رد : زوجتي تطلب الطلاق وتهدد باللجوء للمحكمة
 

اخوي مافي شي اسمه ما ارتحت لك.... خاصة ان الامور كانت زينه بينكم لمدة ثلاث اسابيع...

كيف كانت معاك في فترة الملكه؟؟؟

في شي غامض... مستحيل وحده فجأه تتغير و تطلب الطلاق الا اذا صار شي... السبب اللي يعطونك اياه مب مقنع ابدا...

روح لهم البيت و اقعد قعدة رجال... شفتهم مصرين... قول لهم انا ابي زوجتي و باقي عليها و مالي رغبة في الطلاق... عندها مشكله معاي تقول لي عليها... او تراني بشوف نفسي و بخطب و بنتكم عندكم وقت ما بغت تتكلم تدلون بيتي و تعرفون رقمي.... و لا تطلق ياخوي ابد....

بعدها لا تتصل و لا ترسل لهم ابد.... و اذا ارسلت لك تطلب الطلاق طنننننش... و لا كإنك تقرا.... بعدها ب3 اسابيع انشر بين الناس انك خطبت شوف شو بيصير...

هم اذا معزمين على الطلاق فراح يروحون للمحكمه و لازم يعطون سبب مقنع ياخوي لان هذا طلاق مب لعب يهال....

و مازلت مصره على رأيي... روووح لهم البيت...*

رد : زوجتي تطلب الطلاق وتهدد باللجوء للمحكمة
 

رد : زوجتي تطلب الطلاق وتهدد باللجوء للمحكمة
 

اذا انت شايف انك ماظلمتها ولا غشيتها بشي وكان تعاملك جدا طيب معها خلال هالاسابيع فمن حقك تاخذ مهرك فقط اما غيره مالك حق وبلا طمع...
اما اذا في شي خافي وكايد والبنت مستحيه تقوله ويمكن اهلها ماودهم بتكبير الموضوع وخلاص مالقو حل الا الطلاق لانه ماله حل ثاني والله وحده اعلم وش هو هالشي ونت جالس تخيرها يارجعلو لي كل ريال دفعته بالزواجه هذي او رجعوها لي ..فثق بان الامور ماراح تمشي بالطريقه اللي كنت مفكر فيها..
واتق الله واترك بنت الناس بحالها وعدل الخلل الي فيك
بعض الرجال يسوي بلاوي الدنيا في بنت الناس بعدين يجي يسوي نفسه انه مظلوم قلبه ابيض وملعوب عليه وخسران عشان بس يركع بنت الناس له او ياخذ كل فلوسه..وولا يتمسك بالاطفال منها الا تجيب منه اطفال بالقوووووة تجيب ولا تسقطينه وليش ماتحملين وليش تسقطين عشان يلاقي شي يضغط فيه على البنت وترجع وتتحمل مشاكله ووجع راسه يعني هالسيناريو انا حفظته وفهمته وشفت عينات ماشاء الله منه ..شي يقرف ويحوم الكبد

رد : زوجتي تطلب الطلاق وتهدد باللجوء للمحكمة
 

شفتي الاستبداد الذكوري كيف يافتاه
بامكانه ياخذ مهره واثاث بيته وشقته جاهز ويرجع يتزوج بكر الابكار واحلى واحسن وافضل منها بمليون مره
ولا هو خسران شي..والمجتمع راح يتقبله وبيعطيه ولاراح يعايره بشي يعني مو خسرانين شي بس سبحان الله بعض الرجال فيهم حقد مو طبيعي على المراه..المراه راح تخسربكارتها ومالها ومستقبلها..وشايفين انها ماخسرت شي ولازم تتادب ليش تطلب الطلاق ...وهي ماطلبته الا لانها ماحست بالامان معاه ..بس هم الا مايسحقون المراه ولو بكيفهم دفنوها وهي حيه عقاب لها ليش تطلب الطلاق

رد : زوجتي تطلب الطلاق وتهدد باللجوء للمحكمة
 

رد : زوجتي تطلب الطلاق وتهدد باللجوء للمحكمة
 

والله الحمد لله إن زوجتي وأهلها قالوا بالحرف الواحد أنت إنسان ما جانا منك شي بس خلاص البنت ما تبغى تكمل معك وبدون أسباب !

رد : زوجتي تطلب الطلاق وتهدد باللجوء للمحكمة
 

أخواني صار لي كم يوم وأنا أحاول فيها بموضوع إني أجيب لها شيخ يقرأ عليها بالبيت وهي رافضة الفكرة شكلاً ومضموناً
بل مازاد الطين بلة أمس أكلمها وأقول لها قال الله وقال الرسول ترد علي وتقول أنا ما أعترف بالكلام هذا !
واللي براسي راح أسويه

رد : زوجتي تطلب الطلاق وتهدد باللجوء للمحكمة
 

رد : زوجتي تطلب الطلاق وتهدد باللجوء للمحكمة
 

شكل فيها مس ولا على الاقل تحترم قول الله وقول الرسول مو تقول كذا
اخي الفاضل تحرك بشكل عملي وجيب راقي شرعي معروف للبيت وبما ان ابوها موافق راح باذن الله يساعدك والله ان الموضوع مايخلا
سحر او حسد وعين واااااااااضح وضوح الشمس وانا قلتلك من قبل انه مو وحام الموضوع !!مافيه وحده تطلب الطلاق وتصر عليه بشكل مفاجئ كذا بين يوم وليله صارت تكرهك وتبغى الطلاق وتسعى اليه بكل ماأوتيت من قوه والمشكله مالكم غير21 يوم والله لو عيوب الدنيا كلها فيك ماتصر عليه بذا الشكل
لاتتأخر جيب الشيخ واتفق مع ابوها واصر على ذلك وحطها قدام الامر الواقع أعجبها ام لم يعجبها عاملها كأنها مريضه لاتدرك ماتفعله بنفسها
أعانك الله*

رد : زوجتي تطلب الطلاق وتهدد باللجوء للمحكمة
 

جزاك الله خير
أنا كلمت أبوها كم مرة بخصوص الشيخ وهو ما عنده مانع لكن يقول البنت رافضة وأنا كل ما أكلمها تبكي وتصرخ وتتصرف بعصبية غريبة و أنا عاجز وماني قادر أسوي شي
والبنت أنا كلمتها قبل يومين بالجوال وقالت أفكر وبعدها بكم ساعة أرسلت لي رسالة تقول انسى الموضوع وأنا سليمة وما أحتاج لا شيخ ولا غيره
والمصيبة إنها تقول مافي أسباب للطلاق لكن أنا ما أبغى أكمل معاك وتحلف وتقول والله لو ايش صار لا يكمن أتزوج بعد كذا