منتدى عالم الأسرة والمجتمع - فطور ولا سحور .... شاركينا بطبق

منتدى عالم الأسرة والمجتمع (http://www.66n.com/forums/index.php)

- مطبخ المرأة (http://www.66n.com/forums/forumdisplay.php?f=81)

- - فطور ولا سحور .... شاركينا بطبق (http://www.66n.com/forums/showthread.php?t=245544)

رد : فطور ولا سحور .... شاركينا بطبق

اقتباس:

المشاركة الأصلية كتبت بواسطة دوندرمه (المشاركة 2943672)

يه يه ما شاء الله
وش هالزين كله
عليكم بالف عافية حبيبتي
تسلم يدك .......اطباقك تشهي

ما عليك امر من فضلك ودي بحلى المارس لو تكرمتي وعطيتيني طريقته
وان طرشتي لي صحن ما اقول لا ........هههه :d

ام سلطان ما ابي اتعبك ان كان فيه حليب بودرة ...لا تعبي حالك وتكتبي الوصفة عشاني ههههه

معليش دودو تأخرت عليك بوصف طريقة حلى المارس

شوفي يالغالية هو الحلى ينعمل بالمارس او السنكرس يعني بإمكانك إستبدال المارس بسنيكرس وتسمينه حلا السنكرس بدل المارس الطريقة بالبداية المقادير

1- بسكوت شاي اولكر او اي نوع
2 -علبتين قشطة
3- اربعة أكياس دريم ويب
4- ربع حبة زبدة
5- خمس حبات مارس أوسنكرس اللي تفضلينه
6- واحد كريم كراميل

طريقة التحضير
رص طبقة بسكوت شاي مبلول كطبقة اولى بالصحن وبعدين خلط كيسين دريم ويب مع حبة قشطة مع كريم كراميل بالخلاط بدون ماء وتصب على طبقة البسكوت وتوضع في الثلاجة لتبرد وتتماسك وبعدين تشيلين ربع الزبدة وحبة قشطة وتحطين معاها الخمس حبات السنكرس او المارس وتذوبينها بحمام مائي إلين ماتذوب وتستوي تحركينها بإستمرار إلين يمتزج الخليط مع بعض ويستوي وبعدين تنزلين الصحن من الثلاجة وتضيفين الخليط عليه من فوق وترجعينه يبرد بالثلاجة وبعدها تشيلين الكيسين الدريم الويب الباقية وتحطينها بالخلاط وتضيفين لها مقدار كاس صغير ماء يكون بارد جدا وتخلطينها إلين تطلع الرغوة وتحسين إن الخليط صار كثيف بعدين تضيفينه على طبقة المارس من الأعلى وتبشرين عليه شوكلاته سادة أما جلكسي او فليك ورجعيه بالثلاجة إلين يتماسك عقبها طلعيه وذوقيه مع القهوة العربية وإدعي لي معاك وأي إستفسار أنا بالخدمة .

رد : فطور ولا سحور .... شاركينا بطبق

وعندي إستفسار من البنات سمعت معلومه من زمان وأنا اسمعها يقولون إنه السمك مايصلح سحور لانه يجيب العطش مدري هي معلومة حقيقية ولا كلام الصراحة انا ماعمري تسحرت سمك خايفة من المعلومة تصير صدق لاكن وجبة الفطور نحط سمك مع إيدامات مشكلة خضار بس ماجربت السحور سمك من جربة تفيدنا بالعلم الأكيد الله يجزاها خير .

رد : فطور ولا سحور .... شاركينا بطبق

http://img834.imageshack.us/img834/4884/4v0d.jpg

عرفت اصغر حجم الصور من الجوال:14:

قطايف واصابع خولة بالحماصة بنات اختي يسموها اصابع بنات:d
وسلطة
والحمدلله

رد : فطور ولا سحور .... شاركينا بطبق

اقتباس:

المشاركة الأصلية كتبت بواسطة أم سلطان1 (المشاركة 2944690)

معلومه صحيحه ميه في الميه ‏
عن تجربه ‏:29:

رد : فطور ولا سحور .... شاركينا بطبق

اقتباس:

المشاركة الأصلية كتبت بواسطة أم الدانــــــة (المشاركة 2944656)

لا مش بسبوسة ..
هذا طبقة بسكوت دايجستف مطحون مع زبده .. وفوقه حليب محلى وجبن كيري وأضفت عليه هيرشي الكراميل وشوي نسكافيه .. وزينته بتمر .. وخليته شوي بالفرن عشان يجمد ويتماسك .. :14:

اوووووه مره لذيذه باين عليه يسلمو يالغلا

رد : فطور ولا سحور .... شاركينا بطبق

اقتباس:

المشاركة الأصلية كتبت بواسطة الشتاء الدافئ (المشاركة 2944834)

السلام عليكم

فطرة اهلي اليوم
ربي يعطيهم العافية
http://picmarkr.com/files/f2f159b9e3...9e/image_1.jpg

http://picmarkr.com/files/f2f159b9e3...9e/image_2.jpg

http://picmarkr.com/files/f2f159b9e3...9e/image_3.jpg

ما شاء الله :)

عجبتني طريقة التقديم .. مريحه خاصة للجمعات الكبيرة ... كل شيء موجود على نفس الصحن ... زيتون ولبن وكل ما تحتاجه

عليكم بالعافيه

رد : فطور ولا سحور .... شاركينا بطبق

ما شاء الله على السفرة العامرة الشتاء الدافئ
بالعافية عليكم.وتسلم الايادي

رد : فطور ولا سحور .... شاركينا بطبق

ماشاءالله عليكن كل وحدة تقول الزود عندي.
تسلم الأيادي.

رد : فطور ولا سحور .... شاركينا بطبق

اقتباس:

المشاركة الأصلية كتبت بواسطة ام محمد (المشاركة 2944817)

معلومه صحيحه ميه في الميه ‏
عن تجربه ‏:29:

هلا أم محمد وأسعد الله أوقاتك بكل خير يعني المعلومة أكيدة وعن تجربة جزاك الله خير وبارك الله فيك وتسلمين على مشاركتك .