|
اقتباس:
|
ماشاء الله عليك يا اخوي احبها
مابقيت احد الا وشاورته وكل شوي واحد يقولك رأي تحاول تطبقه اخي الفاضل خليك على كلام ابوك وابوك انسان صاحب خبره وباع طويل في الحياه زوجتك اهملها واتركها عند اهلها ولا تسأل عنها زوجتك بمشيئة الله راح ترجع لك اذا سمعت كلام ابوك لا تتهور وتسوي اشياء من راسك تجيب لك العيد اصبر على نفسك وادعس على قلبك وخليهم يسوون اللي يبونه يا اخي كل الشباب يقولون لك سيبها عند اهلها ولا تتهور با اتصال او بمسج يا اخي بالعربي كذ ( من باعنا برخيص , بتراب ينباع ) لاتقولي محور حياتي ومادري ايش , انت بس اصبر وخلها شوي وصدقني انها بترجع وروح المحكمه طبيعي ولا تطلق يا اخي احرق دمهم لا يحرقون دمك احمد ربك انك تشوف ابنائك ترى مثل هالنوعيه يحبون التسلط اخي الفاضل الطلاق بيدك انت , احد بيجبرك تطلق غصب ؟ محد بيجبرك اجل استريح وشوف دراستك وشغلك ومشي نفسك طبيعي طنش , طنش , طنش الله يهديك ويصلحك |
صدقت يا أبا جوري...
|
و الله ياخوي ( أنا إمرأة ) ..
و عنيــــــــــــــــــــدة جدا ( إذا فكرت أعاند ) .. و أعندّ من زوجتك .. ( مع إني أعرف إنه العناد مرات كثيرة يُعتبر من الحماقة .. و هذا اللي يبعدني عن العناد ) و مدللة و الحمد لله عند أهلي و زوجي .. يعني ماحد يقول لي ( لأ ) .. لو بغيت أركب راسي و انجنيت مثلا .. ( بس عشان أبين لك إني أشعر بنفس أحاسيسها و تفكيرها و فاهمتها ) الفرق / إني أخاف الله ، و أكبر عقلي .. و لا لو مشيت وراء - الطيش و الهبل - كنت ضيعت حالي بنفسي .. و لإني أكره استغلال الاخرين .. و الحياة تعلم الواحد .. و ما أحب أتعامل بتصرفات طائشة و كبرت عقلي بنفسي :D بس عشان أوضح لك ، بإني أفهم تفكير المرأة العنيدة و المدللة .. يا أخي .. أول ما أتزوجت ، كانت أمي كذا .. في كل شئ تحرضني و تتدخل في أموري و حياتي من حبها و خوفها .. و كنت أسمع لها .. يعني كان ممكن أبيع زوجي عشان أمي و أهلي .. يعني الأهل بيتدخلوا ، لكن العيب في المرأة هي اللي تسمح لأهلها إنهم يأثروا عليها و لا لأ ؟؟؟؟؟ و ألحين أمي تموت في زوجي و تحبه أكثر من كل أزواج أخواتي .. يعني الشئ هذا بيد المرأة ، هي اللي تحافظ على بيتها و زوجها و لا تهدمه فلا تضع أي عيب أو أي وزر على أهلها .. و تقنع نفسك بإنها مسلوبة الإرادة .. زوجتك ليست طفلة ، و هي أم مسؤولة عن طفلين و عن بيت و زوج .. لو تبغى حياتك تستقيم ، و زوجتك ( تكبّر راسها و تعرف قيمتك ) .. اسمع كلام أبوك و خذ برأيه، و مثل ما نصحوك الأغلبية بسماع رأيه .. و الأخ أبو جوري كذلك زوجتك تستغل محبتك لها ، و لا تنسى المثل اللي يقول ( من أمن العقوبة ، أساء الأدب ) .. و زوجتك أمنت العقوبة ، لإنها تدري إنك راح تنفذ لها كل طلباتها و تلاقيها تتفاخر أمام أهلها ، بإنها استطاعت كيف تخلي زوجها ( خاتم في يدها ) <- و سامحني على كلمتي .. بس هذه نظرة بعض النساء اللي يغتروا بحالهم .. |
اقتباس:
|
اقتباس:
|
بالمناسبة للي يقولون خذ برأي والدك 000 الوالد زعلان منها ومن ابوها بشكل اكبر لانه رفض كافة محاولات الاصلاح واصبح رأي الوالد ان اطلقها لاننا بذلنا كل الجهد وحتى لو عادت فربما تتجدد المشاكل والله اعلم0
|
خلاص انت سويت اللي عليك و زيادة و ما قدامك الا انك تنتظر الجلسة ونشوف ايش يصير وتراك في الحالتين كسبان ~~~~~ اذا رجعت لك كسبت لم شمل اسرتك واذا تم الطلاق كسبت راحة بالك من انسانة ما وراها الا البحث عن المشاكل ولا تخلي لومك على اهلها وبس تراها مو صغيرة عشان اهلها يفرو لها مخها زوجتك على ابواب الثلاثين يعني في قمة نضجها والمفروض مثل ما هي تسوي حيل كثيرة عشان ترضي اهلها زي الشريحة اللي طلعتها عشان تكلم خالها المفروض انها تسوي حيل على اهلها عشان ترجع لك وتقنع اهلها بعدم الطلاق وبكذا تكون ارضت الطرفين
من وجهة نظري الشخصية اشوف انه زوجتك شايفتك زوج طيب لكن فيك عيوب مو عاجبتها واعتقد انها شايفتك متسلط يعني من الاخير تبغى تمشيك على كيفها وبحكم ان عماتها في منهم مطلقات فهي مستهينة بالموضوع وشايفة انو الطلاق امر عادي وفي الاخير اسال الله ان يوفقك دنيا واخرة ويسددك للطريق الصحيح ويقدر لك اللي فيه الخير لك ولعيالك ولا تغيب عنا ترانا متابعين موضوعك للاخير |
يا خوي بصراحه أنا أنقهرت من تصرفك لأنك بديت ضعيف جدا قدامها
هذا ماهو حب أبدا أسمع نصيحتي ياخوي وسيبك منها اتصل عليها وخليك حازم معاها وقول لها هي كلمتين وما حأرجع فيها اذا تبيني وتبغين تعيشين معايا ارجعي بيتك وإذا ما تبغي انا بطلقك وبتزوج وحده ثانيه والله يستر عليكي بين لها انك تعبت من الامر وتبغى تنهيه ومو من يوم تقلك اعطيني فلوس ارجعلك تقول طيب لا تعطيها ولا قرش طلقها واعطيها النفقه ترى كلها الف او الفين يعني ما تفرق معاك ما شاء الله عليك والله يزيدك ويبارك في فلوسك والاولاد ما عندك مشكله معاهم لانك مشغول في عملك ودراستك يعني تبغى تقلي انك حتقعد معاهم كل دقيقه وكل ساعه ؟؟؟؟؟ خلهم عند أمهم وزورهم كل اسبوع مره او مرتين وجبلهم العاب وخرجهم للحدايق والمنتزهات ولعبهم وبس لا اكثر واهتم بزوجتك الثانيه وان شاء الله تعوض عليك الي عانيته مع زوجتك ولا تنسى تقلها الكلمه دي خل أهلك ينفعونك وانتي مطلقه نصيحه ياخوي انت طيب وبتحبها وما تبغى تطلقها وثاني شي ما عندك مشكلة في الفلوس تعطي على طول هاذي أسباب ضعفك أتخلص منها وخلك حازم وشوف كيف تتغير الأوضاع على فكرة وقت ما قالتلك حتى لو تكتب الفيلا بإسمي ما حأرجع هي تبغاك تكتبها باسمها وحتقلك انا أتنازلت المره دي وعلى فكره لو رجعت المشاكل ما حتوقف أبدا ولا تحلم نصيحتي لك اتركها وطلقها وتزوج وحده ثانيه من قلت البنات في الدنيا شوف الدنيا حولك وشوف البنات حولينك كلهم يتمنونك حتى ولو بالاحلام البنت ما تحبك ولو تحبك كان ما عملت كل هذا فيك هاذي تبي فلوسك بس الحق عمرك انت لسه شباب والعمرقدامك والف بنت تتمناك ما احب الطلاق لكن الاستغلال واضح جدا والطمع والجشع واضحين جدا الواحد يقول اخطب اهل البنت قبل لا تخطب البنت شفلك ناس طيبين وعلى نياتهم وتزوج البنت الي تحطك فوق راسها وتتمناك مبسوط فكر زين وسيبك كلام الحب وما الحب هذا الي حيضيعك وسيبك تصرف الذل والمسكنه اللي بتظهره لها وخلك عزيز نفس قوي شخصية واكرر كلامي والله هذا ماهو حب والله هذا ماهو حب الحب الي اذا قلت لزوجتك تراني زعلان تحاول تراضيك بشتى الوسائل وما تحب تشوفك ذليل او منكسر أبدا أقول ياخوي لا يلعبون عليك اللي ما يبغاك أرميه بالجزمه العفنه أولادك في الصون والحفظ يتربون عند أمهم ومستحيل تضرهم والنفقه سهله جدا بالنسبه لك وريح بالك وعيش عمرك ياخوي بلا هم وبلا وجع راس |
اقتباس:
|
| الساعة الآن 10:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©