منتدى عالم الأسرة والمجتمع - علاقتي بصديقتي دمرت زواجي

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - علاقتي بصديقتي دمرت زواجي (http://www.66n.com/forums/showthread.php?t=259477)

رد: علاقتي بصديقتي دمرت زواجي

مافي كلمه ممكن تعبر عن وضعي الى احس اني جسد بدون روح الحمدلله على كل حال كان عندي امل يخليني ابتسم كل يوم وفجاه مات حتى هالامل اللهم لا اعتراض .

رد: علاقتي بصديقتي دمرت زواجي

متى أنسى ابغى اعيش خايفه من كل شيء ماقدر أقول وش احس فيه هالحين غير اني تعبانه بس والله راضيه بكل شيء من رب العالمين بس تعرفون شيء يخلي هالالم يروح بس ابغى اعيش والله هذا الي ابيه .

رد: علاقتي بصديقتي دمرت زواجي

الافضل انه صارحك علشان تفوقي لنفسك ويطلع من بالك وقلبك
بالنسبه للالم من الحزن والصدمه شي طبيعي مع الايام يخف تدريجي حتى يتلاشى باذن الله
اكثري من الدعاء بالعوض والاستغفار والتسبيح ودعاء الهم والحزن
وقراءة سورة يوسف تخفف الحزن باذن الله فهي نزلت على رسول الله بعام الحزن الذي فقد فيه عمه وزوجته

رد: علاقتي بصديقتي دمرت زواجي

توجهي لربنا و انسي خلاص ..
الذنب الي عملتوه كبير .. و تقربي من ربنا

خلاص ابو بنتك .. قالها لك بصراحة
و قطع اي أمل للعودة له ..

و كذا افضل عشان لا تعيشي على اوهام و احلام و خيالات

رد: علاقتي بصديقتي دمرت زواجي

اذكري الله وتصدقي والله راح تحسي براحه عجيبه
وكل ماحزنتي افتحي القران واقري والله راح ترتاحي

رد: علاقتي بصديقتي دمرت زواجي

الحمدلله اولاً واخيراً
أستعيني بربك بالصلاة والاستغفار .. وأن يزيح مافي قلبك من ألم ..
والحمدلله الاهم انه أقل شي انه ما يقصر على" بنته" ..حتى ما تتعبين أكثر ..

رد: علاقتي بصديقتي دمرت زواجي

الله يفرج همك..

وكلي أمرك لله, وهو سيدبر أمرك بحوله تعالى..

لآ تعلمي أين الخير
ربما ما حدث لك خيرة وأنت لا تعلمين..
وربما يريد الله سبحانة أن يردك أليه وتتوبي فحدث لك هذا..
أنظري للموضوع من زاوية إيجابية..

لا تعلقي أملك على طليقك, أنشغلي بنفسك وبنتك..
وفقك الله

رد: علاقتي بصديقتي دمرت زواجي

اللي عليك سويتيه..

خلاص.. ما لك إلا ترضي بالمكتوب لك.. ولعله خير لك..

إن تراجع وغير راية فالحمد لله.. وإن بقى على راية فالله يعوضك خير..
...
..
.

رد: علاقتي بصديقتي دمرت زواجي

من أول متابعة قصتك
انا نفسك تطلقت وانا حامل بسبب وحامي وتدخل اهله بينا
بس الفرق أن طليقك يسأل عن بنته ويصرف عليها بس انا لا لآ شافها ولا سأل ولاصرف

بعد الطلاق قالها لي بكل صراحة
وسبحان الله نفس كلام طليقك
قال ((أقسم بالله وبعزته وبجلالة لو ابغى أرجعك كان رجعتك من زمان لاكن الي بينا ماضي وانتهى واذا عندك أمل في الرجعه اقطعيه اقسم بلله مارجعك والبنت حلال عليك
اقطعي اتصالاتك ورسائلك ))

مافقدت الأمل واستمريت على الدعاء والأستغفار وسورة البقرة
وطنشته لمدة شهرين بعدها رجع يتكلم معاي ويقول ودي أرجعك ووووو لاكن حسبي الله ونعم الوكيل على اهله يوصلون له كلام ماصار ويقولون له تراها تتكلم عنك عند اهلها يمين الله ماذكرته إلا بكل خير
مو لأن ماعنده أخطأ وعيوب لا بس مابغى أكبر الموضوع وابغى ارجع له

نصيحة مني من اخت جربت وعاشت نفس وضعك وحاسه فيك
(طنشيه )اذا حس انك طنشتيه ب يخاف انك بعتيه واستغنيتي عنه
ورمضان ذلحين جاي أدعي أن الله يهديه ويرده لك
واحمدي ربك كثير انه يسأل عن بنته ويصرف عليها
وش تقولين عني أموت الف مرة في اليوم من كثر مافكر في بنتي ومستقبلها ووش اقولها اذا سألتني عن أبوها
أحمدي ربك أن أهل طليقك يسألون عنك وعن البنت انا ماسلمت من إخوانه حتى مع أن ربي شاهد قد ايش احسنت لهم ويوم تعبت من حملي وتعبت نفسيتي نسيو جميلي وتذكرو سيئاتي
أحمدي ربك انا وصلت لمرحلة أبيع ذهبي عشان أقضي للبنت مع أن ابوي مايقصر بس والله صعبة اطلبه
صرت أحرم نفسي من أشياء كثيرة عشان ماينقص البنت شئ

لاكن ماقول غير الله يجعله يتمنى ريحة الضنا مايلقاه ويشوفون حوبتي وحوبة البنت ماتتعداه لاهو ولا اهله ويحرق قلبهم على بناتهم

شفتي كيف مصيبتك أهون
أحمدي ربك الف مرة

رد: علاقتي بصديقتي دمرت زواجي

اقتباس:

المشاركة الأصلية كتبت بواسطة ام ألين (المشاركة 3263750)

الحمدلله رب العالمين اكيد كلكم تنتظرون جديد موضوعي لله مااعطى ولله ما اخذ من فتره ارسل له صورها دايم واكتب عليها نفس اول الا انه ارسل لي كلام يموت من كثر مايجرح قالي انتي تسوين كذا عشان نرجع مارديت عليه وبعدها قال انا كنت طيب وغبي لما سامحتك ومن سابع المستحيلات نرجع والله لا يقولها ارجع لك او اسأل عنك وبنتي ماراح اقصر عليها وكلام واجد قد مايجرح احس اني باقي مصدومه منه بالاخير قالي لا تعبين نفسك ولانتكلم بشيء خلاص انتهى قر ما انا مصدومه من رده فعله قد ما قلبي يقول الحمدلله على كل حال قلتلك بس ابي بنتنا تعيش بينا قالي ولا باحلامك انا ارجع لك وهذه مشكلتك وشيء راجعلك اذا بتحلمين واجد مافي كلمه اقدر اقولها غير ان كلامه كان أقوى من السكين الي يطعن فيني والله عاملته بالحسنى بس خلاص هذا رده أهانني بمعنى الكلمه ولا قدر اي شيء . تتوقعون وش الي ممكن اسويه عشان يخفف الالم الي احس فيه هالحين ويخليني أتنفس طبيعي .

كنتي منتظره هالسكين ... والكلمتين هذي فوقتش

ولا تعلقين بحبال ذايبه ... الله يعوضش