منتدى عالم الأسرة والمجتمع - كوفي شوب الصبايا (٣)

ما أحب أشوفه ولا أشوفه ماسك جواله ولا أحب خلوتنا سوا
ولا أحب نجلس سوا لحالنا بدون أطفال..

واتهرب منه في كل شي يخطر على بالك

استمتع معه في طلعات مطاعم سفر ..
لانه في شخص معايا يشاركني المتعة ومحنا لحالنا،
غير كذا أتأزم

سبحان الله القلوب بيد الرحمن وكل شي ممكن يتغير ..

المشكلة فيه شي داخلي يأنبني على شعوري، بس أحس خلاص هذا الواقع

الإشراقة!

20-08-2015 10:04 AM

رد: كوفي شوب الصبايا (3)

اقتباس:

المشاركة الأصلية كتبت بواسطة مهره (المشاركة 3294225)

طبعاً فاهمتج يا إشراقة.

أنا مثلج وصلت لهالمرحلة من فترة .. وانقلبت الآية وعقب ما كنت أتمناه يرجع من الدوام صرت أتريا متى إجازته تخلص.

ومب حاسة بالذنب .. لأن شعوري الداخلي نتيجة .. وهو السبب في هالنتيجة.

اللي حاسة فيه هو الزعل على مشاعري الحلوة اللي راحت.

نفس شعوري بالزبط.

وصلت لدرجة استنى زوجته تجي، عشان يروح عندها وارتاح نفسيا.

مهره	20-08-2015 10:05 AM

رد: كوفي شوب الصبايا (3)

اقتباس:

المشاركة الأصلية كتبت بواسطة ريم الاوطان (المشاركة 3294164)

باركولي عالليسن ❤️ عقبال ما اطلعه من خزنة الباشا 💔

صباح الفل 💭

مبروك فديتج.

بس ممكن أفهم شو الفايدة بالضبط ما دامه مخشوش في الخزنة؟

kooki3

20-08-2015 10:06 AM

رد: كوفي شوب الصبايا (٣)

اقتباس:

المشاركة الأصلية كتبت بواسطة ريم الاوطان (المشاركة 3294214)

انا هنيه 💭

انا جيت اقولكن خذت ليسن بس طاف والله ما افسحكم

المهم اشراقة ممكن استكانه شاي احمر وفيه شكر ونعناع وادخل سالفتكم

مبروووووووك ابغى حل bfbfbb

الحمد لله اني مو من سكان العين hyi

ابي استكانة شاي مع فشار على سالفة زين والاكشن الي استوى الله لا يصير لش مثل ما صار لها hhر

kooki3

20-08-2015 10:10 AM

رد: كوفي شوب الصبايا (3)

اقتباس:

المشاركة الأصلية كتبت بواسطة الإشراقة! (المشاركة 3294228)

نفس شعوري بالزبط.

وصلت لدرجة استنى زوجته تجي، عشان يروح عندها وارتاح نفسيا.

اشراقه تبين رد عزابيه ffhhf

انتي استوت حياتش مثل العازبه بسبب البعد وتعودتي على هالروتين

ممكن مش غلط في زوجش بس بالنظام والروتين الي تعودتي عليه

وبصراحه الحياه ألطف من غير رجل fgn

kooki3

20-08-2015 10:12 AM

رد: كوفي شوب الصبايا (٣)

مريم اشتقت لك ddg

kooki3

20-08-2015 10:13 AM

رد: كوفي شوب الصبايا (٣)

شوك

سبيجه hhggr تسلم عليش ,,,, هالفيس ما اشتهر غير في الكوفي ttt

مهره	20-08-2015 10:17 AM

رد: كوفي شوب الصبايا (3)

اقتباس:

المشاركة الأصلية كتبت بواسطة kooki3 (المشاركة 3294230)

هاللو كوكي. jyh

أعرف لج وحدة من إحدى الإمارات الشمالية .. متزوجة وطلّعت ليسن وزوجها كان راضي وما عنده أي مشكلة.

نط أخوها وحلف إنها ما تلمس سكّان السيارة وإلا لا هو أخوها ولا يعرفها!!!!

وراح تهاوش مع زوجها على أساس كيف يسمح لها تسوق!! .. وإن سواقة الحريم قلة أدب وإحنا ما ربينا بناتنا على قلة الأدب!!!!!

وتم مقاطعهم لين أخته رضخت ووعدته إنها ما تسوق طول عمرها!!

مــريم

20-08-2015 10:17 AM

رد: كوفي شوب الصبايا (3)

اقتباس:

المشاركة الأصلية كتبت بواسطة مهره (المشاركة 3294210)

بونجور يا سكاكر. jyhfdgrg
.
.
.
مريوم .. عمرج أطول من عمري .. توني كنت باكتب لج أسألج إنتي ليش هادية زيادة عن اللزوم؟ ;)
.
.

بونجور مهورة .. nngff

متضايقة من الشغل ..
أطلع شهر وأرجع ألقى المهام الوظيفية اللي وكلتها للموظف البديل ترجع لي مثل ما هي ولا سواها ولا كملها ..
قبل شوي بعثت ايميل تقرير باللي تم انجازه واللي ماتم .. ويناديني المدير وينادي الموظف البديل ويخلينا نتواجه ويقول لي ليش تبعثين ايميل للمدرا وليش ماتجلسين مع البديل وتكلمينه مباشرة وتفهمين منه سبب التأخير ؟ ..
وألحين ندمانة إني بعثت ايميل .. ولو إن الحق معاي بس كان فيه طريقة أحسن .. بس انا ضقت من هالموظف لأن الشغل كله علي وهو مايسوي شي ..

مــريم

20-08-2015 10:20 AM

رد: كوفي شوب الصبايا (٣)

اقتباس:

المشاركة الأصلية كتبت بواسطة kooki3 (المشاركة 3294232)

مريم اشتقت لك ddg

وأنا أكثر عشوبتي .. fffsg

الساعة الآن 03:57 AM.

صفحة 159 من 2572

« الأولى

109

149