|
رد: عندما تراقب و تستفز الطليقه طليقها. الأسب
الله يجمع شملكم ويهدي سركم ويصلح حالكم
|
رد: عندما تراقب و تستفز الطليقه طليقها. الأسب
كيف كنت تحمر العين ، كيف كان اسلوبك ؟
ملاحظه ان ولدكم الكبير مضغوط بينكم وصاير مرسول بينكم حاول ما تدخله بينكم وتجنبه يكون حلقة الوصل .. شي متعب لنفسيته وبيحس بعدم الاستقرار وما عاش طفولته مثل بقية الاطفال |
رد: عندما تراقب و تستفز الطليقه طليقها. الأسب
زوجتك مالها علاج عقله طفولي اذا شديت تعدلت واذا ارخيت شفت العجائب
ياخساره عمرك الي بتضيعه ع سالفه طليقتك انت رجال والنعم فيك احسم امرك والرجال كلمه ومثل ماطلقتها طلعها من حياتك نهائي والحياة حلو وبتمشي بدونه وبتنبسط بس انت اعزم امرك كثر الكلام للحريم |
رد: عندما تراقب و تستفز الطليقه طليقها. الأسب
اقتباس:
تحميير العين اقصد فيه الحزم في الأمور الهامه بعد الطلاق عشيتني في اوهام خلتني أتنازل عن شغلات وايد وصل الحال ان الضرب والكذب والتشهير بالمحاكم كله نسبته لابوها وأنها مالها شغل والكلام طلع مو صحيح. ضربتني مع اهل امها ( المتوفيه ) وصارت هوشه كبيره معاهم واتقول مالي شغل. حتى اهلي قالولي ميخالف طوف لها البنت مضغوطه وتعبانه و سفرها السنه الي فاتت 40 ولا حتى حثت الاولاد يتواصلون معاي وغيره وغيره وغيره انا اعترف ان سكوتي تفسر ضعف واستغلت هالشي للأسف بس الحمدلله الشي الوحيد الي جنيته بعد كل هالضرب ان اولادي يميلولي اكثر منها لأنهم شافوا شكثر كنت متحمل وساكت وشافوا حثي لهم بالتواصل مع امهم حتى واهما معاي. الولد الكبير هو الوسيط والسبب ان دخول اي طرف ثاني بيسبب معركه وعناد وتلقي أوامر. جربت أحط وسيط وللاسف نقل الكلام قاعد يوصل بصيغة امر واصلا هالوسيط مل وحسيت ب احراج ووقفت هالشي. مثل منتوا شايفين الولد ينقل كلام عادي مثل السفر وغيره. مافي شغلات حساسه بس اهي مستغله هالشي ونقلت كلام لجس النبض وللعلم لا زالت مستمره بسؤال الاولاد " شنو بابا قال عني هالأسبوع ؟ " وانا امطنش. |
رد: عندما تراقب و تستفز الطليقه طليقها. الأسب
اقتباس:
ينعم اب حالج يا اختي الأفضل انها انغير اسلوبها لان اولادها بدوا يطفشون تخيلي اختي ولدي الكبير يقولي يبا شرايك انقسم عطلة الصيف 3 ايام عندك و 3 ايام عند امي. حتى السفر مع امهم قالوا لها 2-3 أسابيع كافي. اولادي كشوا من اهل امها بعد الهوشه الكبيره الي حصلت واهي اتحاول أتقرب اولادي منهم بس الحمدلله اولادي رافضين |
رد: عندما تراقب و تستفز الطليقه طليقها. الأسب
لاتحكم على كل بنات بلدك من تجربتك لمرأه واحده
اصابع يدك مو سوا وبالعكس الي يتزوجون اجانب كثيير من الي حولي يكون زواجه مصيره الفشل |
رد: عندما تراقب و تستفز الطليقه طليقها. الأسب
اقتباس:
انا لما قلت الأجنبيه كنت اقصد هل نفس المرأه الخليجيه بعد؟ يا اتحمر العين يا تقلب عليك؟ بالخليج تحمير العين توجه عام للرجال ومن زمان مو توه |
رد: عندما تراقب و تستفز الطليقه طليقها. الأسب
نصيحة
اذا اردت الارتباط بغير جنسيتك فخذها مولودة و متربية ببلدك وهدا بيكون اقرب بالافكار وتقبل العادات والتقاليد والتدين بحكي من واقع تجارب |
رد: عندما تراقب و تستفز الطليقه طليقها. الأسب
بالنسبة للبتقول زواج من غير نفس الجنسية فاشل
اخطأتي اختي فكما ان اصابع يدك في بنات البلد ليست واحدة ايضا زوجات من غير نفس الجنسية ليست واحدة امامي ما يقارب اكثر من 10 تجارب من اقارب ومعارف ماشاء الله من انجح الزوجات وافضل ايضا من زوجات نفس الجنسية تبقى الصعوبة في بعض الاحيان بالغيرة المفرطة من اخوات الزوج فقط اما بقية الامور فالحمد لله غاية بالنجاح |
رد: عندما تراقب و تستفز الطليقه طليقها. الأسب
تحديث سريع
طليقتي صارت تسأل الولد الكبير " بابا شنو قال ؟ " بعد كل مكالمه بيني وبينه ( يعني كل يوم لأَنِّي يوميا اكلمه ). في السابق كان السؤال يقتصر بعد عودتهم من عندي بعد الويك ايند. رايكم ؟ |
| الساعة الآن 04:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©