|
رد: غيرة زوجي تكاد تزهق روحي#9
اقتباس:
( ذكية وناضجة وحكيمة ) على فكرة انا كنت مثل تفكيرك هذا ( اني اكرم للي اساءني واعطيه فوق اني اعطيته فرصة للاساءة علي واستغلال طيبتي هدية فوقها بأني اترك له الجمل بما حمل) الى ان اكتشفت واقتنعت بأن تصرّفي كان قمة في السذاجة والغباء وذلك بسبب هيمنة الجانب العاطفي وقتها وما كنت اسميه بالأخلاق (اللي هو مقابل كلمة " الحب" في حالتك) الخلاصة: اعيد واكرر ماقلته لكي في موضوعك القديم ولكن بصيغه ثانية: انضجي واكبري ونمّي عقلك ومعارفك بسرعة تراكي متأخرة بمراحل عن الوضع الطبيعي وبلا حكمة زايدة (طبعاً اقصد عكس الكلمة ) قال ايش؟ اتركه + اقول له اتزوج + اعطيه فلوسي + اروح لاخواني! ولاوحدة من ماسبق تصرّف حكيم |
رد: غيرة زوجي تكاد تزهق روحي#9
وش اللي تعطيه فلوسك يسوي اللي يبيه!!دا عبط يا بنتي
حتى لو مو تعبانة فيهم. ذي تعب ابوك و حقك عشان الحياة الكريمة. و الصرف في المفيد و المعقول. ماتجيك حرة من هالكلام يابنت الحلال اذا حابة اذكرك اذكرك. عمك مقتدر و بعد عمر طويل زوجك بيورثه و يصير عنده دبل اللي عندك و انت فلوسك تنقص وقتها ما راح يقول ابوي و خاصمته وما ابغى فلوسه ههههه خذوها مثل ما تقولي الحين نعم اهديتيه حلو. ساعدتيه تمام. بس مو استنزاف حتى تخلص قريشاتك. وبيت الملك استثمار حلو. لكن اكيد زوجك بعده على موقفه بعدم تسجيل نصف البيت باسمك. اذا بعده على الموقف بلاش منها و الحق حق. زوجك ما عرفت أفسر شعوره اتجاه اخوانك. يمكن غيرة مبالغة على شوية حذّر و فشيلة منهم خايف تحتكين كثير و تقولين لهم عن موضوع سلفه منك او السيارة والله اعلم. تحتاجين لجلسة مصارحة هادئة معه مدامكم تحبون بعض |
رد: غيرة زوجي تكاد تزهق روحي#9
طيب ياخي .. انا كيف اتأكد انه طمعان .. لو تأكدت اقدر اطلع كل ريال من عينه .. بس ابي دليل ... زوجي من للنوع اللي يستحي اذا قابلت السيئه بالحسنه .. عشان كذا قلت بعطيه
|
رد: غيرة زوجي تكاد تزهق روحي#9
مسز داني ... ايه والله كلامك صحيح .. عمي عنده خير .. وبيكون معه الضعف .. طيب انا كيف اتأكد ... اسأله .. او وش اسوي ... سالفة السياره مستحيل تطلع مني لاخواني مهما صار لاني وعدته .. والبيت يببه بإسمه عشان كذا انا مطنشه الموضوع
|
رد: غيرة زوجي تكاد تزهق روحي#9
اقتباس:
اللي هي تعب الوالد الله يرحمه..وانتي وقتها ببيت اهلك تاكلين في نفسك وتجيك نفسية من القهر ...اقول امسكي بيتك وخلي الافكار والهواجيس عنك بس تصرفي بعقل واعي وحكمة مع زوجك وامسكي العصا من النص بحياتك معاه لا ضرر ولاضرار لاهو يقطعك من اهلك ولا انتي تقطعيه من اهله وفلوسك حطيها في بيت ملك باسمك او شقة تمليك حفظ لمالك من الهدر ..وضمان لك بالمستقبل |
رد: غيرة زوجي تكاد تزهق روحي#9
باسمه لما يكون دافع قيمته او حتى مشاركك فيه يكون باسمكم اثنينكم غير كذا ماله داعي التسلط في هذا الامر..خلاص اشتريه وأجريه واستفيدي من من الاجار لاتسكنين فيه معاه مادام لازم باسمه
|
رد: غيرة زوجي تكاد تزهق روحي#9
الله لا يقولها ياجرحي الدامي .. بموت من القهر .. والله مادري وش اسوي .. الحين افكر اتناقش معااه الظهر ... اذا ماطلعت بنتيجة .. بكلم عمي اللي هو ابوه .. البيت ماهو راضي يكون بإسمي .. يقول عيب باسم حرمه .. يبيه باسمه او بلاها
|
رد: غيرة زوجي تكاد تزهق روحي#9
نصيحه لك من اخت اشتري لك بيت باسمك سكن فيه الحمدلله ماسكن هو حر اجريه واستفيدي من ايجاره ممكن تحتاجينه بعد عمر طويل بدل مافلوسك تروح يمين شمال وزوجك يرتاح ويريحك لان مدام عندك فلوس بتخلص عليك انتبهي الله يسعدك
|
رد: غيرة زوجي تكاد تزهق روحي#9
ان شاء الله حطرح عليه هالفكره ياسديم بعد ماحل المشكله الاساسيه واشوف ردة فعله ... وبعدها بكلم احد من اخواني اني ابي اشتري بيت واجرها ... شكرا لكم 🌹🌹🌹
|
رد: غيرة زوجي تكاد تزهق روحي#9
مو شرط يكون سكن لك دام مب راضي الا باسمه أجريه واستفيدي من الأجار دخل لك قوليله هذا مشروع يجيني منه دخل ..
|
| الساعة الآن 05:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©