|
|
رد : اخر اخباري
اخت لجين ... ترى مو انتي الوحيدة اللي عنده فلوس في هالموضوع ولاانتي الوحيدة اللي ابوها مدري مين, كلنا بنات نعمة وشيوخ ولا سوينا مثلك...الحين تاركة جميع الردود والموضوع وصل لمئات الصفحات والكل يتفاعل وشايل همك وهم الرجال واخرتها جايه تناقشين كلمة قالها المستشار ؟
انتي بنت مين ؟؟ مو امك بنت شارع بمفهومك انتي ؟؟ اى متى واحنا نداريك ؟؟ انسانة ماهمها الا لاتقارنوني باللي اقل مني, وانا صرت زينة مع زوجي ,ياااااي! الحين في مكة جالسة يومين ماتطلعين كله على موضوع تافه وابي ارجع ابو ظبي واخرتها انا زينة معه ؟؟ والله ياليت يتسكر الموضوع بدل رفعة الضغط اللي قاعده تصير ..الكل انبسط لما دخلتي توقعنا راح تناقشين زوجك تحاورينه ..جايه بكل برود حضرتك وتتكلمين بهالاسلوب ,اللي بيته من زجاج لايرمي الناس بالحجارة ياماما بصراحة اسلوب الطبطبة عليك ماينفع , وصديقك من صدقك وليس من كذبك ,, احنا لو مانتمنى لكم الخير كان مااحترقنا وتابعنا الموضوع, واخرتها تجين تقولين هالكلام, انتي ماودك تتغيرين ؟؟ انتي تبين تجلسين الرجال طول عمره يلاحقك؟؟ الرجال يقول انا استخير في الفراق وانتي ماتهزك هالكلمة , الرجال يقول ماابي ام لعيالي الا انتي ولاتهزك برضو !! طيب والحل برايك؟؟ عطينا حلول بالله !! واللي استغربه الكل متجاهل كلامها ولا فيه انذار ولاتخرجين خارج الموضوع ومدري ايش ؟! يعني صرنا نرضى باقل القليل من حضرتها علشان بس تتكرم وترد علينا بقنابل .. سلاااااام |
رد : اخر اخباري
معذره اخواني واخواتي لو كان الكلام يضايق ويجرح
لكن ربي يشهد انا عن نفسي ما تكلمت الا محبة للجين وخوف عليها ورغبة مني في انها ما تقع بالخطأ حتى لو مو متعمده لانها انسانه واعيه وحبوبه ومن فينا ما يغلط .. كلنا نغلط ولنا رب يحاسبنا لكن حبينا نوجه لجين لشيء يمكن هي غفلت عنه وهي معصبه واحنا كلنا ندري ان من داخلها خييييير لكل الناس وهي ما تحب احد يغلط عليها ومن حقها .. كلنا مانحب اللي يغلط علينا لكن بعد ما يصير نتكلم على غيرنا ونقول عنهم كلام احنا ما نرضاه لنفسنا .. صح لجين ؟ وذكرت هالنقطه انا ما اتكلم ولا احط ردود لكن ربي يشهد ادعي لهم بكل وقت ربي يصلح اللي بينهم ويألف قلوبهم انا اسفه حبيبتي لجين لو كان كلامي قاسي .. لكن وربي كله من حبي لك واتمنى لك الخير دايم الله يوفقكم ويصلح حالكم |
رد : اخر اخباري
أخي خالد لا ترضى لزوجتك بأكثر من هذا على كلمتين أصبحت تتلقى محاضرات طويلة ..
وأقل ما تفعله لأجلها هو الرد .. ليعرف كل عضو أن لتماديه أيضا حدود .. وليس لجين فقط .. من يحاسب على الحرف .. نحن لسنا بمحاكمة .. نحن في موقف تطوعي إرادي بحت.. بهدف دفع كل مسلم للأمام ..نزيل الغشاوة عن أعين صاحب المشكل .. نعم .. لكن بدون تنقيص منه ..بل بالكلمة الطيبة والموعظة بالتي هي أحسن مع إحترام ظروف المعني بالأمر .. ولنتذكر كلنا خطاؤون وخيرنا الثوابون .. وكلنا معرض للإنتكاسات .. نحن بشر .. إذن فلندع المثالية العنكبوتية جانبا .. أطلب حذف الموضوع وعش حياتك بالإستعانة بالله .. لو ما كنا نخطئ لخلق الله عبادا غيرنا ليخطئوا لكي يغفر لهم .. فهو الغفور الرحيم .. |
رد : اخر اخباري
صحيح نحن لسنا بمحكمه .. لكن القول على الفئه الفقيره " بنات شوارع " وانتِ لا تعلمين من يدخل هذا المنتدى والموضوع وربما تكون احداهن هنا .. كأن مثلا اقول ابناء هالدوله الفلانيه " بنات شوارع " .. أتمنى وضحت الصوره .. ووضح القصد
|
رد : اخر اخباري
الاخت اللي تعاتب عدم دفاعي عن لجين ,,, عندما دخلت لجين قلت اكيد لحين هي بتناقش بعقل ,, ما كنت ادري عنها أنها متحلفت المستشار ومعصبه من كلامه ,, ويوم بدات تتناقش وياه قلت بترك لها المجال دافع عن روحها حتى لو هي على غلط لكن بتناقش (( مع انه الموضوع كان ما يستاهل النقاش منها وكان أولى منها النقاش بأمور أخرى تحتاج منها ذلك )) على العموم اطلب من الجميع عدم نقاش بموضوع البنات لانه منتهي من زمان ومب مستفيد شيء من نقاش فيه الان غير عوار راس وياها .. |
رد : اخر اخباري
أخي أبو خليفة... أرى أن الموضوع خرج على السيطرة.... نصيحة أغلقه إن كنت ترى أن طريقة تواصلك مع البليغ راض عنها... على الأقل فترة من الزمن إلى أن تحقق ما تريد من خطة البليغ.... لانريد تغيير مسرى الحديث... ما يكتب هنا سيأثر على وضعك مع لجين ولن يجعلك تتقدم.... |
رد : اخر اخباري
اقتباس:
من الفجر واحنا بصياح وعوار راس بسبب هذا الموضوع ,, غير تهديدات اللي يات منها اذا ما أغلقت الموضوع بتقوم بإعلام جميع الاهل بموضوع زواجي ترد صاع صاعين على قولتها مثل ما تكلم عني هني أنا بفضحك عند أهلك (( اسلوب استفزازي بحت )) ,, غير سفر أبوها اليوم حسيتها دور الغلط ومتوتره ,, يعلم الله من الفجر وأنا أخوك احنا نتهاوش ووصلت لحذف للابي يوم سحبتها وقلت أقري عدل شو كاتب عنج ,, ولا هي راضيه تتفاهم .. الموضوع متعب صار |
رد : اخر اخباري
أبو خليفة
أنت قلت إن الأخ البليغ أعطاك برنامج لمدة 21 يوم لذلك فلتقطع المنتدى في هذه الفتره لكي لا تقراء لجين أفكارك ولتفكر بعقلك شو رايك |
رد : اخر اخباري
اقتباس:
شكل سالفه تحتاج جي والله تعبت وانا خوك الموضوع هذا ممن صوب ,, وسفر أبوها كملها افضل شيء أطلب من الاداره أغلاق الموضوع بشكل مؤقت عشان ترتاح وتسكت |
رد : اخر اخباري
اقتباس:
ابوها تزوج واخواها تزوج لا تهتم لتهديها نص عائلتكم متزوجين |
| الساعة الآن 09:46 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©