منتدى عالم الأسرة والمجتمع - كوفي شوب الصبايا 2 ( المشاركة للنساء فقط )

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - كوفي شوب الصبايا 2 ( المشاركة للنساء فقط ) (http://www.66n.com/forums/showthread.php?t=257623)

رد: كوفي شوب الصبايا 2 ( المشاركة للنساء فقط

شوك شوك شوك انبح صوتي وانا اقول طنشي يا بنت عيشي حياتك وبس واعتبريه موجود ومش موجود بس فداكي ينبح صوتي ههههههه
عنجد هلئ عم احكي انتي شو ناطرة منو خلص هوي هيك ما رح يتغير
بس انتي المفروض تتغيري من جهة تكوني انانية بسعادة ذاتك واولادك ومن بعدك الطوفان
انا بتأثر وقت شوف هالنفسية والروح الحلوة اللي بتملكيهن وبترسمي الضحكة على وجوهنا وانتي من داخلك حطام
هيدا اصعب شي بتخيله

رد: كوفي شوب الصبايا 2 ( المشاركة للنساء فقط

بنات

ودي اجرب المشد الحراري

مع انه يسبون فيه ويقولون مو صحي وخراط

بس ودي اجرب كم يوم فضول 🙊

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة VANITY (المشاركة 3260745)

بنات

ودي اجرب المشد الحراري

مع انه يسبون فيه ويقولون مو صحي وخراط

بس ودي اجرب كم يوم فضول 🙊

انا كمان مرة نفسي

يعطي شيب للجسم يجننن

من فين الاقيه في السعودية

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة الإشراقة! (المشاركة 3260746)

انا كمان مرة نفسي

يعطي شيب للجسم يجننن

من فين الاقيه في السعودية

يقولون تطلبينه اون لاين

واهم شي يصير مصنوع بكولومبيا

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة VANITY (المشاركة 3260750)

يقولون تطلبينه اون لاين

واهم شي يصير مصنوع بكولومبيا

ايش اسمه بالانقلش

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة الإشراقة! (المشاركة 3260751)

ايش اسمه بالانقلش

Ann chery corset

رد: كوفي شوب الصبايا 2 ( المشاركة للنساء فقط

اقتباس:

المشاركة الأصلية كتبت بواسطة VANITY (المشاركة 3260378)

شوفي في شي لازم توصلين له

ان الغلطة عندك بعشر لانك مرة ابوهم.. ومهما سويتي ماراح تكونين امهم..

وكون العلاقة فيها ميانة فهذا بيكسر الاحترام.. لانك لما تمونين كام ماراح يبقى الاحترام من منطلق انك امهم ووحدة تخاف عليهم.. فهمتي علي؟

اكبر دليل انهم ما اخذوها بمنطق ان هالانسانة اكبر منا ولازم نحترمها.. وشفتي هالشي لما راحت شكت عند ابوها

ما اعتقد علاقتك فيهم بتاثر بعلاقتهم باخوانهم.. هم ببيت واحد بالنهاية الا مايصير في احتكاك..

على موضوع البعد.. كون ان امهم راعية مشاكل

هل هذا سبب ان عيالك بيكونون بعيدين عن اخوانهم؟

ما اعتقد.. الا اذا كان في وز مباشر من امهم..

ياحليلك يازين وياطيب قليبك

تدورين احد تبدينه على نفسك

اهم شي علاقتك بزوجك ياجميلتي.. انتي قاعدة تحومين حول حماها بس في اشياء مباشرة مو قاعدة تسوينها

تعللللمي تعلللللمي تحطين نفسك اولوية

هذي مسؤولية ابوهم يألف بين قلوبهم.. انتي من جهتك مبرية الذمة دام مافرقتي "عيالك " عن اخوانهم حبيبتي

فاهمتج حبيبي .. بعد شوي زوجي بيرجع من المسجد
شكلي باخبره ان يبني لهم او يشوف لهم غرفة تحت في قسمهم تكون لهم غرفة للدراسة
مع ان انه احبهم وطيبين بشكل عام بس على قولتج مهما سويت ابقى في النهاية زوجة الاب الشريرة
واالله العظيم كافي علي أذى امهم اللي طالعه لي بشغلة جديدة
مادري من وين ماخذه رقمي وتتصل تقول ان انه ساحرة
وتطرش مسجات ..

اقتباس:

المشاركة الأصلية كتبت بواسطة مهره (المشاركة 3260635)

زين أبيها .. باقول لج كلمتين.

فاهمة تماماً كلام البنات اللي يقولن خليج رسمية مع عيال زوجج .. وقنني علاقتج فيهم .... أو اللي يقولن مالج شغل أبداً فيهم .. إنتي لج بزوجج فقط ومالج شغل بعياله.

لكن...

مسألة العيال كانت حيوية ومطروحة من البداية بينج وبينه .... ونقدر نقول إنها كانت أحد شروط زوجج قبل الزواج .. وأحد المسؤوليات اللي طالبج فيها من البداية .. وإنتي وافقتي عليها.

فما ينفع الحين تتراجعين وتقولين مالي شغل!

في نفس الوقت معاج طبعاً وأكيد إن الاحترام ضروري .. ومن حقج 100%

عشان جذي الحل هو إنج تشتغلين على هالاحترام والأدب في علاقتج معاهم .. مب تسحبين نفسج وتقولين أنا باطلع من الموضوع وما لي علاقة بأمورهم.

لما البنت كلمتج بقلة احترام عن الغرفة .. كان المفروض وعلى طول تقولين لها: الغرفة موجودة والمفتاح موجود .. لكن لما تتكلمين معاي باحترام وأدب بافتحها لج وادخليها مثل ما تبين.

وعقب لا تسمحين لها بدخول الغرفة إلا إذا اعتذرت بشكل مباشر أو على الأقل رجعت تتكلم معاج بأدب.

شي طيب إن أبوها أنصفج .. لكن مب معقول بتدخلينه في كل موقف أو مشكلة تحصل .. خصوصاً إن هذه مسؤوليتج إلى حد ما حسب الاتفاق اللي بينج وبينه .. ومن حقج تتصرفين بالطريقة المناسبة وباللي تشوفينه .. طالما هو واثق وإنتي عارفة عمرج إنج ما بتظلمين عياله .. لأنج في النهاية مب بيبي سيتر.

وإذا عقب كل مشكلة هو اللي بيتدخل ويحلها ويفصل بينج وبينهم .. فعياله عمرهم ما بيفهمون غلطهم في حقج .. ولا عمرهم بيصلحون أسلوبهم معاج .. لأن رد فعلهم (الاعتذار أو تعديل السلوك) بيكون بناءً على خوفهم أو احترامهم لابوهم .. مب لج انتي.

لا يا مهره ما كانت شرط .. ولو شرطها علي بنفسه جان ما وافقت
ماني من النوع اللي احب احد يشرط علي مثل هالأمور
آنه اسويها اي .. بس انه يشترطها علي لا ! مهما كنت احبه ما اسمح له

من النظرة الشرعية خبرني عن الوضع .. وقال لي - بما معناه - اذا تقدرين ابيج عين على عيالي
بحدود قدرتج تهتمين فيهم ، لأن وضعهم مع امهم كذا وكذا وكذا
قلت له عيالك عيالي ، واللي اقدر عليه من عيوني اسويه

البنت اعتذرت مني ، بدون ما يطلب منها ابوها
مع ذلك ابوها كلمها بالموضوع مرة ثانية ان عيب اللي سوته وووو

بعد ما اصطلح وضعي مع ريلي الحمدلله وتفاهمنا ووصلنا لنقطة تلاقي
تجيني المشاكل من صوب ثاني ...
لو اضمن ان زوجي يقدر يعيشني في مكان مثل هالمستوى اللي الحين عايشته جان طلعت
بس اعرف ميزانيته بهالوقت ...

نفسيتي تعبانه ومو متحمله شيء
دعواتكم
وآسفه حبايبي اذا عكرت جوكم ..

رد: كوفي شوب الصبايا 2 ( المشاركة للنساء فقط

المرأة عدوة المرأة

وبكلمات وصفية أخرى

امنت النساء بطبيعتهم مفطورات يكونون ضراير حتى لو مابينهم زوج

ياسبحانك ياربي 😂💔

رد: كوفي شوب الصبايا 2 ( المشاركة للنساء فقط

فانيتي شلونج ؟؟

رد: كوفي شوب الصبايا 2 ( المشاركة للنساء فقط

آآخ مقهورة من أمور تصير بالشغل ..
يسألوني عن مواضيع ومعاملات صارت قبل ما اتوظف عندهم ..
ويبون يحاسبوني عليها لأنهم ماحصلوا غيري يحاسبونه ..
وأنا لما توظفت أكبر مشكلة واجهتني إنه ماصار تسليم واستلام لمهام العمل لأن الموظفة اللي حطوني مكانها طلعت من وظيفتها قبل مايتم تعييني بشهر ..
فصارت في هالشهر أمور بالنص ضاعت وتاهت محد تابعها ومحد نفذها ..
طيب أنا ايش ذبني ؟؟
لكن لا والله .. لو يكلموني ويسألوني برد عليهم الكلمة بعشر وببين لهم إني مش مسؤولة عن أي موضوع صار قبل تعييني ..
وإذا تبون تحاسبوني .. بالأول طلعولي محضر تسليم واستلام أكون أنا موقعة عليه يذكر فيه اقراري باستلامي للموضوع اللي تبحثون عنه ..

فضفضة ماعليكم منها ..