رد : الاخوان الافاضل abo marym و khaled boss و مارد الجنوب و المتفائل بالل
 

السلام عليكم ورحمة الله تعالى وبركاته

انا فخور جداً فيج يا اختي ، ومبسوط من كلامج ، ومن المرحلة اللي وصلتيلها
محد يخليني بحالة نشوة تفائلية كثرج يا اختي.

والله العظيم انج ترفعين الراس

الله يوفقج يارب العالمين ويسرلج امورج كلها.

واذا احتجتي اي شي تعالي هنا وحاورينا وناقشينا (ترى صرنا نفرح بالقراءة لج)
والدعوة اللي وعدتج فيها بإذن واحد احد بوفي فيها.

ماودي اطلع من المتصفح من كثر فرحتي فيج.
الله يسعدج يارب.

رد : الاخوان الافاضل abo marym و khaled boss و مارد الجنوب و المتفائل بالل
 

وعليكم السلام ورحمة الله وبركاته

اللهم آمييييييين
ولك مثل دعواتك وأكثرررر
الله يسعدك ويوفقك وييسر لك كل امورك
مثل ما فرحتني بهذا الرد

المرحله اللي وصلت لها ما كنت راح اوصل لها ولا أقررب منها لولا الله ثم أنتم
على كثر خوفي منك ومن مواجهتك (بالسابق) .. الا اني ماندمت وتأكدت اني خذت القرار الصحيح
كنت لي نعم الاخ (ومازلت) والسند

بستمر على كل شيء قلتوه لي
وان شاء الله بعد كم يوم برجع واكتب

الله يهدي كل مسلم ويرجعه لطريق الصواب
ويفرج هموم المسلمين يارب
ويحسون بالراحه مثل ما انا احسها الحين

رد : الاخوان الافاضل abo marym و khaled boss و مارد الجنوب و المتفائل بالل
 

السلام عليكم ورحمة الله وبركاته

للتوضيح ..
انا طلبت من الادارة الكريمه حذف اخر مشكلة لي
لانها بتفاصيلها اللي ذكرتها حاليا ولو فصلت اكثر بعد راح تكشف هويتي او ع الاقل محيطي
عشان كذا فضلت اشيل هالجزء .. لاني تجاوزت الصفحات الماضيه
ونسيتها ومحد يدري عنها ..

شكرا لكم .. قريت نصايحكم وعرفت وش اسوي بالمشكله هذا
وان شاء الله انها هينه .. دعواتكم

وارجو منكم عدم ذكر تفاصيل المشكله السابقه للاهميه
الله يجزاكم خير

الاخت عصاميه
 

السلام عليكم ورحمة الله وبركاته

انا اعتذر اولا منك عصاميه لاني عارفه بظروفك وانشغالك
ويمكن مو ناقصه لحمل اضافي
لكني اخترتك بكل ثقه -مع ان هذا موضوعي- لاني عارفه انك اكثر شخص ممكن يساعدني بالموضوع هذا واختياري ما كان وليد اللحظه
كنت افكر من زمان افتح معك موضوع لكن ظليت أاجل عشان اعالج امور اخرى
ولاني ما كنت اعتبر هالموضوع مشكلة لي لحد ما بديت اتخلص من امور

اذا عندك وقت واكيد ان ما راح يأثر على حياتك او ظروفك بكتب
واذا انتي مضغوطه او مو مستعده
ابد مافيه زعل او احراج .. بس خبريني .. مابي ازيد انشغالاتك
وراح نتكلم بوقت ثاني =)

رد : الاخت عصاميه
 

عزيزتي

انا معاك .. و يارب اكون عند حسن الظن ..
و لو اقدر اساعدك بشي بسيط.. يسعدني ذلك

رد : الاخت عصاميه
 

شكرا لك غاليتي
ومقدره لك مساعدتي وسماعي واخذي من وقتك

مثل ما قلت لك
هذي الفكره كانت ببالي من فتره .. لكني اجلتها مرات ومرات
وابدا ما ترددت في اختيارك .. لانك انتي من زمان اثرتي فيني بدون قصد منك
وذكرت لك هالشيء في احد مواضيعك السابقه
كنت اتعمد اقرا مواضيعك وردودك تعطيني قوة ماشاء الله عليك
في عزيمتك وثقتك بالله اولا وبنفسك وثباتك على مبادئك
ماشاء الله لا قوة الا بالله

حتى لو انتي من داخلك شيء ثاني ..
اقصد انك تضعفين وتصير لك اشياء وووو
كلنا بشر وكلنا لنا طاقة استيعاب
لكن فيك شيء لمسته منك دائما والله يثبتك ولا يغير عليك
الا وهو ثقتك بالله .. مهما اشتد عليك الظرف ابد ماتفقدين الثقه

مثلتي لي "قدوة" -اقدر اسميها- في طريقة تعاملك (عموما)
وثقتك بنفسك انك راح تتجاوزين بإذن الله اي شيء

لاني بجد هذا الشيء اللي افتقده ويأثر على حياتي لدرجة كبيرة
لان الشيء الصغير اذا عطيته اهتمام يكبر
وانا غذيت من داخلي شعور الخوف وعدم الثقه .. وتقريبا صار عندي وسواس خوف
اخاف من كل شي .. وابدا ماعندي ثقه بنفسي او اي احد

كنت اعتقد ان الموضوع هذا احسه من قريب
لكني يوم جلست افكر بيني وبين نفسي .. هالشيء فيني من ايام طفولتي
حتى لو اني امثل للناس الثقه بالنفس والثبات
لكني من داخلي شخصيه مهزوزه بالحيل وابدا مو مستقره

تصدقين والله
مع اني شخصيه اجتماعيه جدا .. والحمدلله محبوبه وسط اهلي وصديقاتي
غالبا اكون محاطه بناس .. واتكلم (مو من النوع الهادئ والسكات)
احب اسووولف واضحك ..
المفروض هذا الشيء يعزز شخصيتي وثقتي .. لكن انا العكس

طولت عليك صح
قلت اعطيك مقدمه للموضوع واطرح عليك اسئلتي
وبعدين بذكر لك مواقف واشياء من شخصيتي وطفولتي لحد اليوم
تعطيك فكره عن وضعي وأزمتي بس ما بطول عليك الحين
وبعد بعطيك الصفات السلبيه اللي عززت فيني هالشي
او يمكن تكون هي نتيجة "الثقه بالنفس"

شاكره لك وقتك وجهدك
وسامحيني بثقل عليك

رد : الاخت عصاميه
 

لا تقولي ثقلتي علي.. بالعكس ..


ماراح احاول اقاطعك كثير ..
عشان لاأشتتك .. لكن متابعة معاك ..

.
.

: )

افتكر ردك .. مانسيته عزيزتي : )
و اتشرف بمتابعتك و اختيارك لي..

و يارب أقدر افيدك..
بس ترى انا قاسية على نفسي مرات

خذي مني اللي يناسبك
و اتركي اللي مايناسبك

متابعة معاك ^^

رد : الاخت عصاميه
 

اول شيء واهم شيء حابة تساعديني فيه

كيف أقوي ثقتي بالله ؟؟ كيف يعني ؟؟
انا سألت هالسؤال مليون مرة هنا وبرا وعلى نفسي
عارفه وش يعني الثقه بالله .. وعارفه وش بحس لو وثقت بالله حق الثقة
لكن للحين مو فاهمه .. او عقلي مو قادر يستوعب كيف يقوي الثقة بالله ؟
اسمع محاضرات مثلا !! اقرا مثلا !! مانفعني
اتفق معك ومع اللي قال كذا .. لكن انا اللي اعرفه ان الثقه بالله هو امر حسي من داخلي
بكون انا من داخلي مرتاحه وخلاااااااااااص متأكده ان الشيء بيد الله

طيب انا مسلمه بقول مؤمنه بالله
ادري ان كل شيء بيد الله وكل شيء قضاء وقدر وعلي التسليم لحكمة الله والرضا التام
عارفه كل هالكلام ومصدقته واعرفه من داخلي
لكن مو عارفه كيف اطبقه على نفسي
انا لما يصير لي شي اقول توكلت على الله وواثقه بالله
لكني احسه كلام .. ما احس ان من داخلي مرتاحه
للحين ناقصني ثقه بالله
كيف اغرس من داخلي هالشي

تعبت وانا ابي ادل الطريق
انتي يمكن عارفه نبذة عن حياتي السابقه
وانا فعلا تغيرت وامووووور كثيره فيني تغيرت
علاقتي مع ربي تحسنت .. وصرت مرتاحه كثيييير الحمدلله
لكن .. للحين ماعندي ثقة (استغفر الله ما اقصد ان ما اثق بالله .. اقصد اني ما وصلت لمرحلة اني اوكل كل شيء لربي وانا مرتاحه بدون ما اخاف)

في الفتره هذي .. والله امر بخوووف اقدر اسميه هاجس من شدته
اخاف اخاف من اي شي او اي موقف
انا لو بس اوكل امري لربي كنت بصير مرتاحه وتنحل كل اموري وكل شيء خايفه منه
لكن كيف !!

رد : الاخت عصاميه
 

شكررررا لك ولسعة صدرك يا غاليه

بالعكس قسوتك على نفسك
واتمنى قسوتك علي بعد
حتى لو انها تضرنا مرات .. بس الاغلب هي اللي تساعدنا نصير اقوى ونتغلب على كل شيء

بذكر لك كل اللي ببالي
واسمحي لي مخي مشتت ما اعرف ارتب افكاري
كلما اتذكر شيء بكتبه بدون ترتيب
لانها يمكن تساعدك تفهمين الوضع اكثر وتخلصني من ترسبات الموضوع

رد : الاخت عصاميه
 

طيب شوفي .. انت مشكلتك نفس مشكلة زوجي
لو قدرت اساعدك .. فراح اساعده

لاني فتحت معاه مرة الموضوع هذا و سألته ؟
انت تحس بمعنى و طعم انه ( ربي ) معاك ..

قال لي لا ..

.
.

وترى ماقصدت اني قاسية على حالي يعني قاسية عليك :)
بس طاقتك لازم تستمديها من داخلك.. مو من اللي حوالينكو رأيهم فيك
مو مشكلة طنشي النقطة هذه.. بنرجع لها بعدين

.
.

بس انا بأقرأ .. و احتاج اني افكر بكلامك
و اجي ارد و بالي صافي

فلا تحسبي اني ماني متابعة معاك لاني يوميا بأدحل

بس شوفي حتى موضوعي مادخلت رديت لانه بالي مايكون صافي وقتها : )