رد: زوجي واستغلاله المادي لي
 

الناس كل من له عيونٍ وله راس
وآنا عيوني وسط راسي ركيزه

آخذت درسٍ ماخذيته فِـ.. كرّاس
ماينحني راسي ونفسي عزيزه

رد: زوجي واستغلاله المادي لي
 

كل مواضيعك من يوم تزوجت تدور حول استغلال زوجك لمالك ..
فلذلك ؛ اقترح عليك تسألين مستشارين متخصصين في الحياة الزوجيه ..
لإعطاءك افضل الحلول ..
وايضاً محامي لحفظ حقك في مالك ..

قبل أن تصلي لمرحلة الإنفجار ..
اعرفي موضع قدميك ..!

رد: زوجي واستغلاله المادي لي
 

السلام عليكم ورحمة الله وبركاته ..
انتبهي لاتضعي هذه الكلمات في حالتك ، لاتزودي المشاكل بهذه الأمور .

رد: زوجي واستغلاله المادي لي
 

لانني كنت طيبة زيادة وكنت أظن أن مالي ماله وماله مالي واكتشفت عكس ذلك .. أنا المفروض اشاركه في حياته وهو يحسب ألف حساب قبل مايدفع أي ريال في حياتنا .. على قوله كفاية الديون اللي تحملها لزواجنا وسبق وقلت له ماكنت مجبور ترضى وكان قلت ماعندي قدرة مالية ولا تقعد تمن علي انك تزوجتني .. كأن ماأحد تزوج غيره .. هو يبغى يعيش حياة كريمة بدون مايخسر شي .. وانا المفروض اني اصرف على حياتنا كون راتبي اعلى من راتبه .. حرمت نفسي استمتع بحياتي عشان اجمع رواتبي لادفع الايجارات وابني لنا بيت صغير عند اهله ولاشتري السيارة التي يريدها ولاشتري الارض ولابنيها مستقبلا.. وهو ماذا فعل انه خسر كم الف ليتزوج بي وبالاخير يقول حياتي معك كلها هم وغم وانا لن تجدي مثلي وانتي حرة تفعلين ماتشاءين.. والان عرفت لماذا كنت حرة ويلبي لي رغباتي حتى أظل اصرف عليه وعلى بيته وعندما توقفت قال لي ماجاء منك الا الهم والغم .. والله لو كنت مكانه انا الذي اخطأت عليه ماكنت لاتركه زعلان مني لان كل همي سعادته واراه راضيا ،، اما انا فما فكر فيني ولا في رضاي .. ماعمري كسرت بخاطره او شفته يريد شي معين الا وجبته له وهو مايدري .. اسكنته قلبي وفضلته على كل الناس وعلقت فيه آمال وأحلام وقلت عوضني الله به عن طفل يسمعني ماما وبالاخير خابت ظنوني..

رد: زوجي واستغلاله المادي لي
 

لا حبيبتي تطمني ماجعلتها حالتي في الواتس .. حالتي "ربي أحسن رحيلي إذا حان وقته..""

رد: زوجي واستغلاله المادي لي
 

اهدئي ياقلبي بعيد الشر عنك ترى بكرة محد بينفعك،،
اسمعي كلامي هو كلام من واقع انسانة مجربة خذلت للمرة الترليون،،
خطئي أنا وإنت ومن هن على شاكلتنا:
سويت وسويت وسويت وخاب ظني،،
عايشين دور الضحية المظلوم،،،

من البداية محد جبرنا على العطاء وتقديم التنازلات والتضحيات،،
بإختصار ،،نحن من بادرنا،،ﻷننا ماعرفنا نقيم الشخص اللي قدامنا،هل يستحق أم لا يستحق،
ولا عرفنا متى نعطي ومتى مانعطي،،،أعطينا وتأملنا وخسرنا أنفسنا وخسرناهم،

ﻷن اللي عندي وعندك شخصيتهم قابلة للطمع والجشع ،، وليس للتقدير ورد الجميل،،

شوفي ياعمري
ماينفع البكاء على اللبن المسكوب،،
انسي كل ما قدمتي،،انسيه تماما واستعوضيه من الله..

لا تعيشي حزينة ع نفسك ماعندك اخوان يوقفوا معاك ويساندوك،،وتستعيني بزوجك يكون وسيط في أمورك المادية،،، لااااا ياعمري عشان تحفظي فلوسك انسي عندك زوج،زي مانسبتي عندك إخوان،
ترى لا تحزني على نفسك في هذا الحانب نص الحريم مثلي ومثلك..

إنت لا تدفعي لزوجك قرش من اللي يبغاه،، إن اقتطع هو من مالك لا تناقشيه،،تسامحيه أو ماتسامحيه الأمر راجع لك،،

تعاملي مباشرة مع مكتب العقار أو أي جهة بنظام التحويل وإنت جالسة في بيتك،أو مري وخذي فلوسك وإنت رايحة أو راجعة من مشاويرك ودوامك من الجهة نفسها.

لازم تكوني مثبتة وموثفة كل حقوقك المادية بشكل نظامي صحيح عشان محد يضحك عليك..
خلي شعارك في الحياة مع زوجك مااااعندي،،، خططي رتبي فكري كيف تستقلي عن زوجك ولا تظلي
أسيرة عواطفك وذكرياتك،،،وتنتظري منه شهادة شكر وعرفان ﻷنها من المستحيلات العشر..

بإختصار اخفضي سقف طموحاتك وآمالك في زوجك،،ونظمي حياتك..وادعي ربك.
أتمنى ماتزعلي من كلامي حتى وإن كنت قاسية فأنا لا أعرفك وأريد مصلحتك.

رد: زوجي واستغلاله المادي لي
 

مع مكلومه الله يسعدها ::PPP
ضروري تستقلين وتستعينين بمن تثقين به ..
وخليه يشعر بوجود من بجانبك .. وان لك عزوه وسند .

بذلك يشعر بقوتك .. وان انتي مو صيد سهل له ..
زوجك وعلى العين والراس .. لكن بحدود و ترجيح مصلحتك ..

رد: زوجي واستغلاله المادي لي
 

حصلت تطورات مهمة .. تعبت من راسي وانا على السرير وقعدت اصيح وقعد يهدي فيني زوجي ويسألني وش فيك وش تبين أوديك لاهلك اجيب امك قلت لا بس تعبانة لاني مانمت الايام اللي راحت زين قام هداني وجاء بجنبي حضني .. بعدين قمت من عنده وقلت نام ورحت الغرفة الثانية ابكي لحقني وجلس يهديني ويسألني وش تبين وانا ابكي قالي تعوذي من الشيطان وفوضي امرك لله وخلي ايمانك بالله قوي وقومي نامي .. قمت رجعت السرير لحقني وحطيت رأسي وجلس قاعد فترة يفكر وانا اقوله نام حط رأسك بالقوة حطه.. وجاء في بالي انه لازم اجي بحضنه لاني قمت من حضنه لما حضني في البداية .. حطيت رأسي على صدره وهو ضامني .. بعدين سألني جيعانة أجيب لك شي قلت ايه جيعانة بس لاتطلع الحين قال الا بطلع اجيب شي تاكلينه وطلع...

رد: زوجي واستغلاله المادي لي
 

ماشاء الله لا قوة إلا بالله

والله أنا أشوف أن هذا دليل على حب زوجك لك

الظاهر ان زوجك طيب وحنون بس انتي ماعرفتي تتعاملين معه زين

أنا ماراح أقدر أفيدك في كيفية التعامل مع هذا النوع من الرجال لأن أنا نفسي متورطة مع زوجي :o

رد: زوجي واستغلاله المادي لي
 

ياقلبي تعوذي من إبليس لازم تفهمي إنه الحياه الزوجيه يبغالها صبر وتحمل ....

القوه والعناد ماتفيد مع الرجال حاولي تنسي 5 الالاف وتبدأي صفحه جديده مع زوجك استخدمي معاه البرود التام لما يطلب منك مبلغ
بكلمه حلوه انهي طلبه يعني لفي ودوري معاه ولا تعطيه حتى لو زعل خليك طبيعيه شوي شوي رح يرضخ ويعرف إنك تغيرتي ....وفلوسك إشغليها بأي مشروع يفيدك ....واذا شايفه إنه محتاج مرره وتبغي تساعديه لاتعطيه كل الي يبغاه اعطيه نصه مثلاً طلب الف اعطيه 500 ....


الله يسعدكم......وبشرينا عنك