|
رد : مشكلتي متعبتني اريد حل
اقتباس:
ما شاء الله تبارك الرحمن حبيبتي هذا ثالث عريس يتقدم لك ما شاء الله من يوم كتبتي الموضع هذا وتقولي محد يبغاك ليش حابسه حالك بهذة الكلمة انسيها يا ماما انسيها ولا حتى تخليها تخطر في بالك محد يبغاك ليش شنو ناقصك شنو في زود عند باقي البنات عنك ما شاء الله حبيبتي انا ما اقدر اقولك اقبلي او اتركي هذا الموضوع يخصك وما اقدر اتدخل فيه له عدة عوامل منها مدى قبولك للزواج بشخص مطوع هل انتي راضيه لهذة الفكرة اولا ثانيا عنده عيال مو مشكلة لكن عياله كم اعمارهم وين هم يبي يخليك تربيهم ولا عند امهم هذة نقطة مهمة ولازم تفكري فيها تمام وليش تفكري بالمشاكل المشاكل تصير بكل مكان عادي لكن لا تخلينها تسيطر عليك بالكلمة الحلوة والطيبة تسيطري على كل القلوب بالاهتمام والحب والحنية تخليهم يحبوك مثل امهم ان تم النصيب --- الحمدلله لنا جلسة مطولة ننصح فيها وان لم يتم -شر والله صرفه عنك والي جابه لك يجيب الي احسن منه ان شاء الله ما عليك غير تخلي ايمانك بالله والزواج ماهو نهاية العالم لي عودة اخرى ان شاء الله المهم انتي لا تطولي الغياب حبيبتي وتشغليني عليك وطمنينا باخبارك ربي يحميكي ويكيتب لك الخير غاليتي |
رد : مشكلتي متعبتني اريد حل
اهليين وسهليين اختي الحبيبة والغالية على قلبي دوندرمة وشلونك عزيزتي ايش اخبارك كلامك جدا فرحني واثلج صدري وكلة تفائل ماشاء الله عليك وشلونك اخي .... رؤؤف وشلونك واش اخبارك انا الحين وصلت في الامر واهلي وامي وخواتي انة راح نعطيهم الرقم يكلمون علينا بس نعطيهم بكرة او بعد كم يوم الحرمة الي خطبتن ماحضرت المكان الي نلتقي فية ننتظرة لين تجي وشكلنا حنا بنسافر انا وامي واخواني اذا كنت ماتواصلت معكم لفترة فأنة سافرنا واذا كتبت كل شوي يعني مارحنا ...............افكر بالرقم متى نعطيها خايفة يروح الرجل مايجي احد واش اقولك يادوندرمة صديقتي مثلي مطلقة كلمتني امس تقول انا انخطبت من واحد متزوج ووافق علي على طول اول ماشافني وملكت وراح تتزوج بعد العيد فرحانة مرة مبسوطة من الفرحة والله يسعدها وعقبالي ان شاء الله يادوندرمة ادعيلي اليوم الفجر والصبح ابكي وخايفة من التجربة ..............
|
رد : مشكلتي متعبتني اريد حل
مصونات أنت مميزة عن الباقين
تدرين ليه !! سطورك تعبر عن روح نقية طاهرة يفتقدها أغلبنا هذه الروح استخيري يا مصونات وادعي ربك وتوكلي وأي شي ماتبغيه قولي لهم زي تربية الأطفال وهكذا أهم شيء الاتفاق بينكم قبل العقد .. الله يوفقك ويوفق صاحبتك .. |
رد : مشكلتي متعبتني اريد حل
فعلا سكر صدقني
مصونات من قبل ما تكتبي كلمة وحده لفت نظري اسمك النقي وبعدها كلامك الجميل .... مصونات شخبارك شمسوية عساك طيبة اشتقت لك مرة مصونات ماشاء الله انت أكيد عندك صفات جميلة وجذابة لان ماشاء الله تقدم لك 3 أشخاص يا دلوعه ماشاء الله تبارك الرحمن الله يحميك ويهنيك تستاهلين كل خير وش بنوك المفضل وطبختك المفضله؟ |
رد : مشكلتي متعبتني اريد حل
اقتباس:
قبل ما انسى اولا مبروك لصديقتك والفال لك ما شاء الله ان شاء الله وحدة تسحب الثانية :14::14: وثانية حبيبتي سفرة سعيدة ان شاء الله مقدما ويليت قبل ما تسافري بس تخبريني انك مسافرة حتى لا ينشغل بالي عليك --لان انتي تغيبي كثير والله تشغليني ولو من الحين تخبريني بموعد سفرك اكون ممنونه وكم يوم بتغيبي حتى لا تطولي علي نجي الحين نشوف اخبارك يا عسل شفتي كم وحدة الحين معجبة فيك بكثر ما انا معجبة ربي يزيد ويبارك حلو انكم ناوين تمشون بالموضوع وتعطونهم رقمكم --خطوة اولى ايجابية افهم منها انك موافقة وما عندك مانع --ربي يكتب لك الخير حلوووووووووووووووووو جدا الحين ما عليك الا ان تتفائلي بالله فقط وتسلمي الموضوع لله ان كان فيه خير لك يعجل فيه وان كان في شر واذى لك يصرفه عنك سلمي الامر لصاحب الامر --الله سبحانه وتعالى وارمي همومك عليه وربي ان شاء الله يكتب لك الي في هصالح لك في الدنيا والاخرة الحين ما نقدر نقول شي الا لما يستجد في الامر جديد فخلينا نكتفي بالدعاء فقط ربي يجبر بخاطرك ويعوض صبرك خير حبيبتي لي عودة ان شاء الله احبك في الله اختي الغالية |
رد : مشكلتي متعبتني اريد حل
مشكورات خواتي الغاليات اولهم سكر 2واختي الغالية ان ليمتد خلونا على تواصل دائما ولانقطع عن بعض .......................وحبيبت قلبي دوندرمة واخي رؤؤف .................عندي كلام ودي اقول لكم ودي افضفض .............خواتي خايفة انصدم من التجربة ايش رايكم انتم بالي تقدملي يستمر زواجي مادري كيف افكر ..............انا اشوف اهلنا الي بناتهم في حظ حلو مبسوطات ............اشرحولي كيف اساعد نفسي .............افكر بطليقي انة روحتة من بين ايديني ماعرفت احافظ على النعمة .............النقاط الي متعبتني هي ابقول لكم ..................1/كلمة تروحني وكلمة تجيبني ............2/ماني قوية امام الكلام القاسي والي يجرح ويهيين اتلخبط كلي ...............احس انة انا مخفة وكلن يلعب علي وماني شخصية قوية امام اي كلام يهزني زي الريشة اضيع انا الحين حالتي مستقرة بس مادري كيف بيصير مع زوج المستقبل خواتي يقولون ماعلينا منك ان صار مثل الاول مادري كيف افكر زين ردو علي بكل كلمة ................انتظركم بفارغ الصبر حبيباتي واخواني ...............
|
رد : مشكلتي متعبتني اريد حل
بالعكس مصونات الجميلة انت تستحقين كل شي مثل الباقي و افضل لأنك بقلب من نور
اسمعيني حبيبتي بلعب معك لعبه نشوف اقول لك كلام مؤ حلو ( مهو حقيقي) وانتي تكونين قوية وتردين علي وتدافعين عن نفسك وخلي لسانك طويل ههههههه نبدأ؟ |
رد : مشكلتي متعبتني اريد حل
ههههههههه حلوه اللعبه
يلا أنا الحكم بشوف مين لسانها أطول .. |
رد : مشكلتي متعبتني اريد حل
اقتباس:
ما قلتي لي انتي شنو رايك بالخاطب هل انتي موافقة عليه --- اشعر انك مو مقتنعه وان الكلام كله لاخواتك ما علينا منهم -- انتي عطيني رايك انتي موافقة تتزوجي الان --عندك استعداد ان ترتبطي بشخص مطوع ما شاء الله عليه ممممممم اعذرني لكن ابي اتطمن عليك مو اكثر والله بالنسبة للنقاط الي عديتيهم كلهم لهم حل وبسيطين حبيبتي اول شي فكري بكل امر يخصك ولا تشغلي نفسك بشي ما يخصك يعني اي موضوع لك فكري فيه وحاولي ما تسمعي راي احد قبل ما تفكري بالموضوع وتدرسي ايجابياته وسلبياته بكل النواحي تقدري ان تكتبي افكارك اولا -الى ان تتعودي تجري الحسابات براسك مثلا الحين بموضوع هالاخطب اكتبي على ورقه بيضاء شنو راح تستفادي من هالزواج وشنو الي راح يضايقك يعني حطي كل ما يخطر في بالك عليها اكتبي افكارك مو نقاط لا اعملي مثل المحادثة بينك وبين ذاتك وفكري بعمق بالموضوع وبعدها لخصيهم واطلعي بنتيجة انتي تعجلبك --وافقي علي الامر وتوكلي على الله وامشي فيه ما عجبتك النتيجة --توكلي على الله والغيه مثلا انا قبل ما اتزوج فكرت واجريت هالحسبة --بس براسي لان تعديت مرحلة الكتابة وشفت ان زوجي انسان مناسب لي فتوكل على الله و وافقت ويعدين لما تكتبي هالمحادثة مع نفسك اسمعي كلام الناس -اخواتك واهلك سمع مو تاثر لا يمكن عندهم نقطة غابت عن بالك شوفيهم وشوفي افكارهم ورايهم وهم ارجعي واكتبي نقاطهم بنفس الصفحة وقارني تاكد نتيجتك ولا لازم تعيدي الحسابات هذة من نايحة انك تتاثري باراء الناس في قراراتك ---------------- اما من ناحية الكلام القاسي تقدري تكتفي بقول الله يجازيك مشكورة من اصلك --او من طيبك الحمدلله الله خالقني وهو متكفل فيني او اكتفي بنظره حادة او باردة --حسب الموقف يعني سفهي المتحدث واحرجيه بانك ما رديتي عليه اما بخصوصو المستقبل ما زوجك ان شاء الله لما يصير شي ان شاء الله --اقصد لما يتم النصيب ان شاء الله لنا جلسة مطولة ونتكلم كيف تقدري تتصرفي معزوجك ان شاء الله بما يرضي الله وكيف تتعاملي مع اهله وعياله ان شاء الله وربي يكتب لك الخير و يجبر بخاطرك ويعوضك خير حبيبتي طمنيني عنك وتطمني ربك ما يضيعك ابد دام انتي مستمسكة فيه ولا تنسي الخيرة عملتي استخارة على هالخاطب ان ما عملتي --اعمليها الويم وان شاء الله خير بالتوفيق ان شاء الله وادعلي لنا معك حبيبتي |
رد : مشكلتي متعبتني اريد حل
اقتباس:
هههههه لعبة حلوة انا بلعب معاكم :17::17::17: مصونات حبيبتي امانة لما تدخلي خلينا نلعب مع الغالية ان لميتد وسكر تكون الحكم بالتوفيق حبيباتي |
| الساعة الآن 05:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©