|
سؤالي أختي بردانه
هل لو رحتي لزوجك تتوقعين انه بيعتبرك ذليلة لأنك رجعتي من حالك؟؟؟ والا هو حبوب وطيب ويقدرك؟؟ أخوك / إقهر ظروفك |
اقتباس:
|
بخبركم خبر حلو زوجي دق قبل اشوي
بس كان صوته تعبان وقلتله شو فيك قال تعبان مضروب عين ويروح شيخ يقرا عليه وقالي نعالي اذا اشوفك ارتاح انا ما احبك انا اموت اموت فيج قلتله زين وانا مشتاقه بس ابغيك تجيني قالي والله تعبان وما لي بال قلتله بس اتصير صحتك زينه تعال قالي زين وقلتله متى زين بتجي قالي ما ادري الحين تعبان قلتله بكيفك الي تبيه سوي متى ما تبي تجي اهلا وسهلا بس |
اختي بردانه
اذا تقدرين تروحين له انتي بدون مايجيك هو.......... شوري لك إنك تروحين وطيعي شوري روحي هذي أحسن فرصة والله. ودام انك تقولين انه حبوب وطيب وش مستنية!!!؟ اسمعي شوري |
اقتباس:
ويقول تعبان الله اعلم المشكله في امي الحين ما تبغاني اروح بصراحه اقدر اكسر كلامها واروح لكن في النهايه بخسر امي وصدقوني لو زوجي ما تزوج ما يهمني احد دامني ما اسوي شي غلط بس الله يسامحه تزوج ما في باليد حيله امي صعبه صعبه يمكن اذااقوللها بروح تقول روحي بس ما لك اهل من هذي اللحظه وتعتبرني عاصيه وتحط كل عيوب الدنيا فيني واذا دقيت عليها مستحيل ترد وما تنسى شي امي هذي المشكله الحين وزوجي يقول تعبان اقوله زين متى بتجي يقول والله تعبان وما لي نفس حتى البيت اتظايق منه ابي كل وقتي مع ربعي اذا يقولي هذا الكلام شو تبون اقوله الله يعين بس |
امي يوم مرضت بمرضها الله يشفيها ويشفي مرضى المسلمين
كانت تقول انا سبب مرضها لان ما كنت اطيع احد في زوجي ومن غير سبب ما تكلمني كيف الحين بس الله اعلم كيف اعاملها بس هي تفكيرها غير والحين تلمح بكل شي وبصوره غير مباشره على الطلاق واني شو ابي زوجي وهي عندها اسبابها لطلاقي بس ما اقدر اقولها اعذروني والسبب ما هو زوجي السبب انا بس بالنهايه الي الله كاتبه راح يصير واذا تطلقت لا سمح الله تقول احنا قلنالك تطلقي هوه تزوج وما يبيكي والى.............اخره انا اعرف امي واذا صار فيها شي لا سمح الله تقول انا السبب يمكن انا غلط بعد الله اعلم وتصرفاتي غلط |
اتوقع (مجرد توقع) إن امك كانت شديدة على والد (ابوك) وكانت تمشية على كيفها وتريدك تسوين نفس طريقتها (هذا مجرد توقع) لكن الله يشفي امك مما اصابها ويخليها لك, مع اني اعرف نوعية والدتك ماراح ترضى عنك إلا لين تسوين اللي هي تبيه وأتوقع انك بتواجهين مشاكل وضغط نفسي رهيب لأنك بين نارين (أمك و زوجك) وأنتي مش قادرة تتخذين قرار, صدقيني إذا انتي ماليه يدك من زوجك وعارفة عشرتة ومعاملته انها زينة وراح يكرمك بالمعاملة الطيب صدقيني اذا رحتي امك بترضخ للأمر الواقع وفي هالحالة زوجك أولى من امك يابردانه , لكن انتي من خوفك الزايد من زعل امك هو اللي خلاك ماتقدرين تتخذين قرار.
أتمنى انك تلجأين للأصلاح الأسري لأنهم بعد الله راح يساعدونك أكثر كونهم متخصصين في هالأمور ويكفيك فقط مكالمتهم مو شرط تروحين لهم. الله يسهّل أمرك يا أوخيتي |
اقتباس:
وجزاك الله خيرا |
مانصحك تخسرين امك عشان زوج مثل كذا
لاني متأكده مليون بالميه ماراح يستمر معك بالنهاية وبتقولين .. اختي يونا قالت هذا مزواج ويحب يغير ..ملول.. مراوغ .. يدور اعذار واسباب واهيه .. بيماطل ولارح يجيك لحتى يمل ويشبع من اللي عنده..وهذا اذا جاء .. لو انك تهمينه كان جاك ركض مافضل ربعه عليك .. مانصحك تخسرين اهلك وبعدين لو طلقك ولا سوى لك شي ماعندك احد يوقف معك والله نصيحه مني .. خلك شديده وقويه .. كلمي زوجي وقولي له امي تبغانا ننفصل خلاص وانا شايفه انك مو شاريني وكلشوي تماطل وعندك اللي اهم مني عشان كذا.. انا بنسحب بهدوووء وانت الله يوفقك وانا جووني خطاب مراتب عاليه وعزاب ..وامي اصرت علي اتطلق واتزوج من واحد منهم .. اذا سحبك بالكلام .. قولي واحد اسمه محمد .... الخ .. يتشغل مدير بشركة .... ووو الخ بعدين سكري وطنشيه .. لاتردين عليه الا للضروره اثقلي عليه وخليه يموووت عليك ويخاف يخسرك موكل شوي .. قال بعدين وتعبان .. لانه عارفك مردك له ورح تنتظريه طول عمرك .. معلقه |
أنا مع الأخت ملاك يونا ، و إن كان الكثير راح يعارض لكن هذه وجهات نظر
|
| الساعة الآن 07:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©