|
:25:
روح ياقلبي متخيلتك بكروشتك :d قدامك وانتي تمشي شوفي بنت خالي قالو لها طلق صناعي ولا راحت وسوتها لين ولدت ثاني يوم يعني كان وضعها مثلك يمكن بكرة تقومي بالسلامة وتولدي :22: طيب روح انا اسمع امي وحريم خواني يقولون يشربون زيت خروع :25: ماسمعتي فيها؟ دايما يقولو وقت الولادة يعني زي كذا يشربوة يالله ماعليكي هانت وان شالله تقومي بخير انتي والنونو:15: الا روح علي فكرة النونو بنوتة :15:ولابطل :18: واخترتي الاسم؟:25: |
الدكتورة سألتني هذه اول ولادة لك ؟؟؟
قلت لها الثاني، بس الاول ماكان كذا أبدا .. جاني طلق على وقت الولادة و ولدت بنفس اليوم .. و ما جاتني كل هذه الاشياء ؟ في ولدي شربت الأعشاب هذه و تاني يوم الفجر جاني طلق و ولدت يارب دحين يصيرلي نفس الشي .. تفشلت من زوجي، و من اخواتي و منكم ... عملت مثل ماقالت احساس عمري و رحت المستشفى يوم حسيت انه بطني بدأت تشد و تقسى و هناك مشييييييت و في الاخير دخلت عند الدكتورة .. و حتى قلت لها بدأ يجيني شدددد قالتلي عادي طول ما انا جالسة مع زوجي، كل بعد ساعة او نص ساعة .. أتوقف عن الحركة و اقول ( اييييي ) بصوت عالي و ينفجع، اقول له و الله فيه طلق بس متباعد .. و دحين تركته ينام .. يعني دحين مثلا ماني حاسة بشي غير الثقل، بعد شوي يمسكني الألم تبع الم الولادة و يروح .. ووالنونو رجع يتحرك مثل قبل، من بعد مااخدت الأعشاب .. بس يرجع يهجد كمان معليه كلامي ملخبط، بس الرحم مقفل ؟؟؟؟؟؟ و قلقانة مرة .. سامحوني، تعبتكم معاي.. بس البيت عندنا كمان مقلوب و كلنا شايلين هم مرض امي .. لانها من 3 ايام متنومة بالمستشفى و تعبانة مرة مع مرضها و ماتقدر تكلم احد، و حتى قلت لاختي لا احد يقولها اني رايحة المستشفى و اختي الثانية و اللي كنت ناوية اخلي ولدي عندها وقت ولادتي، اولادها مسخنيين و زوجها كان مريض امس بس معاي زوجي اللي واقف معاي الفترة هذه و انتم بعد الله، و مسكين خرجته اليوم من الشغل عالفاضي.. باقوم اصلي ركعتين و ادعي اني اولد اليوم .. |
هلا احب زوجي ؛؛؛ وهلا روح قلبي معك ::
دخلت عشانك والله ... ربعنا فاهمين التحفيز غلط .. التحفيز يكون في الاسبوع الثاني والاربعين .. يعني بعد اسبوع من الان .. او لاسباب مرضيه .. يستوجب معها استعجال الولاده .. وبعدين يوم الولاده وإكمال التاسع علمه عند ربك .. وكل إحتمالات وتوقعات من قبل الدكتوره .. ولا عندها علم في اي يوم حملتي من الشهر !! ويوم ويومين او ثلاثه .. تفرق كثير .. فليه تحفيز الرحم وتحرض ؛؛ وانت بعافيه وبدون الام طلق !! حتى الاعشاب التي تحفز انقباضات الرحم :: ما تاخذيها الا بعد ما يفتح الرحم 3سم او 4سم .. والا ضررها اكبر من نفعها .. وعنق الرحم شاد :: دليل انه لسه وياروح الصبر وربك كريم .. لكن لا تحوسك مثل هالحوسه اللي يا تخيب يا تصيب .. حتى السونار يعطيك النتائج على حسب ما اعطيتيه من معلومات .. ولا بد يكون من يأخذ لك الاشعه الصوتيه متخصص .. وليست دكتورة النساء والولاده .. الحين اهم ما عليك تعرفي الان .. الصلاة تصلين او لا .. وما حكم هذا الدم ؟!! ولا تتوضي الا بمويه مفليه ومعقمه .. والمره مفيده لك تخفف عليك وبإذن الله تمنع الالتهاب .. الله يطمن بالك .. ويسر امرك .. |
النونو ولد ، بس طلقه زي طلق البنات ( كذا يقولولي قريباتي عن طلق البنات ) ؟؟؟
الاسم لحد دحين ما اخترنا ؟ المشكلة انه زوجي يقتنع بالاسم فترة، و بعد فترة يجي و يقول لالالالالا نغيره، مو حلو ... زيت الخروع شربته قبل لا اجيب ولدي ب12 ساعة ،، بس الله يعزك جاب لي اسهال مع الم الطلق، و بغيت أموت من الألم .. معدتي و مصاريني توجعني من جهة و الرحم و الاااام الطلق و الولادة من جهة .. و ولدي الله يعزك وقتها تبرز بداخل بطني و خلوه بالحضانة يومين، عشان يسحبوا من داخله اللي بلعه .. فأخاف استخدم الخروع دحين و يتعبني ؟ مع اني اتوقع انه هو اللي عجل ولادة ولدي ؟؟؟؟ |
شقردية ..
معاك حق بكل اللي قلتيه، عشان كذا صبرت و ماشربت الاشياء اللي جهزتها غير بعد ماشفت بقع الدم الله يعزك و كلهم قالوا خلاص ولادة .. لانه اخواتي الاثنين و خالتي زي كذا ولاداتهم .. و استخرت بعد العصر و بعد المغرب، بعدين توكلت على ربنا و شربتها .. خفت اني أتأخر للأسبوع الجاي و يعطوني طلق او تقل مويات الجنين ؟ بالنسبة لحكم الدم ،، ربي يسعدك و الله .. عجبني حرصك من جد :) نفس السؤال جاء ببالي الصراحة و احترت من جد ؟؟؟ بس قلت راح اصلي ؟ لاني ماني عارفة ايش حكمها ؟ الدكتورة قالتلي انها بتختفي و لا اشيل هم .. |
روح اكتبي في قوقل ( صور ) سدادة الرحم .. لها صور..
ومراعاة للذوق العام .. ما حطيتها .. وترى مو بالضروره تشوفيها .. |
:* روح يابعد عمري الله يهون عليك عندي إحساس أن اليوم أو بكرة راح تولدي بإذن الله روح لاتشربي شيء محرض على الولادة أو تشمي حلتيته خلي كل شيء طبيعي المحرضات بس تتعبك وتزيد ألمك خليها على الله أختي دخلت العاشر وكانوا مقررين عليها طلق صناعي وبنفس اليوم جاها الطلق من الله وولدت طبيعي حبوبة أبعدي عن الخروع نهائي :* ياربي ياحبيبي سألتك تهون عليها وتفرح قلبها وتريح بالها وتحفظها لنا :* |
يا قلبي يا روح الله يهون عليك وتولدين بالسلامة لا تتعبين نفسك مع المحفزات مثل القرفه والأشياء هذه ما تصلح الا إذا كان الرحم مفتوح مثل ما قالوا لك اخواتي شقرديه وسيدة الموقف الحين تغذي زين وشدي حيلك في التمر ووقت يجيك الطلق خذي ملعقة عسل واشربيها مع ماء او حليب وبالنسبة لحركة الجنين على حسب انا مثلا يقل اكلي في آخر التاسع فمع كبر الجنين وقلة الاكل تقل حركته ايضا الله يهون عليك عزيزتي وتقومين والولد بالسلامة وتبشرينا على خير هذا رابط فتوى إن شاء الله يفيدك بخصوص الدم |
الله يقومك بالسلامه يارب ويجعلها ولاده سهله ميسره : )
|
روح من امس وانتي غايبة
شكلك بالمستشفى ربي يسهل عليك و يقومك بالسلامة انتي والبيبي .. طمنينا عليك حبيبتي |
| الساعة الآن 07:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©