رد: معاناتي مع زوجتي واهلي تحديدا الوالده
 

اعتقد الجميع منتظر اقتراح الاخ البليغ مش بس الاخ صاحب المشكلة... :)

رد: معاناتي مع زوجتي واهلي تحديدا الوالده
 

معليش اخوي زوجتك مافي منها نسخه ثانيه ازوجها لزوجي عشان تطلع عيونه ويعرف قيمتي هههههه

للأسف ماراح اجاملك زوجتك اذا هذي البدايه ينعاف تاليها بكره تكره عيالك في امك واهلك
اتذكر اول ماتزوجت زوجي قال اهلي قبلك مع ان اهله يهبلون ويبون سعادتي وانا احبهم الحمدلله بس كلامه حط النقط على الحروف وفعلا الاهل قبل الزوجه انا مارضى امي تتعب على اخواني وانا احب اخواني موت وفجأه تجي زوجه مو مؤدبه وتطول لسانها علي ولا على امي زين ما اذبحها هي واخوي ... شوف لو اهلك غلطو اقول ممكن متهوره بس اهلك انتا تقول ماغلطو وطبعا ترى ربي يشهد عليك لو غلطو وانتا ماوضحت .... بس على كلامك ماغلطو ايش حركات النص كوم ذي وطولة اللسان والاستهبال ومنب مسلمه وتدور تحت وش ذا الحرمه جريئه ومافي راسها مخ .. يبي لها تأديب قامد اوي .. لانها تفتقد للاحترام لك ولأهلك .. وانا اقولك حط النقاط على الحروف اذا تبي تعيش سعيد
قلها ابيك تحترمين امي واخواتي زي احترامك لي واكثر
ترضين بالبيت اللي مسكنك فيه
تخلين حركات المراهقات اللي بدون عقل ماصدق عمرها 31 ابد ابد ابد معليش هذي 15 كثيره على تصرفاتها بعد ... قولها لو ماتعدلتي راح اتزوج عليك مجرد تهديد وتخويف وبعدها الله يوفقك والله مالومك لو تركتها تتنقع عند اهلها هي تبي العصمه بيدها والله اعلم وابتل زعلان ومتجاهلها حتى تعرف ان الله حق ومن الدين والاخلاق احترام وتقدير والدين الزوج واهله اهلي ولا اللي براسها شر مع الحموله تجلس ببيت اهلها احسن من تبلى الناس وولدهم ...

رد: معاناتي مع زوجتي واهلي تحديدا الوالده
 

الاخت التي قبلي نبهتني لنقطة
الكثير رأى أن أخته أخطأت على زوجته عندما زراتهم زوجته في البيت وابدت انزعاجها من طول الزيارة ﻷن عندها عزيمة بعدها وان الاخت تدخلت .
ارى ان تصرف اﻷخت طبيعي ولو كنت مكانها لن أسمح ﻷحد يقلل من قدر أمي أو لا يحترمها أمامي سواء بشكل مباشر او غير مباشر وسأرد عليه.

رد: معاناتي مع زوجتي واهلي تحديدا الوالده
 

والله اللي حصل ي جماعه الخير يصير في أي بيت .. واحد من الأسباب اللي خلتني اسكن بعيد عن اهلي .. أولا : شغلي
ثانيا : للبعد عن المشاكل والقال والقيل ..

صحيح ان اختي .. استنكرت موقفها وقتها .. لآن السيناريو اللي حصل غريب وعجيب .. بدايه من دخولها لبيت اهلي للزياره .. سلمت على اختي جالسه ومدت يدها فقط .. تتكلم بوفقيه وقت الزياره وانها كانت مدلله وعندها 3 شغالات في بيت أهلها .. وأول ماالولاده طلبت انها تطول الزياره بدات برفع صوتها وصارت تلح علي كآنها طفله .. اختي طلعت من طورها وقالت ليه جيتي دامك مستعجله وهنا بداء الوطيس بينهم كلمه من زوحتي ( ماجيت عشانك جيت عشان امك ويالله انا بمشي وبكلم خالي يجيني .. انا قلت لا تكلمين خالك اهدي ووصلتها لبيت خالها .. وكلمت الدراما وماجات للبيت .. والوالده طلعت من طورها ورسلت لها (( انتي ماتستاهلين ولدي والله حسيبك حاولنا نكسبك بس للآسف .. وردت زوجتي عليها ايش سويت لك وانا ماني مقصره )) وبعدها حصل موقف العزاء منها ورجعنا علي نفس السيناريو .. هذا مختصر للي حصل !!!!!

رد: معاناتي مع زوجتي واهلي تحديدا الوالده
 

الله يكتب لك اللي فيه الخير والصلاح

رد: معاناتي مع زوجتي واهلي تحديدا الوالده
 

[QUOTE=نوني الحزينه25;3305220]معليش اخوي زوجتك مافي منها نسخه ثانيه ازوجها لزوجي عشان تطلع عيونه ويعرف قيمتي هههههه

QUOTE]

ههههههههه

الله يصبرك ويسخرة لك يارب
اسال الله الهداية لك ولة

رد: معاناتي مع زوجتي واهلي تحديدا الوالده
 

أعتذر منك
لأني انشغلت جدا"

لعلك تعطيني مهلة

رد: معاناتي مع زوجتي واهلي تحديدا الوالده
 

والله ضاق صدري لما قلت انها ماوقفت بوجه اختك وسلمت وهي جالسه ومدت بس يدها
لاتظلم اختك وتعاتبها او تخاصمها اي شخص يسوي له ماسوت زوجتك اكييد بتتكلم لانها استفزتها وحسست اختك بعدم احترامها لها

وين الاحترام بغض النظر عن انها اخت زوجها وين الاخلاق النبيله والمعامله الحسنه الي امرنا ديننا الحنيف بالتحلي بها

الدين معامله

زوجتك استفزتهم ولا احترمت بيتهم ومجلسهم
بعض الزوجات تعتقد اذا حملت انها تجملت واولى من الاهل

الا اهلك مافيهم عوض ومافيهم مساومه

رد: معاناتي مع زوجتي واهلي تحديدا الوالده
 

الظاهر والله العالم مافيها رجاء .. قاعده ترسل رسايل على نفس الوزن .. (( انا حاط عد تنازلي .. عشان اجازه العيد .. وبدات ترسل : انت مانت ناضج حاطط ارقام وعد تنازلي وبنتي مالك دخل فيها .. بقول لها ابوها مات .. وابغاك تطلع من حياتي مررررره .. المهم ورقتي ورقتي .. عشان ابغى راتب ابوي ينزلي .. بدل كل شوي مايعطيني احد عشان اقضي لها . ومني متعوده امد يدي لي اي احد الا لمن تزوجتك .. ربي فوق وعارف اني ماغلطت وانغلط علي كثيرر .. وحاولت اتجاهل .. لكن انت حتى باقه الورد قابلتها بنكران وجحود ولكن وين بتروح من ربي .. اجلس مع رجال وترجل .. اذا وحده من صلبك مااهتميت لجيتها واول طفله تجيك .. تعرف انك لا شي .. دمرت بنتك نفسيا من قبل الولاده .. !!!!

اللهم طولك ي روح .. لا لا بصراحه الوضع معاها مو طبيعي !!!

الظاهر .. من كثر مااني ساكت .. تحسه ضعف مني ولا وشو !!

رد: معاناتي مع زوجتي واهلي تحديدا الوالده
 

اخي البليغ ..

رجعت الزوجه علي نفس الرسايل والكلام !!!!

رد: معاناتي مع زوجتي واهلي تحديدا الوالده
 

ماشاء الله على صبرك ولكن للأسف فيمن لا يستحق وفي غير محله !
زوجتك ليست قياديه ولا ذكيه لكن وجدت منك تراخي وصبر وفي أرضك الذباب يستنسر!
فكر في أطفالك وفي مستقبلك على المدى البعيد هذه لا تصلح زوجة ولا مربية ولا أم استغفر الله اشعر أنها مريضه ومطلعه عقدها فيك الانسان يتزوج ليرتاح ويستقر أم ليذهب إلى الجحيم وشتات القلب والعقل والأعصاب اليوم عندك طفله فلا تغرق في الوحل اكثر وتلتهمك الدوامه احزم أمرك وقوي شخصيتك واغضب لكرامتك وكرامة أهلك دون تجريح او ظلم او تعدي ولا تراخي في حقهم أمام إساءتها ..الله يعينك ويبصرك لما فيه الخير لك في الدنيا والآخره

رد: معاناتي مع زوجتي واهلي تحديدا الوالده
 

- الحين مو خالها حاطها بعيونه وعايشة عندهم معززة مكرمة شلون صارت فجأة تمد يدها للناس إذا تبغى فلوس 😂

- يبدو أن العدد التنازلي موترررها جدًا ولا تدري هو لإيش والا أنت إيش ناوي عليه . وهذا يوضّح قسوة رسايلها .

- ردد بقلبك اللهم أفرغ عليّ صبرًا ..

- وانتظر ردود الأعضاء الأفاضل بخصوص رسالتها .

رد: معاناتي مع زوجتي واهلي تحديدا الوالده
 

بدون شك اخوي العد التنازلي .. وترها كثير وزياده على ذالك نزلت صوره عروض السفر على الخطوط السعوديه .. ولدي يقين ان والداتها كلمتها وعطتها كلام قوي .. واحتمال ان اعلمتها بأخطائها .. عشان كذا ترد وترسل بأنها ماهي غلطانه .. كل هاذي الحركات من جتهي جعلتها تطلع من طورها ..

اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..

رد: معاناتي مع زوجتي واهلي تحديدا الوالده
 

اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..
اللهم أفرغ عليّ صبرًا ..

اخي بدات اشعر نفس الشعور .. من القى الملامه علي وعدم الاعتراف بأخطائها ابدا

يعلم الله لو غضبت .. فأنه ليس بمصلحتها .. ورقتها عن طريق المحكمه ومالها من تعقيد ومواعيد ووووو والمشوار طويل .. ولكن لا اريد ان اخرب بيتها

اللهم أفرغ عليّ صبرًا .. اللهم أفرغ عليّ صبرًا .. اللهم أفرغ عليّ صبرًا .. اللهم أفرغ عليّ صبرًا .. اللهم أفرغ عليّ صبرًا .. اللهم أفرغ عليّ صبرًا ..

رد: معاناتي مع زوجتي واهلي تحديدا الوالده
 

لاحول ولا قوة الا بالله

رد: معاناتي مع زوجتي واهلي تحديدا الوالده
 

والله رسالتها كأنك انتا الغلطان ..
يعني للان مصره انك غلطان بس جتك ب اسلوب الصرف والبنت تبي تضغط عليك ...
والله ي اخوي زوجتك واضح تعاني من عدة امور ماهي انسانه طبيعيه وماقولك اياها من فراغ انا اخصائيه نفسيه .. واضح انها ي مضطهده كثير ي مدلله كثير والله العالم انها مظطهده وجالسه تفرغ عقدها فيك وفي اهلك .. الموضوع حله بسيط تقولك انا غلطانه وبعتذر من اميمتك واخيتك وصافيه لبن ... ليش اللت والعجن وانها مظلومه هي ظالمه مهب مظلومه للامانه اول مرا ماتعاطف مع بنت زيي لانها مهي طبيعيه بتصرفاتها ومفروض وحده بعمرها انضج بكثير اللي بعمرها عندها خمسه اطفال وحامل بالسادس عن الدلع الماصخ بتاع المراهقات دا ...

شوف كنصيحه اخيره مني اجلس مع نفس افتح النوت وشوف ليش انتا متزوج اكتب بالضبط ليش لا تستهين حتى بالامور الصغيره واكتب مقابله وش الامور اللي تبيها من زوجتك .. عقبها احجز عند مستشار اسري وحبذا يكون له باع بعلم النفس لان فعلا زوجتك مظطربه يبي لها تغيير مفاهييم كثثرا وتقويم سلوك وماينفع لها مستشار عادي يبي لها احد متخصص .. خذها ورح للمستشار وخله يحكم بينكم .. وشف ردة فعلها دامها تظن انك غلطان ممكن يتغير تفكيرها مع المستشار ويحسسها بغلطها ويخبرها ايش الحياه الزوجيه لازم تاخذ دروس مكثفه بالموضوع هذا عشان هي صراحه ماتنفع لا زوجه ولا ام بكرا تكثر المسؤليات مع النونو ويطلع لك وجه جديد غير هذا ...
انا اعطيها عذر لتصرفاته وهي حياتها السابقه والمعاناه اللي مرت فيها بس كثير مرو بنفس تجربتها وكسبو الزوج واحتوت بيتها عشان مايحصلها اللي حاصل..
وحاجه ثانيه هي ليش عند خالها مو عند امها او ابوها .. ؟ وجودها عند خالها محرج صراحه وشوفها هي اكلتها علقه قةمت تضغط عليك من ناحية الصرف وتدندن ..

رد: معاناتي مع زوجتي واهلي تحديدا الوالده
 

لا ترد علي الرسالة والهدف استفزازك لا كثر ...بعد العيد دورلك مراة تستاهلك وخلها مع بنتها هذي مافيها طب ابد وراح اتعبك وتعب صحتك ..واذا بغت الطلاق قلها ارفعي قضية خلع عشان يرجع الصداق كامل وبنتك لكملة سبع تاخذها وعيش حياتك

رد: معاناتي مع زوجتي واهلي تحديدا الوالده
 

والله ي اختي الكريمه .. هي تعاني من الدلال الزايد وقت ماكان ابوها علي قيد الحياه ..

سألت وكلمت كثير مستشاريين نفسيين .. بعضهم كان استراتيجي بالرد ع مشكلتي ويردني ان اتراجع وامشي الامور .. حتي لو ع حساب نفسي ويعذرونها بموضوع الحمل والتغيرات الهرمونيه ..

عند خالها عشان بيت ابوها في اخوانها .. واحد متزوج والثاني اعزب .. والصغار وامها مطلقه من ابيها المتوفي .. وحاليا امها متزوجه

رد: معاناتي مع زوجتي واهلي تحديدا الوالده
 

وش ارد وش اخلي .. ان رديت غسلت شراعها صح ..

رد: معاناتي مع زوجتي واهلي تحديدا الوالده
 

قولها هالكلام وريح رأسك ،، الله يعينك

رد: معاناتي مع زوجتي واهلي تحديدا الوالده
 

الله يعينك عليها وع مزاجيتها هالنوعيه جدا متعبه ومتقلبه لكن مع الصبر والدعاء بيهديها الله ان شاء الله وانت مأجور ع صبرك عليها وانتظر رد البليغ قبل اي خطوه لعل الله يفتح بصيرتها ويهدي قلبها ويسخرها لك 💐

رد: معاناتي مع زوجتي واهلي تحديدا الوالده
 

فيني برود وتبلد غريب ..

رد: معاناتي مع زوجتي واهلي تحديدا الوالده
 

الحمل مو يخلي الوحده مظطربه لهالدرجه
النفاس اللي فعلا تكون الوحده مستعده للاكتئاب ومنتشر كثير اكتئاب مابعد الولاده
اذا تبي تناقشها خلها الان او عقب النفاس لان النفاس من جد مؤلم ومتعب نفسيا وممكن الوحده تكره جنينهتا وشلون زوجها اجل .... ويحتاح وجود الشريك ووقوفه بجانبهل ولا تروح الحرمه فيها
بس الحمل عادي تعب جسدي اكثر من نفسي

رد: معاناتي مع زوجتي واهلي تحديدا الوالده
 

اختي الفاضله ..

كل اللي حولينا حملو وولدو وجابوا خلفه .. لكن مثل اللي عندي لااتوقع هناك في نسخه زييها ..

- لاتعترف بااغلاطها وعنيده .
- كبر وغرور عنوانها .
- قليله خبره بالامور الزوجيه.

مالذي ارجيه منها !

رد: معاناتي مع زوجتي واهلي تحديدا الوالده
 

الله يعينك ويهديك للي فيه الخير

لاتضيق بالك يا أخي

أنت الرجل وأنت الي بيدك كل

شي ، سعيت للصلح وإجتهدت

جزاك الله خير .

رد: معاناتي مع زوجتي واهلي تحديدا الوالده
 

الله يصلحها ويهديها ويعينك

نصيحتي لاتحذف اي رسالة جاتك منها ما تدري الايام وش مخبية لك

ذكرتني بزوجة عمي كانت رسايلها كلها زفت بس هي كانت تهدده انه تحرمه من ظناه وانها ما راح تجيبه على الدنيا وسوت كل اللي تبيه ونزلت الولد
وبعدها رفعت عليه خلع واتهمت ب أشياء لا تقال بس لللاسف عمي حذف كل رسايلها اللي كانت ادله على انها هي المريضة نفسياً وكمان هي اللي اجهضت الطفل

انتبه لان عقلية زوجتك صعب فهمها ..
ولا ترد على رسائلها بدون ما تفكر ايش تقول وكمن تكون دليل لو تدخل احد من أهلها للصلح

رد: معاناتي مع زوجتي واهلي تحديدا الوالده
 

اصبر ياخوي

لا تاخد بكلامها ، محاولة استفزاز لك ..
لاشتياقها لك فقط ..

لا ترد عليها ، و قالك الأخ البليغ انتظر ليوم الجمعة ..
و غدا الجمعة ..

و هي ارسلت لك الآن ، و تنتظر اكيد رد منك ..
و مقهورة هي نفس الوقت من نفسها ، لإنه محاولاتها ( فشلت )
من احتضانك و محاولة استمالة قلبك لتنفيذ طلبها
بمنع دخول اهلك لبيتكم ..

رد: معاناتي مع زوجتي واهلي تحديدا الوالده
 

هي لا ترغب بالطلاق ، و لا أمها ترغب بالطلاق لها ..

لكن كبرياء زوجتك الزائف ، بيضيعها ..

هي فعلا - وحيدة - و ليس لديها احد ..
و تعاني من تفكك اسري ..

امورك راح تنحل بإذن الله ..
فقط ، ضع النقط عالحروف ..

رد: معاناتي مع زوجتي واهلي تحديدا الوالده
 

كلامك جميل ي اختي روح الطير ..

اتمنى ان الله يهدي سرها ويرشدها الى الطريق الصواب ،،

مستجدات : رسالني اخوها يسال عن الحال والاحوال وبعدها رسل لي رقم حسابه عشان احول مصروفها .. ومافتح معاي الموضوع ابدا !!

رد: معاناتي مع زوجتي واهلي تحديدا الوالده
 

والله ي جماعه الخير .. الوضع مزري مع هالادميه ولا اتوقع هناك حل مرضي لا لها ولا لي .. طالما هي انسانه راكبه راسها وتعاند ..

وصلت منها رسايل تسم البدن .. (( تقول توني ادري ان امي كلمتك وانك حولت فلوس عشان البنت فلوسك .. حرمتني فرحه البنت اللي هي من ضلعك .. خلك مع العد التنازلي حقك .. اكرهك اكرهك اكرهك .. وين بتروح من ربي )) وكلام كثير .. لا له اول ولا تالي

اقسم بالله العلي العظيم .. ماعاد اشوف فيها خير .. غلطانه وفيها كميه حقد لايعلم فيها الا رب العالمين .. زي ماانتم شايفين بكل المستجدات اوافيكم .. ي ناس .. هل هالادميه مريضه .. فيها مس من الجن !! فيها عاهه عقليه !!! افيدوني يمكن انا مااشوف وانتم تشوفون شي مااشوفه !!! اعوذ بالله من كثره رسايلها الممرضه .. لصبر حدود .. !!!

انا ودي اعرف .. هل في نسوان مايعرفون ان الوحده اذا طلعت من بيتها بدون اذن زوجها تكون ملعونه حتى يرضى عليها زوجها ... الله العالم ان اللي فيها واللي تسويه من كثر ماتلعنها الملائكه !!!

انا مديري بالعمل .. اعرف اذا مااستاذنت يخصم من راتبي وينزل من تقييمي عنده وعند الاداره وهاذا مدير بيني وبينه عمل فقط لا غير مابالك في هالادميه اللي ماتعرف ان بين الازواج عشرره ومعروف !!!!


طفشت وانا اطنششش !! وفوق هاذا لسى تقل ادبها .. مو انتى رحتي بيت اهلك ومعزززه ومكرمه .. صدق الاعوج اعوج .. والله لا عاد يرجى فيها ذره خير

رد: معاناتي مع زوجتي واهلي تحديدا الوالده
 

قسم بالله تأثرت كثير اخوي مدري حسيت بمعاناتك كلامها جارح بس اظنها مو قاصدته مافهمت لها يعني ليش ماتقولك اسفه وانتهينا ..

ودي ترسلها بس اخاف تخرب اللي سويته تقولها انتي مو غلطانه مو حاسه بغلطك ... ؟؟ واخاف ربي من ايش انا ماغلطت معاك انتي من البدايه مخربتها ...

تجاهلك يحرقها ببطيء بس نفروض ترضخ عاد هي غلطاانه مدري ايش اقول غير الله يكتب لك اللي فيه خير وصلاح ويرزقك الراحه والسعاده الأبديه يارب

رد: معاناتي مع زوجتي واهلي تحديدا الوالده
 

اعتقد التطنيش ماجاب نتيجه ..كل مالها تركب راسها وتعاند

هي مشكلتها بانها غير مقتنعه انها على غلط ..
التطنيش ماراح يفيد طالما ان اساسها غلط

هي حاطة براسها انها مظلومه ومصدقة نفسها انها مظلومة وعايشه دور الضحيه ..


خلاص يكفي تطنيش
ماستفدت منه انت واياها شئ ..
ومقولة البعيد عن العين بعيد عن القلب
كلما زاد الهجر كل مازاد الجفاء ..

خلاص حطوا النقاط على الحروف
فهمها بلغة حازمه جدا وشديده ان خروجك من بيتي خطا واكبر خطا

ترا هي مو مقتنعه ان خروجها من بيتك غلط كبير ولا تشوفه غلط

اللحين جاء دورك تحاور وبحزم وبلغة
اسالها انت ايش تبغين ؟
اذا قالت ابغى الطلاق
قل لها تبغين الطلاق انتظري بس لحد ماتولدين وارسل لك ورقتك (الكلام كتهديد فقط(

رد: معاناتي مع زوجتي واهلي تحديدا الوالده
 

يا اخي لا تعصب ولا على بالك كل اي بتشوفو منها منقهرها لانها ما توقعت الي قاعد بصير وكثر فكرها ان العد التنازلي ان نهاية مشكلتكم اما بطلاق او انها تتنازل عن طلباتها والي اكدلها اكثر انك بعثت المصروف جننتها على الاخر
اصبر اخي وما صبرك الا بالله
وايا تتنازل عن شرطك الا الاهل قلة احترامها الهم سوادة وجه الك
لازم تفهم انها هي مش احسن منهم عشان تتكبر عليهم
لا تنفعل وخليك مع اخونا البليغ والرسمي

رد: معاناتي مع زوجتي واهلي تحديدا الوالده
 

أخوي xmxm

زوجتك غضبت من تصرفك، لأن الحل الذي أتبعته لا يتماشى مع شخصيتها. زوجتك تجي مع الكلمة الحلوة، خصوصا يبدو لي أن عندها شك بأنك لا تحبها وأنك تفضل أهلك عليها…
لا استغرب ردها المنفعل وغير المنضبط والسبب هو ان التواصل بينكم شبة مقطوع وكل واحد فيكم يلعب فيه الشيطان


ياخوي أتمنى أنك تنتبة لنقطتين مهمة، أنت جالس تعرض جانب واحد من زوجتك وأغلب الردود ضدها وبكذا أنت تظلمها وتظلم نفسك… تظلمها لأنك أنت منت كامل ولاعندها فرصة تجي وتكتب هنا عن سلبياتك عشان تكون عندنا نظرة شاملة للوضع… وتظلم نفسك لأنك راح تتلقى ردود سلبية عن زوجتك (اتركها تتربى، منقهرة،…) وبناء عليها تتخذ قرارات تكبر المشكلة
النقطة الثانية يأخي لاحظت أنك في بداية الموضوع كنت ميال للإصلاح وضبط النفس، لكن مع بعد الردود لاحظت مالت ردودك للحدية (آما تحل المشكلة الان او خلاص نقف عند هذا الحد) يأخي حتى لو شفت ردود حكيمة وعقلانية ثق أن الواقع مختلف تماما، ستنقلب تلك الحكمة وتكون كاتبة الرد كزوجتك أو أشد.

الأمر الأخرى أنتم متزوجين لكم سنة ونصف، يعني في بداية الطريقة، ومعروف كثرة المشاكل في السنوات الأولى، كثير من الرجال واجهه أشد من مشكلتك كأن تكرر عليه زوجته وبصريح العبارة رغبتها في الطلاق ومن دون سبب!، لكنه لم يستعجل واختار الطريقة الأنسب لحل المشكلة وحاول كثرا وصبر، وبعدها عاشوا معا أحلى عيشة…
نقطة مهمة تعقيبا على أحدى الأخوات حين قالت أن زوجتك كبيرة غريبة أن يصدر منها مثل هذه التصرفات… عمر الزوجة لا علاقة له بقلة أو كثرة المشاكل لأن هذا الشيء مردة الحقيقي هو نقص الخبرة (عدد سنوات الزواج) والأخ xmxm متزوج حديثا ..

الحمل له تأثير كبير على المرأة (حملته أمه وهنا على وهن)… يبدو لي أنها مرهقة من الحمل لديها اعتقاد أن أهلك تجاوزوا حدود الأدب معها… مجروحة بعمق منك فتكرار كلمة أكرهك دليل على أنها تنتقم من حبها لك… الحل بيدك، راع مشاعرها وكن قريب منها، قلها كلام حلو… ونصيحتي لك: احجز تذاكر سفر، وفاجأها بالسفرة وحلو مشكلتكم وأنتم مسافرين، ألذ شيء في الحياة هو تلاقي المحبين بعد مشكلة :)

انار الله بصيرتك وارشدك لما فيه خير لك ولها


كلمة على السريع ل نوني :
يأختي خافي ربك قولي خير أو أتركي الموضوع
كلامك قد يترتب عليه ضياع أسرة وتشتت طفل

رد: معاناتي مع زوجتي واهلي تحديدا الوالده
 

انا مع مبتعثه علاجك للمشكله طول من غير فايده

طبختها طبخ .. والعد التنازلي الي حاطه وسيله استفزت شعورها وخلاها تفكر مليون فكره وفكره


العد التنازلي تترجمه اما بقرب طلاقها او قرب زواجك

الحل مو تحرق اعصابها ,, بل تواجهها بلي تريده وللمره الاخيره

اهلي خط احمر ولا تثني عليها

رد: معاناتي مع زوجتي واهلي تحديدا الوالده
 

وانا ارى ان تنتظر رأي البليغ وفي كل الاخوة والاخوات خير
ولكن المشكلة لابد تحل من جذورها
تطول المشكلة وتحل في النهاية بحل جذري ولا تطول وتحل في النهاية بحل مؤقت وماتلبث تعود المشكلة من جديد

رد: معاناتي مع زوجتي واهلي تحديدا الوالده
 

الأخت مبتعثه .. كلامك عام ولا ينفع لحل المشكله أبدا .. ماينفع احجز وتسافر ونحل مشكله الا السفره .. راح تصير نكد .. زوجتي تبي تفرض انها هي الصح وانا الغلط .. وان الخرجه من البيت سلاح .. سوى غلط على او لم يغلط .. وكيف إفهمها الف مره أعيد كلامي لها .. عناد ودلال مو في مكانه ..

كنت معاك في كل كلمه من فتره ليست بعيده .. الواحد مايبى يخرب بيته ولا يبى تجي بنته عالدنيا ع ام وأب منفصلين ..

الله يستر من المرات الجايه .. أتوقع في اي خلاف بيني وبينها راح تطلع هي والبنت لبيت اَهلها ويالله روح جيبها عشان ماتقرب بيتك .. هي اذا من نفسها تبي تمسك تبيتها وتدور حل تعيش سعيده. .

اختي مبتعثه .. اقولها كلام حلو !! على اي أساس .. على خربتها من البيت .. ولا على عدم تقديري بالعزاء .. ولا على كلامها السم !!!

بالكلام الحلو .. راح يرضي غرورها ويبين أني على خطاء وأنها هي الصح في موقفها ونقعد بعدين ع هاذا السيستم من الخلافات .. بعدها اسلم لها القوامة وأعطيها الحق في رفض او قبول اي احد من اهلي .. ولا اطلع لك من البيت وأخليك تجيني وتراضيني ..

رد: معاناتي مع زوجتي واهلي تحديدا الوالده
 

الاخوان البليغ والرسمي ..

أين أنتم ي جماعه الخير !!

رد: معاناتي مع زوجتي واهلي تحديدا الوالده
 

شكل نهايه هالسيناريو كذا

رد: معاناتي مع زوجتي واهلي تحديدا الوالده
 

س - هل كنت تسولف مع زوجتك وتسمع لها مثل ما انت جالس تسولف هنا؟