|
السلام عليكم ورحمه الله
تحمليني برأيي وبكل صراحه بكل صراحه اقوووول يارب السموات والارض عسى ربي مايجيب لاخواني زوجه مثلك ولاأردى منك يالله يارب لاتجيبها بصراحه انتي ماتستحين انا كنت من موضوعك الاول مركزه ع كيف تكسبين امه لكن ماشرهه عليك الشرهه ع امك اللي ماعلمتك كيف تحترمي اللي أكبر منك والشرهه ع ام زوجك اللي خطبتك لولدها ورضت بك من البدايه ولاكان متأكده منك واطباعك هي تبي زوجه لولدها تكون بنت لها تسولف معها وتجلس معها وتطبخ انتي أكسبيها بتعاملك الللي اكتشفت انه ازفت من الزفت الله يعينك ع نفسك وعذابك النفسي هذا عقوبتك من ربك والجاي اكثر تردين عقلك لعجوز وش فيها ادا دلعتيها قدام زوجك خير وبركه وتكسبين حبه روحي اجلسي عندها وحبي راسها وتسامحي منها وقولي مالك الااللي يرضيك يام فلان وعاني ماخلا منك ودخلي بيدها مبلغ وقدره وهديه واصحي الصباح معها وفطريها وصبحيها بالخير وحطي ولدك بحضنها ترا العجز مافي مثلهم بسرعه تكسبينهم باللسان خصوصا اذا مو سحارات ذالمات وهي باين انها طيبه لكن من قرادتها ربي جاب لها زوجه مثلك الله يعينها بصراحه ترا ماقلت هالشء الا اني مطبقته ع ارض الواقع وربي حتى سموني ام العجز بس افأجئهن بشي والصبح عليه واعطيهن والحمدلله كاسبتهن بصفي حسني نستك واتقي الله انا مادري كيف زوجك متحمل بصراحه مع الاسف هذا رخمه اجل زوجتي ماتجلس مع امي وبس تشكى منه والله لاقضب به الباب اللي جابها جاب غيرها ومن اول كان المفروض واضع حدود لهاالشئ والله ماغير متسنعه ولا عند اهلك مار حرام عليه البطن اللي شاله اللي ماهتم بأمه ولابمشاعرها جالس يلاعب زوجته عند امه ولا والزوجه زعووول ومحقه من الدرجه الاولى وين رحت وش فعلت وليش وكيف ومتى؟؟؟؟ تبين رأيي بكل صراحه اتوقع طلاقك قريب ان لم تتداركي الوضع لوهو عقوبه وحوبه هالعجوز اللي تدعين عليها وش يدريك لو تقوم بالليل وتدعي ويفتح لها باب السماء دعوتها فوقي ع نفسك اختي تايهه واكسبي زوجك وامه ترا والله واقولهامليووووووووووون اذا كسبتي امه كسبتيه ادخلس وتثقفيمن النت كيف اكسب ام زوجي ؟؟؟ زوجك ماعنده مشكله رجل طيب وحنون وكريم لكن ينقصك التعامل معه وعدم مجاراته واسئلته بأشياء مالها داعي وعدم التفتيش بأغراضه مالك حق امشي صح ومو معقوله كل ماكلمتيه تحقيق الله يعين زوجك عليك بجد انا قدم نصيحتي لك والله من قلب ترا والله اعرف وحده نفسك تماما زوجها يحبها بس هي ماقدرت النعمه امك وامك وبالنهايه هذه بيت اهلها مع ٣اطفال وتزوج والله انه يقول لاخوي توي ذقت الراحه النفسيه الحمدبله اللي اخذت اجوديه تهتم بي وبأمي قبلي ريحي زوجك نفسيا وش تبين منه يسوي بيت يبنى ومدارس واختبارات وحوسه وبعد عن زوجه وطفل وقبل كذا امه واهله وانتي اتعبتيه مررررره تداركي الوضع تقبلي رايي برحابه صدر وامسكي بيتك واتقي الله بام زوجك وزوجك |
اقتباس:
قال رسول الله صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه ) |
[COLOR="Indigo"][SIZE="5"الله يهداك يارش السحاب ترى أم زوجها فعلا مضايقتها وترفع الضغط صراحه بش الأخت تأيهه فيه شيء تجهله وهو ان لازم تكسب أمه وترضيها غسان زوجها يرضى عنها ويحترمها خصوصا إنه يحب أمه ويبرها مالازم تتتذمر منها أمامه هي غلطت يوم ترو أتكلمت أمام زوجها على أمه المفروض تخلي إلي في القلب بالقلب وماطلعه
|
اقتباس:
وابن وبيت.... لكن لاتنسي هالنقطه انتي ساكنه عندهم ولازم تتحمليهم لحد ما تسكني لوحدك وليس من هم يسكنون في بيتك قبلتي ان تعيشي معهم باول الزواج تحملي على نفسك اكيد ليس بذنب ان تكون حياتك هكذا لكن طبيعتهم هكذا فتحملي والله سبحانه بيفرجها |
يااختي انتي ماشيه غلط واذا بتمين بهذا الاسلوب بتتعبين..,,وش الي مااحبهم ماهتم لهم؟؟ومااعرف اجامل؟؟ اختي انتي عايشه بين اوادم لازم تتفاعلين معهم وتسالين عنهم وعن اخبارهم. يعني معقوله الكل حولك سيء اكيد ,لا,,وحتى لو كانوا سيئين لاتقابلينهم بالسوء نفسه خليك الاحسن والارقى..لاتحكرين نفسك وحياتك كلها مع زوجك عشان كذا انتي تعبانه,, اختي لازم تتبادلين زيارات لاقارب زوجك,,خالاته وعماته وكل الي حولك,,الي ولدت زوريها وباركيلها والمريضه زوريها والي تعزمك لبي دعوتها وانتي كمان اعزميهم واذا جو حريم عند ام زوجك خليك جالسه لاتقولين مااعرف اجامل ترى هذي مو مجاملات وكل الناس الطبيعين يتفاعلون مع الي حولهم حتى لو كانوا سيئين,, مو لازم نحبهم عشان نحتك فيهم على كذا كل البشر عاشوا وحيدين,,.مايصير كذا عايشه بس لنفسك وزوجك وماتهتمين لاحد ترى الناس مايحبون هذا الاسلوب ويعتبرونك مغروره ومو عاجبك احد.وكمان انتي بتتعبين لان مافي شي يشغلك غير زوجك تفرغين كبتك فيه وتنكدين عليه لانك حاكره نفسك في موضوع واحد تفكرين فيه زوجك وبس.. معليش اختي فيه اشياء كثييير غلط في حياتك ومعتقداتك لازم تعدلينها..وصدقيني اذا غيري طريقتك هذي بترتاحين كثير..وتكونين حليتي ثلاث ارباع مشاكلك مع زوجك واهله معليش اختي تحملينا..لاحظي الاغلبيه حطوا النسبه الاكبر من الغلط عليك انتي,,لانك من خلال سردك لتفاصيل حياتك وضحت لنا الصوره اكثر وعرفنا من وين مصدرالغلط..انتبهي لنفسك ومن اليوم ابدأي في تغيير نفسك وطريقتك في التعامل مع اهل زوجك واقاربه ولاتدققين كثير في كل كلمه تطلع منهم |
ان الله لايغير ما بقوم حتى يغيروا ما بانفسهم
|
اقتباس:
اختي تايهه الاحظ انك تلتمسي حس الفوضى في طبيعه حياتك من خلال سردك للامور وانك تحبي اختلاق المشاكل والتدقيق بكل التفاصيل .. *************** الاحظ ان الموضوع اصبح يتخذ اكثر من مسار او بمعنى ادق يتشعب .. مرة تكتبي ان مشكلتك هي حماتك .. ومرة زوجك يريد امنك انجاب اطفال ومرة عن مشاكل يوميه بسيطه او خلافات وتريدي حلها .. ومرة تتحدثي عن اقرباء زوجك .. وعنوان الموضوع هو زوجي تغير لا اشعر باي قيمه لي في حياته واشعر انه لايحبني .. فحاولي يا اختي تحديد مشكلتك بالزبط مع انني ارى ان معظم الاعضاء حدودوها بانها تنبع من داخلك .. |
ابنتي الكريمة :
اعتذر للتأخير وأقدر وضعك مع هذا الرجل ووالدته هداهم الله وصبرك وأعانك على علاج الوضع بما يناسبك ويناسبهم على الحق . 1- الطلاق ليس علاج بل هو باب جديد من المشاكل حيث ستتخاصمان على الولد وسيرجع إليه لينشأ نشأة والده وفي بيتهم لذا فالطلاق باب يأتيكِ منه ما تهربين منه. 2- طلبت منك في الرد السايق أن تجربي طريقة ولكن ضغط الموضوع أغفلك عنها فأتركي مشاعرك مؤقتاً واستعملي عقلك وطبقي ما طلبت وانتظر النتائج والمستجدات. أسأل الله لك وللجميع.العون والتوفيق |
يمنع طرح الموضوع نفسه في قسمين
تم دمج الموضوعين |
وينك يا تايهه...طمنينا
|
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
