|
بسمة الأشرآق .. قالها لي زوجي انــا أحبــك بس تصرفآتك أكرههآ جدآ اقتباس:
مو كل الرضآ خصوصآ أننا ماجلسنا مع بعض كثير يعني ماتحدثنا كثير فيهآ وماصارت كثيييير فهمتيني |
رواء الايمان
استوقفتني كلمتك : الرجل يحبُّ الألم، يحبّ مَن تؤذيه، فبالألم يختبر رجولته وقدرته على الصبر· لذا، لا يتعلّق بامرأة تبكي أمامه، بل بامرأة تُبكيه اتعلمين انني ارى ان هذا الكلام ينطبق على فانا لم ابكي الفراق عكس طليقي رغم ان الطلاق قراره هو ويراودني احساس قوووى جدا انني اعيش كثيرا في مخيلته |
اقتباس:
ندمانه هالسطر خليه حلقة باذنك سواء مشيت حياتك معاه أو مع غيره ! |
حبيبتي رواء معلومة املائية لاني اشوفك واعيه ومثقفة
فض وليس فظ فض : من النقض او الكسر فظ : من الغلظة والقسوة وانت لله درك وهنا اقولها صراحه اتابع ارائك ففكرك يعجبني ونظرتك متوسطه وعقلانية زادك الله من فضله |
بأذن الله .. طيب ماجاوبتيني رواء الأيمان ؟ |
اقتباس:
الله يسمع منك .. عسى ربي يكتب الخير لي ولـه |
ندمانه
لايلدغ من جحر مرتين أخاف ياندمانه ترجعين ويجيك عيال والله ساعتها يكون الندم أكبر بكثير ياندمانه ممكن تكتبين لنا صفاته اللي خلتك تتمسكين فيه بشفافيه |
الله يصبرك ويكتب لك الخير ذكرتيني طليقي حسبي الله عليه اهي اهي اهيي
|
الان معاي طليقي على الجوال دعواتكم |
خليك حازمه
تعبنا من طيبتك الزيادة وش باقي يبغى تسجدين له استغفر الله سامحيني والله احبك بس مقهوره مره عليك |
اقتباس:
شافك راضية بأمر الله وهذا اللي هزه وخلاه يبكي لأن المؤمن القوي خير من المؤمن الضعيف وأكيد ماغبتي عن باله لأن قرار الطلاق كان له واعتقد إن الزوج لما يطلق يندم واذا ماندم لابد ويحس بالألم .. الله يرزقك بزوج عاشق ينسيك همك ويعوضك كل مافقدتيه بحياتك .. اقتباس:
ولك مثل ماسألتي وأكثر غاليتي |
اسال الله العلي القدير باسمائه وصفاته ان يركم لبعض ويسخركم لبعض ويرزقكم من حيث لاتحتسبون
|
اسأل الله لك التوفيق
مجرد تحليل زوجك يحبك قبل وبعد الزواج لكن كان راسم بخياله صورتك وشكلك وانصدم بصورة اخري وبعد ان رائ منك تصرفات لاتعجبه قال اهرب من اول الطريق افضل لانه تأثر من الصدمة علما ان الحب مثل الزرع يحتاج سقيا حتى ينمو وهكذا الزواج يحتاج معاشرة اكثر في اول الطريق وحسن تبعل من الزوج وكذلك أخلاق وخدمة المراءة لزوجها ولذا زوجك لم يظفر بالمعاشرة والتمتع بك كزوجة تقومين بكل حاجاته فلم يحس بطعم الحب كالزرع الذي لم يسقا* |
اقتباس:
انت او هو ؟؟ |
هـو اللي أتصل |
اقتباس:
تحليلك جدآ صحيح .. بس صورتي وشكلي مقتنع فيهن كثير والحمدلله املك من الجمال الكثير أنصدم فقط لأني مـاحبيته كثر حبه لي ومعآي بالجوال .. بيشوف أنا أحبه أو لا جالس يختبر حبي له .. وأنا الظاهر سقطت بالاختبار بينت له اني مـاأحبه << الله يسامحني |
اقتباس:
جوابي كنت ابيك انت تقوليه وقلتيه هنا اقتباس:
اللهفة الزايدة عليه وكثرة رسايلك اللي قالها لك بصريح العبير لا ترسلين التعامي عن غلطه على الرغم انه يدقق ومايفوتلك الزلة تدرين ايش يقول بنفسه والله اعلم هذي ماتهمها صفاتي ولا يهمها تدرس شخصيتي زي هو مايسوي لان باين عليه شخصية دقيقة وسواسيه وهذي الشخصية صعب التعامل معها رغم انها شخصية مبدعة ومتميزة في الحياة العملية سنين وهو يحبك ويسمع عنك ويتمناك وما تفاجأ من ردك وصراحتك كثر ما تفاجأ بشخصيتك وتصرفاتك اللي توقعها أقوى من كذا .. وانا ألاحظ أنك قوية وذكية وتخفي هالشخصية بقناع الطاعة العمياء والإنقياد للزوج ومصطلحات كثيرة زرعوها أمهاتنا بعقولنا الله يحفظهم ويخليهم لنا بس الجيل تغير وجيل شباب اليوم غير جيل أباءنا الله يرحم اللي مات منهم ويحفظ الأحياء .. ندمانة لازم تختلطي بصديقاتك المتزوجات وتتعلمي أكثر واخواتك هنا مايقصروا معاكي بإذن الله الله يوفقك |
الله يرزقك بزوج عاشق ينسيك همك ويعوضك كل مافقدتيه بحياتك ..
وه يازين هالدعوة الله يجزاك جنات الفردوس العليا ويكتب لك سعاده اكثر واكثر مع زوجك ،،،، معنى فض فوك يالغلا هي دعوة ان يحفظ الله عليه اسنانه من التساقط كي تبقى سليمه وبذلك يبقى متحدثا جيدا لا يعيبه فقدان الاسنان النطق السليم لمخارج الحروف وهناك قصة لا اعرف مدى صحتها لكني احفظها ان الرسول صلى الله عليه وسلم دعى بها لصحابي فمات عن كبر ولم يسقط له سن |
اقتباس:
تحليل عجزت أوصله بعد سؤالي لها عن العلاقة الخاصة الله ينور عليك |
عسى كلامه خير الان
وتصدقين اضحك يوم تدعين له بالخير انا كنت زيك وطلقني والحين مااقول الى حسبي الله ونعم الوكيل وبعد ودي ادعي عليه بس اخاف من ربي اني غلطانه يرجع علي الدعاء لانهم ماعليهم من ولاهزينه شعره منهم وقهر انا نحبهم ونترجاهم يرجعونا ويسون كذا |
ياناس وربي أنا مدري وش فيني يقولي / تقدري تعيشي من دوني قلت / أيـــه فقفل السمـاعه وضاق صدره كثييير وقال / أعرفي اني فارقتك وانا احبك وانا احاول أطلع حبي اللي عندك وأنتي تكابرين خلي مكابرتك تنفعك .. ياناس انا لما أكلمه أكابر بحبي مدري ليه ؟ الحين بيدق قولوا وش أقولــه .. والله أبيه وأحبه بس عجزت أبين له ؟! |
تحليلك جدآ صحيح .. بس صورتي وشكلي مقتنع فيهن كثير والحمدلله املك من الجمال الكثير
-طبعا أكيد هو الحمدلله مقتنع لكن لم تكوني الصورة التي في خياله حتى لو ان صورتك الحقيقية قد تكون اجمل بس سبحان الله الواحد ينصدم لانه شي نفسي يتغير عليه شي ما جاء على باله- ومعآي بالجوال .. بيشوف أنا أحبه أو لا - لهذا السبب اريد ان تتواصلي معه حتى تشبعي شي من عاطفته ويشتاق إليك وتحسيسينه بحبك له ووجوده في قلبك وانك تفكرين فيه نصيحه لا تنقطيعين اذا كنت تريدينه مع احساسي انه طيب لكن مايستاهلك لأنك انتي أطيب منه- *مجرد تفكير هو الان فقط يراجع حسابته ويحاول يختبر حبك ليرفع من كرامة نفسه وايضا يحاول يمسح صورتك اللي كانت في خياله ويسجل صورتك الحقيقية وياخذ وقت للتفكر واكثر وعندي إحساس انه يفكر الان انه لن يجد افضل منك وهو حقيقة حس انه تسرع بوضع المشكلة الفراق ولكن يريد الرجوع بكرامته وأتفأل كثيرا بعودته لك ولكن أشبعيه الان بصوتك لانه حلال عليك الان ووسيلة لإن يشتاق للأمور اللتي تليها وليس لديه وسيلة الا انت وبهذا سوف يسرع من الرجعة إليك ليشبع نفسة وكوني كسبتيه" والله يكتب لكما الخير |
قولي أنا والله احبك ولو ما أحبك ما طاردت وراك وما رديت عليك ولافكرت فيك
عليك والله تعبت ساعات اتعب وأحاول أنساك لأني أخاف ماترجع وتجين صدمة نفسية لكن صدقني احبك واعجز انساك لأني أنا معلقة لا أنا اللي عندك وبين إحضانك حتى اثبتلك حبي لك ولا أنا اللي طلعت من ذمتك حتى اخفي عنك حبي * |
انتظار
|
أدعو لنا .. والله يحبني وأنا أحبـــه عسى ربي يكتب لنا الخيره برجوعنــا بكينا على بعض ... نادم على انه ماتهنى بحبيبته اللي أنتظرهآ سنين ولااستمتع فيها نادم على الفرآق أنا أبكي وهو يبكي باقي لي حب بقلبه يقول وربي فكرت فيك قبل نفسي .. لأني شفتك بأول الزواج مو مرتاحه معآي وخفت الله فيك ومافكرت بحبي لك فكرت بحبك لي ماكنت ابي تجبرين نفسك علي وانتي داخليا موسعيده كنت اشوف جمالك يذبل امامي كنت أشوف حزن بعيونك .. وفكرت بقلبك ومافكرت بقلبي حسيت ان قلبك ماحبني وماارتاح لي خفت تكتشفي هالحقيقه بعد ماتجيبي عيال وربي اني أفكر فيك أكثـر من نفسك لأني أنتي الانسانه الوحيده اللي حبيتها يقول يمكن ربي كتب لنا نبعد .. يمكن عين صابتنا وعدني ندعي ربنا برمضان ... واذا ربي كتب لنا رجوع بنرجع أدعولنـــا أدعولنـــا أدعولنـــا |
الله يوفقكم ويسعدكم يارب دنيا وآآآخرره ..
ويلين قلووبكم على بعض وتعيشوو أحلى حيااه يارب .. دمتم بسعااده غامره =) |
اقتباس:
ايه تقدرين تعيشين بدونه انتي مؤمنة وقلبك معلق بربك قبل لا يتعلق فيه هذا متناقض تلهفتي عليك ولاحقتيه بالرسايل والاتصالات وقال لا تتصلين ولا ترسلين وثقلتي عليه بمعنى أصح نفذتي طلبه وقام يختبرك هذا انسان غير متزن في عواطفه والجوال وسيلة غير مجدية في التفاهم في تلك الأمور لو كان جنبك وعينه بعينك ردة فعلك تبان من نظراتك .. معليش هذا مازال يدور الزلة للخلاص شوفي حبيبتي اللي يحبك يحتويك ويحاول يفهمك من خلال التعايش معك واللي مايحبك والله ان مالقى عليك شي يفسر كل تصرفاتك غلط سعياً للنهاية . لا تحرصين إلا على واحد شاريك اذا لقى فيك عيب يدور فيك عيب ثاني لاجل يستر العيب الأول هذا يلعب بنعمة الزواج ولو عنده احساس بالمسؤلية ويعرف الأصول ماستهتر بمشاعرك حتى في أول عيد بينكم ايش النكد ذا من حفره لدحديره :( |
شوفي اختي
الاسلام لماذا جعل المطلقة تجلس في بيتها حتى نهاية العدة لان مكوثها في البيت ادعى ان ينظر اليها زوجها ويسمع صوتها ويحس بها وتخدمه وتكرمه فيشتري اليها ويعاشرعا وبالمعاشرة تكون الرجعة فلهذا اولا عليك بالاتصال والسؤال عن حاله وعدم ذكر المشاكل واسباب الطلاق معه لان هذا يشغل باله عن الاستمتاع بسماع صوتك وايضا تحسسه بالاوجاع ولكن اجعل الكلام عن حاله وأمره وعن كريمي الحديث فيه وعن ذكريات وثقف حلوة بينكما اما باتصال وهو افضل او برسائل لكن إياك والخوض في مشاكل تعكر مزاجه ثانيا اتصل عليه وقولي أنا مازلت بذمتك واذا انك تحبن ودي تجي تذوق فطوري واذا جاء تزيني وساعدي له بأبهى حلة وايضا ان وافق او رفض اطلبي منه انك تفطرين عند اهله يوم بحضوره ثالثا اذا جاء هو لأحد من أهلك ادخلي وسلمي وانتي بأبهى حلة رابعا ارسلي له رساله تطلبين منه المسامحة كان بدر منك إخطاء تعرفينها او لا تعرفينها خامسا حاولي تنين جو المشكلة وتعشين جو الحل وأخيرا قصة استحي ان اذكرها لكن قد تستفيدين منها اثناء زيارته لكم ( يذكر ان رجلا زعلت عليه زوجته وذهبت الى اهلها وقالت لا اريده وحاول مع اهلها إرجاعها لكن رفضت فذهب لزيارة اهلها وجلس وشرب القهوة مع أبيها وبعده قال اريد فقط ان اسلم عليها فلما جاءت المح لها بعض علامات رجولته فاشتاقت اليه فلما خرج ناداه يعبو فلان اصبر ابي اروح معك ونسيت الماضي ) فسبحان من الف بين الرجل والمراءة بالزواج والعلاقة والمودة والرحمة وآسف على الإخطاء الإملائية لأني اكتب من الايفون |
اقتباس:
وليه يقول اطلع حبي اللي بقلبك وانتي تكابرين يعني جالس يناقض نفسه متأكد إن له حب بقلبك ومايدري انك عروس يغلبك الحياء أكثر من التعبير عن مشاعرك؟ ومايدري ان طلاقك وانتي عروس ممكن يأثر على سمعتك الأولى لو يحبك يقدم مقدمات ويمنعك من الحمل بأسلوب منها يتأكد من مشاعرك ومنها مايصدمك حتى لو عايفك مايطلقك وانتي عروس واذا على دموعه اقل شي يسويه البكى لأن تصرفه جريمة بحق نعمه من الله .. نقول عسى ربي يهديه وإن كان فيه الله يسخره لك وقلتلك قبل كذا الرجعة بسيطة بس فكري للي بعد الرجوع ! |
(لأني شفتك بأول الزواج مو مرتاحه معآي)
اها تدرين لماذا يقول هذا الكلام هو جمع بين انك ما حبيتيه قبل الزاوج وكذلك وهو الأهم والمهم والزبدة انك اتعبتيه وقت المعاشرة فشك انك مش مرتاحه طبعا هو جديد وانتي جديدة والا معروف ان الحريم العفيفات واللي يستحن يتعبن رجالهن اول الزواج ولكن أنتما غير لانكما لم تجلسا مع بعض وقت كافي وفي بيت دافي لكما اي بيت يخصكما كلها شقق مفروشة فكيف تتاقلمان على بعض ووفقكما الله ورعاكما اختي هو مازال يحبك ولن يفرط فيك الا اذا اتعبتيه فقط حسسيه بالحب والقرب والاطمئان عليه & لاتبحث عن الوصال والعودة والحب قبل ان تشبكي اسلاكهم& كذلك شغلي مغريات انوثتك له بما تستطعي شيئا فشيئا مثلا حاليا أسمعيه قصيدة او أنشودة تعبرين فيها عن حبك له طبعا بصوتك واذا حصل بينكما مقابلة اغريه بجسدك وهكذا والحريم أدهى |
وش هذا الانسان يناقض نفسه كثير شافك لعبه قام يتلاعب فيها
ياغاليتي مابي أحطه بذمتي أبداا بس هو لاصار فاضي صار يتصل عليك ويشبع نفسه بصوتك يعني بالاصح نزوه ولاصحى جاك اليوم الثاني وقال الله ماكتب لنا نصيب ومدري أيش من كلام الحب بقول غير فعل اللي يحب يلهف اللي يحب مايصبر يوم واحد يعيش من غير محبوبته العاشق يجيك ركض ولو يحبي على إيده علشان يوصل لمحبوبته اسمحيلي أقولها للك بكل صررررراحه طليقك يتسلى إلين يتزوج أو يثبت للناس أنك أنتي الغلط وهو الصح ومو بعيده يوري رسائللك لأهله واصحابه ويقول شوووووووووفو كيف تحبني وتلاحقني هالحين هو مطلقك ومعيشك رعب وكل يوم له كلمه وله رأي ويعيشك على أمل وبكره يصدمك فيه أختي اسمحيلي المفروض تأخذين موقف وتضربين بكلامه وخرابيطه عرض الحائط الحق معك أنتي إلى متى ماتحسين أن الحق معك أبساللك سؤال هل أنتي شفتيه بعيونك الثنتين يبكي يعني شفتيه وهو يبكي ؟.؟؟؟ |
أخوي مستعجل بس - كلامك حلو جدآ وبمآ إنك رجل يمكن تفهه طليقي أكثر أنا طليقي متأكده أنه يحبني بس يكابر يكابر ومايبي يرجع وكرامته تضيع وهذا انا حسيته بمكالماته خلال هـ الفتره ... هو طلب مني .. اني ماارسله ولا أكلمه الا أذا فيك شي ؟ حتى كان يسألن أذا تعبانه أو شي ... يقول لاتبكين مانبي نتعذب يعني كلامه واضح يبي يرجع بس عنده كرامه تمنعه ... سؤال هنآ / كيـف أقدر أحل مسألة كرامته ؟ رواء الإيمان - لبى قلبك على كلامك ووقفتك معي تعجبيني كثيييير فديتك صدقيني انا مع كلامك وجدآ واقعي كلامك وهو المفروض يكون يعني المفروض يعطينا فرصه نعيش مع بعض مادام فيه حب .. لكن ادعي عسى ربي يهديه ويحنن قلبه |
اقتباس:
شكرا لك اخوي على نصايحك |
عذاب فديتك .. كلامك احترمه وعلى رآســي ويمكن صحيح وماألوومك واشكرك على حرصك وخوفك علي اقتباس:
لا سمعت هذا بـ الجوآل وأنا أكلمه بس يااختي أنا شفت دموعه كثير وهو جنبي بس ماكنت أحس فيهن كان يوميآ يبكي من حبه لي .. بس أنا ماكنت أراعي هـ الشي ماكنت فاهمته باول حياتنا |
اقتباس:
ليش يسوي فيها كذا مايخاف ربه يعذبها ويلعب بمشاعرهاا ليش مايقول لها كلامه من غير حب وخرابيط ليش يعيشها وهم ويصدمها بخيبة أمل أهي من البدايه ماقصرت حشمته وكفرت عن خطاياها وفوق هذا كله أهلها ناس طيبين حاشمينه ومقدرينه وشوف هو وش مقابلهم كل يوم له كلام وكل يوم له راي هذا أنسان متناقض وغره أكثر حبها له وحنيتها وين شموخ الفتاة المحبه وين كبرياءالمحبه كل يوم يسوي لها قصه ولاجاء اليوم اللي بعده قام يتراجع عن قراره أبسط شئ ماستحى من أهلها هي ماغلطت ولاسوت شئ كايد علشان يسوي فيها كل هذاا هذا اصرف في مشاعرها ليش تذل نفسها أكثر ؟؟؟ |
اقتباس:
اميــن يآرب تسلمي لي قلبي على دعواتك |
ندمانه وربي من الفجر مقابله سمبوستي بلفها عجزت ولما قلتي اتصل عليك فنقلت عيوني بالشاشه وحطيت حشوتي بالثلاجة
قلت يبيلها جلسه .. بصراحة روميو ذا أفحمنا معاه الله يطحن الحب اللي براسه ويطلع صادق بمشاعره |
سؤال هنآ / كيـف أقدر أحل مسألة كرامته ؟
هذا الجواب/ هو طلب مني .. اني ماارسله ولا أكلمه الا أذا فيك شي ؟ نعم عندما تطلبين من العودة يتغلى ويحس بكرامته لكن لاتجيبي سالفة الطلاق فقط في البداية اسالي عن حاله وبعدها فقط حبيت اسمع صوتك وتطمن عليك واذكر له سالفه في بيتكم مضحكة له قولي أنا بس ودي أوسع صدري وصدرك بسماع صوتك كرري قرأت ردودي السابقة فيها توضيح للحل هو يريد احد يوسع صدره تخيل انتي مع جهه واهلك مع جهه واهله مع جهه كله من شأن المشكله هذي اللي توهق هو فيهاولاتوقع ان الامور تصل كذاوتكدر مزاجه هو وده يطلع بكرامته فلابد ابعاده من جو المشكله وكذلك أثارته بمغريات الأنوثة وقبل كل شي الله سبحانه بيديه مفاتيح القلوب فالتجئي اليه |
اقتباس:
ههههههههههههههههههههههههه يابعد قلبي أنتي وسمبوستك لبى جلستك بعد لبى نصايحك بعد صدقيني روميو كان صادق بمشاعره بس أنـا خذلته بـ أشيآء كثيره صدقيني هو مصدوم منـي كثييييير ... ومو قادر يطلع من الصدمه |
اقتباس:
فعلـن كلامك لأنه قبل قليل كان يقولي : أبي أضحك أبي استانس !مابي نفتح جروح قولي شي يضحكنا و و .. فـ أنا تكلمت برجوعنآ لأني حسيت انه يبي نضحك وبس ويوسع صدره فيني وأنا أهم شي عندي يرجعني واضحكه بـ البيـت لما نرجع أفرض إني ضحكته وونسته : ولا رجعني من بيأكلهآ أنــا |
| الساعة الآن 04:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©