|
رد : طلقني
ودي بالقران
ودي احد يقرا علي واقعد ابكي وابكي لين تنشف دموعي ودي بكل دمعه تطيح ارمي معها ذكراه الأليم رحمتك فيني يالله وفي بناتي احس بصداع مشتت كل اجزاء مخي اخذ اكثر من 4 بندول باليوم مافي فايده ليشششششش انا حزينه ع فرااقه ليشششش كرهت نفسي وكرهت ضعفي حقدت عليه ماخلى فيا كرامه يجيه يوم |
رد : طلقني
اقتباس:
لمسة اهدئي ولا تتصرفين تصرفات ساذجة وطايشة لها دلالات غير جيدة، لمسة أهم شي بالدنيا بناتك ثم بناتك ثم بناتك الله أنعم عليك باﻷمومة الله كان قادر يعطيك أولاد لكنه سبحانه أنعم عليك بالبنات اقرئي في أجر تربية البنات وأنهم ستر وحجاب من النار مايكفي يالمسة تطلعين من هموم الدنيا للجنة ع طول بناتك إذا أحسنت لهم وربيتيهم على مايحب الله جزائك الجنة بإذن الله، وش تبين أكثر من الجنة يالمسة،،الجنة أمل كل مسلم، وإنت ربك مهد لك طريق للجنة فلا تخسريه. لمسة ياعمري الله ابتلاك ﻷجل يختبر صبرك لا تجزعي ولا تسخطي،رددي دوما الحمد لله.،واسألي الله العوض والنصر،فهو مجيب السائلين ومغيث الداعين. |
رد : طلقني
الله يصبرك إن شالله ان فراقه خير لك من بقاءك معه
اشتري مهدئات من الصيدلية لين تتجاوزين الأزمة والله يرفع عنك ويعوضك باللي احسن منه |
رد : طلقني
لمسه شكلك تحبينه ولا ليش للحين تتفقدين ارقامه وحسابه بتويتر
في قلعة وادرين يروح بلا رجعه تنفسي بعمممممممممق وقولي لااااااااااااا اله الا الله تراها تريح القلب واسمعي مني انتي من النوع اللي يحتاج رجل بحياتها اذا جاك ابن حلال واااااااثقه ان بناتك معه بخير تزووووووووجي بيصير محرم لهم مو رجل غريب ولا شي زوج امهم محرم لهم اقول هذا بعد احساسي بأنك من النوع اللي تحتاج الرجل بحياتها وهذا مو عيب ولا حرام |
رد : طلقني
ربنا يعوضك بافضل منه باذن الله
وخلي املك بالله كبير ومن الافضل لك ان تكسبي الوقت الذي تدعين على زوجك ان تستغليه بالدعاء لك ولبناتك وقول يا هم ان لدي رب كبير ودمتي في حفظ الرحمن |
رد : طلقني
صح مكلومه صدقتي ربي ان شاء الله يرزقني الجنه
احساسي بالالم ان شاء الله تعدي هالازمه ادعولي فاطمه انتي حسيتي فيني صح احتاج لرجل وطول عمري كنت تحتاج لحنان ذكوري كنت ابي اتزوج اب قبل زوج وحتى كنت ابي اتزوجه كبير بالسن ماهمني بس امي رفضت بس مستحيل الحين يكون بحياة بناتي احد غريب مالقيت الخير بابوهم ابلقى الغريب يحن عليهم ابيهم يحسون اني ملك لهم لوحدهم محد يشاركهم فيني هذا ابسط حق لهم علي تحملوني اتعبتكم والله اني تقرا ردودكم بالليل واعيدها تخفف عني الله يخفف عنكم ويسهل امركم يارب ان شاء الله كم يوم واتحسن واوعدكم بعيش لربي وبناتي ويكفي احزان بس تعبانه تحملوني والم براسي وصدري وضلوعي |
رد : طلقني
لاحول ولاقوة الا بالله وحسبي الله ونعم الوكيل ،، حبيبتي فضفضي تحتاجين لهالشي حاليا لحتى تهدئي فخلي المنتدى واخواتك واخوانك ملاذك والكل ان شاء الله معاك ...
لاتشربي اي حبووب وحتى البندول ماراح تفيدك بالاساس وحاليا بناتك محتاجين لك ام ومربية وطاقتك اصرفيها عليهم ... لمايناموا روحي لغرفة والدتك وحطي راسك بحضنها وخليها تمسح عليك وتقرا على راسك اية الكرسي وسورة يس مع بعض الادعية ،، والله مفعوول لمسة الام وصوتها صدقيني حتى النووم بتنامين وتحسين براحة مش طبيعية بالاضافة لمفعول اية الكرسي وسورة يس ... ربي يربط على قلبك ويمسح ألمك ويقويك لتربية بناتك ويبارك اك فيهم ،، موضوع الزواج حاليا خليه لوقته وماتدرين شنوو مخبي لك الزمن من سعادة بالمستقبل ،،، |
رد : طلقني
صح ام مريم حبيبتي ابي بس اتكلم
صرت امشي واكلم نفسي فالبيت الحمدلله الحمدلله ياربي سامحني انت اهديتني اروع هديه بالوجود وواخدت مني زوج امحق زوج الله ياخذه اهم شي بناتي ان شاء الله بطلع من هالازمه ادعولي |
رد : طلقني
الله يربط على قلبك ويصبرك يالمسه ويخليلك الحلوات ويصلحهم ربي وتشوفينهم باحسن حاااال يااارب. لمسه خيره يالمسه صدقيني خيره وبتشوفين مع الايام انه شر وابعده ربي عنك. امر المؤمن كله خير تذكري هذا دايم اذا جا فبالك او مرت عليك ايامك وانتي معه.
|
رد : طلقني
|
| الساعة الآن 08:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©