|
|
رد: كوفي شوب الصبايا 2 ( المشاركة للنساء فقط
الله يرحمها برحمته ويصبر اهلها وحبايبها
الموقف صعب ومخيف الله يعينج 😢 الله يرزقنا حسن الخاتمة شكثر نحس ان الدنيا سخيفة وتفاهه في مثل هالمواقف 😔 |
رد: كوفي شوب الصبايا 2 ( المشاركة للنساء فقط
اااه حفصة عورتي قلبي .. 💔💔💔
الله يرحمها برحمته .. شلون توفت؟ |
رد: كوفي شوب الصبايا 2 ( المشاركة للنساء فقط
اقتباس:
اللهم حُسن الخااتمة مررة صعب يا زين صععععب الصباح كانت كويسة وماافيها شي سمّعت لها سورة المرسلات كااملة قلت لها بكرة المراجعة سورة الإنسان .. ابتسمت ماقالت شي العادة كانت تجادل إنو هالسورة صعبة ولازم تحفظهم في يومين استغربت بس قلت يمكن مع كثرة المراجعة حفظت السورة وصارت سهلة عليها كانت تقول أبغى أحفظ بسرعة عشان ألحق صحباتي أبغى أخلص الجزء 27 قبل مايخلص الترم الاول بس ..! إنا لله وإنا إليه راجعون |
رد: كوفي شوب الصبايا 2 ( المشاركة للنساء فقط
يالله يا حفصة موقف جدا صعب ويكسر القلب
الله يصبر اهلها والله فجعة |
رد: كوفي شوب الصبايا 2 ( المشاركة للنساء فقط
اقتباس:
معليش خربت المود تبع الكوفي بس وربي مافي مكان أروح أكتب وأشتكي فيه هي البنت كانت عندها مشكلة في القلب والدكاترة كانوا معطينها أدوية وقالوا إذا صارت كويسة في 6 أشهر بيكملوا معاها العلاج بس ماتت قبل ماتكمل هالستة شهور هي تدرس في صف تاسع ( ثالث متوسط ) بعد الفسحة كانت تتجادل مع أبلة الرياضة إنو ليش ماتخلينا نطلع ونجري في الساحة زي الباقين عشان أبلتها بدلت الحصة مع أبلة الرياضيات قالت لها خلاص بطلعكم الحصة اللي بعدها كانت أبلة الرياضيات تشرح وفجأة طاحت يوم جريوا ورفعوها لقوا خشمها وفمها كلو دم كنت في غرفة المعلمات جات صحبتها تصرخ أبلة تعالي سعدية طاحت وكلها دم لأني مربية فصلهم قمت أجري من الخوف ومرعوووبة لين نزلت لقيتهم بيحطوها في السيارة ركبت معاهم والطريق ماأخذ مننا إلا 4 دقايق يمكن في الطريق كنت أقول لها تسمعيني ؟ خليكي معاية قالت .. ها فرحت قلت يمكن صحيت عشان فتحت عيونها شوية بس وجهها كان أزززززرررق وصلنا الطوارئ جا الدكتور وشافها وقال ماعندها نبض جبتوها وهي ميتة البنت عمرها يمكن 15 أو 16 سنة كانت مؤدبة وشاطرة الله يرحمها ماكنت أعرف ايش اسوي أبكي ولا أهدي الأبلات اللي معايا أقولهم اسكتوا وأنا أبكي بنفسي لا حول ولا قوة إلا بالله |
رد: كوفي شوب الصبايا 2 ( المشاركة للنساء فقط
يالله رحمتك ولطفك ..
الله يرحمها ويسكنها فسيح جناته |
رد: كوفي شوب الصبايا 2 ( المشاركة للنساء فقط
😭😭😭😭💔💔💔💔
... |
رد: كوفي شوب الصبايا 2 ( المشاركة للنساء فقط
لا شدعوة ما خربتيه
بالعكس نشارك بعض في الاحزان والافراح والمشاكل الموقف وايد مؤلم .. الله يجعل مثواها الجنة هدي بالج وصلي عالبي واستغفري واقرأي قرآن وبترتاحين ان شاء الله |
رد: كوفي شوب الصبايا 2 ( المشاركة للنساء فقط
اقتباس:
ايوا والله فجعة طلعت من البيت الصباح وهي كويسة ورجعت ميتة أبوها المسكين كان يبكي عند راسها شال شرابها وجزمتها وقاعد يرتبهم ويحطهم في كيس كأنها حتلبسهم مرة تانية الله يكون بعونهم المشكلة إنو أنا نفسيتي تعباااانة مرررة مرررة مااني قادرة أتكلم مع احد مااعرف بكرة لو رحت ايش بقول لصحباتها اكيد بيقولوا ليش كذبتي علينا ؟ أصلا ماني عارفة ايش اقول ولا ايش اسوي ضااايعة |
رد: كوفي شوب الصبايا 2 ( المشاركة للنساء فقط
اقتباس:
اللي شفتيه مو هين ولا بتنسيه طول عمرك وكمان حتتأثري من موقف صاحباتها مية في المية عرفو خلاص تحتاجي تكوني قوية قدامهم |
| الساعة الآن 03:59 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©