|
رد: زوجتي والطبخ.. الصبر نفذ ووصل حده!!
طيب بما أنك تقول لها اطبخي و هي تقوم و تطيع ,,هنا الحل بس أنت صير حنان
ما عليك الا كلمة في الليل بكرا أبغى الغذاء جاهز أول ما أوصل ما راح أروح مطعم و أبغى لقمتي جاهزة الله يرضى عليك بموت من الكولسترول لا تتملل ,,اطلب و اطلب |
رد: زوجتي والطبخ.. الصبر نفذ ووصل حده!!
نسأل الله صلاح الحال ...
|
رد: زوجتي والطبخ.. الصبر نفذ ووصل حده!!
اقتباس:
صحيح ... تتعلم الفتاة الطبخ و تتحمل مسؤولية البيت منذ الصغر ...هذا قانون المجتمع و إلا فلن تسلم من انواع الكلمات القاسية في حقها ... سلمت اناملك |
رد: زوجتي والطبخ.. الصبر نفذ ووصل حده!!
الله يكون بعونك
وترا وضع زوجتك الحمدلله قليل جدا او نادر اسمع زوجه ماتطبخ لزوجها بالعكس صرنا بعضر التفنن بالاكل والحلويات لدرجة اصبحت موضه للبنات ارجو عدم التعميم من بعض الاعضاء بالعكس بنات بلدنا فيهم الخير والبركه سواء موظفه او ربة منزل مامنهم ان شالله قاصر الا القليل وحالات الطلاق وان زادت فليس السبب بالطبخ لانها ليست مسأله بالشرع تدعوا لهدم اسره والطلاق حالات الطلاق ازدادت اغلب اسبابها الخيانه وعدم المسؤليه الكامله بالحياة الزوجيه الصالحه التي حث عليها الاسلام من عشره طيبه وتعامل ونفثه واخلاص وغيره اما الطبخ فليس امر يستدعي للطلاق لان ان شالله امره هين امام المشاكل الكبيره اللتي تؤدي للطلاق ماهي الا مسألة وقت وحزم وان تضع الشريك امام الامر الواقع وان شالله راح تتعدل اصلح الله مابينكم |
رد: زوجتي والطبخ.. الصبر نفذ ووصل حده!!
انا العكس الاخ زوجي يتذمر اذا طبخت وتفننت بطبخ
اخوي الاعضاء عطوك حلول كافيه ماشاءالله زوجتك ماله عذر لا وظيفه نعذرها ولا اطفال كذلك اول شي لازم تعلمها على طريقه عشان ما يكون عندها عذر 1- دجاج لازم يقطع نصفين قبل ما يدخل فريزر وكل وحده بكيس كذا تقدر تطبخ الدجاج بسهوله 2- تقدر تقطع بعض الخضار وتجمده وتكيسه حق استخدام اسبوع تحط كميات حق يوم بكيس مو تجمعهم مع بعض 3- تفرم دجاج من محلات تبيع صدور دجاج للصواني او ساندويش او هي تفرمها وتقسمها بكيس او علبه تقدر تبحث بالنت وتشوف طرق سهله جدا الطبخ سهل مررره اذا جهزتي امورك من ناحيه تفريز لمده اسبوع بس اكره شي غسيل المواعين تقطع القلب اذا عندها غسالة مواعين ياسلام الله يسهل امورك |
رد: زوجتي والطبخ.. الصبر نفذ ووصل حده!!
سبحان الله ذكرتني باللي مضى أنا كنت مثل زوجتك ولكن كنت اطبخ في بيت اهلي مقدار كبير وماكنت اعرف الاكلات الشعبيه فقط صواني مكرونه وخضار واشياء متحضره لكن زوجي طقه قديمه يعني انسان يحب اكل الشعبيات عانيت معه كنت متطوره احب الأكلات الجديده وهو لا يحب الشعبيات حتى القهوه العربيه ماأعرفها كنت اتفنن بالكابتشينو والموكا يعني اكلات بسيطه
بأخبرك كيف تعامل معي أول 3أشهر جاملني وبعدها قالها بوجهي بصريح العباره مافيه مطاعم رضيتي اهلا وسهلا مارضيتي بيت اهلك موجود واتذكر لما كنت عروس ورطني مع اهله قال لهم اني طباخه سويت لهم مكرونه بالنقانق وادمنوها بسببي بعدها حاول فيني اطبخ لهم ارز ورفضت ضبطته مره بعدها جبت العيد وصار مره مطعم ومره في البيت وكره المكرونه بسببي ومره اندومي مأساه كلما اتذكره ارحمه لكنه قسى علي كثير ماجاملني أبدآ وحملت ومن سوء التغذيه تعسرت ولادتي وبنتي صارت نحيفه من قل التغذيه كنت جدآ مهمله لكن وقتها كان عمري17 فأنفصل عني زوجي بعدها تعلمت الطبخ وتفننت في بيت اهلي وخليتهم حقل تجارب واذا زاد ارسلنا للجيران ولما رجعت لزوجي كان ينتقد القهوه ماأضبطها وهم في قبيلتهم اذا ضيفو ضيف قهوه مره او غير مضبوطه معناها اهل البيت مومرحبين بهم حاولت وكان يذم ويصرخ بوجهي وكل يوم ارسل لأهله قهوه وشاي لأن أبوه من كبار القبيله وباب بيته مفتوح وكل مغرب عنده رجال وصارت الان قهوتي كايفه يكيفون عليها اهله والرجال الي يجون ابو زوجي اذا ماارسلت قهوه يفقدها وحتى المصابيب (الرصع )كنت احرقها وحالتي حاله الان الحمدالله مضبوطه صارو الرجال يسألون زوجي عن مصابيبي ولاتضبط معهم مثلي ياما بكيت وانهرت من نقده بس كنت اتحداه لأجل اثبت له وصار يفتخر بي امام اهله وحتى الان أزواج خواته يسألون عن مصابيبي وخواته زعلو مني يقولون ان ارجالهم يقولون تعلمو من زوجه اخوكم وحسيت بفخر لما واحد من قبيلتهم مزاجه شين وصعب يعدل رسه فنجال قهوه ومواي قهوه تكيف راسه يقول زوجي لما كنت اصب له قهوتك جاني الهم لأنه ينقد بالوجه ويشهر بين الرجال يقول فز قلبي لما قال قهوتكم وش فيها يقول زوجي سبيتك في نفسي ولعنتك لكن لما قال قهوه رايقه من مسويها زوجي تشقق وقال زوجتي قال زوجتك هذي راعيه كيف بعدها زوجي صار يفتخر بي ويفتخر انه سنعني على قوله والله عن تجربه انا لما يرخي زوجي معي ماأهتم ولما يشد علي اجتهد وبصراحه الان غالبيه الجامعيات كذا للاسف قريباتي فيه منهم جامعيات حتى اختي جامعيه والله ثم والله مايظهر تفننهم الا بالعزايم انبهرت من اختي لما سوت اكل منوع من 9اصناف لأهل زوجها وهي عندنا وعنظ زوجها اكل عادي او مطعم اقولها بصراحه الشده تنفع بهالامور الان انا اسوي قرصان ورز مثل العزايم واتفنن وكل هذا بفضل الله ثم تأديب زوجي لي أدبها بأدب أو خيرها بين الطبخ والطلاق لأنها ماراح تنفعك لوجاك مرض من اكل المطاعم كثرتها تسبب امراض خطيره انت جربت اللين جرب القسوه والنقد وحتى وان كان الطعم لذيذ لاتبين لها كل عادي هي ضامنه انك تحبها وتغليها ومتطمنه لذلك مطنشه هالناحيه ذكرتني بصديق زوجي تزوج بنت ملكه جمال مافيها عيب ابد الا انها ماتعرف تطبخ جاملها وماطل بالاخر الرجال انفجر راح لها قال جهزي اغراضك بنروح لاهلك وراحو ولما تركها عند الباب قال لاترجعين الا متسنعه وراح واليوم الثاني اخذ اغراضها وكل شيء لها وارسله لها وقال لأبوها ماينفع جمال واخلاق والحرمه ماتعرف تطبخ بنتك ياعم ماتلزمني سنعوها واتفق مع ابوها بخطه عليها قال ابوها طلقك انهارت وبكت وتعلمت واجتهدت تركها سنتين عندهم وامها وابوها يدرون انه ماطلقها وهي تظن انها مطلقه وكلما انخطبت اهلها يرفضون بالاخر ضيفه ابوها على الغداء شاف اصناف كثيره صارت تطبخ ذبيحه كامله وتسلخها وسنعه وصار يعزم اخوياه لأجل يقهرهم بطبخ زوجته لذلك خلك حازم بعض الاحيان اذا حست ان الموضوع جدي بتحس على دمها لكن لما تشوفك ساكت وتجاملها ماراح تعبرك |
رد: زوجتي والطبخ.. الصبر نفذ ووصل حده!!
اذا جبتوا اطفال من يأكلهم ؟
ولا مو واجب بعد ؟ ماشوف الموضوع يحتاج مدارة كل تجارب الحزم هي الصح المشكلة فاهمين الدلع غلط ، ماتدخلين المطبخ معناه أنتِ مرفهه و واو . لما تدخلين المطبخ وتسوين إللي تحبين وإللي يجيب رأسك هذا إللي يسمونه الترفيه |
رد: زوجتي والطبخ.. الصبر نفذ ووصل حده!!
اقتباس:
استغرب من الناس اللي ترد بتخبيب و تزيد النار حطب الأخ فيصل يبي حلول فما له داعي تعيبون على بنت الناس زوجته . الكلمه الطيبه تخرج الأفعى من جحرها اخ فيصل تفاهم معها بكلام طيب و شد عليها شوي مصيرها بترضخ و تطبخ لك بس انت يبيلك شوي صبر لازم تصبر اذا تبي نتايج طيبه . الله يوفقكم و يسخركم لبعض . |
رد: زوجتي والطبخ.. الصبر نفذ ووصل حده!!
المراه اذا احبت زوجها تدور راحته وتحاول تكسبه بي طريقة
والخيل من خيالها لو تشوف انها تفرق معك تعدلت بس شكلك مافيك نفس طويل اسبوع وترجع عادي تدلعها جرب تاكل برا من مطاعم وقل اكلت عند اهلي بالاستراحه فلان عزمني لاتدري انك من مطعم واذا عاتبتك قل احد يحصل اكل نظيف ويرفضه اجل وسخ مطاعم وقلل جلستك بالبيت ولا تجيب لها من مطعم قل مشغول زحمه المطعم عندك اغراض اطبخي اي حاجه مامعي فلوس هالشهر مضغوط الفلوس الي معي شريت بها اغراض للبيت الباقي يالله تمشي بنزين لنهاية الشهر خلها تحس ان الوجبه هي الفرصه انها تشوفك وتجلس معك بس استمر اقل شي شهر اذا ماحست بعدها الله يعينك |
رد: زوجتي والطبخ.. الصبر نفذ ووصل حده!!
الاخوة والاخوات
قانون المنتدى يمنع التعرض بالإساءة لمجتمعات أو بلدان أو جنسيات المداخلات الشخصية التي ليس فيها عرض لمشكلة وتحويل الموضوع الى دردشة بين الاعضاء التدخل في خصوصيات الآخرين كالأمور الشخصية لأحد الأعضاء نرجوا الالتزام |
| الساعة الآن 09:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©