المشاركة الأصلية كتبت بواسطة mimomea (المشاركة 3507301)

يسعدلي مساكن يا اصحاب الرشاقة والروح المتفائلة
طبعا وعدتكن خبركن شو صار معي بس نزلت علبنان
اول شي الكل بلبنان من تلات سنين وعشر اشهر شافوني بوزن ال٧٤ قبل ما سافر من بعد ما زدت ٢٤ كيلو اثناء تناولي ادوية الوسواس والاكتئاب
والاكثرية شافني بالصور من بعد ما نزل وزني بس وقفت الادوية وصار وزني ٦٥ و٦٤ بس الصور شي والواقع شي تاني
وقبل ما انزل على لبنان وصل وزني بسويسرا لل٥٩
وكنت متوقعة اني زيد بلبنان شي ٦ او ٧ كيلو عالاكل لانو قلت رح استمتع مع الاهل واكل كل شي بحبه وما احرم نفسي من الاشياء اللي ما موجودة بسويسرا وخاصة اني من محبي السندويشات على انواعها واجازتي قصيرة ورح ارجع اكل من اكلي الصحي وارجع لممارسة هوايتي المشي

وبلبنان ماا باكل من عند اي حدا الا من المطاعم اللي بضيعتي او بمحيطي عند ناس بنعرفهن وموثوقين وبنعرف نظافتهن وجودة الطعام عندهن

وهيدي بعض الاكلات اللي اكلتها وبعد في صور للترويقة ان كان لحم بعجين ومناقيش الخضرة والزعتر والكفتة والسودة وفول وحمص بس مش عارفة بأي تلفون مصورتهن لانو استعملت كذا تلفون من كتر الصور هههه
بعدين بس نزل تقرير عن لبنان بنزلهن اذا الله راد

أغلب اكلي كان سندويشات تويستر وزنجر ودجاج وشاورما ومشاوي وكباب تركي وهمبرغر وسجق مع جبنة عالصاج وطبعا اللحمة المدقوقة والفراكة يوم بعد يوم اعتبرهن تحلاية
وخبز المرقوق كل يوم الصبح اكل طازة قبل الترويقة واكلات كتير مع التحلاية من كيك وايس كريم وكنافة بالجبن وحلويات للاسف البعض ما صورتها


http://www11.0zz0.com/2017/05/15/16/819858260.jpg


http://www14.0zz0.com/2017/05/15/16/140576819.jpg

http://www14.0zz0.com/2017/05/15/16/308659876.jpg

http://www14.0zz0.com/2017/05/15/16/426134978.jpg



هيدول الصور نزلتهن لتشوفوا ئديش زدت مع هيدا الاكل وئديش إفادة المشي البطيئ لحرق الدهون عالبطيئ من الجسم على المدى البعيد


المهم بس نزلت الكل اتفاجأ فيني ويقولولي كتير نحفانة عن الصور اللي كنا نشوفهن
وابتدأ مشوار اكل كل شي بحبه من سندويشات وايس كريم وحلويات يشكل يومي
وبنفس الوقت اجازتي كانت كتير قصيرة ٢٠ يوم كانوا يركضوا ركض وانا اركض معهن وضل بحركة دائمة
ولقبل ما سافر مين ما يشوفني يقلي كتير نحفانة ويستغربوا اني ما زدت بالرغم من الاكل اللي عم آكله
وطبعا بس رجعت وزنت نفسي زدت بس تلاتة كيلو وما ظهر عليي اني زايدتهن

اللي استنتجته لو كاينة عاملي ريجيم قاسي مع حرمان جسمي من كتير اشياء بشكل نهائي ان كان من السكر او الحلويات او الاجبان وانواع الكريمة والصوصات والمعجنات
كنت من اول اسبوع رح اسمن بشكل مش طبيعي
بس لأني عودت جسمي ياخد من كل شي وبشكل صحي مع تمرير بعض الايام اكل اكلات مش صحية او فيها سعرات حرارية ولو بشكل معقول


والكل بيعرف اثناء تواجدي بسويسرا ما عملت ريجيم اكل قاسي ولا حرمت نفسي وحرقت اغلب الدهون من ورا المشي وتخفيف بعض الاشياء اللي فيها سعرات حرارية عالية متل الشوكولا والمايونيز بس ما وقفتها بس قللت منها وكنت مرر تارت وايس كريم وفواكه مع كريما وعسل
بالاضافة الى اغلب ايام الاسبوع كل اكلي صحي وكتير خضار مثلا خمس ايام اكل صحي
ويومين اكل مطاعم او اي شي من برا



وحبي وفا على سيرة الايس كريم مثلا البارحة اشتهيته رحت اشتريت واحد وفيه ٢٤٠ سعرة حرارة فرحت اتمشيت انا وعم اكل الايس كريم كنت مستمتعة بأكله وبنفس الوقت عم امشي
فمشيت ساعة ونص ورجعت عملت تمارين نص ساعة
وضميري مرتاح
فهون ما حرمت نفسي وبنفس الوقت حرقت اكتر من اللي اكلتهن
ومن تجربة اللي كل مرة عم اتعلم منها اكثر واكثر
انو ما ضل على نفس المستوى بالسعرات وكميات الاكل
لانو الجسم اذا اتعود على نفس الكمية بيقل الحرق عنده
يعني مرات باكل انواع فيها سعرات اكثر ومرات اقل
ومرات بعمل ساعات رياضة اكثر ومرات اقل
والشي الوحيد اللي ما وقفته هو شرب عصير الجريب فروت كوبين او تلاتة باليوم

بالتوفيق للجميع

المشاركة الأصلية كتبت بواسطة mimomea (المشاركة 3507307)

وهيدا البارحة كان فطوري صحي فزودت جسمي بالكالسيوم والفيتامينات وحسيت بالشبع وما اخدت سعرارت حرارية عالية

http://www4.0zz0.com/2017/05/15/17/157966281.jpg


وهيدا الايس كريم اللي البارحة اكلته


http://www4.0zz0.com/2017/05/15/17/635708885.jpg

المشاركة الأصلية كتبت بواسطة مبتعثة متفائلة (المشاركة 3507309)

عوافي ميمو
بس افضى واقول لكم اخر مستجداتي
دعواتكم
ميمو ناطرين تقرير لبنان
وبنات بليز خليكون تشاركونا
وفا وميمو جد يعطوني بور قوي الله يجزاهم خير
وين البقيه

المشاركة الأصلية كتبت بواسطة مبتعثة متفائلة (المشاركة 3507325)

الي مضايقني النزول البطيء بالوزن
على اني ملتزمه بالاكل و الوجبات المققننه
ماتزيد عن الف و 200 سعره
ورياضه اكثر ايام الاسبوع
الا ان النزول بطيء

المشاركة الأصلية كتبت بواسطة مبتعثة متفائلة (المشاركة 3508664)

اليوم خبصت
لكن بكره ان شاءالله ناويه اعوض

المشاركة الأصلية كتبت بواسطة مبتعثة متفائلة (المشاركة 3509946)

فعلا رمضان شهر منيز للي يبغى ينزل وزنه
مجرد تخفيف الاكل وكثره شرب الماء وعدم الاكثار من الحلويات كفيله انها تنزل وزنك
الحمدلله احس وزني يمزل برمضان وان شاءالله ينزل بعد الاسبوعين الجايين
سمعت كلام ميموما مافي دايت
فيه اكل صحي متوازن وان شاءالله بينفع
الرياضه خفت برمضان لان الاوقات وزحمه الشوارع بس ارحت النادي
وباقي الايام اسوي رياضه خفيفه بالبيت و الحمدلله احس فيه نتيجه

المشاركة الأصلية كتبت بواسطة mimomea (المشاركة 3510092)

مسا الخير للجميع
تقبل الله منا ومنكم صالح الاعمال
الحمدلله بالرغم من طول النهار عم اقدر ساوي رياضة قبل الافطار بساعة ونص بروح عال٨ وبرجع عالتسعة او تسعة وربع لكمل تحضير
الافطار
والحمدلله الوزن نزل بعد نص كيلو بصير ٥٩ وهيدا الوزن اللي حابة ضل ثابتة عليه
ومتل ما قال الاخ الفاضل محب السنة هالشهر لازم تهذيب للنفس ونستمر لباقي الاشهر
وبارك الله فيك اخي لما تقدمه في هذا الشهر الفضيل جعله الله في ميزان حسناتك
وكتير مبسوطة الك حبي مبتعثة انك ما تحرمي حالك بس تهتمي بنوعية اكلك والكمية وتكافئي نفسك بيوم بالاسبوع مش رح يأثر ابدا

وهيدي من كم يوم انا كنت عم اتمرن عالآلات وبنتي ميامين عم تعمل كانت عالنطيطة

http://www2.0zz0.com/2017/06/12/00/292463158.jpg

المشاركة الأصلية كتبت بواسطة wa1121 (المشاركة 3510039)

صح شهر رمضان المفروض الواحد يخف كما اشار الفاضل محب السنة
لكن الاغلبية العكس لان طبيعة الاكل في هذا الشهر غالبا تكون غنية بالسعرات واصناف عديدةومتنوعة الى جانب الحلويات

كنت اظن اني زدت لكني ناقصة بكلوين
اولا لاني امشي في الساعة الذهبية لا تفوتكم وهي ساعتين قبل الافطار حيت يكون الايض في اعلى مستوياته
وارجع وانا ميتة عطش لما يؤذن اشرب كثير فما اقدر آكل
ثاني شئ المشاركة ما احب آكل وحدي الاولاد ياكلون شي خفيف ويقومون فاتبعهم
ولا ادخل المطبخ حتى السحور لاشرب قهوتي

المشاركة الأصلية كتبت بواسطة بشرى سارة (المشاركة 3511879)

السلام عليكم بنات
صراحة انا حاليا في 76كغ
والمشكله لا اكل كثيرا ولا اكل يسمن.
اما المشكلة الاكبر لم انقص ابدا في رمضان بالرغم ان اكلي قليل جدا جدا ولا اكل حلويات ولا خبز ولا فواكه الا شوية شوربة فقط 😭😭😭😭😭
ولن انزل
معناه لازملي رياضة لانو الاكل ما نزلي وزني؟
اعملولي شوية حماس حتئ اتشجع

المشاركة الأصلية كتبت بواسطة بشرى سارة (المشاركة 3511879)

السلام عليكم بنات
صراحة انا حاليا في 76كغ
والمشكله لا اكل كثيرا ولا اكل يسمن.
اما المشكلة الاكبر لم انقص ابدا في رمضان بالرغم ان اكلي قليل جدا جدا ولا اكل حلويات ولا خبز ولا فواكه الا شوية شوربة فقط 😭😭😭😭😭
ولن انزل
معناه لازملي رياضة لانو الاكل ما نزلي وزني؟
اعملولي شوية حماس حتئ اتشجع

المشاركة الأصلية كتبت بواسطة wa1121 (المشاركة 3534731)

مساء الخير للجميع ❤❤❤

ميمو مبتعثة وبقية البنات كيف اوزانكم وين صرتو
طمنوني عليكم
لما اطمن عليكم اقولكم عن حالي