|
رد: زوجتي ضربت ابني
اخوي الوحيد
الأطفال امانه عندك امانه معاك راح يعيشون براحه واطمئنان اخوي انت تقدر تتزوج مسيار او ترجع زوجتك بس في بيت اخر من غير اولادك الرجاء التركيز على مصلحة الأطفال لان ما بيدهم شيء اما الكبار فلا تخافون عليهم أتمنى تَحُطُّون نفسكم مكان الأطفال ايش تتمنو تكون حياتكم مع أبوكم لوحده والا مع زوجة أب كريهه هذي جريمه والحمد لله انها جت بسيطه ولعلها خيره لتوازن امورك أشكرك على احساس الأبوه العالي عندك الله يرزقك ويرزقنا بر ابنائنا |
رد: زوجتي ضربت ابني
أخ وحيد وش رأيك تعطيها فرصة أخيرة وترجعها hhf
نعم هي أخطأت خطأ كبير بضربها للطفلين وبعدم اتصالها عليك وسوء تصرفها بعد ذلك لكن قد يكون خوفها منك هو الذي منعها من الاتصال عليك ومن التصرف السليم أخي طالما ان هذا أول تصرف خاطئ يصدر منها وتعاملها في السابق معك ومع اطفالك كان جيد والاصابات بسيطة فما المانع من مسامحتها على ان تعاهدك بإن لاتكررها مرة أخرى والمسامح كريم |
رد: زوجتي ضربت ابني
كيف أطفالك الأن وكيف نفسياتهم ؟
قدم أجازه وأجلس معهم خصوصاً الكبير محتاج رعايه |
رد: زوجتي ضربت ابني
اذا كانت من الاول طيبه معاهم
بسبب هذا الموقف تنسى طيبتها غلط فكر شوي بالامر ولاتسمع للمحبطين |
رد: زوجتي ضربت ابني
أتمنى تجاوب على اسئله ابتسامه
فيه حلقه مفقودة ضروري اذا ناوي تردها او تتزوج ، تجعل علاقتك مع أبناءك وزوجتك علاقة ام وأولادها مبنيه ع الأدب والاحترام وانت الرجل الأساس عماد البيت.. اما يضربوها ، ويصقعوها ، الأفضل استقدم مربيه وتشرط عليها وضع كاميرات وانتهى الموضوع ياوحيد ماضيها يشفع لها كثير ... |
رد: زوجتي ضربت ابني
كل زوجات الاباء كذا وما راح اقول الا من رحم ربي لأن صدق كلهم كذا
و اللي ماهي قاسية او شريرة تكون سلطة الابناء و البنات اعلى واكبر ف تخاف منهم ........................... و ربي يحفظ لك عيالك ويعوضك ببرهم لك |
رد: زوجتي ضربت ابني
الله يعينك، وما يشوف شر ولدك..
إذا كان لها تجربة زواج سابق.. غالباً هي كانت تتصنع المثالية لأنها مرت بتجربة فاشلة.. ولما طلعوها الأطفال عن طورها بانت شخصيتها الحقيقية.. لا تستعجل في إتخاذ القرار، خل الأمور تهدأ وأسمع منها لا تغلق الأبواب.. |
رد: زوجتي ضربت ابني
ياليت تسألهم مثل ماقالوا الأعضاء
هل تعرضوا لمواقف مشابهة من قبل الشي الثاني اذا بتخليهم عند الشغالة ضروري كاميرات بالبيت راح ترتااااح جداا من تجربة وسجلهم مراكز والا برامج وقت الظهر والا العصر يسحب طاقتهم.. الاطفال عموما يحتاجون صبر وجهاد ربي يصلحهم |
رد: زوجتي ضربت ابني
حسبي الله ونعم الوكيل
..................... |
رد: زوجتي ضربت ابني
السلام عليكم معليش بس رحت للدوام اليوم الظهر ورجعت بدري واخذت العيال وطلعت فيهم نتمشى والحمدلله ناموا وهم مبسوطين وكل واحد لعبته بحضنهfdgrg
اجابه على الاسئله بخصوص انها هل ضربتهم قبل كذا لا واعتقد انها كانت كويسه معهم لانهم يحبونها والطفل مايعرف يجامل ولكن الحين كارهينها اما بخصوص كيف الكبير دافع عن الصغير اخذ جزمه وانتم بكرامه ورماها عليها وبخصوص ان ممكن طلعت عن طورها وضربته صحيح ولكن فيه فرق بين ضرب التأديب والضرب بهذا الشكل انا ابوهم وساعات اضربهم اذا اخطوا ولكن ضرب اطفال يعني على يده مثلاً لكن ماتوصل اني اعطيه كف والا اصفق به الجدار وشو هذا هذا مو تأديب ابداً اما عن ردت فعلي فـ الحقيقه الحمدلله والشكرلله الله عطاني قوة تحمل واعرف امسك نفسي زين ولكن المنظر صعب ان الواحد يتحمله وزين ان الموضوع انتهى بس على الطلاق واقسم بالله لولا جميل اخوها اللي مكتف يدي ولولا العشره وانها حرمه كان حصل مصيبه منظر يموت من القهر والولد حاط يده على راسه والدم يسيل على جبينه وبيجامته بيضا انقلبت حمرا واخوه بجنبه يبكي ولما دخلت يطالعون فيني وكأنهم يقولون وينك عنا اما عن رجعتها خلاص مالله يقسمه ابدا كيف ابي اثق فيها واتطمن عليهم معها اذا عشان قلت لها لا كل هذا سوته اجل لو قلت لها كلمه اكبر من لا وش بتسوي وبعدين انا بالنسبه لي نفسي طابت منها بعد هالسالفه وعفتها خلاص |
| الساعة الآن 10:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©