رد: كيف اتعامل مع نوم زوجي خارج غرفتنا بذكاء
 

الله يجزاك الجنه على بلسم كلامك
الحمدلله اقرأ البقره يومياً
اكيد اني مع الأيام بهدأ ومافي شي يبقى على حاله
الحمدلله الله ييسر كل خير ويعطيني القوه والصبر

رد: كيف اتعامل مع نوم زوجي خارج غرفتنا بذكاء
 

بائعه ان كان زعله بس علشان الكلمتين الي قلتيهم صدقيني هذا ابد مو مبرر له يزعل كل هالمده ويتركك
الا ان كان منتظر الزله منك علشان يتحجج هذا شي ثاني
لكن حطي ببالك ويقينك ان الارزاق بيد الله وحده لاشريك الله
يعني اذا ربي كاتب لك معه نصيب يكمل معك لو عيوب الدنيا فيك بيتحملك ولو ربي ماكتب لو انك ملاك بتنفصلون
ليش اقولك كذا ؟
علشان تعلقين قلبك بالله وحده وترتاااحين
طبعا اذا آمنتي بيقين تام بان الرزق بيده الله وحده بتصيرين بس تدعين ومفوضه امورك لله وحده وربي بيحقق مرادك اكيد
من توكل على الله فهو حسبه اي كافيه مااهمه
ممكن تبحثي بمقاطع عن كيف احقق التوكل واليقين
اسأل الله ان يحنن قلبه ويرده لك ردا حميلا

رد: كيف اتعامل مع نوم زوجي خارج غرفتنا بذكاء
 

اخت عذاري
اكيد ماراح يكون من عالكلمتين
اكيد فيه تراكمات في نفسه الله أعلم ماصرحها قبل كذا
وانا ماوضعت موضوعي إلا لأنه قسم لمشاكل المتزوجين
يعني كنت ابي نصيحه فايده شي غلط ماانتبهت عليه وله الأجر اللي ينبهني
ماكتبت اللي حصل لي إلا لأني محتاجه وقفه من أشخاص افادو غيري وقلت يمكن يفيدوني بشي أستفيد منه بتعاملي مع زوجي طوول عمري
اشكرك اختي
الله لايحطك في موقفي اللهم آمين.
شعوري لايوصف بسبة تعامل زوجي الله يهديه
من حب أن ينصح أو يذكر فالذكرى تنفع المؤمنين
ومن حب يساعدني أو يوجهني فله الأجر
استفدت كثير من نصائحكم افدتوني الله يسعدكم
شكراً لكم

رد: كيف اتعامل مع نوم زوجي خارج غرفتنا بذكاء
 

لاتستهينون بمشكلة غيركم والله نفسيتي تعبت
تعامل الزوج مو بسيط على نفسيةالحرمه لما يتغير فجأه
واشوفكم ماشاء الله تساعدون في بعض المواضيع إلى مالا نهايه
مع أن فيه موضوع مشابه لموضوعي مااشوف وحده قالت خلاص طنشي وأشغلي نفسك بشي مفيد رحمتك كثر ماتدخلين الموضوع
مااعرف ايش اقول بس
ماحد وده يوقف معاي وان كتبت خطواتي اللي جالسه اتبعها صحيحه أو خطأ
أكمل أو اكتفيتوا
وأكتفي؟؟

رد: كيف اتعامل مع نوم زوجي خارج غرفتنا بذكاء
 

بائعة انا متابعة لموضوعك

قلت لك وقفي اتصالات وارسال انا ماني متفقة مع اللي يقولون لك ارسلي له ولاتكفي على المبادرة!!

ايش سويتي له عشان ينصحوك هيك؟

انت سمعتيه كلمتين وهو السبب فيهم اعتذرتي له واظهرتي ندمك له ومن يوم سافر انت ترسلين له وتسئلين فيه طيب ايش يبي اكتر من هيك!

اذا عندو تراكمات مايحق له يفجرها بسبب كلمتين تافهين

وانت للاسف قاعدة تعززين عندو خطأك وتكبرينه بعيونو خلاص وقفي اتصالات وخلليه يحس انو مزودها

رد: كيف اتعامل مع نوم زوجي خارج غرفتنا بذكاء
 

قلوب حائره
بيننا تواصل ولكن أسلوبه رسمي
وانا الحين صرت مثله كلمه ورد غطاها
والرسائل رسايل عاديه عامه
أن رسل أرسل ولو مارسل ماأرسل إلا أحيان ارسل
صوره لعياله أو فيديو لهم وبس
كبر الخطأ يمكن لشيء جهلته وهوا اعتبر نفسه الفاهم الكبير اللي مايغلط أبد
الواحد يسامح عشان لما يغلط الناس يسامحونه
استغفر الله العظيم

رد: كيف اتعامل مع نوم زوجي خارج غرفتنا بذكاء
 

هم قصدهم
اللي علي اسويه حتى بكرا مايقول انتي ماسألتي أو مو فارقه معك
تعرفين الواحد ماوده يعطي للشيطان طريق

رد: كيف اتعامل مع نوم زوجي خارج غرفتنا بذكاء
 

بائعة..

انا ما احسك ندمانة على كلمتك "مع انها ردة فعل عادية"

قد ماحسيتك خفتي انها سبب لتهديدك بالطلاق..

صححيني اذا غلطانة

هو عارف كويس وفاهم انك تخافين منه..

ما اقول لا تخلينها توصل لمرحلة انها ماتفرق معاك وحاولي تحافظين

بس ترا اللي يفرعن انك تحسسينه انك ما انخلقتي بدونه

الحين يقدر يلعب باعصابك لين وين؟

بعد مو معقول تصبحين وتمسين وتشتغلين وترضين وتدارين عشان بس في احتمال يطلقك وماتبين هالشي يصير

انتي تشوفينه معقول؟

رد: كيف اتعامل مع نوم زوجي خارج غرفتنا بذكاء
 

لا ندمت بس مو على الكلمتين
على أسلوبي معاه كثير ألقح بالكلام انا
لو تضايقت من تصرف معين ألمح بشي قوي أحيان تفكيري عشان أعبر عن غضبي
لأنه مايقتنع ولا يحب المصارحه
قلت يمكن لساني هوا السبب لاني لما اعصب مااتحكم بأعصابي خلاااص

رد: كيف اتعامل مع نوم زوجي خارج غرفتنا بذكاء
 

أنا مع هذا الرد وكمان أحب أقولك اني متابعه موضوعك وشايله همك والله لأن الطلاق شتات خصوصا مع وجود الأطفال وصعب جدا لما يكون بعد عشره

وقلة مشاركتي في موضوعك ترا أبدا مو من باب عدم الاهتمام لكن أحس مافي شي أنصحك فيه.. في رأيي سويتي اللي عليكي والكرة الآن في ملعب زوجك

يمكن بس باقي أنصحك انك تدعي ان ربك يفرجها وتكثري من الاستغفار مع اني عارفه انك بتسوي هالشي

الله يهدي بالك ويفرج همك