|
الله على الظالم
السلام عليكم ورحمة الله
طبعا انتم عارفين إني ما لجأت لأبوه إلا لما صرت ما ني متحملة فراق ولدي والله إني أتخيله واسمع صوته كأني فقدته حبيب قلبي بعيد الشر عنه وانتو شاهدين لما حسيت نفسي ما عندي قدرة عليه دخلت ابوه آخررررر حل عندي بعد عدة محاولات إني انهي الموضوع بالود وبالتراضي وبأقل الخساير بالاضافة لأن أبويا ضغطني وصرت محتارة بين الاثنين ولدي ووالدي.. خليته آخر الحلول لأني اعرف انه ماله كلمه عليه ومرة هو حكاني قال: زعلت مرة من ابويا جلست سنة ما اكلمه لدرجة دخل اعمامي يتوسطوا بيننا.. حظي بس راح اقلكم مضمون مكالمتي مع ابوه وربي شاهد قبل الجميع كلمت ابوه وانا منهارة قلت له متعبني الجبروت ليه يتجبر علي قال ما يعجبني الباطل.. قلت يحط ولدي عند زوجته وراح الحج قال راح اوقف معاكي للآخر.. أنا مدري هو جايب العناد من فين؟ انا ما حاتركك (خلي بالكم ..قال للاخر.. يعني مشواري طويل) قلت انا شكيت له ظروف اهلي..قال انتي شكيتي له ؟ قلت ايوه ابغاه يساعدني مش ياخد ولدي قال ايش قالك: قلت قال لي لما تتحسن ظروفك راح تلاقي حسن بين يدك..وانا ياعمي أحسها تصريفه منه ماني راضية ان وحده غيري تربي ولدي وانا عايشة ما مت وإذا هو ظروفه صعبة دحين مش ياخده مرة وحده قال : يا بنتي كان قلتي لي انا اسويلك مصروف شهري ولو تبغي شقة كمان؟ المهم اتوصي في ابوعلي. حسن على اسم جده وهو الحفيد الوحيد اللي باسمه ابو حسن عنده خمسة ما سمى ولا احد عمات حسن ولا وحده سمت وانا كنت حامل وسميت ولدي كيدا في ابوه لأنه رماني حامل قلت والله مايسميه " هذا اللي فلحت فيه!!" وكلمت ابوه وقلت: لو جاني ولد اسميه على اسمك ياعمي اختي عارفة اني كلمت ابوه لكنها اتصلت تقول زوجها يقول اهم شي لا تدخل احد وقالت ما قلت له انك كلمتي ابوه .. رجعت خفت.. كلمت عمي بعد العصر قلت له: خلاص لا تكلمه...من خوفي.. بس لا تضربوني!! زعل مني وقال: مانتي واثقة فيا انا قلت لك راح اوقف معاكي ماصدقتيني..عموما انا اليوم قلت له يكلمني ولما ارجع من السفر نحل باقي الأمور قلت له طيب خلاص وقفلت جوالي وقلت منه لأبوه يختلص مالي صلاح قبل العشا سمعت رنة رسالة على جوال امي.. جات امي تقول ابوحسن ارسل على جوالي ليه.؟ قلت لها ابوه كلمه ويبغى يهزيء كالعادة وانا مقفله جوالي يبان عنده لم يتم التسليم فأرسل على جوالك عشان يوصل اللي في قلبه حتى يعرف ينام الليلة قالت طيب شوفي ايش قال قلت اهم شي راح ياخد حسن؟ قالت لا الحمد لله ان ولدي رجع لي وماهمني اللي كتبه الحمد لله عدت الريح العاتية وصرفه الله عننا مش مهم الباقي لكن لما قرأت الرسالة قلت اقلكم مضمونها عشان أشوف معاكم اللي فهمته أنا صح؟ "عشان تعرفي إننا ناس نعرف الأصول ونعز أولادنا ما كان له داعي اللف والدوران اللي انتي متعودة عليه!! يارب وقولي ابغي ابوك يساعدني وبلاش الافلام الهندي اللي تسويها!! كل من يرى الناس بعين طبعه.. مش تقعدي تقولي انت مانت متحمل مسؤلية التربية ولدك ربيه وسويله واعمله ولما زنقتك واخدت ولدي رجعتي تقولي ابغى الولد لأنها فشلت خطتك!! حشا مو صاحي انتي كلامك كله لف ودوران وغدر وطعن في الظهر!! الله اكبر.. رمتني بدائها وانسلت..:29::29: انا مارضيت اكسر كلام ابويا وقلت له ابشر!! ياعيني ع البر ابويا قال موعشانها عشان ولدنا!! ابوه كمان يسايسه.. ياولدي موعشانها وخرابيط احنا مانستخدم اولادنا اسلحة نحارب بهم ونساوم عليهم احنا نعمل باصلنا!!" ماراح ادافع عن نفسي كثير بس هذه العينة موجودة.. يلبس الحق باطل ويقلب الموازين ولو كنت ابغى من ابوه شي كان طلبت من زمان ومو عيب وشرعا من حق الولد النفقة على الولد أوعلى الوارث المهم الجد المليونير يحسب انه حل الموضوع وفي رأيي انه وصل ولده لنتيجة هو يبغاها ويقول إني مخططة لها وعلى قول بيتا قرصة اذن عشان لا تقولي تعال وسوي واعمل.. ما راح اقول له شي لكن والله ما أسامحه سأحاجُّه عند الله.. كل الم وكل تعب وكل سهر الليالي لوحدي راح احسبن عليه عدد النجوم وماني مسامحه مش لأن قلبي اسود لأ لأنه ظلم ورجع الموضوع علي ولا يشبع ولا يكتفي من ظلمي وتحميلي اخطاؤه مش أنا اللي رحت الحج ورميت ولدي عند حرمته ما عنده لا امه ولا ابوه كل هذا تخطيط مين؟ الله حسيب كل واحد ويجازيه والحمد لله على رجعة ابوعلي ***** راح احجز في احلى صالون اقص شعري واصبغ وادلع عمري وحسافا على ناس محسوبين ناس وهم كائنات حية ومخلوقات غريبة خسارة على كل محاولة وعلى كل حرف وعلى وقتي اللي ضاع وأعصابي اللي تعبت. سامحوني على الإطالة ولكم شكر من القلب على تفاعلكم كنتم خير عون وخير سند حتى لما نختلف فما بالكم وانت تدعون لي كنتم رائعين.. لاعدمتكم نسيت ما اقول لكم اني شكرت ابوه قال لما ارجع من السفر نشوف باقي الأمور نفسي يرجع يلاقيني اتخطبت!! واقوله راح اتزوج بالله كلم ولدك يخلي حسن عندي خخخخخ |
حسبي الله ونعم الوكيل حسبي الله ونعم الوكيل حسبي الله ونعم الوكيل
حسبي الله و نعم الوكيل حسبي الله و نعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله و نعم الوكيل حسبي الله و نعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله و نعم الوكيل حسبي الله و نعم الوكيل حسبي الله ونعم الوكيل |
اقتباس:
الله يسعدكِ يا ام حسن ويعوضكِ خير ياااارب |
اقتباس:
يدوم الود مادام العتاب لك العتبى حتى ترضي وحقك على عيني وراسي وأنا مقصرة ليس معك فحسب بل مع الجميع فالتمسوا لي العذر دوما يا أحبة كنت منقطعة عن النت لدواعي السفر ولم أدخل إلا من ثلاث أيام تقريبا وكانت الإستشارات في انتظاري وبمجرد دخولي باشرتها أولا ثم ذهبت ركن أخبار الأعضاء لأطمئن على الجميع فأنا أقدم المشاركة الوجدانية والتفاعل مع أخبار الأعضاء على المشاركة في المواضيع بالإضافة أني لا أدخل الأقسام في الغالب وإنما اتصفح المواضيع من خلال ايقونة ((المشاركات الجديدة )) الموجودة في أعلى الصفحة لذلك لم انتبه لموضوعك كما أن النت لدي ضعيف بالأمس رأيت ردك وقمت بالرد لكن عندما أعتمد الرد يطير الرد عموما أن تصل متأخرا خيرا من ألا تصل قرأت الموضوع كامل ولم أجد ما أنصحك به فا كتفيت بالمؤازرة والدعاء ولن أنساك بدعوة في ظهر الغيب أن يقر الله عينك بابنك ويكفيك شر كل من فيه شر ويعوضك خير كل التوفيق عزيزتي أم حسن وأعطي بوسة لحسن:15: |
اختي الحبيبة الورد الحمدالله
وربي فرحت لك يارب يارب يارب مايحرمك من ابوعلي وينصرك ربي على كل ظالم قولي آآآآآآآآآآمين خوذي حسون وطلعيه واشريله لعبة وغيروا جوا وانسي كل شي:) ربك كريم ربك كريم سبحانه |
الحمدلله الذي تتم بنعمته الصالحات
|
والله تفكيره جدا غريب..وظنونه سيئه ( الله يطهر قلبه من سوء الظن )
بس خلاص ما عليج منه..اهم شي حسونه عندج ( الله يبلغج فيه خير وتشوفينه احلى عريس ) اللهم لك الحمد كما ينبغي لجلال وجهك وعظيم سلطانك اللهم ارزق ام حسن ما تتمنى وزيادة |
اقتباس:
فعلا مشكلة الظنون السيئة الله المستعان وتخليص القلب منها مش سهل اسعدت بتواصلك اختي حلم وتحقق.. كم أتفاءل بمعرفك..حلم..وتحقق!! انت فاهمتني!! اللهم آتنا في الدنيا حسنة وفي الآخرة حسنة وقنا عذاب النار.. تسلمين حبيبتي |
اقتباس:
الحمد لله الذي بنعمته تتم الصالحات ويارب يحقق أمانينا اللي فيها الخير لينا ولك ويرجع زوجك على خير بس تعليقك مقتضب .. ما اتوقعت!! أسعدت بتواصلك حبيبتي لاتنسينا من صالح دعاءك.. |
اقتباس:
صدقتي والله خرجنا وفرحنا الحمد لله راح الهم تصدقي لما انتهى الموضوع كنت من كثر التعب والخفقان اللي كنت أحس به ما كنت قادرة حتى أفرح بس الحمد لله الحين أحسن الله يحميه أبو علي البيت من غيره ظلام اليوم رحت عند انتظار الفرج كم ساعة قالت لحسن قلبت راسي ياحسن خخخخ الله يحميه بس انا اتعودت أصلا تتعبي من كثر اجلس كفاية..الخ!! أسعدت بتواصلك دعواتك أسأل الله تعالى ان يقر عينيك بالزوج الصالح والذرية الصالحة إنه سميع مجيب |
| الساعة الآن 01:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©