وحدة أنخطبت وهي أصغر من أختها معناتها أختها راح تتزوج من أول خطيب يجي ويمكن ما يكون كفوا للزواج و بالتالي أنصح بالتروي بقضية الزواج والتفكير بالعواقب قبل القرار . تحياتي والله يجبر بخواطركم جميعا . تحياتي "" أنا علي فكرة معلق لا متزوج ولا مطلق "" ولكني تسرعت كثيرا بقضية الزواج من إمرأة لا تعرف من الزواج غير أسمة وندمت كل النداااااااااامة وأول مرة بحياتي أندم علي قرار أعيد وأكرر والله أنها أول مرة أندم علي قرار بحيااااتي كلهااااااااا وهو الزواج . |
غاليتي
قريت موضوعك في بدايته وكنت راح ارد بس انشغلت اللي واضح لي الان انه خطوبة اختك اتفركشت غاليتي مشكلتك في تقييم ذاتك ونظرتك انت لها مو الناس الناس اللي هنا في المنتدى شريحه من الناس اللي حوليك لا تقولي لا انت بس اللي تعممين النظرة السلبية لك وانك كبيرة على الزواج ويقولون ويحطون فيك لا يالغاليه مثل ما دخلتي نت واخذتي وعطيتي من بنات قرايبك نفس الشي داخلين وفاهمين وعارفين هذي الامور انت بس تهولين الموضوع الان الموضوع بدأ نعم بدأ مو انتهى انت الان في مرحله جديدة من حياتك وعلاقتك في اختك وفي اهلك وفي نفسك اهم شي اقنعي نفسك ان ما اصبك لم يكن ليخطأك وان ما اصابك خير من الله عظيم واحمدي الله على كل خير انت فيه لا تجحدي نعم الله ولا تتناسي الحسنات وتركزي على السيئات اجلسي مع نفسك جلسة محاسبة علميها بالورقه والقلم ان هذه النعم انت تتحلين بها ومقابلها السيئات التي تنغص العيش قارني بينهما سترجح الحسنات حتما طوري من نفسك في شؤون البيت والطبخ والاعمال اليدوية وكل ماتستطيعيه طوري من علاقاتك الاجتماعية كوني مهمة امام نفسك بالتالي امام الاخرين تعلمي فنون الحديث وحتى الحركات والاتيكيت واللبس علاقتك باختك اجعلي العلاقه ودية ادعي لها في صلاة التهجد وحاولي ان تسمعيها وكأنك لا تعلمي بها ( حتى يطمأن قلبها لك وتعلمي انك صافية النية وتحبي لها الخير ) اهتمي بالعائلة اكرميهم في الكلمات الطيبة والهمه في مأكلهم ابذلي وابذلي لتتغيري ولابد من التغير حتى تعيشي الافضل انسي اليمامة التي تشعر بالضيق لخطبة اختها كوني يمامة سلام وحب |
والله موضوعج متعبني وايد
عزيزتي هل انت الآن مرتاحه لأن اختك فسخت طبعا لا صراحة والله انصدمت لماعرفت عمرج 22 تووووك صغيرة ماعليج وش يقولون وش يتحكون كان قلتي انا صغيرة صغيرة يااختي الله اعلم بنيتك إذا ظالمينك فيكون نصرك وإذا كان حسد منك دون قصد استغفري الله لأن هذا الامر مايعلم به الا الله لكن كان الله بعونكم جميعا يااختي طقينا ال30 وتزوجوا اخواتي والحمدلله ربي اعطاني الرضى يأتيك شعور عابر لكن ارضى تخيلي انا زواج اختي اللي اصغر قالت لي اختي تخيلي يوم الفرح : كان المفترض اليوم فرحك لكن طنشت ويوم انا وخواتي تخيلي اقول هذه حسنة اختي لااحد يخاصم ولدها امزح ناظرت فيني وقالت احسن من اللي مالها وللا حسنة والله كلام يقطع القلب بكيت وقلت ربي راح يعاوضني وقلت ممكن موب قصدها امكن تقصد ماعندي في اخلاقي حسنه او شيء آخر لاتقصد الذرية بعدين الله يعطيها ع نواياها بس لازم تتوقعين كل شيء تصدقين خواتي اللي اصغر مني محترميني ومايجرحوني افضل من اللي اكبر مني بيوم اختي وزوجه اخي معاها قميص نوم قلت وش هذا : قالت اختي لاتسألوا عن اشياء ان تبدوا لكم تسؤهم لازم توطنين نفسك تسمعين انا بعمرج ابدا ماحسيت بعنوسه اجل وش تقولين عنا الآن بس الله يصبرنا |
| الساعة الآن 12:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©