حبايب قلبى انا مش عارفه اشكركم ازاى على دعمكم ليا ربنا يكرمكم يارب انتم رحمة من ربنا بتخففوا عليا


مصريه ياحبيبة قلبى ان شاء الله تتجوزى وتتهنى وربنا ييسرلك امرك وميحكمش عليكى بالبلاء الصعب ده ولا اى حد ابداااااااااا ياااااااااااااااااارب ونسمع عنك اخبار كويسه ياحبيبة قلبى


طيب هو فيه دكاترة زى هبة قطب فى السعوديه؟لو حد يعرف ياريت يقوللى

بسم الله الرحمان الرحيم

أختي الفاضلة والله أحزننتني حالتك كثيرا وبما أني على وشك الزواج خفت كثيرا من الزواج.
أختي أطلب من الله أن يساعدك في محنتك هذه إن شاء الله و ييسر أمورك و يتم الصلح بينك وبين زوجك لكي تعيشي حياتك الزوجية في أحسن الظروف ، وتعم السعادة والمودة والرحمة بيتك بإذنه سبحانه وتعالى.
عليك بالصبر يا أختي ، كتت أعرف صديقة لي حصل معها مثل ما حصل معك وفي الأخير تمت العملية والآن تعيش سعيدة مع زوجها ولديها طفلة ما شاء الله. أتمنى وأطلب من الله أن تحل مشكلتك أنت أيضا وتعيشي سعيدة مع زوجك وترزقي بذرية صالحة بإذنه تعالى.
استودعك الله ، في انتظار أن أسمع الخبر السار منك

انا اعرف دكتور .. تخصص نفسي جنسي في السعودية .. هو مخ واعصاب ومتخصص في ده وهو قالي بنفسه.. رغم ان ده مكانش سبب ذهابي اصلا

بس هو دكتور ممتاز .. وصبره طويل ويسمع للمريض كويس جدا ويخليكي تقولي اللي في نفسك لحد الاخر .. ويفصصلك كل حاجة

وممكن اديكي نمره وتحجزي عنده

بس مش عارفة ازاي اديهولك ممكن عن طريق الادارة

اسيبلك كل الداتا بتاعته هناك وانتي تفتحي موضوع هناك وينقلولك الداتا .. ماشي

بليل بإذن الله اكتب موضوع في الادارة .. لو تحبي بس اديني الاوكيه

هو في مستشفى كبيرة .. انا بقولك كدا عشان ماتقلقيش

خلااااص كل شىء انتهى

هو اخد قراره انه يطلقنى
انا من ساعت ماكتبتلكم الرد وانا بعامله احسن معامله وبعملله كل اللى عاوزه وحضرتله الفطار وبوسته وهو ماشى ولما جه بوسته وحضرتله الغدا وهو مافيش تفاعل من اى نوع

معاملته ليا رسمى

خرج عشان يجيب طلبات عشان العمره وبعد مارجع فضل ينتقد فى شوية حاجات عاملاها وانا ماسكه نفسى عن البكاء بالعافيه ورحت حضرتله العشا

وكل ده وانا متجنباه يعنى خايفه يحصل اى حاجه


وبعدها لقيته ماسك راسه بألم جيت جنبه وفضلت ابوسه واسأله مالك حاسس بأيه وهو مش بيرد عليا وانا خلاص دموعى نزلت

لقيته راح قام وراح على اودة النوم عشان ينام ولا كأنى موجوده

لقيته وقف شويه رحت وراه فضلت اسأله مالك وامسك راسه مشى وسابنى ودخل الأوده

رحت وراه قلتله بالله عليك رد عليا ومسكت راسه قلتله حاسس بأيه

قاللى حاسس انى بستهبل

(الكلمه دى انا كنت قلتهاله لما كان بيقللى هتنضربى بالحزام ساعتها اعصابى انفلتت وحسيت بقهر فظيع لأنى كنت تعبانه فى المطبخ عشان احضر الغدا ليه ولصاحبه وعارفه انه هييجى يتخانق على اتفه حاجه)

قلتله انا اعتذرتلك وانا اسفه برده مردش

قلتله لازم تلتمسلى العذر انا كمان اعصابى مش مستحمله اكيد هاجى فى وقت وهنفجر

مش ملاحظ ان بقالك فترة الساعه اللى بتقعدها معايا فى اليوم بتتخانق معايا؟انا خلاص اعصابى تعبت

قاللى خلاص هانت كلها لحد يوم السبت

عرفت ساعتها انه قرر الطلاق

قلتله عموما انا مؤمنه ان اللى كاتبه ربنا هيكون

انت صبرت عليا كتير ولو ملقتش العفة فى الجواز هتلاقيها فين

وبوسته على خده وطلعت من الأوده وانا دموعى مغرقة وشى وجيت اكتبلكم

لا اله الا انت سبحانك انى كنت من الظالمين

والله طول اليوم بستغفر وبدعى وببكى فى الصلاة وبقول يارب نفسى افرح ماما واقولها انى حامل

نفسى اعف جوزى الحرام مبقاش فيه اسهل منه دلوقتى لو مالقاش العفه معايا هيعمل ايه
لكن قدر ربنا هو اللى هيمشى فى الأخر يمكن قدرى انى اتطلق

اصل كل الظروف بتأدى للطلاق !!!!!!!!!!!!